2. 銀芽洗淨瀝乾去頭尾備用。
3. 燒熱油鑊爆香薑蓉和蒜蓉，下黃鱔絲大火快手炒熟灒酒，下生抽、老抽、雞粉和糖調味兜勻，試味後盛起。
4. 再燒熱油鑊下銀芽爆炒一下，黃鱔絲回鑊快手兜勻，勾粟粉水芡上碟。
5. 燒滾少許麻油，灒在鱔糊上即成，吃時再隨自己喜好可灑上胡椒粉。
NOTE
- 炒鱔絲一定要快手先會彈牙，所以一定要大火爆炒!
煮得太耐鱔肉會變淋架! - 上海菜一向主張濃油赤醬~ 炒鱔糊靠老抽上色且要多糖，而生抽 + 雞粉就用來平衡甜味。
真係發夢都無唸過竟然可以喺英國食到依味餸!!!!!!! 由細到大食親上海菜都必定要點鱔糊!
有時見到網友自己整鱔糊真係羨慕死我!!! 但依度有鬼黃鱔賣咩......
洋人國家無鮮活既黃鱔賣我絕對理解，所以有雪藏貨我已經感激不盡!
(果日喺中英行見到依包雪藏黃鱔，開心到我跳起!
)
請問雪藏黃鱔又要點處理呢？
回覆刪除[版主回覆10/12/2010 23:25:00]徹底溶雪後同生鮮黃鱔既處理方法一樣~
正! 送飯一流
回覆刪除[版主回覆10/12/2010 23:24:00]淨係鱔糊 + 熱辣辣白飯已經夠哂嘞!
嘩...好正呀!!配埋碗熱辣辣白飯,何其美味
回覆刪除[版主回覆10/12/2010 23:24:00]真係好鬼正! 好鬼開心因為已經好鬼耐無食過~~~~
好惹味咁wo
回覆刪除[版主回覆10/12/2010 23:23:00]咪鱔糊咁既味囉!
我至愛既餸呀...我去上海飯店食飯一定會叫呢味餸的.....
回覆刪除下次一定要跟你方法整才得
最後想問...你honey 敢食咩?
[版主回覆10/12/2010 23:23:00]依味都係我去食上海野最鍾意既菜!
佢食魚架! 點解唔敢食呀? 依個又無骨啱哂佢呀~
最初睇到，都覺得奇怪，連黃鱔都有得買??
回覆刪除我都好耐無食過黃鱔啦! 黃鱔整煲仔飯都好好味!
[版主回覆10/13/2010 16:50:00]雖然只係雪藏，不過有得賣我都覺得奇怪! 因為應該唔係好多人會買來食~
未食過黃鱔煲仔飯，唔知咩味!
靚女, 你在哪裡買架? 我都是同道中人. 前兩日也想起這個餸.
回覆刪除[版主回覆10/13/2010 16:48:00]妳係咪住喺Glasgow 架? (我唔記得妳有無同我提過妳住邊?)
我喺中英行買既!
我勁鍾意食鱔糊, 但我亞媽唔會整, 佢話好多功夫怕麻煩喎..... 所以我好耐冇食過喇...... 睇到我
回覆刪除[版主回覆10/13/2010 16:47:00]咁處理黃鱔係幾麻煩既! 所以V媽媽都未試過自己整~ 如果我依邊出街有得食，我唸我都唔會自己整!
嘩正呀 ! 去上海飯店通常都叫這味餸的 , 但自己唔識煮妳真叻 , 有機會都試吓煮 .
回覆刪除[版主回覆10/13/2010 16:46:00]如果我住喺香港既話，出街周圍都有得食，我唔會自己煮! 因為都幾麻煩~
我去開上海舖一定食呢味... 多謝你教我點做
回覆刪除[版主回覆10/13/2010 16:45:00]唔洗客氣~ 鱔糊係好多人食上海菜必點既菜，學識自己整都好架!
我去食上海菜間中都會叫呢味
回覆刪除[版主回覆10/14/2010 01:44:00]我食親上海菜都一定會點依味!
我住在英國南面 Hampshire,
回覆刪除[版主回覆10/14/2010 01:44:00]咁妳睇吓妳果頭中式超市硬櫃有無得賣!
你好叻呀...香港買到新鮮又方便既送.. 我都係一星期整1-2次咁大把咋.. 仲要係超簡單果隻..因為收左工都已經好累喇...
回覆刪除[版主回覆10/14/2010 16:47:00]其實我都唔係日日煮架.........
餸飯一流呀. 流哂口水添
回覆刪除[版主回覆10/14/2010 23:30:00]鱔糊有汁，用來送熱辣辣白飯真係好正!
嘻嘻..我平時今黎睇好少留言~~唔好意思~ 我想話你知呢...LONDON BILLINGGATE FISH MARKET有新鮮鱔賣架~~你地O個邊有冇魚市場~???
回覆刪除[版主回覆10/16/2010 00:07:00]我認得妳! 妳之前留過一兩次言既~
我依邊有魚市場(妳係咪講緊投標拍賣果種?)，N年前我跟朋友去過一次，記憶中d魚幾平! 不過好耐都無去過咯~
倫敦有fresh eel 賣唔出奇吖! 倫敦人興食jellied eel 嘛，我依邊都有新鮮白鱔賣! 不過整鱔糊要用黃鱔果喎，我唸妳所指既鮮鱔應該係白鱔而唔係黃鱔~
鱔糊好味呀!!!不過屋企真係唔會整依d呀~ 出親街食上海o野必嗌~~~~~
回覆刪除[版主回覆10/17/2010 01:39:00]如果我住喺香港，我都唔會自己整鱔糊! 不過依度出街都無得食，要食唯有自己整~
我都鍾意E個,不過唔敢擋.我覺得E個幾好味
回覆刪除[版主回覆08/10/2011 23:56:00]街市買黃鱔會幫妳劏埋架嘛，返到屋企切絲就搞掂啦!