間中會有人問我: 妳讀咁多書都唔出來工作，唔覺得好浪費咩?
我唔排除問既人當中有部份會陰謀論地認為 - 小妹所謂出國留學只係掛名，因為讀書唔成所以搵到飯票就結婚......
(就算係又吹咩! 
)不過查實小妹從小到大成績尚算不俗~ 而且我曾經都有一個好有大志既"我的志願" - 律師! 律師係我既第一志願; 第二志願係家庭主婦~
人小時候思想總係比較單純......細個睇電視見親法庭打官司，著住黑袍笠假髮果種大狀伸張正義，為受害人討公道; 為被冤枉既人還個清白......我直頭覺得依個世界無任何一個職業比律師更有型!
(其實應該只限大狀先啱! 細個時唔識分，一律只理解為"律師"......
)人大個咗就不再單純......殘酷既事實令我知道做律師既唔一定係好人! 就算係好人，好多時都身不由己要做違背自己良心既事.......
題外話 - 我認識一位只需坐office 唔洗上庭果種事務律師仔，佢就經常利用自己專業知識搵著數，手法近乎無恥!!
老實講 - 我真係好睇佢唔起!! 
回正題 - 就係咁~ 今日既我實現咗自己第二志願!
我既讀書生涯由幼稚園講起......
嘻嘻~~~ 幼稚園係得咁多咋! (搵到都已經好好嘞~ 我相信無幾多個好似我咁既中女仲保留住幼稚園成績表!! 哈哈~~~~
)到小學嘞......我係"風之后"李麗珊既師妹!! 哈哈~~~~
一年級
)二年級
三年級
所以我得到分別得到2份大禮 - 鋼琴一座 + 北海道白雪之旅~
P.S. 我讀小學時係讀下午班既，但上午班有位姓許既"女高人" - 整整6年小學，上下學期都包辦全班 + 全級第1名，完全無人能夠超越佢!!
四年級
)
五年級
雖然成績表唔列，不過老師會照排 - 我考第2名!
六年級
我依咋野之前全部係由V媽媽保管既! 唯獨六年級成績表唔知去咗邊?
)
之前年年我都被老師選出有份參加既班際中、英文朗誦比賽 - 無錯~ 所有班際比賽都係老師選人，並非學生主動參加，而且每逢我出賽，都幾乎一定得獎!!
不過六年級時老師問我 - 介唔介意退位讓賢比其他同學仔嘗試參與? (咁事實上咁多年來的確好似係我一個玩哂......
)拔...班際故事演講比賽老師選咗我喎，我仲得到第1名~
再拔...係有原因既!
因為六年級既班際故事演講比賽，演講內容係一篇畢業生致謝演講詞~ 老師就係從依個比賽中揀人選，喺畢業典禮中代表所有畢業致謝詞!
我攞咗第1名...咁上台致謝詞果個畢業生代表當然係我啦!
V爸爸、V媽媽 + V婆婆當晚都有出席我既小學畢業禮~ V媽媽話當主持老師介紹我上台致謝詞時，後面有位學生講咗句: 唓~ 又係佢!
雖然我小學成績 + 學術方面都唔錯......
我小學每年舉行既運動會，有個好勁既名叫做"文武雙全競技大會"......
除咗一般學校運動會既項目，當中仲有一d運動 + 學術混合既比賽 e.g. 鬥快完成造句拼圖，跑去一站接力比另一位同學.....之類~
所以雖然我運動唔掂，不過我都會有份參與 - "文"果邊
，不過都係要幾位同學一齊合作既班際項目!
)成績好但運動唔掂，
)小學四年級開始學鋼琴......
因為我小學時同V婆婆住長洲，但我座鋼琴喺V媽媽屋企，每星期只練到一次琴所以老師唔建議我考琴 (因為無得日日練習~)
直至小學畢業搬返去同V爸爸 + V媽媽一齊住，轉咗鋼琴老師先第一次考琴試......
其實老師話我可以報3級既! 不過我未考過琴試怕死~~~
所以老師話報2級比我試吓......
(1年後再考4級攞咗個Pass!
)
唔記得係四年級定五年級時，老師選咗出來送去當年喺日本舉行既國際繪畫比賽，所以"Home Sweet Home"依個名係老師改既!
不過最終無獲任何獎項，所以作品由日本送返來 (幅畫搭過飛機遊過埠架!!)，老師話日本當地評審比咗少少評語.......
畫面太工整上色太小心易易，似係一個大人刻意模仿小朋友手筆畫出來! (唔係吓哇!?!?
點都好啦~ 依幅畫我仲保留到今日，因為實在太好笑嘞........
電視擺喺果個位完全唔對路! 哇哈哈~~~~~
同場加映......Mr.T 小學照 (又擺Mr.T 上枱!
)
點解我要紅圈圈住個鬼仔呢?
因為尋晚我攞張相出來scan 時，老公指住依個鬼仔同我講......
紅圈右邊果個係Mr T ?? (因為得一個似中國人既男孩)
回覆刪除[版主回覆10/01/2010 20:47:00]哇哈哈哈哈~~~~~~ 緊係 唔係 啦!!!!!
其實尋晚老公叫咗我 - pls make sure 妳d網友唔好以為果個肥仔係我來!
其實之前都有好多人以為Mr.T 係混血兒! (不過我唔多覺!)
錯咗! 再估過~~~~
111111111第一
回覆刪除[版主回覆10/01/2010 20:48:00]
Miss 下面嗰個係 Mr T?? 個樣有啲似女仔~~ 你舞蹈組嗰張... 唔會係左邊第一個啩.... 你細個啲成績好好呀... 我十名都未入過...
回覆刪除[版主回覆10/01/2010 21:26:00]叻叻! 得嘞~ 得嘞~ 唔洗次次我post 親Mr.T d相都強調佢似女仔嘞! 跳舞果張左邊第一個 - 全中! 莊主妳幾鬼好眼喎!
我小學成績好，但中學唔好呢! (因為我唔鍾意我間中學!!) 不過到咗大學又變返好~
遲左添.......
回覆刪除V女真係利害....細細個已經無敵(在專長項目)...最難得是可以留到那麼多無價寶( 細個資料)......真係無得頂呀......
[版主回覆10/01/2010 21:23:00]比妳霸咗個第一啦! 唔好咁貪心~
我個人念舊嘛! 所以咪咩都唔捨得揼囉......
說了又說，你不做工，你不闷吗？？，你好像还没有小朋友？？
回覆刪除我之前也是没做工的，不过女儿Y2了， 在Y1时就找了part-time， 一天做4个钟，还可以。工作后，有自己的朋友，在加上和老公聊天时可以聊到工作所发生的东西。觉得还不错。
[版主回覆10/01/2010 21:22:00]悶唔悶 - 係可以自己調較既! 妳唔見我每晚只係煮2個人飯咩? 好明顯我地未有小朋友~
每個人選擇都唔同! 我唔工作唔代表我無朋友 + 無野同老公傾~
今次真係影相...影返黎.....Mrs. T好受歡迎...能夠霸到個第一, 一D 都唔簡單...好開心呀.....
回覆刪除能夠達成心願....真的好難得....律師就真真唔係妳杯茶, 因為妳係開有正義感的人義氣仔女, 對不公義的事真的會用腦, 伸張正義 (所以律師警察之千萬不要做).......有空間能力做一個好好 家庭主婦亦是好多人一生的大志呀.........
紅圈右邊果個係Mr T---->我差d都估錯
回覆刪除我就好啦有留返咁多細個讀書既回憶,好彩我都有一張幼稚園返學既相
[版主回覆10/01/2010 22:01:00]有無搞錯呀? 咪見係中國人就話係Mr.T 先得架! 果個肥仔對眼咁細!! (其實肥仔係我朋友來!! )
話時話個肥仔都幾cute 咁梗係冇Mr.T咁靚仔啦
回覆刪除[版主回覆10/01/2010 23:06:00]erm........妳而家見到個肥仔，應該唔會再話佢cute!
我都成日俾人話我讀咁多書唔出去做野蹝左(真係唔知係有心定唔抵得)
回覆刪除嘩哈哈...同我一樣,我由細到大都唔鐘意PE堂,考試次次都好屎...記得有次要考來回跑時我對腳唔知點解突然冇力,成個人就咁...pk左,所以體育真係我心中既痛
妳幅畫真係 日本人一睇就知啦,有乜理由如果大人代畫既話,電視機係要果個方向架
[版主回覆10/01/2010 23:05:00]其實做家庭主婦都無咩野令人唔抵得! 不過有好多女人真係好奇怪 - 自己結咗婚要返工就呻好辛苦; 不過佢地遇著做家庭主婦既人，就會扮到一副日理萬機狀懶係好有事業心咁問人: 妳唔悶既咩? 真係任佢地噏......
我體育真係好咋! 跑得唔快跳得唔遠~ 不過我小學時運動好得既同學仔，大部份成績都好差!
唔係呀!!! 係班日本人話我幅畫畫得太整齊，係佢地話似大人刻意扮細路畫呀! 唔係我老師講架~
個電視擺成咁，因為係假既! 我屋企都唔係咁既!
我覺得讀得書多都未必一定要做野姐，搵個愛錫自已及家人既老公，比起做律師難百萬倍啦....係咪？hahahaha Mr. T小時候既解剖牛眼事件，令我記起讀中學時，解剖老鼠事件，個時一人一隻白老鼠，其中一個男同學既老鼠就特別肥大，未解剖時大家都以為呢隻野都係過肥而已，點知一開肚，一家大細就走晒出來，大家就圍住起哄，有d男同學就作嘔，反而d女同學就好大膽咁左篤右篤....諗起都毛管起
回覆刪除[版主回覆10/02/2010 02:44:00]其實每個人選擇都唔同啫~ 無特定話工作定做家庭主婦邊樣好d! 應該係邊樣最適合自己先啱!!
哇~ 妳講依單仲核突過Mr.T 講果單牛眼!!! 咁隻老鼠肚裡面果咋老鼠仔係生定死架? 我就咁聽妳講都覺得好核突......
you're very "ging"!! still keeping all those reports...... I just have my diploma from college....other than that, nothing!!!
回覆刪除你好犀利呀!! 又保留到咁多野,又keep 得好好啵... 最難得, 你同你既 伴娘可以keep 到咁耐友誼... 講真,我覺得做好呢份"家庭主婦" 仲難過打份工.... 所以生完我既女之後, 就更加要快快返工做野... 可以避開d唔想做既野嘛...
回覆刪除[版主回覆10/02/2010 02:38:00]伴娘既嫲嫲同我婆婆係街坊街里，我地未讀幼稚園已經識架嘞! 真係識足一世咁滯! 我除咗幼稚園，我地仲一齊讀小學呢~
我鍾意煮野食! (直情係愛!!!!)，我好享受家庭生活，所以我好enjoy 做家庭主婦~
MR.T 係咪中間果行右邊第一個 ?
回覆刪除[版主回覆10/02/2010 02:34:00]中! 有無偷睇樓下網友答案架?
我都差D以為紅圈隔離個個肥仔就係MR T呀
回覆刪除第一眼就已經覺得係似啦XDDD點知原來唔係.
我又係由細到大PE都唔係幾好.
不過呢排為左健康著想,成日都要走去做GYM減下磅咁啦
[版主回覆10/02/2010 02:48:00]我覺得根本完全唔似! 個肥仔喺中間位又係中國人，所以個個都只見到個肥仔? 叫得你地估邊有易成咁吖?
原來大家都係在長洲大，咁我係妳幼稚園師姐吧！^^
回覆刪除[版主回覆10/02/2010 05:52:00]係? 又會咁鬼啱既! 哈哈~~~~ 未必架 - 可能我係妳幼稚園師姐來架! 咁小學妳係咪都喺長洲讀架?
hehe...我早妳d啫！不過我就係聖心讀完小學，then 升中到玫瑰崗！
回覆刪除我都有張b'day pic，個setting同妳張係一模一樣，我仲記得d紅雞蛋...playground完全無變過！
相裡面黃衫果個惡屎能登嘅黃主任，佢係第一個令我有童年陰影嘅人，惡得交關呀！
[版主回覆10/02/2010 06:31:00]OIC! 因為V媽媽喺國民讀小學，所以果時咁計分我就去咗國民，我伴娘都係咁上下情況，所以我地都係同一間小學!
咁妳而家返香港時仲會唔會返長洲架? V婆婆仲係住喺長洲，所以我每次返香港都仲有返去~
果個playground 有架死人鐵架搖搖船，真係好鬼危險! 一個唔覺意叉親腳就拗柴!! (我啱啱先留意到個生日會setting 竟然插咗札菊花...... )
睇來佢真係令妳好有陰影喎! 因為我已經完全唔記得相裡面所有老師係乜水......
嘩!妳D成績表keep得好齊全呀! 我果D都唔知道去哂邊囉!
回覆刪除[版主回覆10/02/2010 20:20:00]之前係V媽媽幫我keep 架嘛! 不過都唔齊啊~
你讀書好叻吖。。。 我 ＰＥ 簡直係白痴。。。 你仲 ＫＥＥＰ 得你 Ｄ 成績表好好。。。 我 Ｄ 都唔知媽咪收咗去邊。。。
回覆刪除[版主回覆10/02/2010 20:20:00]過獎嘞~ 細個時靠小聰明過骨啫!
我PE真係好差! 所以今時今日我都唔做運動~
噫!!!原來我同你係同年架
回覆刪除[版主回覆10/02/2010 20:19:00]嘻~ 原來都有幾多扑友同我同年果喎!
高材生!!! 我連幼稚園的相片 / 成績表什麼都被媽媽/爸爸丟了, 由於搬屋和小時候都沒有打算保留,所以............所以我都會儲起囝囝幼稚園(今年小一,)的成績表、手冊、相片等...有時都會取出相片回顧幼稚園的同學和老師。
回覆刪除生活只要你們兩夫妻開心幸福, 何必理其他人說那些單打說話呢！
[版主回覆10/02/2010 20:17:00]我唔係一直都高材生架! 我讀書生涯都有高有低.....成績都試過好差架~
妳真係一個有計劃既媽媽~ 由而家開始儲囝囝既生活既一點一滴，將來妳或囝囝睇返會好開心架! (仲會好好笑! )
嘻嘻~~~ 我一向都唔理單打既說話! 有料既人講說話，就算係明串我，都會講得直接唔需要單打~ 單打既人多數都係二打六，比佢地睇得起都唔見得應該高興.......
嘩~幼稚園高班手冊妳仲keep住, 而且, 保存得好好呀~~~還有, 妳的讀書成績很好呢
回覆刪除睇番細個時及少年時讀書既資料, 的確帶回不少童年回憶
[版主回覆10/02/2010 20:11:00]幼稚園得一本咋，而且小學果d都唔一齊......不過都係多得V媽媽保管得好啫~
細個時成績好，有好有唔好啦! 成績好老師就特別鍚，咁其他同學仔咪唔老黎囉.......
無錯呀！最重要係選擇自已認為適合的路，其他人點睇，就當佢癈"up" lor... 呢班老鼠仔都全部上晒天堂架啦！個場面真係好核突嫁，到而家十幾年後都仲記得，真係難忘既"童年回憶"...呀！
回覆刪除[版主回覆10/02/2010 20:09:00]哈哈~~~ 基本上我一向都係唔理其他人講乜既! 我老公都未出聲話我，幾時輪到佢地比說話我聽呀?
哎呀~ 真係好慘呀班老鼠仔! 就咁睇妳講都想像到真係好核突.....
好難得你以前的成績仲保存得這麼齊全, 我都只係保存了成績表而已. 以前都唔係好明你為什麼要留在家做主婦, 睇完你呢篇Blog就理解你的選擇. 因為有條件選擇的話, 當然會選自己最喜歡的事情去做, 正如我也選擇現在當全職媽媽一樣.
回覆刪除[版主回覆10/02/2010 18:38:00]之前係V媽媽幫我保管，但其實都係唔齊!
其實根本都無咩要唔明點解我留喺家做主婦~ 結咗婚無出來工作未有小朋友既家庭主婦大有人在，唔止我一個! 每個人選擇都唔同，無咩出奇~
我果d都唔知道去哂邊囉
回覆刪除[版主回覆10/02/2010 18:34:00]我都係得咁多咋! 都唔齊~
haha,of course u are a 中女la, because u are a "蜜運中的少女"ma...
回覆刪除[版主回覆10/02/2010 18:26:00]im a 中女, not a 少女......
嘩。。。你地好有心機保存D兒時回憶呀！
回覆刪除你真係我地幼小年代個D模范生/人版！我幼少年代係個平庸既中级生，所以唔敢同模范生做朋友架（模范生都唔會同我呢D低班馬玩），而家識到一個你，真榮幸！
[版主回覆10/02/2010 19:40:00]其實都係唔齊呀! 不過保留到咁多都好~
細個時就係因為讀書叻，所以成日比人蝦架! 以前d"靚"仔大部份唔鍾意同成績好既人玩......
我都係讀國民嫁, 不過不同年代le...hehe...
回覆刪除[版主回覆10/02/2010 19:58:00]當然唔會讀親國民既都係同一個年代啦!
" 不過有好多女人真係好奇怪 - 自己結咗婚要返工就呻好辛苦; 不過佢地遇著做家庭主婦既人，就會扮到一副日理萬機狀懶係好有事業心咁問人: 妳唔悶既咩?" 真係好中呀!!!!!! 至搞笑就係有次我同我朋友食飯, 其中一個朋友帶埋佢男朋友黎, 佢男朋友一知道我係家庭主婦, 就猛問我, 你唔悶架咩? 你老公一個人頂起頭家, 唔辛苦架? 咁你平時係屋企有咩做呀? 煮飯煮d咩送呀? 有冇煮鮑魚果d呀? (佢既態度, 好似係家庭主婦, 唔煮d九大鬼野食, 就係係屋企無所事事咁! 好鬼串!) 一大堆好似審犯咁審我! 我費事我fd難做, 起初都應下佢, 之後佢越問越過份, 好似查家宅咁, 我心諗, 我係屋企做咩, 甚至乎咩都唔做, 等我老公服侍我, 都係我屋企既事, 我老公鐘意咪得囉, 關你叉事呀! 真係未見過d咁煩既男人!
回覆刪除[版主回覆10/02/2010 20:51:00]果咋扮哂好有事業心既八婆若真係咁日理萬機，就唔得閒理我悶唔悶啦! 真正有成功事業既女人根本唔會問埋d咁無聊既問題，因為佢地唔需要人地既肯定，所以唔洗踩人抬高自己!
妳朋友個男朋友仲衰過d八婆喎! 其實佢係咪想比個下馬威妳朋友咋? (即係佢女友!) 佢只係妳朋友既男友，又唔係妳既朋友~ 就算大家係朋友，問d咁既野都老土啦! 我會問返佢一句: 洗唔洗我喺屋企做過咩，寫個時間表比你?
我都唔做運動架仲要係憎添吖。。。 最多都係 ＹＯＧＡ。。。 仲要而家冬天都唔想做。。。！！！
回覆刪除[版主回覆10/03/2010 06:15:00]Yoga 都係運動來吖~ 不過我未試過!
爸媽無做酒家我估有20年la~~
回覆刪除做家庭主婦係一個好respectable嘅工作，我都掛住呢個名多年喇...好似妳咁日日花心機煮咁多餸兼要寫blog點會悶呢？最緊要老公同自己覺得開心便是，who cares what others say!!
能夠做一個令老公&兒女開心嘅家庭主婦係一個幸福嘅女人。
繼續努力...Mrs. T
[版主回覆10/03/2010 06:14:00]
OIC! 咁等我問吓V媽媽先~ 咁其實係咪即係擺燈酒果間啫?
其實我完全唔需要人地respect 我家庭主婦依個身份~ 只要老公appreciate 就得嘞!!
Wow... , speechless!!
回覆刪除[版主回覆10/03/2010 06:07:00]
Thanks Reader!
My mom's family is from Cheung Chau too...but I didn't live in Cheung Chau before I immigrated to Canada...I wonder if your family in Cheung Chau knows my family...ahahha...
回覆刪除[版主回覆10/03/2010 17:45:00]i lived with my grandma and aunt in Cheung Chau until i finished primary school. then i moved back with my parents in Kowloon.
yes my grandma is still living in Cheung Chau~ i go visit her every time i go back to HK.
owl 頭 擺燈酒? haha...我都矇查查, 唔知妳講緊邊間?!
回覆刪除唔係東湾呀...係山頂道！
Right! 最緊要hubby鐘意就得喇！
[版主回覆10/03/2010 17:35:00]咦......妳竟然唔知燈酒係乜??? 不過我唸妳爸爸媽媽應該會知!
梳喱~ 我唔知山頂道喺邊.......
仲有呀... 香港家陣60%女人人工高過男人( 另一半), 我就反而覺得不是好現像; 好多人 d 仔女同老公都交哂比工人, 代價係自己成曰10點後先返屋企, 根本冇咗家庭生活, 自己又捱到捱到殘, 變哂樣.....。
回覆刪除我覺得大家係時間反思點解女人要咁博了?? 為生計?? 為改善生活, 提高將來一家人生活質素?? 現實係...... 錯哂!!! 我眼見好多家庭因為女人出去" 日理萬機"做女強人 ,擔起屋企70% 收入, d老公冇皇管, d仔女又冇人嚴教 ( d 工人唔會做, 佢哋亦唔會聽 ) 功課好快追唔上, 一日打機上網....卒之係仔女大個咗..., 老公玩多咗... 冇得再比佢哋理....
我個人認為女人畢業後拼博10年-15年全力工作揾錢係最理想嘅 , 跟住退下來 嫁人, 相夫教子 , 首先自已又有積蓄, 其次又識扮靚, 咁嘅主婦又唔同講法喎!! 我都有d 朋友40歲前做咗以上嘅嘢...., 佢哋d家庭真係開心好多!! 我就未得住, 不過唸住45歲前退休!
[版主回覆10/03/2010 17:33:00]咁其實每個人價值觀都唔一樣既! 現實的確有妳所講果種日理萬機賺好多錢但忽略咗家庭既已婚女性 (但我相信單身既會比較多!) 我唔會去話係對或錯，因為我自己點認為只係以我自己價值觀 + 睇法去做標準~
我相信每個人應該用自己價值觀去衡量 + 取捨最適合自己既做法! 或者果種女強人覺得事業比到佢地更大成功感呢!
my mom's family has a watch shop in Cheung Chau..but not sure if you know it or not...it's called "Golden City" (The Chinese name is just the direct translation of that)
回覆刪除[版主回覆10/04/2010 02:29:00]i dont recall it! i think i have to ask V mama abt it~ is the shop still in business?
你細個的成績真係好"標青"! 十項全能!! 其實做家庭主婦才是最艱難, 最崇高的職業!! 最主要你自己做得開心!!
回覆刪除[版主回覆10/04/2010 02:26:00]過獎嘞Ada! 細個時讀書靠小聰明既啫~
家庭主婦 + 事業女強人都同樣崇高，只係每個人際遇或選擇行既路唔同，根本互相無抵觸~ 我可以做自己鍾意既野，每日生活得開心滿足，唔明d無聊人會有乜野睇唔起喎?
其實我都有d覺得, 佢咁樣串我, 係想比個姿態佢女友睇, 佢唔欣賞身邊既女人做家庭主婦, 你都咪洗旨意!! 甚至, 當時我覺得, 佢係有少少代我老公教訓我, 登我老公辛苦既feel~ 佢真係好鬼八婆! 未見過d男人好似佢咁煩架! 仲要話我, 煮餐飯洗唔洗個幾鐘呀! 我話買埋送, 洗洗切切, 差唔多啦! (好明顯又一個, 睇過下tv煮送節目就以為全世界c9都係有人買埋洗埋切埋服侍埋既人啦!) 真係擔心我個fd第時同佢結左婚, 佢會比我老公更大男人.....
回覆刪除[版主回覆10/04/2010 02:20:00]真係無野好講......代妳老公教訓妳? 佢邊位呀? 除咗妳老公之外，根本無人有資格喺依個issue 上阿之阿左! 慘得過妳老公制呀，吹咩? 要擺姿態比自己女友睇咪擺到夠，但唔該唔好搵人來過橋! 真係好笑， 幾時輪到佢來教訓妳呀??
嫁比依種外表大男人，但內裡小男人到不得了既八婆男真係不幸......
yes it is! it is still open for business as we speak...yes, you should ask your mom about it...
回覆刪除[版主回覆10/04/2010 20:23:00]im going back to HK this month, i may able to check it myself!
嘩!!你全部都保存得咁好呀!!
回覆刪除[版主回覆10/04/2010 20:22:00]之前係V媽媽幫我保管~
You really clever and pretty. Your hubby got you as his wife. He is a blessed man.
回覆刪除My thinking is you are young, pretty as well as clever. It is a wasted to stay at home rather than to build up your career. Because I can tell you will be an outstanding employee to your boss.
[版主回覆10/06/2010 06:41:00]being a "housewife", it doesnt mean that i only stay at home the whole day! (if that's what you think, you are so wrong!) doing housework, cooking meals, looking after my husband......it doesnt mean that i dont have to use my brain.
im glad and very proud to be a housewife! apart from my housewife duties, i have time to learn new things, to do whatever i want - i dont see how that is a waste? clearly you and me have different views.......
in the real world, whether you have a successful career, and whether you are smart or not - they are totally unrelated!
im a control freak~ if i wanted to have my own career, i would like to be a boss rather than an employee - i can tell i wont be a good employee! however i cant stand stupid people, so i dont think i could be a good boss either.....thus i better stay to be a housewife then!
咪就係囉!! 我都好想同佢講 "阿生, 你邊位呀?" 呢D完全係我同我老公2個人之間既事! 又唔係食佢著佢住佢既! 關佢叉事呀! 莫講話佢只係我朋友既男友, 即使親如我父母, 我6299都冇立場係度阿之阿左啦! 定係見我老公鍚我寵我, 唔抵得呀!! 最近我朋友同我講, 佢地下年結婚啦! (BUT一路冇聽佢講話散左... SO... 應該係會嫁比呢個八婆小氣大男人(好長既一串名啊!!) 希望, 希望經過左呢幾年, 佢唔會再咁幼稚啦......
回覆刪除[版主回覆10/04/2010 19:55:00]妳老公當時唔在場咩? 比在我老公見到有個咁既人問長問短，我未出招我老公已經出咗聲先嘞~
祝妳朋友好運啦! 希望八婆男真係有所進步~
律師係我既第一志願; 第二志願係家庭主婦~ 好句....... 唔做第一都可以做第二志願......... 其實, 做人開開心心便ok架.....
回覆刪除[版主回覆10/04/2010 19:54:00]做人得果幾十年命仔當然要開心啦!
我老公當時唔在場啊~~ 我老公在場, 省左佢九世啦! 我本來諗住同d fd食下飯吹下水之麻, 3個女人堆, 無叉啦啦個8婆男又跟埋黎~ 成餐飯食得勁唔自在! (加上仲要好似比佢審犯咁審!)
回覆刪除[版主回覆10/04/2010 20:47:00]吓???? 女人堆食飯得佢一個男人跟埋來?????? 佢一定好得閒定嘞......
我諗係無聊得好緊要!! 我同d朋友既吹水大會, 我老公都唔會跟去啦! 佢寧願送我去到目的地, 然後自己去搵d野做, 都唔會坐係度聽我地吹水, 真係好得閒咩! 可能個8婆男都知道自己不太受歡迎, 自此之後我就冇再見過佢啦~
回覆刪除我體育都好差，不過好多女仔都係咁，反而男仔係體育方面會叻Ｄ
回覆刪除每個人都有自己既長處，你既成績好過好多人，而且我見到有好多１００分，又拎獎狀，我都好似只係得一張
我個仔幼稚園既成績都幾好，又係好多個Ａ，不過愈大就愈差，Ｄ野深左，又難怪既
[版主回覆10/07/2010 01:26:00]都未必既~ 好似我伴娘咁，佢就係成績又好，體育又得既女仔嘞! 佢果時跑步好快，成日攞賽跑獎~
你呀... 真係品學兼優, 抵V爸V媽咁錫你呀 , 我細個讀書成績唔好, 永遠是考中中挺挺 , 得過且過囉...
回覆刪除[版主回覆10/07/2010 01:25:00]其實細個成績咁好，係有少少被人蝦出來架! d同學仔見我成績好老師鍚就會妒忌 + 蝦我~ 但我又唔衰得咪再讀叻d激佢地囉!
嘩，您keep得好齊全!
回覆刪除[版主回覆10/07/2010 16:36:00]唔齊呀! 低班、中班、小學六年級 - 都唔知去哂邊?
我小時侯既志願都係做煮飯婆喎....但你叻過我...你實現到..而我就實現吾到 因為現在份工係我未識我老公前已開始做...無理由放棄架...放棄會吾見好多錢錢架...
回覆刪除我都識一個朋友係做律師既...."律師"喎...聽就好聽呀...但發覺呢啲人完全好無仁義道德....表面懶好人..但原來係是非精就真....
[版主回覆10/08/2010 20:07:00]妳做神探喎唔好咩?
我位所謂律師朋友真係好難頂! 去餐廳食野人地出餐耐少少，佢食完餐飯話要寫信投訴人地服務唔好!! 服務唔好咪唔好再去囉，投咩訴啫.....
佢租樓退租時業主要收返少少手續費，佢竟然連續幾日來回email 咗人地幾十次，下下撻自己律師個朵出來，我唸人地唔係怕佢係律師，只係怕佢煩，最終妥協無收到手續費......好心佢啦咁少錢! 真係佢先做得出.....
無意中見到你個BLOG，睇睇下發現原來你同我一樣係長洲人，好 surprise !!!
回覆刪除[版主回覆10/09/2010 23:18:00]我唔知算唔算長洲人? 因為我小學畢業後就搬返出九龍住嘞~
靚女...恭喜新居入伙.....好掛住妳呀....妳寫敢好多字只手唔痛咩????~~~~~~
回覆刪除[版主回覆10/13/2011 05:55:14]靚婆婆~ 依篇網誌係舊年架嘞! 妳回應既時候我升緊級，啱啱升到依篇! 我打字手唔會痛架，以前大學時做功課閒閒地打一萬幾千字，一篇網誌濕濕碎啦!