鵝肝潤腸滑雞煲仔飯 & 白灼小棠菜
廚房5個食物櫃已經爆哂棚好耐!
好多時攞完野，要好似砌俄羅斯方塊咁慢慢砌返好先關到櫃門......
令我意識到 - 我係時候清緊d存貨嘞!!
開封後更覺得怪 - 麵條類似蕎麥麵咁灰灰地色，
但灰得來又帶微微綠色......幾核突!喺雪櫃摷到2條腸 + 半個椰菜，快手整咗個10分鐘都唔洗既炒麵......
所謂既莞茜蒜蓉口味 - 完全一d都食唔出! 搵笨~~~~~
好好醜醜又一餐~ 志在趁返香港前依段時間，盡量清下囤積既大堆食物!
罐頭都有唔少喎......
依個鹹牛肉蛋治係我喺香港既中學時代經常去屋企樓下快餐店食既早餐!
重點係 - 鹹牛肉一定要炒香熱辣辣先好味果喎!
由細到大我都只愛潤腸不愛臘腸!
以前Mr.T 只會食臘腸，聽到個"潤"字掂都唔掂潤腸......
V媽媽知道我鍾意食潤腸，老公鍾意食臘腸 - 每年寄野比我時就索性潤腸臘腸兩樣都寄哂來! 搞到冰格塞到爆哂棚!!!!!
但我真係完全唔鍾意臘腸，所以好少整來食~ 而每次整親臘味，都要就佢整埋臘腸......
終於有次我忍唔住問Mr.T: 乜你唔覺得臘腸硬"屹屹"咩? 加埋我威迫利誘下氹Mr.T 試吓鵝肝潤腸，出乎意料之外Mr.T 竟然話: 係喎! 依種好味過臘腸喎!!
就係咁，我成功改變咗Mr.T 口味
，叫V媽媽以後只寄潤腸，唔洗再寄臘腸!不過99根本唔知老公既口味已經改變咗 - 所以佢幾乎每次返親香港，返到來都會醒大大包榮華臘腸過我......
鵝肝潤腸滑雞煲仔飯食譜click here~
天氣凍凍地食煲仔飯真係好正呀 !!!!!!!! V女要快的清埋的貨 咁返黎香港可以入貨帶番去UK ^^
回覆刪除[版主回覆10/28/2010 20:45:00]返香港入貨 <//// 我正有此意!
仲有一個月時間比我清貨，但有5個櫃.......盡人事啦!
所以我唔喺妳返香港前寄貨仔俾妳係岩既(其實係自己懶pack )睇怕妳真係有排清喎,5個櫃...
回覆刪除就咁睇真係唔知d麵係綠喎,經妳改良後令我有d想食佢
[版主回覆10/28/2010 22:07:00]5個櫃塞到爆哂，返香港前緊係清唔哂啦! 加上我去完倫敦應該會好有收穫! 所以都係盡人事架咋~
果包麵真係好核突! 我唸係因為有莞茜，所以綠綠地囉!
喂~ 係喎! 請問柳丁醬油點用架? 味道同普通醬油有乜分別架??
冬天食煲仔飯就最岩啦~
回覆刪除[版主回覆10/28/2010 21:59:00]係呀~ 熱辣辣加埋大大塊飯焦不知幾有風味!
柳丁醬油??依個我真係唔知喎,台灣野黎架??我未用過呀...唔通醬油加左柳丁(橙)
回覆刪除定係佢可以用黎醃野架呢?因為之前我醃野BBQ有落橙汁,唔知係咪咁用呢...妳依個問題問到我我都問出一堆問題添
[版主回覆10/28/2010 22:34:00]叫得"橙"做柳丁，當然係台灣野啦! 如果唔係都唔問妳!!
我知點解最近我依度有大同蔭油膏賣嘞 - 因為倫敦開咗間台灣食品公司"台沛"! 佢地入口咗好多地道台灣牌子，我依度果間中英行入咗少量佢地貨品，不過我見佢地網站有枝大同野叫柳丁醬油，所以咪問問妳囉! 我唸住聽日去台沛行吓!
哈哈...咁聽日記得八下佢係點用再話返俾我知,因為我都好想知
回覆刪除[版主回覆10/31/2010 06:23:00]無去到呀! 原來間野唔喺倫敦市中心，喺倫敦近郊架，唔夠時間去......我唸住等返香港睇吓有無，如果無既話，返到來英國後先再去依間野網上order~
煲煲仔飯睇落好少喎! 你哋夠唔夠分呀!
回覆刪除[版主回覆10/31/2010 06:22:00]吓? 22cm煮咗2殼米咯喎，點會唔夠分呀?
天寒地涷......一煲熱騰騰煲仔飯無得頂呀....
回覆刪除又倫敦又HK入貨....我諗Mrs.T 妳買多兩個櫃來放存貨似乎實際D喎..
[版主回覆10/31/2010 06:21:00]因為就來返香港，所以依兩日喺倫敦我買得好克制......
膶腸煲仔飯正呀！ 咁啱香港呢幾日涼涼地，等我都整番煲嘆下先！
回覆刪除[版主回覆10/31/2010 06:20:00]我雪櫃大把臘味! 係時候要清清佢地......
我媽寄左D 潤腸同臘腸比我, 我老公第一次食, 佢鍾意食潤腸啊, 不過我無話比佢知潤係內臟, 如果唔係佢就唔食啦... 哈哈.. 咁都好, 因為我唔可以食內臟, 佢可以幫我清晒佢
回覆刪除[版主回覆10/31/2010 06:19:00]妳唔可以食內臟，咁妳媽咪又會寄潤腸比妳咁奇怪既?
呢一兩日好暖﹐ 好似summer咁﹐ 超正﹐ 等過多一兩日先試整啦﹐ 不過我上次整過一次﹐ 激死我﹐ "痴"低燶鬼哂
回覆刪除[版主回覆10/31/2010 06:18:00]咁煲仔飯又唔一定要冬天先食得既! 我好多時夏天返香港都會去食煲仔飯~
我唔食潤腸，只食臘腸...
回覆刪除[版主回覆10/31/2010 06:17:00]我就同妳相反~
有好多人真係唔鍾意食潤腸, 不過我就兩樣都鍾意食
回覆刪除[版主回覆10/31/2010 06:16:00]我由細到大都完全唔鍾意食臘腸! 只愛潤腸~
五個食物櫃都可以塞爆, 我都想睇下有幾咁狀觀呀~~~~
回覆刪除[版主回覆10/31/2010 06:15:00]我依度有好多野可能賣咗一排，只後就唔會再入貨，所以我習慣食過味就會下次買多d來存貨，所以樣樣野都越積越多......
我都係鍾意食潤腸多過 臘腸
回覆刪除[版主回覆10/31/2010 06:12:00]我係完全唔鍾意食臘腸既~
直接用火煮的煲仔飯, 吾會熱氣嗎?? 不過你的煲仔飯, 見到都想食
回覆刪除[版主回覆10/31/2010 11:49:00]煲仔飯唔係直接用火煮仲可以點煮呀?
咁好多食物都會熱氣，不過只係間中食吓啫，又唔係日日食 - 任何野適可而止就無問題架啦!
老人家無記性嘛, 佢成日都唔記得我唔食得D咩... 哈哈, 不過其實我一向都唔食潤腸(就算以前食得內臟)
回覆刪除[版主回覆11/02/2010 02:07:00]對咗妳咁多年都唔記得!
呢排我成日都好想食煲仔飯呀..正
回覆刪除[版主回覆11/02/2010 02:06:00]咁妳今年食咗未??
你清貨都真係有一手啵~ 潤腸同臘腸﹐我兩樣都岩架﹐ 我鐘意臘腸有酒香味﹐潤腸就甜甜地好好味~
回覆刪除[版主回覆11/02/2010 02:05:00]我唔多鍾意臘腸，只愛潤腸~ 不過99比咗幾包仲有貨喺度，都係時候清清佢......
星期六晚我和朋友在旺角吃過煲仔飯,我們走了很多間,全部都要等位,最後我們都可以坐下吃過飽的
回覆刪除我好鐘意食煲仔飯,仲要係有 臘 腸,不過個晚食既就太硬,好難吞下去..其實咁難消化的食物我係唔可以食,但想到我咁耐都無食過,食少少唔怕喇
[版主回覆11/02/2010 02:04:00]臘味比較油膩所以難消化~ 不過間中食少少唔好太多都應該無問題既!
砌俄羅斯方塊＝＝＝＞形容得簡單易明 咁妳老公係時候通知99“下次買膶腸得啦”
回覆刪除[版主回覆11/04/2010 01:00:00]膶腸都唔要呀! V媽媽寄來果d仲有大把!!!!!