唔經唔覺...立立雜雜......

其實明明好似好耐都無特別去shopping，不過原來濕濕碎碎咁買吓買吓，個零星期屋企又會多咗咋野......

夏天過咗無咩人會再去picnic，所以Lakeland 旅行冰袋清貨減價~

 不過依個冰袋其實係老公"賠"返比我既!

 事源我有個好靚既Next 啡色間條旅行冰袋......

不過上次同老公去BBQ 叫佢去湖邊洗燒烤叉，佢好鬼懶竟然將叉插入冰袋裡面d冰度洗!!!!!!

 就係咁我個靚靚冰袋比佢用燒烤叉篤穿咗......

(有無見過有人會喺旅行冰袋或冰箱裡面洗燒烤叉????)

之後一直物色咗好耐先搵到依個size + 顏色都可以接受既"合理賠償"!

 依款旅行冰袋已經唔再出，輕身得來質料都唔錯~ £11.99減到£7.99都幾抵買!

 仲買咗個無減價既焗爐溫度計~

早排睇電視聽英國米芝蓮3星名廚Heston Blumenthal 講: Never trust your oven!

佢所指係焗爐既溫度 - 即係話焗爐裡面實際溫度，同你set 既溫度可能會有出入! 所以佢建議要用焗爐溫度計~

 Lakeland 依款幾好，度數清晰，可坐立或掛喺焗爐裡面~

早前試過依個溫度計 - 我個焗爐溫度算好準喎，只有非常少差別!

 特登去Primark 買件白T shirt 等老公幫我件燙畫衫!

未知成功與否? (因為仲未整!) 不過件T shirt 好鬼平，就算唔成功都唔會心痛! 嘻~~~~

 本來只唸住買T shirt，不過又比我見到依件靚靚碎花see through~

Home Bargains Addis Organics Cotton Laundry Bag (上) + Ironing Bag (下)大平賣 - 可能因為已經停產，每個£17減到£2.99!

咁靚靚又咁鬼抵 - 咁我緊係每款立1個啦~~~~

 100%餓姦力純棉，全白配淺綠色花紋......

 雖然只係用來放污糟衫，不過個袋咁靚，洗衫晾衫心情都特別靚!

 依2個袋用既100% 純棉除咗係有機之外，仲係Fairtrade 既! I like it~

其實我一向都無用眼霜既習慣......

 突然手痕 + pat pat 痕買咗枝Pond's Eye Cream 來......未知效果如何 - 因為仲未開!

等到我頸都長哂 - Dexter Season 3終於出DVD 嘞!!!!!!!

其實電視係有播既 (而家電視已經播緊Season 4!)，不過我唔鍾意每星期只追得一集，我要連續一氣呵成果隻~~

所以電視播時我會忍住唔睇，等到出DVD先買來睇!!

好奇怪! 一模一樣既DVD; 一樣喺HMV......

 不過喺HMV online 買，竟然平過直接去HMV 街店買 - 仲要平成£5咁多!

大家唔洗驚 - 我無買下面依2把刀!  我睇吓啫......

雖然我好想好想買! 但理智話我知 - 我廚房唔需要22把刀!!

所以我忍忍忍忍忍~~~~

 估唔到IKEA 都會出陶瓷刀喎! 而且款式幾靚~

而且唔貴 - 一套黑白2把陶瓷刀只售£35~ 有興趣既網友去睇吓你地附近IKEA 有無貨啦!