2013年5月22日星期三

夏日炎炎正好敗! (2013年5月21日)

過去兩三個星期天氣一直非常唔穩定,
試過weekday有一日好好天大太陽20C;
第二日氣溫急降強風 + 橫風橫雨;
上星期仲有2日得返9度,兼無啦啦落冰雹........
終於等到weekend星期日叫做暖返d,
不過返99度食完飯,見個天灰灰沉沉咁款就咩心情都無哂,
我好耐好耐好耐好耐無行街街嘞!



尋日天氣非常好! 藍天白雲仲好鬼猛太陽,
短袖衫、黑超 + 涼鞋終於可以出籠了!



出門口見到咁好天氣,心情都特別靚d!

櫻花開得好燦爛啊~


先去書店睇食譜書,不過齋睇無買!




反而買咗塊有年輪好靚既木牌,
聰明既你應該估到我會用來做乜!



唔知係咪我太粗魯?
我部Netbook個adapter插位經常壞要買新........
平時一個Netbook adapter 最平都要£20,
撞啱見到依部減到£8咁鬼平,買定做spare!


此行重點項目係..........

易潔鑊一隻!

又買鑊? 係,睇開我blog既人應該知道我有好多隻鑊!

其實近年我買鑊既次數已經減少咗好多,
近兩三年只係維持一年一隻~ (仲嫌少呀?
)

前年買既Berndes陶瓷鑊......
我見好多用過陶瓷鑊既人都話陶瓷鑊用咗一排會黐底........
我隻
Berndes都有黐底既情況,
但奇就奇在只煎荷包蛋時會黐底! 炒野或煎肉反而唔會黐~


舊年買既SKK鑽石鑊........
依隻鑊仍然頂呱呱! 尤其係炒野強勁鑊氣真係無得彈!!
不過最大缺點真係太太太太重!!!
炒完餸唔可以單手攞起隻鑊倒d餸落個碟,
連Mr.T都話依隻鑊好鬼重!!
煎蛋依d兩三下就攪掂既輕巧動作,我唔想出動佢~所以煎蛋既責任一直落喺N年前買既hard anodized鑊~
佢一直都好好用,煎得又炒得,完全無刮花,
直至幾星期前突然有一日,佢竟然開始黐底!
雖然佢仍然無刮花,但除咗煎蛋之外,炒野煎野都好黐......
即係煮乜都黐! 我知道佢已經功德圓滿~

btw依隻係so far我用過last得最耐既易潔鑊!

其實我仲有一隻Meyer
易潔鑊........
不過Mr.T最近有幾個下屬由愛丁堡搬來Glasgow夾份租屋住,
咁我就摷d少用既餐具廚具比佢地,
唔洗浪費,
我又可以承機清吓廚房騰d空間出來再買新!

哇哈哈哈哈~~~~~

因此,除咗煎蛋會黐既陶瓷鑊 + 太重唔想用來煎蛋既鑽石鑊,
我仲需要一隻我可以單手攞得起 + 可以煎到蛋既易潔鑊!

所以我尋日買咗依隻Stella!
其實佢都重重地,但至少我單手攞得起~



減價平到笑£3一對trainers,一千零一對4號~


貪得意小黑板夾夾


平到無朋友69p(大約8蚊港紙)一set3枝
Cath Kidston feel發花癲鉛芯筆~
8蚊有3枝鉛芯筆,我唸淘寶都無咁平!



不過我覺得拆咗個夾靚d~


歷年來屋企多個電筒離奇失蹤........


朋友話led燈好好用夠哂光,我又買枝試吓.......果然係好勁!


入d洗面野存貨,見有新面膜(連頸膜)又買塊試吓!

買到依度其實意猶未盡,
不過攞住隻鑊行街真係好唔方便.......
正好依個時候Mr.T打來約我食lunch!
撐枱腳去~~~~~






 photo Untitled-1-1.jpg

13 則留言:

  1. 我想講...你宜家個樣好個10年前...10年前青春但比起宜家好似差左D唔知咩....唔6講
    [小車回覆05/24/2013 08:46:39]我甘諗咪甘講...
    [版主回覆05/24/2013 01:37:54]咁妳都睇得出!!?!?! 大概果日天氣好,去shopping 心情靚靚啩.....
    [小車回覆05/23/2013 15:08:57]我意思係...你大個左個人更自信更有味道......當然青春時都好可愛....
    [版主回覆05/23/2013 14:59:25]父母生我出來,10年前既我有手有腳五官端正,今日既我一樣有手有腳五官端正,無論10年前或而家,我都唔覺得有任何野差咗d~

    回覆刪除
  2. 蕙食廚房 - Cat's kitchen2013年5月22日 下午7:33

    我都有小黑板夾夾, 好好玩
    [版主回覆05/23/2013 14:52:38]小黑板仲有星型 + 屋型,其實我本身無唸住買,不過見到長方型 + 心型都係得返一個,師奶心態先買咗!

    回覆刪除
  3. 我個陶瓷鑊都有黐底嘅情況出現!
    上次返香港曾經去問過有關售貨員,佢哋話一定要用中小火嚟煮食喎!又話可以試吓加水煮五分鐘,睇吓有無改善!
    係我試過之後都係情況依舊!
    [版主回覆05/24/2013 17:48:10]我依篇新買依隻鑊好正! 未用過一隻易潔鑊咁快熱 + 咁有鑊氣,仲好過隻鑽石鑊! 仲要唔貴喎,有興趣去TK Maxx 睇吓啱唔啱~
    [Double Iron Legs回覆05/24/2013 15:27:39]多謝你嘅資料,我都係諗住要買過另外一隻嚟用嘞!
    [版主回覆05/23/2013 18:36:07]好耐無見Double Iron Legs! 好嗎?

    我做過research,好似話陶瓷鑊一開始黐底就無得救架嘞,因為陶瓷鑊表面有層好薄既矽膠,黐底係矽膠層剝落既結果~

    我果隻暫時只係煎唔到蛋,煮其他野仲係OK既! 若妳果隻已經煮乜都黐,可以用來蒸野或烚野,因為破損咗既陶瓷塗層唔會釋放化學物質,照用無問題,無謂揼咗佢咁浪費嘛!

    回覆刪除
  4. 有輪木牌好靚呀! 又手癢癢心思思
    [版主回覆05/24/2013 01:14:42]最近天氣好好! 要趁好天做多d戶外活動先,手作仔要留返差天氣既日子~

    回覆刪除
  5. Lovely weather up there! It's still very cold and windy in the south. 鉛芯筆 are so beautiful. Where did u get them?
    [版主回覆05/24/2013 01:12:36]yes~ everyone in Glasgow is enjoying the lovely sunshine!

    i bought the mechanical pencils from Home Bargains! however the lead is shit, very bad quality! you should change better one yourself~

    回覆刪除
  6. 我就係之前有隻重鑊,攪到扭親隻手。隻鑊掉左2年幾了。但而家周不時都會痛。
    [版主回覆05/24/2013 01:09:34]唔係隻隻鑊都適宜單手攞起架! 妳似乎果次扭得好傷吓喎......攞唔起真係唔好勉強,再嚴重d真係分分鐘脫骹呀!
    咁妳而家用咩鑊? 依隻Stella又平又正,唔太重(我單手攞得起!) 有興趣的話去TK Maxx 及及吖~ (放毒中~~~ )

    回覆刪除
  7. 那塊黑板仔, 淘寶有
    好似RMB0.5一塊
    我朋友都俾左兩個我
    [版主回覆05/24/2013 17:48:56]仲有其他型,不過唔靚無買~

    回覆刪除
  8. SHOES 咁平?????正啊~
    [版主回覆05/25/2013 03:15:21]依間店本身d野已經好平,加上對鞋啱啱減價就更加平! 講真著上腳真係同幾舊水一對All Stars無乜分別~

    回覆刪除
  9. 香港好熱係咁落雨呀!!!
    [版主回覆05/25/2013 18:34:47]蘇格蘭同香港完全相反......成個星期勁好天! 大大太陽藍天白雲~

    回覆刪除
  10. 用左一個星期睇你個卜,好好睇,我好想知道你如何放置你的敗物
    [版主回覆05/25/2013 18:33:10]妳好wingki! 多謝妳覺得我blog好睇~

    我無乜秘訣果喎.......只係廚房夠大夠多櫃!

    回覆刪除
  11. 買嘢容易,儲物麻煩

    回覆刪除
  12. 好想快d睇塊木既完成品
    [版主回覆05/27/2013 20:43:19]等我唸吓點刻先!

    回覆刪除
  13. 我都買左對黑白波點鞋~搵日whatsapp俾妳睇
    [版主回覆05/27/2013 20:43:00]今年興波點嘛!

    回覆刪除

Related Posts Plugin for WordPress, Blogger...