2013年5月23日星期四

老奉 (2013年5月22日)

前日我發現有人足本copy + paste盜用我一個蛋糕食譜,
無註明出處又無引用,
我唔想一下就做到咁盡檢舉佢,
所以我私人回應禮貌地請對方加返註明或引用~
不過等到第二日對方仍然無回覆,
同時我
發現佢再新update另一個屬於我既甜品食譜,
又係無註明或引用! 我唯有公開回應,
直接問對方點解抄我既野唔註明又唔引用,
對方即時以9秒9高速刪除哂2篇食譜.......

不過約30分鐘後果2篇食譜重新發表,
蛋糕食譜加返註明我blog;
而甜品食譜佢就改過哂材料份量,
但依然係我既文字!
依個人將我2個回應
刪除哂
解釋、道歉、甚至狡辯都無一句,
當乜事都無發生過!

妳可能以為將部份材料份量更改或改吓一兩個用字,
我就吹妳唔脹無證據妳copy我既野?
但我想話妳知 - 其實每個人都有自己寫野風格,
措詞用字語氣、句子結構模式......都係有分別,
就好似抄功課一樣,一定會睇得出囉,
尤其妳
我果2篇同妳其他食譜根本完全唔同style!
妳完全唔蘇我唔緊要,但我唔希望有下次!!

我已經講過好多次,
我喺依個blog公開分享我既食譜,
就預咗任何人有興趣都可以試煮!
我唔需要人家多謝我/讚我,
試完留個言話我知覺得個食譜如何,我無任歡迎;
靜靜雞煮咗唔話我知,我亦根本完全唔介意~

我唯一只有一個要求 - 若
要copy我既食譜分享,
請光明正大地註明出處或引用!
因為依度每一篇食譜/網誌,
都係我逐粒逐粒字花時間打出來

依個要求好基本 + 合理,根本一d都唔過份,只係基本尊重~

我每一篇網誌結尾都有個公仔說明歡迎正確引用,
估唔到今時今日仍然有人只用2分鐘時間,
去copy + paste人家花咗2小時完成既effort!
自欺欺人!!

--------------------------------------------

另外我仲想講.........
我寫食譜blog主要係方便將自己
食譜存檔,
所以最緊要我自己睇得明就得嘞!
我公開分享食譜並唔係要大家多謝我讚我叻讚我整得靚,
只係想同其他一樣鍾意煮野食既網友,
有個交流煮食心得既平台~
但我發現有一個完全無同我交流過既人,
喺佢自己blog話我既食譜寫得唔清楚........


如果妳覺得我既食譜寫得唔清楚/妳有唔明既地方,
我歡迎妳隨時留言問我,
只要係有禮既留言,我一定逢問必答~
妳唔明又唔想問我的話,
咁就最好另請高明,唔好跟我既食譜來整!
要知道我無收妳錢,唔係包生仔要寫到妳睇得明,
點解我要無啦啦比妳鬧?






 photo Untitled-1-1.jpg

34 則留言:

  1. 真的會很氣 但Mrs T 請不要生氣 not worth it!
    [版主回覆05/24/2013 17:30:42]唔係嬲,不過已經發生過好多次,仍然有人大搖大擺咁做,只係間中有少少沮喪......anyway thank you Cwai!

    回覆刪除
  2. RESPECT is really important, totally agree with you Mrs T
    [版主回覆05/24/2013 17:29:32]Thank you very much Polly!

    回覆刪除
  3. totally understand how yuou feel, even I feel angry for you. Ignore these kind of people, we always support you and thank for your sharing so that we can make delicious food too.
    [版主回覆05/24/2013 17:29:09]Thank you very much for your support mummy of two!

    回覆刪除
  4. 我好鐘意睇你整野食同敗野....不過我無咩時間整..其他BLOG 我都有睇...但完全無商業化既就唔多.....欣賞你對一件事投入同認真..係你度偷左好多正能量..支持你!!!!
    [版主回覆05/24/2013 17:54:16]我覺得....我商業化後仍然會係好真! 妳唔記得我有硬頸症咩?
    [小車回覆05/24/2013 17:34:31]明呀..商業化我都睇架...不過你商業化之前會最真....到你商業化左我要過濾左先信.....
    [版主回覆05/24/2013 17:28:30]多謝小車支持!

    回覆刪除
  5. 緊張大師-小女人2013年5月23日 下午6:44

    Mrs,T乜真係有人咁樣仲咁過份,自己做錯一句對不起就無,離譜喎,我知你一向都無私在這分享不同的美食,生活和見聞讓我們大家可以欣賞,我希望唔好因一二個人影響到你再寫blog.
    [版主回覆06/08/2013 08:38:54]多謝緊張大師支持啊!
    [緊張大師-小女人回覆06/02/2013 21:41:43]Mrs.T努力呀,其實見到咁多人都係撐你呀.道理在你呢邊,她一定係錯在偷人家野都唔認.共勉之
    [版主回覆05/25/2013 18:28:49]係呀~ 以前都發生過好多次架嘞,所以我先喺每篇網誌下面加個歡迎引用公仔,我唔信對方抄完一篇又一篇都睇唔到個公仔!

    我知道可以到Yahoo投訴檢舉佢,我只係唔想一開始就做到咁盡,所以我每次發現有人抄襲我既網誌都係私人回應同對方講先~

    多謝緊張大師支持 + 捧場! 我會繼續加油,唔會因為依一小撮自私唔自律既人而放棄~ 我有時間都會去探妳架!
    [緊張大師-小女人回覆05/25/2013 09:30:37]Mrs.T我記得好耐之前你都講過,但碰到這些咁無品既人我一定唔會客氣,但就唔會激壞自己,每位都有眼可以分到是非的,你可到yahoo投訴架,我記得有個blogger又係咁情況,你試下啦,我希望還可以見到你呢,我一有時間會來探你的.你請好好保重呀.唔好嬲到個靚樣唔靚呀
    [版主回覆05/24/2013 17:25:54]Thank you 緊張大師~ 其實以前都發生過好多次架嘞! 我唔知就無得好講,我知道既話一定會出聲囉! 如果對方死撐同我拗唔認抄野,我反而覺得佢有guts喎,我好聲好氣問佢佢當我透明,再問佢就加返註明但依然當我透明....咁即係點?

    回覆刪除
  6. V,唔好嬲,我支持你
    呢個世界乜人都有,啲人唔抵得你,又或者借你人氣黎發揮囉
    我雖然少留言,但我日日都入你個blog探你架~~~
    [版主回覆05/25/2013 18:21:22]哈哈~~~~ 我唔會開佢個blog出來,唔會同佢賣廣告嘛! 佢個blog有無人睇唔關我事,不過我係一定唔會由人地用我既野當係佢自己!! 話時話依兩日我仍然見到佢入來睇我blog,我唸佢應該睇到依篇 + 知道我話緊佢~

    大阪我都去過一次,不過日本日日都有新野日日變,我唸已經唔同哂咯~
    [林林回覆05/25/2013 09:35:02]向好方面諗,抄你的人係欣賞你,但又唔夠你做得好,所以抄你扮自己做,呢啲人嘅blog無人睇架喇,你千萬唔好開佢個網址出黎呀,如果唔係手痕click入去睇添呀!
    我去完大阪返黎一星期了,大阪比我一種全新體驗...
    [版主回覆05/24/2013 17:22:04]Thank you Jessica!
    [版主回覆05/24/2013 17:21:21]唔嬲~ 唔嬲~ 不過有時會有少少沮喪.....

    妳去完旅行未? 玩得開唔開心??

    回覆刪除
  7. 又要影相又要打字, 嘔心瀝血先逗到個POST出黎, 比呢D文盲一個唔該都無就COPY晒真係勁嬲LOR!!但機會最多只可比一次, 下次佢再COPY一定要檢舉!不過咁, 又唔好因為呢D文盲影響自己心情, 掉轉唸因為自己D係好野先有人COPY, 咁就會開心D啦^^而事實上你D 野係好正LOR!
    [版主回覆05/24/2013 17:20:02]多謝 + 過獎Mary! 我唔知就無得好講,但我知道的話一定會出聲!

    回覆刪除
  8. 不如你下次唔好擺個食譜出黎,私底下send 比想學整既人ok 啦。
    [版主回覆05/24/2013 17:16:52]唔治標又唔治本! 一來增加我功夫 (我其實唔係大家想像到咁得閒架! ); 二來佢係要抄的話,食譜到手後佢一樣可以照抄唔註明~

    回覆刪除
  9. 我係你的忠實粉絲,我好少浦頭,但我都要留個言支持你!!老奉偷人野係無恥的人渣!!
    [版主回覆05/24/2013 17:15:21]Thank you Agnes!

    回覆刪除
  10. 蕙食廚房 - Cat's kitchen2013年5月23日 下午9:48

    寫食譜blog真係唔易, 至少我就無心機每個步驟影相, 不過我好唔鍾意你既敗家文, 攪到我成日都想買野 樓下講到你個blog無商業化, 我都好同意!! 依家好多blogger成日係到賣廣告, 又收禮物又去試食, 完全變質
    [版主回覆05/24/2013 17:14:24]敗家文既目的就係......放毒嘛! 妳睇完後中毒係正常既!!

    其實我blog都一直有好多品牌公關聯絡我出席event、試食或試用,只係全部都喺香港~ 不過我唔容易改變自己習慣既野!

    回覆刪除
  11. 寫食譜真係落足好多心機寫, 睇見人地抄到十足十當然會嬲, 不過掉轉頭諗, 都係因為你個食譜好先有人抄! 唔好嬲啦
    [版主回覆05/24/2013 17:08:16]多謝妳Janice! 其實抄野已經發生過好多次,我唔知就無得好講,但我發現到的話,我真係忍唔到唔出聲囉! 不過其實我間中都發現好多無同我交流過既網友,分享我食譜時會好自律加註明引用~

    回覆刪除
  12. 唔使為呢d人嬲既.. 我係你忠實fans, 日日都會上來睇下你有無update!!
    support你!! 請繼績寫 :-)
    [版主回覆05/24/2013 17:05:49]Thank you Mandi!
    已經試過好多次,其實都唔知算唔算嬲? 只係有時會有少少覺得沮喪......

    回覆刪除
  13. 真係咩人都人,又要抄又要鬧
    支持你~~支持你~~
    [版主回覆05/24/2013 17:00:47]Thank you LING! 其實睇唔明可以唔睇,睇第二個都得架! 又要睇又要鬧,好似我欠咗佢咁......

    回覆刪除
  14. Agree! Support you!
    [版主回覆05/24/2013 16:59:15]Thank you 查太!

    回覆刪除
  15. 絕對同意!
    支持你~~支持你~~
    [版主回覆05/24/2013 16:59:02]Thank you Double Iron Legs!

    回覆刪除
  16. 好耐無留言俾你喇,你好嗎?^^

    我都覺得好多人好老奉,加多句食譜出自邊度同條link其實有幾難。
    根本就想d人睇到當係佢整。
    其實d野唔係自己整而有人讚佢唔會覺得心虛既咩
    [版主回覆05/24/2013 17:35:29]咁又係~ 新版真係差過以前好多!

    恭喜哂妳呀燒肥亞!
    [燒肥亞回覆05/24/2013 16:53:51]自從yahoo blog改革後我就唔想寫啦, 加上做左媽媽好鬼忙 hahaha...
    車野都少左好多呀...

    有個真b女就唔駛玩假b女啦 hahaha
    [版主回覆05/24/2013 16:36:21]燒肥亞~ 真係好耐無"見"啊! 我as usual 好好呀,妳呢? 妳無再寫blog嘞? (我仲未攞部衣車出來玩.....)

    其實我已經唔要求一定要有連結link架嘞! 只要有一句出自La Cuisine De Veronica / V女廚房,其實我已經OK~

    抄野既人大部份唔回應無交流,我唔知既就無得好講,比我發現我就一定會出聲!

    回覆刪除
  17. 其實你的食譜是你的原創。有的bloggers 的食譜超簡單,因為他/她們留嚟出書。佢哋有blog 出只為知名度。其實你亦可出簡單的,詳細食譜就留起給私人回應!
    [版主回覆05/24/2013 16:31:22]而家有問題既係抄襲我食譜既人,點解要我改變自己一貫做法去避佢地?
    我當然都可以出簡單版食譜,詳細版就私回,不過一來增加自己功夫,二來對方詳細版到手後,佢一樣可以照post唔註明唔引用! 其實最有效既方法係完全唔寫!!

    回覆刪除
  18. 尊重和禮貌是做人的基本原則,無謂為一些人的卑鄙行為影響到自己.支持你.
    [版主回覆05/24/2013 17:37:55]Thank you for your support TAM!

    回覆刪除
  19. support!!
    [版主回覆05/24/2013 17:38:08]Thank you LiC9!

    回覆刪除
  20. 連基本的尊重同禮貌都無,依d人真係不知反謂!
    [ok回覆05/28/2013 14:54:55]抄人野仲發你發爛+死都唔認,d人真係無品到極點!
    依個當你透明簡直更高境界,神級無品!
    [版主回覆05/24/2013 17:41:37]以前都試過有抄襲情況,當我好聲好氣同佢地講時,有d人會發爛咋; 有d人會死唔認同我拗; 有d人會同我道歉....我反而覺得佢地有guts! 完全當我透明既真係第一次~

    回覆刪除
  21. I read your blog almost everyday, and I told my hubby about how amazing you are!!
    You know, many people don't know the meaning of respect, they are just living in their own little world. Anyway, don't let them ruin your mood!! Hope you & Mr. T have a nice long weekend!!
    [版主回覆05/25/2013 03:13:40]Hello another Mrs.T! long time no see, how are you?
    thank you so much for your support! yeah you're right~ i was a bit annoyed but im fine now! you too have a nice long weekend~

    回覆刪除
  22. support! support! xxx
    [版主回覆05/25/2013 03:10:17]Thanks~ Thanks!

    回覆刪除
  23. Hey Chef V, may I put my two cents in? disabling the right click by java script code may deter those plonkers from Ctrl C & Ctrl V. Keep up the super wonderful work!!! Wish TnT have a fabulous weekend. Cheers, K
    [版主回覆05/25/2013 03:09:57]Thank you very much Kevin! will def try it and see if its really working. you too have a nice weekend~

    回覆刪除
  24. 呢D人真係好無恥...睇唔明係自己理解能力差...唔好一下子就話人寫得唔清楚..又要威又要帶頭盔就係呢D人..

    PS..我都成日抄你食譜無注明同引用WOR.....我抄黎貼晌雪櫃應該唔使啦..WAKAKAKAKAK..
    [版主回覆05/25/2013 03:07:35]貼响雪櫃....妳老公 + 騫寶寶會睇到果喎! 一樣要引用! 否則檢舉妳!!!!! (講笑啫! )

    回覆刪除
  25. Mrs. T 我都好鐘意煮嘢食,不過我係大懶蟲從未執筆寫blog. 所以從來好欣賞你咁有心機同無私咁將所有食譜圓文並茂寫俾我哋啲blog友睇!呢啲人咁低莊抄人,寫咗出嚟都唔風光啦!你唔好咁嬲喇,佢再係咁過份就公開佢身份俾我哋知等我幫你唱衰佢!
    [版主回覆05/25/2013 03:00:01]妳好Yuen Yan! 多謝妳啊~ 我唔嬲嘞,希望以後無論自己或其他blogger 都唔會遇到抄襲既情況出現啦~

    回覆刪除
  26. 呢D人好無品!
    [版主回覆05/25/2013 18:14:00]依兩日我仍然見到依個人來睇我既blog,我相信佢應該睇到依篇 + 知道我話緊佢,希望佢唔會再有下次! 無論抄我或抄其他人都唔好再做~

    回覆刪除
  27. Support you MrsT!依家啲人唔知幾時變得咁無恥和無道德可言,唔好為哩啲人激親自己!我好鐘意妳個blog架,可以在家都可煮到中西美食,我覺得妳哋blogger真係勁架,用咁多時間無私咁分享比其他人,真偉大!又無錢收仲要激氣,真係鄧你唔抵!不過還有很多人支持妳的,加油!仲有我鍾意睇妳啲敗家post呀!睇見啲靚同新嘢心情都好啲,當window shopping囉!嘻嘻!我依家慳家c9睇左當買咗!睇咗妳個blog後無買過cook book啦!我真係衷心多謝妳呀慳返唔少錢!thank you very much!
    [版主回覆05/25/2013 18:12:40]好多謝妳支持啊Connie! 好開心妳鍾意我既blog~

    其實花時間寫blog分享,大部份時間係開心既,因為可以同唔同地方但一樣鍾意煮野食既blog友互相交流煮食心得傾傾講講,只係有一小撮自私 + 唔自律既人抄襲啫~

    我同妳一樣都係慳家師奶來架! 我唔買貴野,我買既叫做筍野嘛 - 當然要平先叫做筍啦!

    回覆刪除
  28. Support !!! 我好欣賞妳架~~~~
    我亦希望第時我嫁左人都可以咁有心機同識整咁多野食 haha
    冇讚妳架 講事實 !!!!!!!
    希望妳唔好比人激親
    [版主回覆05/27/2013 20:42:09]Thank you kapo! 多謝支持 + 欣賞~

    回覆刪除
  29. support 你ga!! 因為lee d 人真係好無品!!! 我覺得如果你發現個個人再係gum 真係要檢舉!!!
    [版主回覆05/27/2013 20:41:33]Thank you Kelly! 我同佢講咗2次佢先肯改,又完全當我透明唔蘇我,若佢仲有下次,我緊係無咁好氣再同佢咁客氣! 即時檢舉!!

    回覆刪除
  30. 你講得好啱!要尊重,同八封雜誌一樣。

    另外,你有冇用平底鍋?我成日買鍋,無隻kam
    用油又多!
    [版主回覆05/30/2013 18:19:01]you're welcome! IKEA果隻幾好用架! 又夠大~
    [Valerie回覆05/29/2013 23:16:24]Thanks vv
    [版主回覆05/29/2013 20:40:03]妳copy & paste 2條link 會睇到依兩隻cast iron鑊係點
    [版主回覆05/29/2013 20:39:12]一隻牌子係Chasseur,made in France, 購自TK Maxx; (http://blog.yahoo.com/happy_Mrs.T/articles/77508/category/%E2%99%A5+V%E6%95%97%E4%B9%9C%E9%AC%BC%E5%AE%B6)

    另一隻係IKEA,made in China,但質量唔錯! (http://blog.yahoo.com/happy_Mrs.T/articles/80577/category/%E2%99%A5+V%E6%95%97%E4%B9%9C%E9%AC%BC%E5%AE%B6)
    [Valerie回覆05/29/2013 17:39:13]請問你隻cast iron鑊在那裏買?
    [版主回覆05/27/2013 20:37:56]平底鍋係咪即係用來煎野既平底鑊? 我有2隻cast iron 平底鑊,cast iron 可以用成世,應該係最襟,或者妳可以試吓cast iron~

    回覆刪除
  31. 我都係有跟你食譜整甜品 都好成功的
    支持你 support
    [版主回覆05/30/2013 18:21:15]多謝妳支持啊Rachel!

    回覆刪除
  32. 不尊重知識産權的人,抵鬧! support you ^_@
    [版主回覆06/08/2013 08:40:42]Thank you Ann Ann!

    回覆刪除
  33. 我都剛在某個討論區見到有人話覺上網抄人食譜冇問題:「放得出嚟即係公開」,「公開得就唔好咁小家」,「唔俾人抄就將佢放入保險箱」。。。嘩,幾震驚呀,一來知唔知咩叫知識產權?Yahoo Blog都有寫明版權所有,不得轉載,何況你已每篇都加圖叫人唔好抄,轉載寫明出處?二來而家道德標準真係咁低?好似你所講,抄嚟自己煮冇問題,但公開當係自己嘅就好無恥。十分支持你,你已經太客氣啦。
    [版主回覆06/08/2013 08:44:53]咩野討論區既人咁"有品格"呀? 比條link 來得我開吓眼界都好喎~

    放得出來無錯係公開,但佢要轉貼點解要copy & paste當係自己野? 連改吓文字都懶得,咁我寧願認自己小家咯~ 總之係唔比佢抄呀吹咩?

    回覆刪除

Related Posts Plugin for WordPress, Blogger...