![](http://www.hkicons.com/_2163.gif)
![](http://l.yimg.com/mq/i/icon/16/102.gif)
尋日(1月22日)全日都冇再燒 + 有返d精神,於是拿拿淋煲咗煲龍脷葉湯! 老公雖然一早已經冇燒,不過就咳到飛起,佢話鹹柑桔唔好飲喎~~~ 不過龍脷葉佢就話好飲!
煲完湯見仲OK,順便整埋底蘿蔔糕!
![](http://l.yimg.com/mq/i/icon/16/4.gif)
我一個人病,其實好影響身邊既人!
![](http://l.yimg.com/mq/i/icon/16/2.gif)
本來自己病,唔想比V爸爸 + V媽媽知道,費事佢地擔心...不過"知V莫若V媽媽"! 佢一打來聽到我把聲,加上我講多兩講就忍唔住咳,醒扒既佢就即時知道我感冒......
依幾日V媽媽日日都打電話比我問我情況,不過V媽媽成日霸住個電話! 只聽到V爸爸喺後面嗌: 飲多d水呀! 唔鍾意都食吓生果啦.....
不過最慘既係老公 - 雖然佢已經冇發燒好耐,不過佢都咳到九彩! 而我病咗咁多日,乜都冇做到,成個廢人咁!!!!!
沖涼要老公放水比我; 著衫要老公幫手(因為周身骨痛!); 咁多日冇煮飯,搞到老公要陪我一齊食通粉麵包; 我晚晚碌來碌去瞓唔到,搞到老公都瞓唔著,仲要半夜斟水攞藥比我,幫我探熱......有晚我辛苦又谷鬼氣,於是索性坐喺床度喊!
![](http://l.yimg.com/mq/i/icon/16/20.gif)
每次病既時候雖然好辛苦,但我會覺得自己好好好幸福!
![](http://www.hkicons.com/_382.gif)
同時又會因為身邊既人擔心自己感到好有歉意!!!!!!
![](http://l.yimg.com/mq/i/icon/16/77.gif)
>>>>>>>>>>>>>>>>>>>>>>>>>>>>>>>>>>>>>>>>>>>>>>
年廿八~ 要趕住去洗邋遢! (好鬼趕!!!!!!!)
在此多謝所有問候過我既網友~ 多謝大家關心!
![](http://l.yimg.com/mq/i/icon/16/8.gif)
![1cny_10.gif](http://www.zwani.com/graphics/chinese_new_year/images/1cny_10.gif)
祝大家牛年快樂~ 心想事成!
最緊要 - 身體好似牛咁健康!!!!![](http://www.hkicons.com/_666.gif)
![](http://www.hkicons.com/_666.gif)
好返就好啦.......預先祝你身體健康...青春常駐..早生貴子...
回覆刪除[版主回覆01/23/2009 20:44:00]大家咁話!
早生貴子....我仲以為牛年又係62第一個同我講依句野添.....
Hello Mrs. T, I'm so happy to know that you're recovered now!! It's important to be well before CNY comes.....
回覆刪除Kung Hei Fat Choy!! Wishing you will be happier than ever in the Year of Ox with Mr. T!
[版主回覆01/24/2009 04:53:00]thank you very much! how's your son? i remember you told me that he's got a flu too! is he feeling better now?
Wishing you and your family all the best for the year of OX!
(Empty)
回覆刪除[版主回覆01/24/2009 04:48:00]牛年心想事成!
唔怪得咁多日無寫BLOG啦...真係要保重身體呀 ....依家D菌好鬼勁架.....
回覆刪除[版主回覆01/24/2009 04:48:00]Thanks! 而家果d都唔應該叫做感冒菌,應該叫做感冒怪獸先啱!
過年最緊要精神爽利,好返就好啦
回覆刪除預祝你同你老公新一年事事順利、身體健康、甜甜蜜蜜
[版主回覆01/24/2009 04:46:00]thank you~ 大家咁話!
好返就好了, 開心健康過年! 牛年健康快樂!
回覆刪除新年快樂呀~~搵食譜路經呢到....你個blog整得好靚呀...^^
回覆刪除[版主回覆01/26/2009 03:12:00]thank you + welcome!
祝妳牛年快樂~ 事事如意!
恭喜妳呀,終於都新年前病好喇,咁咪好囉,新年流流唔駛藥~
回覆刪除不過妳話燒下又退下,妳可能要食抗生素先會好得番架,因為醫生話喉嚨發炎,所以就會咁喇,我個大小姐咪就係咁囉,要將啲抗生素食晒成個療程,咁就好返喇~
[版主回覆01/26/2009 03:11:00]已經完全退哂燒嘞! 應該唔洗食抗生素~
不過就算要食都冇用 - 因為喺英國妳發燒去睇醫生,十個著咗九個醫生都係一粒藥都唔會開比妳既! 抗生素就更加 - 唔係有炎症一定唔會開! 我試過 喉嚨痛咗3個星期去睇醫生,佢點都唔肯開藥比我.....
而且今次我只發燒,我 + 老公都冇喉嚨發炎喎~~~
而家D感冒菌真係好惡 好野蠻呀 所以要小心D呢~
回覆刪除睇你呢篇BLOG 好感動呀~ 令我好掛住媽咪呢 ~ 早幾日 媽咪打比我 同我講 我寄左利是錢比你呀 你買件衫過年啦 我同佢講返 唔使啦 我有錢使 你留返D錢係身邊啦 同朋友仔飲下茶啦 (個一刻 我流左眼淚了 "真係好冇用")
[版主回覆01/26/2009 03:05:00]而家d感冒菌好似食藥都冇用咁......
我都好掛住V爸爸 + V媽媽! 年年過年我除咗收包裹 + 利是,結婚後我每年過年都會寄幾千蚊比V爸爸 + V媽媽~ 佢地好開心架! 以前做女時仲係食佢地既就緊係比唔到啦~ 其實佢地都唔志在果幾千蚊,不過當佢地收到票後打電話比我,同我講多謝,我聽得出佢地語氣係開心既,我都會覺得好開心! 當買少隻手袋氹佢地開心係好值得既~~~
回覆刪除新年快樂~~~
回覆刪除ps多謝妳的提議,我的芋頭炆鴨很成功。
[版主回覆01/26/2009 02:50:00]
牛年快樂~ 祝事事如意!
好番就好啦~ 可以重出江湖煮好嘢~
回覆刪除恭喜發財, 祝你同honey都身體健康~
[版主回覆01/26/2009 02:49:00]冇燒不過仲係好咳...咳又唔食得雞...但食團年飯點可以冇雞呢? 所以過多幾日先煮野補食團年飯!
牛年快樂~ 事事如意啊!
(Empty)
回覆刪除☆╭┐┌╮☆°﹒☆‧° ╭┘└┘└╮∴°°﹒☆‧° └┐..┌┘─╮∴°☆°﹒☆ ╭┴──┤ ★ ├╮ │o o│ │●﹒☆°﹒☆‧°° ╰┬──╯ │ ∴°☆°﹒☆‧ ☆ \__|__/___|∴☆.﹒☆∴°☆°﹒☆‧ 牛年行大運 事事如意 平安健康
回覆刪除(Empty)
回覆刪除(Empty)
回覆刪除祝你一家新一年萬事勝意身體健康
回覆刪除新一年你要更強壯呀.....身體健康!!!恭喜發財!
回覆刪除[版主回覆01/27/2009 18:19:00]好~ 祝大家新一年都強壯如牛! 不過身形就要如燕~~~
" 恭喜發財,萬事勝意 "
回覆刪除祝你新年快樂!身體健康!心想事成!
回覆刪除趕得切過年病好woo..即係代表有運行..哈!!
回覆刪除祝身體健康..開開心心~
[版主回覆01/27/2009 18:20:00]好呀~ 好呀!!!!! 我要行運~~~~~ 大家一齊行吖!