咁啱見到Forum 有人問 - 今年d fur 出籠未? 我最早既"皮草記憶"，當然係因為V媽媽啦! 記得以前細個同V婆婆 + V阿姨住喺長洲，香港果時既冬天真係凍好多好多~~~~ 而V媽媽一到冬天就會著一件黑色 + 腰有綁帶既mink，襯埋裙 + 高踭鞋，個look 好高貴!
V媽媽每次返去探我，我都好鍾意瞓喺佢件mink 上面，好舒服~~~
我仲記得有次.......gif)
.gif)
.gif)
.gif)
.gif)
.gif)
.gif)
>>>>>>>>>>>>>>>>>>>>>>>>>>>>>>>>>>>>>>>>>>>>>>
V爸爸以前做時裝，所以我有好多同V爸爸相交咗幾十年既行家uncle + auntie~ e.g. 婚紗, 皮草...都有~
V媽媽而家有唔知6件定8件唔同款 + 顏色既皮草，全部都係喺V爸爸老朋友既店買既! 不過我相信香港咁既天氣，V媽媽應該會越來越少機會著......
至於我自己......
依件mink 係幾年前，聖誕時我返香港既生日禮物!
對皮草並冇研究既我(而家都係冇研究!)，一向都覺得fur 太老氣for 我自己，所以冇唸過要買fur~ 當時我返香港，想買1件黑色皮褸，V爸爸就帶我去uncle 開既皮草店睇款......
點知皮褸就睇唔啱，但就比我見到依件娃娃型Blue Iris mink，我多手試上身......哇~~~~ 著咗上身舒服到唔想除!!! 而且個娃娃款 + 喇叭袖好cute，一d都唔老氣~ 即時愛上咗!!!
皮褸變皮草......
於是V爸爸就打電話徵求V媽媽同意~ 母女有同樣喜好，V媽媽當然話好啦!! 就係咁，依件mink 就成為咗我當年既生日禮物~~~~ 後來返到英國，老公一見到件mink 就話: 妳同我一齊時先好著依件野......我怕妳比人淋屎!!
>>>>>>>>>>>>>>>>>>>>>>>>>>>>>>>>>>>>>>>>>>>>>>>>>
Blue Iris Mink 係屬於灰色種貂皮中，最深顏色既色調; 底既羢毛顏色較淺淡 + 產量有限......我對皮草既認識非常皮毛! V爸爸 + V媽媽先係專家~ 不過我就獨愛Blue Iris or Sapphire (藍寶石貂皮) 依d灰色色系~~~~
最近英國天氣好鬼死凍!!!!
雖然自己果件今年暫時仲未有機會著，不過我已經睇定下次返香港時既新目標!!!
如果夏天時返香港買的話...會唔會平d呢????
>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>
不過件Blue Iris 並唔係我第一件fur!
仲要襯條桃紅色褲......)當時V媽媽一共買咗2件兔毛fur jacket 比我~ 另一件係非常野性既豹紋...我超憎!!!!
你件mink好鬼靚，我好鐘意依隻色既mink
回覆刪除依幾年我都心思思想買件mink，不過缺乏維他命M，同埋我已經係XXXL，著埋mink想嚇C人咩
我細個嗰陣都有件兔毛jackey架，嗰時真係好興
[版主回覆01/11/2009 05:02:00]咁妳細個果件似唔似我細個果件架??
果時因為覺得V媽媽著fur 好高貴~ 所以自己著住件兔毛時，都覺得自己好高貴!!
你件mink好cute呀, 想買嗰個款都好靚, 但唔知著出街會唔會真係比人.......????
回覆刪除[版主回覆01/11/2009 04:57:00]Thanks~
我已經著過好多次，都係去食飯 + 行街之類...邊有人咁得閒攞住桶屎出街跟住我吖!!!
這裡穿, 被淋野的機會好大....BTW, 件FUR好潮好CUTE呀!
回覆刪除[版主回覆01/11/2009 04:55:00]Thank you~ 我件fur 已經有咗幾年，我喺英國著過好多次啦~ 未比人淋過喎!
It should be ok if you wear it in Paris
回覆刪除[版主回覆01/11/2009 04:36:00]i have no problem wearing it in UK woh~
件褸真係好靚喎...我諗 你著起會好有貴氣(唔係人人都著得好睇....), 雖然係話要愛護動物, 但係D外國人都唔'洗'咁激動JAR....
回覆刪除香港呢幾日都好凍...我諗V媽都可以著.....
[版主回覆01/11/2009 04:34:00]thank you~ 其實真正愛護動物 / 環境/ 生態...既人，係唔會用任何激進既手法去破壞社會秩序既! 有好多人示威時淋屎淋尿大肆破壞，其實果班人大部份係冇業，只係借愛護動物 / 環境/ 生態而趁機搞事!
哈哈~~~~ 8度點算凍呀? 而且V媽媽要返工，我唸就算著都留返農曆新年啦!
我細個嗰陣都有件所謂皮草,不過我諗係假嘢嚟嘅,因為只係幾佰蚊......,嗰時覺得好靚,不過一着咗上身成個毛孩咁就唔多鐘意,但又真係幾鬼暖,如果你對皮草嘅知識叫皮毛,咁我就係一竅不通!!
回覆刪除着件mink出街就可能會俾人淋屎淋油我都聽得多,愛護動物係啱,但係太激進嘅手法只會惹人反感嘅啫!!
[版主回覆01/12/2009 17:53:00]果班搞事既又唔會成日攞住桶屎周圍走，吼住邊個會著fur，只係一有乜乜物物green day，佢地會出來遊行示威果隻......咁我緊係唔會喺依d敏感時候著啦!
嚴格來講 - 果班人唔係真正愛護動物，佢地只係借愛護動物為名既冇業junkie! (有工做既邊會咁得閒吖?)
真係幾靚...款式都OK.....
回覆刪除[版主回覆01/12/2009 17:53:00]thanks!
哎呀..唔好買 mink 啦..真係要殺好多動物0架. 你諗下..如果 bonnie 要比人殺左再拎佢d 毛黎做皮草, 你會覺得點? 請愛護動物~~~
回覆刪除[版主回覆01/12/2009 18:00:00]我唸冇人用狗做皮草吓哇!?!?
我同妳既睇法唔同! 愛護動物...咁食豬牛羊雞鴨呢? 在我來講只係每人選擇唔同，有人選擇完全唔殺生食齋; 有人可能只會唔食牛肉 / 豬肉~ 食用既豬牛羊雞鴨係farm 出來，我買既fur 亦係特別farm 來做fur 既~
P.S. 我接受其他人同我有唔同觀點，所以我係no hard feelings!
喂喂,張相做咩要遮住jet? 睇下等我地笑下都好呀嘛.........
回覆刪除[版主回覆01/12/2009 18:01:00]緊係唔好啦!!!!!!!
都幾似你嗰件架，隻色又係啡同白，但係印象中好似短身啲
回覆刪除話時話，嗰陣阿媽界係咪興黑色mink呢? 我媽咪都有件黑色mink，好似中褸咁長，不過就冇腰帶囉
同埋仲有條嗰啲唔知係咪叫貂鼠既頸巾，有頭有眼有咀嗰啲呢，仲總知就係一隻野野擺上身啦，唔知你明唔明我講緊邊啲呢
[版主回覆01/12/2009 18:08:00]我果件其實係灰 + 白來架~ (張相年代久遠...)
知鬼果時係咪興黑色mink 咩? 細個時只係覺得摸落好滑好舒服咁
有頭有眼有咀果隻其實會唔會係 狐狸來?? 我喺uncle 既皮草店見過原條未做褸既raw material 水貂鼠皮，係連頭既~ 不過就未見過連頭既成品! (我未見過咋! 唔代表冇架!!!!)
原來係灰白，睇張相我仲以為係啡白
回覆刪除狐狸? 又可能係喎，其實我唔識分架
[版主回覆01/12/2009 22:34:00]哈哈~~~~ 咁張相望落又係幾似啡色既!
大唔大隻架? 因為狐狸都幾大隻; 而水貂都幾細隻，應該一隻圍唔哂條頸!
V爸爸點解由時裝轉行到開水族店既? 兩者都好大差別bor?!
回覆刪除不過V爸爸好勁! 瓣瓣惦!
[版主回覆01/12/2009 22:41:00]水族店原本係V媽媽 + V舅父夾份既生意，V爸爸另外同行家夾股做時裝~ 後來V舅父喺對面開多間分店，人手唔夠，所以原來舖讓咗比V媽媽打理， V爸爸同partner 唔咬弦，所以返來同V媽媽一齊打理水族店~
咁又圍得晒喎，咁即係狐狸啦
回覆刪除多謝你呀，唔係既話我都一路當佢係貂鼠呀
嗰條野我媽咪仲留住，不過就唔會拎黎戴，嗰次拎出黎細細好驚佢呀，一見到就向後退
[版主回覆01/13/2009 18:18:00]都唔係太肯定架咋...或者妳媽咪果條水貂好大條呢!
細細都幾細膽喎! 係咪應該改佢個名叫"大大"呢?
請問???如果你先生唔同你一齊, 而著左點解 會比人淋屎???
回覆刪除[版主回覆01/13/2009 18:22:00]比人淋屎 - 喺外國著皮草，有可能會比一d借愛護動物為名而滋事既份子淋屎, 尿, 油漆whatever......
我老公只係講笑! 佢既意思係 - 佢喺我身邊時，佢會保護我 + 冇人蝦到我~~~~
好高貴喎！
回覆刪除[版主回覆01/14/2009 00:14:00]Thank you~
大大? 細細依家叫大膽咗架啦，BB嗰陣出街，人地望下佢佢已經扁定咀，叫下佢就即刻喊架啦
回覆刪除[版主回覆01/14/2009 02:32:00]望吓佢都嚇親!!!?!?!!???