教我如何不愛他? (2010年6月18日)

我從小已經好鍾意大自然，對大自然充滿好奇心~~~~~

我細個時既玩具除咗有煮飯仔 + 毛公仔之外，仲有草蜢、蟋蟀、金鼓甲蟲 + 蟬......

e.g. 用條線綁住甲蟲或蟬頸位，佢飛時我就拉住條線好似放風箏咁!

今日我成為咗中女，身在充滿大自然美景既蘇格蘭，我依然熱愛大自然，對大自然既好奇心半點都無退減!

但我依個以中女來講非常罕有既嗜好，未必有人肯陪我一齊enjoy!  最起碼我以前果咋exes 肯定睬我都傻.......

曾經試過其中一個ex 渣車途經偏僻山路，路旁突然跑出一隻肥嘟嘟野鴨BB! 我覺得好可愛 ，於是叫佢停車比我落車睇吓......

點知依個半點求知慾都無既賤男唔停車不特止，仲語帶輕蔑咁話我: 大驚小怪! 未見過咩?

我真係無見野鴨BB喎! 超~

>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>
今日我有一個任我想做乜就做乜，比足我100%自由度既Mr.T!


只要我鍾意既，Mr.T都會全力支持! 而且仲會陪我癲埋一份......



屋企附近果棵野生foxglove 上星期日(6月13日)只得花蕾仍未開花;

 一星期都唔夠已經咗好多開花嘞!

 頂頂仲有花蕾，睇來仲會開花一段時間~

之前我都提過 - 大前年我初次見到依棵foxglove 既時候，有唸過"救"佢返屋企，免得比定期除雜草既人剷走; 不過我地尚未行動，棵花已經比人剷咗......(網誌~)

今次同一位置再見到依棵花，我都有心思思架!

不過礙於知道咗棵花有毒，而且依幢住宅對正大街太鬼揚好難落手!

 不過尋日(6月18日)老公放工時竟然攞咗棵foxglove 返來!

我: 咦~~~~~~~~~~~~~~~~~~~~~~~~ 你幾時去抆架??

老公: 唔係果棵來架!

老公每星期都要分別去3間唔同既分行~  尋日老公渣緊車去其中一間分行時，途經見到路邊有棵foxglove，於是落車掘咗成棵野出來!  不過......

車上仲有2名老公既下屬!!!!

我: 吓~~~~~ 咁你有無話比你d staff 知你點解掘依棵野??

老公: 有呀~~~~

我: 你唔怕佢地笑你咩?

老公: 佢地夠膽!!

我: 我唸你d staff 一定覺得你係傻既.......

老公: 話知佢地! 最緊要我Honhon 開心~~~~

就係咁......老公將棵foxglove 帶咗返來比我!

老公將棵花連根拔起，佢仲攞咗staff room 個大碗裝水，膠袋包好養住棵花~

 依棵只係剛剛開始開花......

 暫時只開咗2朵~

 不過我唔小心整甩咗一朵!

我打算點處置棵花?

我真係唸住試吓種架!

話哂係老公冒住比下屬笑既可能掘來送比我架嘛~
我唸依個世界除咗Mr.T，唔會有第二個人陪我一齊癲得咁勻循!