鹹菜苦瓜排骨湯; V女土匪雞翼; 蠔汁鮑片扒白露筍 & 炒Spring Greens
依餐本來係尋日星期二晚煮既!
不過尋晚老公放工時臨時有手尾要搞，返到屋企都晏晏地; 我又好似有少少作感冒所以無煮到，餸就留返今晚煮~
尋日去咗Health Centre 做body check，仲要驗血..................................
我本身算好忍得痛，不過我超驚打針架!!!!!!!!!!!!!!!!!!!!!!!!
我全程驚到拎歪面唔敢望，都唔知佢抽咗幾多枝!!?!?
捱咗一針一定要食好d補返數......
早排天氣開始熱時，我打開個雪櫃時覺得好似唔夠凍，於是我較凍咗個雪櫃~
唔知係咪我較得凍得滯呢?
咁既樣我都唔知仲食唔食得?
醒起屋企仲有苦瓜乾......都係唔好搏嘞! 所以個湯係用苦瓜乾來煲既~
而且今次無落豆腐，但加咗鹹酸菜去煲咗2個鐘!好耐無整過土匪雞翼嘞，今晚焗緊時真係香到呢~~~~~~~
我喺廚房一路整緊其他餸，一路都流哂口水.......
今朝為咗玩新買既食用金粉......
老公放工返到來
: 哇~~~~~ 好靚呀! 就快開飯都話唔聽整咗1隻......
整鬆餅時用咗新買既電子磅......
(舊果個電子磅黐黐地只量到雙數......
) 櫻花櫻桃鬆餅食譜click here~ 鹹菜苦瓜排骨湯(參考食譜)click here~ V女土匪雞翼食譜click here~ 蠔汁鮑片扒白露筍食譜click here~
我諗佢地抽左你３筒﹌ 其實咩係土匪雞翼嘖? 個名咁怪既?﹌
回覆刪除[版主回覆06/10/2010 17:37:00]無望呀~ 唔知抽咗幾多筒呀.......
我篇土匪雞翼食譜有講點解叫做土匪雞翼~
原來因為拮針要補補，唔怪得煮鮑魚啦
回覆刪除我5號嗰日都用埋包孜然粉整雞翼呀，要搵日去九龍城買番包孜然粉，不過今次落埋鹽焗雞粉一齊醃，同埋半煎再加水焗，因為最近有啲熱氣，所以唔煎啦~
[版主回覆06/10/2010 17:36:00]等我寄枝caraway 比妳試吓我個版本!
早排依度都開始有孜然粉賣，我篤過個窿來聞，好中東feel...... caraway 好清香，焗起上來成個廚房香哂，包妳鍾意!
樣樣野食都好特別WO!@@
回覆刪除不過如果係補身,唔係應該整埋燕窩做糖水咩~
[版主回覆06/10/2010 16:04:00]我唔識整燕窩喎! 就算識我都唔會用來整糖水囉，我都唔鍾意食甜野既~~~
我又係勁驚打針呢, 抽血更驚, 怕怕喔...
回覆刪除[版主回覆06/10/2010 17:33:00]枝針插住手臂果幾分鐘真係"渡分如日".......
我以前都好驚抽血, 但呢幾年真係抽血抽到慣晒, 仲可以一邊抽一邊同姑娘傾計講笑..... 仲有打針呀~ 以前細個試過打完果D預防針之後係操場晒一晒就暈底左, 而家大個唔單止比人打針當食生菜, 自己打針都冇有怕呀! 諗諗下, 原來我都可以咁堅強~~ 哈哈~~ (我成日都覺得自己好冇鬼用架!)
回覆刪除[版主回覆06/10/2010 19:26:00]我就真係無鬼用嘞~ 我由細到大都好怕針拮架!!!!
話說我自從來咗英國後，返親香港10次著咗6、7次都會腸胃炎，而且一定要睇醫生先會好喎~ 次次去親浸會醫生都一定話要打針! 果D針打喺pat pat，打完後個pat pat 會好痺架.......姑娘見到我個驚樣，比咗張被仔我攬實來打針!
我就因為以前做過一個大大地的手術,之後住了很久醫院,每天都要打好多次針,由本應好怕打針變到而家唔係好怕了.
回覆刪除[版主回覆06/11/2010 15:56:00]我都做過一個大大地手術，記憶中都係打咗好多針! 不過我仍然係好怕比針拮!!!!!
我就唔怕打針, 所以我定期都有去捐血既. 不過呢, 支針針係隻手度的感覺真係幾怪架 (特別係捐血果陣隻手咪要"咋"住個廁紙筒既, 支針會辛出辛入咁, lee種感覺勁怪) 我係大超市都見過lee d入左樽的露荀, 係淋定爽架 ? 同埋本身有無味 ? (咸定甜?)
回覆刪除[版主回覆06/11/2010 15:55:00]我無捐過血呀! 果時喺香港中學時每年有一日捐血車會到學校，中四以上都要捐~ 不過年年我都太輕唔比我捐......
依種露筍係淋既，所以炆一陣熱咗就食得~ 用鹹水浸係少少鹹鹹地，味道好subtle，但煮得太耐就會變酸架嘞!
我就唔怕打針, 所以我定期都有去捐血既. 不過呢, 支針針係隻手度的感覺真係幾怪架 (特別係捐血果陣隻手咪要"咋"住個廁紙筒既, 支針會辛出辛入咁, lee種感覺勁怪) 我係大超市都見過lee d入左樽的露荀, 係淋定爽架 ? 同埋本身有無味 ? (咸定甜?)
回覆刪除只係量到雙數既電子磅都幾好笑架wo...
回覆刪除我借咗你食譜整土匪雞翼呀..
媽咪話好好食呢..
係度多謝你先!
[版主回覆06/11/2010 15:50:00]舊果個電子磅用咗6年左右，其實已經壞咗好耐，一直只量到雙數.... 我睇啱大細款式，等到減價先買咗依個新野!
唔洗客氣~ 我只係share 食譜，但整比妳媽咪食果個係妳嘛!
唔知點解英國抽血D棉花咁大粒..哈哈~
回覆刪除[版主回覆06/13/2010 01:39:00]係囉~ 果粒棉花真係好鬼大粒!
我都好怕打針, 所以次次我都唔會望
回覆刪除[版主回覆06/13/2010 01:38:00]我又係怕到唔敢望! 不過唔望覺得果幾分鐘好長......
個蛋糕好靚呀,個杯好GRAND呀~~~~~我都好怕打針架,次次打針我都驚到C,最叻果庚係生阿女果陣打針,果次一D都唔怕,因為陣痛都已經蓋過曬,HEHE!!
回覆刪除[版主回覆06/13/2010 01:37:00]多謝~ 整色整水先靚既啫!
我真係好怕針拮!!!! 有時醫生話要打針，我會問佢可唔可以唔打? 佢地一定話唔得.......
咁我要多謝妳先啦
回覆刪除孜然粉好中東味? 我又唔知我用嗰啲中唔中東喎，整出黎既味其實同譚仔都唔係好似，譚仔同譚仔三哥我都試過，我都係覺得自己整嗰啲好食過譚仔嗰啲 不過兩隻馬騮佢地逄係有香草/香料都唔多食 ~
我尋晚先幫襯完三哥，不過冇叫雞翼
[版主回覆06/14/2010 19:09:00]乜仲有間三哥既咩? 我唔知呀! 我淨係試過譚仔咋，不過我完全 唔覺得 有幾香幾好味喎! 我都係覺得自己整既好食過佢多多聲!!
係呀，譚仔有兩間架，一間係譚仔三哥，另一間係譚仔，聽講話好似鳳城咁，其中一間係老店 (我唔記得係邊間lu)，另一間係唔知親戚定伙記出黎開
回覆刪除如果妳嗰次返黎，係去太子嗰間，我記得好似係三哥黎~
不過我覺得兩間無論米線同雞翼，啲味道都係差唔多，我尋晚又去搵三哥啦
[版主回覆06/17/2010 17:41:00]係喎~ 係三哥來喎!
我覺得佢地d米線都唔錯~ 不過個雞翼......我覺得把鬼!