2010年6月4日星期五

豉汁青口


1. 急凍紐西蘭半殼青口溶雪備用。

2. 豆豉略洗後瀝乾,略略搗成泥; 薑數片切絲; 蒜頭剁碎; 辣椒切片; 洋蔥切幼粒備用。

3. 燒熱油鑊爆香薑絲、蒜蓉和洋蔥粒,再下豆豉炒香。

4. 加入青口炒勻後灒酒。

5. 加入少許清水,上蓋焗2分鐘。

6. 開蓋後用糖和少許魚露調味。

7. 最後勾粟粉水芡,加入辣椒片兜勻上碟即成。


9 則留言:

  1. 焗2分鐘D青口會唔會唔熟o架???
    [版主回覆06/04/2010 17:54:00]依種急凍青口熟咗架嘞!
     
     

    回覆刪除
  2. 頭先都去大昌買咗兩包紐西蘭青口,一包青口肉,一包係同妳依啲咁半殼,我第一次買青口肉,唔知好唔好味呢? 我諗住聽日煮冬陰功忌廉汁青口
    [版主回覆06/04/2010 19:57:00]就咁青口肉我就未買過~ 不過依種半殼既紐西蘭青口好鮮甜爽口架!
     
    "冬蔭忌廉青口"聽落好好味喎~  整完快d出篇網誌!!!
     
     

    回覆刪除
  3. 係啦,平時都係買開半殼紐西蘭青口,青口肉我都驚佢唔好食,不過大昌今日有九折,就買包返來博一博啦
    [版主回覆06/04/2010 20:49:00]我喺依度買過去殼蜆肉,咩味都無架!!!!  連殼蜆就好鮮甜嘞~ 去殼蜆肉係熟咗既; 連殼蜆就係生鮮急凍!
     
    我買依隻半殼青口雖然都係熟咗,不過好鮮甜爽口~
     
     

    回覆刪除
  4. Gaileは林家歐巴桑2010年6月4日 上午5:39

    青口我依邊連急凍都冇
    [版主回覆06/04/2010 20:46:00]CitySuper 會唔會有呢?
     
     

    回覆刪除
  5. Gaileは林家歐巴桑2010年6月4日 上午9:43

    CitySuper只有台北先有 中部有間costco已經好了不起,係喎,我諗costco可能有,搵日去八下先
    [版主回覆06/05/2010 00:59:00]Costco 應該會有喎! 我依度間Costco 都有架~
     
     

    回覆刪除
  6. 妳講開蜆肉,以前香港嗰啲無殼急凍蜆肉又係冇味,仲要好又鞋又靭
     
    舊年係吉之島,見到有promoter介紹一隻無殼急凍蜆肉,有得試食,一試覺得佢鮮甜無雪味之餘,仲一啲都唔似以前嗰啲無殼急凍蜆肉咁又鞋又靭,買返黎用黎整意粉好方便,今年年頭就係街市凍肉舖都見到有得賣,仲平過吉之島少少
     
    反而有殼急凍蜆肉我未買過,我淨係見過惠康有,仲要係寫明蒜茸牛油白蜆,好似怪怪地咁
    [版主回覆06/05/2010 01:34:00]係囉~ 就係又無味又鞋又靭果囉!! 所以我一直認為貝殼類一離殼就會失去鮮味架嘞~
     
    吉之島果隻會唔會係開殼後未經煮熟既呢? 所以先可以保留鮮味??
     
    衰鬼~ 其實香港咁易買到生猛蜆,做乜仲買急凍野啫?
     
     

    回覆刪除
  7. 好怕d青口, 蜆肉好 "un", 好鞋
    最近放工去街市, 見到d大蜆好靚, 又平 ... 好似大蜆係唔駛吐沙添
    如果聽日見到, 就買嚟整 "油鹽水大蜆" ... 哈哈, 最簡單方法
    唔知妳果樹有無大蜆呢 ?
    [版主回覆06/07/2010 17:32:00]咁我買急凍連殼既青口 + 蜆都唔會靭~
     
    我依度緊係無大蜆賣啦! 有的話我都唔洗食急凍野......
     
     

    回覆刪除
  8. 個promoter話係熟架,仲叫我地唔好煮咁耐添,我試過有次煮耐咗就靭啦 ~
     
    屋企附近個街市得兩檔魚檔,成日都唔見有蜆同蟹賣,蝦都間中有,不過都唔太新鮮,真係名符其實既"魚"檔  以前住將軍澳,街市海鮮檔多,又有百佳,除咗青口會買急凍,其它海鮮就少買急凍野,仲間中買下潺螺黎煲湯添,而家一係行去旺角街市,一係係花園街市政街市先買到想食既海鮮  嗰日買田雞都專登送咗彤彤返學行去花園街市政街市買,買完行番屋企,天氣又熱,又拖住隻好似烏龜咁慢既細細,真係行到我CC下
     
    所以唯有買定急凍蜆、急凍蠔、急凍蝦,想食都有得食囉
    [版主回覆06/07/2010 17:29:00]花園街街市d野其實幾貴架~ 旺角街市就平好多嘞!  不過天氣咁熱行完街市再攞住d餸行返屋企又確係幾攞命既.....急凍貨確係方便隨時想食都食得到~
     
    妳隻腳好返哂未拆咗野未呀? 未就唔好行咁遠啦! 
     
     

    回覆刪除
  9. 好正呀,等我又試下先,話比你知我4號影完婚紗啦,要等8月頭先有得囉,都時話比你知
    [版主回覆06/07/2010 17:25:00]影咗嘞~ 係咪好好玩呢? (我 + 老公都覺得影婚紗相好好玩架! )
     
    你地幫襯邊間影呀? 攞到相時記住話我知喎!
     
     

    回覆刪除

Related Posts Plugin for WordPress, Blogger...