有個問題我想問問大家 - 請問我外表睇起上來，係咪比人一種完全唔識煮野食，好有餓死老公瘟臭屋feel 呢? 是咁的......上星期我寄野比V爸爸V媽媽時，順便寄咗d生活照比佢地，當中仲有大咋我平時整既食物相 - 唔可以親手整野比V爸爸V媽媽食，比佢地睇吓都好嘛!
因為就郵差送包裹時間既關係，咁我將包裹寄去舖頭~ V媽媽睇緊相時，有熟客人見到就話: 吓? 全部都係妳個女整架?? 仲靚過街買返來果d喎! 不如叫佢喺果邊開返間餐廳blah blah blah......外人誇獎我當然開心啦!
不過V媽媽尋日打電話比我時，一副"估唔到妳真係識整野食果喎!"既口吻令我覺得 - 豈有此理~ 實在太睇小我嘞!!!!!!!!!
唔多唔少都識煮返兩味啩!!)btw V媽媽收到個LV銀包，佢話好鍾意~~~
台式紅燒牛肉麵
連續幾日太鬼熱，熱到個人懶鬼哂連飯都無煮~~~
晚餐求其食少少立雜野就當搞掂......
尋日突然好掛住個廚房!! 於是晏晝喱喺廚房焗貝殼蛋糕 + 整紅燒牛肉~
老公超級鍾意紅燒牛肉麵! 一路食一路不停嗌好味道!!!
我自己就覺得 - 依碗牛肉麵竟然好味到令我有一種"好感動"既感覺!
真係無唸過第一次就可以整到依個味道......
(我 + 老公話既!!)(
"頂太瘋"客人: 我地排隊食小籠包之嘛.......)>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>
剛過去既星期日(6月20日)係父親節，老公親手整咗張咭寄埋比V爸爸~ 不過唔記得咗影相存檔......
果日晏晝去完6299度lunch，夜晚果餐去咗屋企附近另一間中式自助餐"中華風味" - 依間其實就係上次我叫外賣，因為落order 果位女士英文奇差，所以比錯咗咖喱雞胸我果間.....
(網誌~) 原來佢地做中式自助餐兼中式外賣果喎!
雖然"中華風味"樓面細細，仲要係唔起眼既樓上舖，不過同樓面豪裝但大而無當既"China Buffet Palace"相比，"中華風味"實在好味太多嘞!!
而且"中華風味"仲有中國茶供應呢!
(果日天氣超超超好~~~ 
) Madeleines (瑪德蓮貝殼蛋糕)食譜click here~ 台灣 - 紅燒牛肉麵食譜click here~
哈哈 你係百分百美女廚神啦 ^^ k
回覆刪除[版主回覆06/24/2010 01:14:00]唔係架~ 由細到大V媽媽都話我好醜樣架.......
唔﹌﹌ 望你個款﹐我覺得你又靚又叻同埋比較有自信果的﹌ 唔會煮唔到野食餓埋屋企果種﹗ 嘩﹗你一定要睇我個外賣呀﹗超恐怖﹗我天日先登﹌
回覆刪除[版主回覆06/25/2010 06:00:00]講靚 - 好老實我從來都唔覺得自己靚! 只係五官端正果隻啫;
講叻 - 我又唔覺得自己叻! 但我自認有小聰明;
講自信 - 我有一定程度自信! 唔會妄自菲薄囉!
中方外賣呀? 有幾恐怖呀??
通常做媽咪既人地讚妳個女,自己就會暗爽...佢同妳講緊係會踩踩妳架,其實佢應該係好pound of u既...V媽媽係咪呢??
回覆刪除三幅牛肉麵相緊係妳果碗至正啦,至平凡都係頂太瘋果碗...
條裙仔又畫得幾似喎
[版主回覆06/25/2010 05:56:00]V媽媽同我講時，佢喺熟客人面前真係好proud of me 果隻! 不過佢對住我就一副"估妳唔到"既語氣囉....
頂太瘋果碗味道都唔差架! 不過真係自己果碗正好多!!
老公通常畫我只會畫上半身~ 不過果日佢話我著果條裙好靚，所以畫埋成條裙!
Honestly just based on the outlook of you, i can say you know how to cook BUT just very simple or basic food. Absolutely can't believe that you are very good in cooking WHY? Because according to the traditional way of thinking, people believe "pretty girl can't cook"!!! But i can say you are the exceptional one
回覆刪除[版主回覆06/25/2010 05:52:00]haha~~~ thanks very much for your compliment! i guess this is an example of dont judge a book by its cover~
哈, 睇樣好難睇得出識唔識煮野食呢, 不過你煮既食物真係好得..
回覆刪除[版主回覆06/25/2010 05:46:00]多謝~ 不過好似有好多人覺得我唔識打理家頭細務咁款.......
香港都有鼎泰豐，好以叫人走咁，人地剛剛食完隻碟佢嗱嗱林囉走，不過真係好多人排隊食。我結婚啦８月９號，係唔係好緊迫呢．．
回覆刪除wow~估唔到你"是咁的"都識講~haha 你同我case好似..我之前叫我爸爸黎我home食晚飯，事關佢第一次食我親手煮既5餸1湯~感動到喊左tim~wakaka
回覆刪除[版主回覆06/25/2010 05:43:00]哈哈~~~ 我係港女來嘛!
睇來我遲吓返香港，要煮返餐比V爸爸V媽媽食至得!!!
最初真係睇妳唔出咁煮得,都係睇了很多妳的舊作才慢慢接受到囉.
回覆刪除妳好勁呀!
[版主回覆06/25/2010 05:42:00]唉~ 有好多人知道我係獨女，就一口認定我係乜家務都唔識做既嬌嬌女......真係有少少沮喪架~~~
勁我又唔算! 不過我覺得自己煮既唔會太失禮囉~~~
而家都有人唔信我會去街市買餸煮飯,但我又好鍾意喎
回覆刪除我覺得女人係要識煮野食,最好就好似妳咁叻啦~~
妳條裙好靚,我都鍾意依鍾款,可惜而家肥左著得唔好睇
[版主回覆06/25/2010 05:39:00]講煮野食叻又未輪到我~ 咁我係煮飯婆來，點都煮到兩味既!
多謝~ 我都好鍾意依條裙! 我都有幾多依種裙仔架~
哈~你係咪好少整野比阿MA食呀?搞到佢覺得你唔識煮!!
回覆刪除[版主回覆06/25/2010 05:36:00]我來英國之前都唔識整野食既! 而且而家返到香港都無乜機會煮.....不過我都自己一個人住咗咁多年啦，應該比返少少credit 我囉!!!
好有餓死老公瘟臭屋feel , 估你唔到, 是中西廚神!!
回覆刪除[版主回覆06/25/2010 05:34:00]廚神又講唔上! 只係普通煮飯婆啫~ 不過煮飯婆都唔一定要好丫烏果隻架嘛......
可能就係因為你離開屋企既時候仲係好細, 你媽媽仲係記住你唔識煮野既年代! 黠知而家煮得好到比其他人讚, 佢有少少暗喜, 好似我2年前都仲係一個廚房黑星, 而家嫁左之後我UPLOAD我煮野食既相比我媽咪睇, 佢都唔係幾信! 你老公既畫功咁好既? 佢做呢D家?
回覆刪除[版主回覆06/25/2010 05:32:00]可能真係咁啦! 不過話哂我都離開咗屋企咁多年啦，我又嫁咗人幾年，應該比返多d credit 我啦!!!
哈哈~~~~ 多謝妳讚我老公d公仔! 不過依個只係佢嗜好來架咋! 同佢既工作無關~
講真您個樣一d 都唔似煮野咁叻既人, 不過事實証明左呢d 係無樣睇架啦! 係2-3 年前, 我返去煮過一餐比我媽咪爸爸哥哥食, 佢地都估唔到平時咩都唔做既我竟然可以個半鐘煮到一餐四人飯比佢地食! 您下次番下去真係要露兩手啦... 嘻嘻.... 不過話時話, 我今次返到去好似自動自覺做番二小姐咩都唔做... 但返到黎又做番灰姑娘啦... 嘻嘻嘻!
回覆刪除[版主回覆06/28/2010 23:07:00]其實我都好想有機會整野比V爸爸V媽媽食! 不過難得返香港，緊係想爭取機會食多dV媽媽既手勢啦~~~
餐外賣有幾恐怖?﹗ＨＭＭ﹌ 條春卷成塊多士咁大呀﹗同埋個皮好假呀﹗ 你有自信係好事黎﹐我就成日對自己唔滿意﹐ 可能因為我細個時俾人話蠢話得多﹐ 總之就成日覺得自己好蠢啦。
回覆刪除[版主回覆06/28/2010 23:05:00]一陣去妳度睇恐怖春卷!
我完全唔覺得妳係無自信喎! 只係妳對自己有要求啫~ 對自己有要求 + 無自信係兩樣野來!!
淨睇你個樣，真係完全唔似識煮野食既，唔好講話原來係高手添
回覆刪除[版主回覆06/28/2010 23:04:00]高手我又唔算! 不過真係幾多人同妳一樣覺得我唔識整野食.......
嘩~~~~你真係咩都識整,唔洗出去幫襯LU!!
回覆刪除[版主回覆06/28/2010 23:02:00]嘻嘻~~~~ 過獎嘞! 不過自己整一定平過出街幫襯人地!