台式小店 - Meadowood Cafe 褔爾摩沙 (2010年6月6日)

計一計原來已經有年幾無去過依間我超愛既小店咯喎......

係呀~ 蘇格蘭有台灣野食架!

蚵仔煎、臭豆腐、豬血糕、五更腸旺......依d材料比較刁轉，又唔多啱洋人口味既食物就緊係無啦......
雖然只係一d比較大路既台灣食物e.g. 牛肉麵、滷肉飯、鹽酥雞、珍珠奶茶......不過絕對係正宗口味架!

我 + 老公一向好鍾意台灣又好鍾意食台灣野!

(之前我地去完台灣返來後， Mr.T用台北街景整咗依幅野......)

 睇吓依幅公仔就知我地幾鍾意台灣啦!

約3年前朋友告知愛丁堡有依間小店，第一次幫襯已經即時愛上咗!  而且多年來水準維持一樣好，去過咁多次都非常滿意!  

尋日去愛丁堡行街，再次重訪依間久違既台式小店，水準同樣一d都無退步到! 我 + 老公邊食邊讚好味 - 可能咁耐無去過，覺得仲加好味~~~~~~

喺蘇格蘭真係非常難得啊!!

 先來一碗我既頭盆牛肉湯~

超多牛肉; 個湯同牛肉麵既湯底係一樣既 - 同我喺台灣食到既比較，有過之而無不及! 又香又濃仲有少少辣......真係好飲到呢!!!!!!!!!!

 老公頭盆冬蔭雞湯~

無錯 - 正確來講依間小店其實係台式fusion! 雖然係fusion，但台式既食物都係好正宗既!  

不過就算好似依碗唔係台灣野既冬蔭雞湯，一樣好味到想"瀨"乾淨個碗底!!

 一定要點既2份分即叫即蒸點心拼盤~

因為即叫即蒸，所以叫依個就要等，不過等耐少少都係值得既!

因為每粒都皮薄餡靚，而且充滿湯汁~ 絕非中式超市急凍貨色!!

 我既炸鹽酥雞飯配炒雜菜~

依個炸雞飯由第一次開始已經食上癮!

其實每次再去Meadowood時都想試吓其他新野，不過每次一見到餐牌上果幅炸雞飯相，我就欲罷不能都係要點返依個炸雞飯......

所以 - 我要試吓自己整依個炸鹽酥雞!!!!

 老公既唔知咩豬肉飯配春卷~

平時老公去親Meadowood 都會點牛肉麵~ 不過今次佢就點咗依個有炸菜既豬肉飯餐，個汁辣辣地，撈飯真係一流!  不過稍嫌肉少咗d喎......

仲有果3條春卷......所有飯餐都係配春卷或炒雜菜任擇其一既~ 初時我以為春卷有可能係超市現成急凍貨色，所以先選炒雜菜;

點知老公比咗1條我食之後，我先知原來條春卷係咁好好好食既!!!! 下次我一定會選春卷!!!!!!!

仲有不得不提佢果壺烏龍茶 - 一飲就可以肯定唔係中式超市貨色~ 飲完真係齒頰留香!!

 飲飽食醉意猶未盡，整多杯台式奶茶攞走~

尋日渣緊去愛丁堡時，一路上內心不停掙扎: 究竟去Meadowood食台灣野好吖? 定去食日本野好呢??

 最終我地選擇咗去Meadowood - 真係非常明智既決定!