Fish Pie - 焗魚批
先講返星期三晚(6月23日)......
星期三晚本來想再整紅燒牛肉麵既，不過果晚熱得滯，我無乜胃口!
老公早前收到Domino's pizza 優惠券......
轉個頭洗完手準備食野......
返來見到盒雞翼變成咁! 魚批呢本來係前晚星期四(6月24日)煮既!
點知買好哂材料後，99突然call 老公，叫老公放工時接咗我就返去有事商量......
去完99度已經晏晏地，我個肚仔又不停大叫!
已經唔想煮野食~於是去咗早排啱啱開張時麻麻地既China Buffet Palace，比個2nd chance 佢啦!
反正當時我咁鬼肚餓，要求已經跌到負數! 唔會好似平時咁刁咀......
食物選擇多咗好多，都幾好味~ 最正係果晚有燒鴨!
(太肚餓掛住食無影相~ )
咁焗魚批就順延至尋晚(6月25日)先整啦!
真係好耐好耐無整過魚批嘞! 完全忘記咗上一次整係幾時?
Once again 老公又係好鬼鍾意依個魚批!
我第一碟都未食到一半，老公已自行去裝第二碟!!
)之前有網友同我講話依個魚批好難整~ 但其實一d都唔難!!
我剛剛更新咗魚批食譜，重新影過食譜既相 + 加入咗詳細步驟，更加清楚易明! Fish Pie 焗魚批食譜click here~
各位留9唔搭8 spam + 賣廣告既厚面皮人渣垃圾佬 + 垃圾婆~
回覆刪除想話比你地知 - 無論你地一日入來留幾多次垃圾，本小姐一見到都會全數剷清!
尤其果位叫Leo 咩"上帝已死@聖誕是無恥的謊言"既精神病電車男 ，你所有留言我都會"優先處理"!!
Hello Veronica,
回覆刪除你間唔中炸下野/焗下野,咁你有無煲d 五花茶/苦茶飲呢? 降下火嘛 !有無諗過開多個分類.......叫 V乜鬼中藥 呢?...hehe
[版主回覆06/28/2010 23:35:00]我唔飲涼茶果喎! 無咁既需要~
而且我睇書中醫話涼茶苦茶唔應該亂飲，要視乎每個人體質受唔受得!
我見到你兩條真正春卷﹐又即刻諗起我外賣個件﹐好激氣添﹌ 真係突然想食起黎又整成咁樣啤黎賣俾我﹗ 我唔係太食魚﹐不過好想食你個批果的汁呀﹗
回覆刪除[版主回覆06/28/2010 23:34:00]妳好似比條春卷激得好嬲喎!
做咩唔食魚呀? 食魚皮膚先靚架嘛! 依個批唔用魚的話，可以用其他海鮮架!!
It looks soooooo good!!! I'm definitely give it a try!!! :) Now i wanna make one for lunch!!!!!
回覆刪除[版主回覆06/28/2010 23:32:00]Thank you~ try it! it is yummy~~~
好“正”.....
回覆刪除[版主回覆06/28/2010 23:28:00]好好味架! 妳又試吓整吖~~~~
有哂步驟程序睇嚟好易整喎!
回覆刪除不過好多材料屋企都冇，
等我搵日試吓整過簡易懶人版先得!
多謝妳嘅食譜呀!
[版主回覆06/28/2010 23:27:00]唔洗多謝!
之前未加詳細做法，好多網友話好難整.....加咗相後真係清楚好多!
個焗魚批好正, 我一定會整, 不過想問下如果唔食波菜, 仲有無其他選擇呀
回覆刪除[版主回覆06/28/2010 23:25:00]我自己覺得菠菜係最好既選擇! 如果唔食菠菜既話，直程唔用菜都可以!
個焗魚批好正呀
回覆刪除[版主回覆06/28/2010 23:24:00]真係好好味架! 所以有客人來食飯時，我成日都會整依個!
睇嚟個魚批幾易整咁喎 顏色又正，吸引左我去試先啦
回覆刪除[版主回覆06/28/2010 23:24:00]食譜加咗詳細做法真係好好多! 之前得字，好多網友話難整.....
你好，謝謝你的分享，我想問一下，菠菜苗係唔係等於菠菜葉呀?如果冇菠菜苗又可以找咩野代替呀??同埋個爐要預熱幾耐呀??我都想跟你的食譜整返一個呀，不過睇落真係好多功夫呢~~~
回覆刪除[版主回覆06/28/2010 23:23:00]菠菜苗係baby spinach，即係嫩既菠菜葉~ 若搵唔到菠菜苗既話，可以用普通菠菜葉(去莖!)
焗爐我一般預熱5至10分鐘就可以~
其實步驟雖然多，不過其實每個step 都好簡單!
我整咗個魚批啦!
回覆刪除[版主回覆06/28/2010 23:18:00]一陣去妳度睇呀!