胡椒白果腐竹豬肚湯; 香草咖喱煎雞翼; 鰻魚汁燒牙帶魚 & 蒜蓉菠菜苗
依幾日天氣好好! 朝早到晏晝好好太陽又有微風，真係好舒服~~~~
但一到咗傍晚就變到一滴風都無!!!! 
熱屎辣辣齋坐喺度都會標汗!!!!!!
依餐本來係星期一晚煮既，就係因為天氣太熱連續偷懶咗幾日.......
好耐無煲過豬肚湯，weekend 去泗和行買餸突然唸起好想飲豬肚湯
，即時買咗個雪藏豬肚 + 2包白果~ 真係好好飲啊!!!!!!!
好多時有好多調味料都係必需既，但每次只用好少份量! 例如香草、香料之類，一次實用唔哂!
所以買吓一枝買吓又一枝.......
係時候要清吓依咋野嘞!
)估到到亂整一通都幾好食喎! 而且煎雞翼時好鬼香~~~~
雞翼不愧係最易整又變化最多既肉類!
我未食過牙帶魚，所以買來試試!
不過唔知係咪因為雪藏呢?
溶雪後我覺得有少少腥味! 所以煎完後我加咗薑絲 + 鰻魚汁......但食落又完全一d都唔腥喎! 
你地話無搞錯吖?????
上星期二(6月8日)我驗血......
blood test 已經過咗超過一個星期......
原本針口周圍既瘀已經好返7788 (紅箭咀); 不過唔知點解針口附近另一邊會多咗一撻痛既瘀(藍箭咀)????
大佬~ d瘀血唔係唸住沿條靜脈去旅行遊勻哂我全身吓哇!!!?!?!
一個細細針口竟然有咁大力量!!!!
胡椒白果腐竹豬肚湯食譜click here~ 香草咖喱煎雞翼食譜click here~ 鰻魚汁燒牙帶魚食譜click here~
各位留9唔搭8 spam + 賣廣告既厚面皮人渣垃圾佬 + 垃圾婆~
回覆刪除想話比你地知 - 無論你地一日入來留幾多次垃圾，本小姐一見到都會全數剷清!
我次次抽完血都會瘀一大塊,不過就唔會周圍走既,妳係咪抽血時俾姑娘大力得濟禁瘀左後面呀
回覆刪除[版主回覆06/19/2010 04:18:00]我以前抽血未試過好似今次咁瘀法架!
而且我事先話咗比姑娘聽我好怕打針，所以佢都好輕手果隻~~~
我都係咁架，我平均4個月左右就要去抽一次血，次次D阿姐OR姑娘都會同我講：「你D血管咁幼架，好難揾呀。」然後拮左支針入去後發現竟然抽唔到血喎，佢地就會攞住支針撩下撩下咁不停郁。
回覆刪除每一次我個針口位先會瘀左一大撻，然後過多幾日就會腫起一舊，再過幾日嗰舊野消腫後，又會瘀一大撻，不過嗰撻野越大就會好得快D，因為姑娘話咁樣先代表D瘀血消失得越快。
不過，MRS. T 你咁樣應該係抽完血當時冇按實個針口OR按得唔夠耐，因為每次抽完血都要按起碼5分鐘左右，個傷口先至埋口，同埋抽完血嗰日都唔好拎重野，如果唔係個傷口有機會又再扯開架。
[版主回覆06/19/2010 04:16:00]咁我個姑娘手勢唔錯，佢拮咗一下就抽到嘞!
聽妳 + 其他網友講，我唸真係因為我無按實(痛嘛!!!!) + 之後我左手用力過度~ 我下次會留意吓! 唔該哂~
我有次打針都係甘, 瘀左一大片, 因為我都好怕打針, 打時放鬆唔到...就變成甘 +___+
回覆刪除V女, 你手臂粒mole個位置同我好似呀, 同埋我之前發現你左手背都有粒mole又係差唔多位置....唔通你係我失散多年既妹妹....哈哈哈哈
[版主回覆06/19/2010 04:12:00]我又係好鬼怕打針架! 不過瘀成咁仲會走位，今次真係第一次!!!
哈哈~~~ 係咪上次我同朋友食飯後有免費美甲時睇到呢? 我左手手背其實有2粒架! 一粒凸另一粒平~ 凸果粒由細到大都有，仲要喺手背正正中間; 平果粒係大大吓突然標出來架...... 可能我地真係失散姐妹 - 不過可能妳係妹妹呢!
嘩, 妳又係瘀得耐d既
回覆刪除應該係姑娘手勢唔好喇
[版主回覆06/21/2010 06:00:00]網友話應該係我抽完血無按實針口，加上我左手用力過度，所以今次瘀得咁犀利!
你個瘀好番d未呀？？ 睇到我肉都赤埋！ 試吓碌熱蛋/冰敷散瘀啦
回覆刪除[版主回覆06/21/2010 05:56:00]多謝關心啊~ 瘀差唔多散哂嘞! 不過新果撻瘀仲有少少痛......過多一兩日應該會完全好返哂架嘞~
嘩 ... 瘀得好嚴重哦 ... 我就好少會咁... 但我血管天生難搵又幼.. 入親醫院... 的護士都要針我幾下先搵到 ...... 護士話一打完針後, 要用少少力按住會無咁容易瘀 !! k
回覆刪除[版主回覆06/21/2010 05:54:00]我唸除咗我今次無用力按實針口之外，仲因為我抽完血後左手用力過度，所以瘀得咁犀利!
都話叫你老公搽的藥按下你就快的散﹌ 你又唔俾佢整﹌ 你菠菜苗都有得食呀﹖﹗我試都未試過呀﹌ 一定好好味喇﹌﹌
回覆刪除[版主回覆06/21/2010 05:50:00]就來兩個星期嘞，但今日撻瘀仲有少少痛.....妳話死未?
菠菜苗咪即係baby spinach 囉! 得菠菜葉果d呀~ 妳果邊都應該有得賣架!
原來係鬼佬菠菜﹗咁我鐘意食唐人菠菜多的﹌ 不過淨係冬天先有得賣﹌
回覆刪除[版主回覆06/22/2010 06:53:00]緊係唐人菠菜有菜味好食好多啦! 我都唔明點解d洋人咁快就抆咗棵菠菜???
不過我依度中式超市 + 印巴店一年四季都有唐人菠菜賣!
呢幾日香港都熱到爆呀
回覆刪除[版主回覆06/24/2010 00:52:00]係呀~ V媽媽都話香港好鬼熱!!!!
呢幾日熱到我想C,我返左廣州玩4日,果4日我完全係溶左,邊度都唔想去,只係想嘆住冷氣食雪榚咋!
回覆刪除[版主回覆06/24/2010 00:52:00]係呀~ V媽媽都話香港好鬼熱!!!!