雖然只得廿零度，不過有大太陽，加上一滴風都無，所以好鬼熱之餘，手腳都要搽哂防曬先敢出街!
天氣咁好，最好就係影花花嘞!
每次影咗d好靚既不知名野花，返到屋企查吓書上網做吓research，搵出花既名稱 + 習性......真係好有滿足感!
實在太好玩嘞~~~~ 
所以我要趁住依個天氣超好既夏天，盡量影多d花花靚相!!!!
依條長草坪一到咗春夏季就會生滿各種野花，council 會定期派人清理草坪上雜草，所以要影相就要快手!
平時來回兩線實在太多車太危險嘞!
所以老公禁止我平日一個人去影相，寧願趁星期日晨早無乜車，早d起身及實我任我影個夠~~~ 
一聽到"罌粟"2字，而且又係有毒既，好容易就會聯想到毒品鴉片......不過其實野罌粟 + 可以提煉毒品既鴉片罌粟係唔同架!
雖然今次我主要係影野罌粟......
而且春夏兩季經常見到生滿motorway 兩旁~但當中都有少許"漏網之魚"攝到位......
Rough Marsh Mallow 每年6至7月開花; 粉紅色小花直徑只有約25mm，花莖被有細絨毛; 現屬英國稀少品種，集中生長南部Kent + Somerset~
Cornflower 係一種過往好常生長於農作物田既野花; 由於英國種植小麥、大麥、黑麥、燕麥等既田地，以前一律被稱為"corn fields"，依種紫藍色野花亦因此而得名"Cornflower"~ 並非粟花既花啊!
隨住現代農業發展規模集約化，加上過份使用除草劑，cornflower 已經絕跡農作物田! 而且過去50年裡面，全英國cornflower 生長點由原本264個銳減至3個......依種咁靚既紫藍色野花已經快將頻臨絕種嘞!!
一早喺2條馬路中間挺而走險影完一大輪後，晏晝轉戰Glasgow Fort 隔離休憩處既人工湖影天鵝 + 鴨仔!
不過都有影花花......
名衰唔緊要，最緊要樣靚!!
e.g. 個男人行頭，2個女人一左一右跟尾...(大婆 + 二奶?? 
)
搵日我要帶d野食去餵佢!!!
嘩..........好靚呀 ......真是靚到HK 都抓不到.....
回覆刪除[版主回覆06/22/2010 05:34:00]香港野花種類未必夠英國靚 + 多，不過香港都仲有好多好靚既地方既!
哈哈~~睇你既Blog唔單止好開心，仲學到好多野添啊 >3< D花真係好靚啊!! 完住唔似生係馬路邊 >< 呢排見到好多朋友去日本關西，都係周街有好多 Oxeye Daisy啊~ 真係好靚呢 香港要特登去公園或者行山先見到D咁靚既花花草草呢~!
回覆刪除[版主回覆06/22/2010 05:33:00]香港地少人多污染又多，都無咩地方比花花生存咯......
妳影既花花相好靚
回覆刪除咁靚既花睇到個人都開心d呢～～
[版主回覆06/22/2010 05:31:00]多謝Andrea!
不過d野花好靚我先影到靚既花花相啫~
你都研究左好多花種習性 野罌粟花蕾垂低頭幾得意咁....
回覆刪除[版主回覆06/22/2010 05:30:00]我好鍾意野花嘛! 對於自己鍾意既野我好有興趣知多d架~
WA。。。您一年後咁都認得個隻白鴨。。。好厲害呀！！ 您咁講， 我都覺得佢好可憐呀。。佢個樣都好似唔好開心咁呀！！您記得要帶埋野食去探佢呀！ 以前我BF 同佢D FD SUMMER 都有去餵鴨仔。。。不過我就唔夠膽餵！ 我太驚除人以外既動物啦～
回覆刪除[版主回覆06/22/2010 05:29:00]哈哈~~~ 果隻唔係白鴨來架，係天鵝呀! 我唔係認得佢，只係果個人工湖之前一直都有2隻天鵝架嘛! 天鵝搵到自己另一半後，一生一世都會一齊架~ 所以我好奇怪點解得返佢一個囉?
我都覺得佢個樣好似好唔開心~ 我一定會返去餵佢，因為我住得都幾近!
VERY NICE
回覆刪除[版主回覆06/24/2010 00:43:00]Thank you!
d 花花好靚
回覆刪除香港係郊外都係見樹個d 多，好少遍地都係花…
同埋好想知係點上網search 架？我次次都影左相唔知點搵佢係乜…
[版主回覆06/24/2010 00:41:00]我買咗2本野花圖鑑，所以影完相後，我會先查圖鑑搵出名稱，然後先再上網搵多d有關既資料囉!
我比幾個有關花野生生態資料庫網址妳吖~ 希望妳會有用啦:
- http://web.igarden.com.tw/magazine/
- http://www.hkwildlife.net/index.php
- http://www.floral.com.tw/
妳諗住帶d咩去餵隻天鵝 ??
回覆刪除[版主回覆06/24/2010 00:34:00]蛋糕或者麵包啦!
呢幾日無煮飯呀??
回覆刪除[版主回覆06/24/2010 00:33:00]依幾日熱到無咩胃口，連煮都唔多想煮....... 不過尋晚煮咗麵啊~~~
哈哈，在你的blog，我学会了buttercup， 在送女儿上学的路途中有好多这些野花，于是就对她这就是buttercup 啦。女儿：你怎么知道的？？我：是有一个朋友說的。
回覆刪除[版主回覆06/24/2010 00:33:00]係呀~ 咁妳囡囡鍾唔鍾意buttercup 呢?
感覺好似會落雪的地方, 夏天的野花特別靚.....等我再抓抓HK 可以影到邊D 靚靚花花先
回覆刪除[版主回覆06/24/2010 00:32:00]咦......我又無咁唸過，不過妳一提到又好似真係喎!
好多靚花呀~><
回覆刪除不過原來罌粟都有分唔同既類別呀...唔怪之得呢D罌粟可以咁大條道理留係比人睇得到既地方啦!
[版主回覆06/24/2010 00:31:00]係架~ 依種同製造毒品果種罌粟唔同架!
嘩, 真係好靚呀, 我最鍾意係嗰啲白色野菊花! :p
回覆刪除[版主回覆06/24/2010 00:30:00]牛眼菊依度一到夏天周圍都見到~
D 花好靚呀..香港真係好少機會見到呢D花..
回覆刪除[版主回覆06/24/2010 00:29:00]香港地少人多，污染又嚴重~ 不過而家好多人用除草劑，英國好多野花都越來越少嘞......
... keep sharing with us.... ....Have a nice and relax day!
回覆刪除......................................................
[版主回覆06/24/2010 00:28:00]Thanks for visiting~
妳又知果隻係鴨公??唔俾佢係女架...一女帶住兩隻"小白臉"
回覆刪除我都鐘意佢
[版主回覆06/24/2010 00:28:00]緊係唔比佢係女啦~ 因為果隻係綠頭鴨來架! 雄性頭 + 頸都係深綠色 (張相陽光問題望落係黑色!); 雌性呢就好似後面跟住果2隻咁既樣~
我都好鍾意依張相架!
影得好靚靚呀 ^^ k
回覆刪除[版主回覆06/24/2010 00:25:00]Thanks Katie~
d野罌粟係條交通繁忙的馬路上都可以生長得甘靚........
回覆刪除[版主回覆06/24/2010 00:25:00]而家好多人用除草劑，野罌粟已經越來越少見嘞!
我呢度的天鵝都唔怕人架﹗ 散步時唔讓人添架﹗
回覆刪除[版主回覆06/24/2010 00:24:00]依度有好多天鵝唔怕人仲好鬼惡架!!!! 有時會追住人問人攞野食架.......
今日我行返屋企時﹐仲見到佢地係條河度唔俾的船泊位﹗
回覆刪除[版主回覆06/25/2010 18:00:00]連船都唔怕??? 德國d天鵝咁鬼惡......