牛油杯 & 狐狸手套

"牛油杯" - Buttercups 係另一種我好鍾意，喺蘇格蘭好普遍夏天盛開既小野花!

屋企附近有一片草地，佈滿盛開既牛油杯......

 喺馬路邊每日比車既廢氣兜口兜面噴，但都可以開得咁茂盛~

  小小牛油杯好強啊!

 密密麻麻既鮮黃小花，襯埋青蔥如茵既綠草綠葉，真係好靚啊~~~~

我一向都好鍾意野花~  最近天氣好，加上周圍盛開既野花，令我對野花既興趣越來越濃，好想知多d有關英國野花既資料!

我嫌網上既野花資料唔夠詳盡......

 於是特別買咗2本有關英國野花既書，滿足我八卦既求知慾!

原來......

(2007年6月攝) 大前年喺屋企附近一幢住宅路邊圍欄內，發現依棵好鬼靚既花!

(圍欄只係用來分隔住宅 + 行人路，並唔係花糟來~ 春夏季會有雜草叢生，但會有專人定期清理雜草!)

當時我以為依棵咁鬼靚既花係一般家庭花園種既花，只係機緣巧合下有種子錯落路邊圍欄內......

我覺得將花繼續留喺圍欄內既話，遲早一定會比人剷走!!!

於是當時我 + 老公計劃搵一晚深夜時去偷花，攞返屋企種~

點知計劃尚未進行，棵花就已經比人剷走咗嘞!!!!!

 (2007年6月攝) 開既花好特別，顏色鮮艷好鬼靚!

直至我買咗依2本英國野花書，我先知道依棵咁鬼靚既花，原來都係野花來! 名為Foxglove (狐狸手套); 正式名稱就叫做"毛地黃"~

不過原來咁靚既毛地黃全棵所有部位都有毒架!!!!!! 而且仲可以毒死人......但同時中藥 + 西藥都有採用毛地黃來製造心臟病藥~

好彩無去偷花啫! 如果唔係可能毒鬼死咗都唔知咩事......

>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>

 尋日(6月3日)喺屋企又摷多包唔記得幾時 + 喺邊度買既包裝Lavender 出來......

依包野又係"方便植物"來 - 撕開包裝，裡面有泥 + 另一小包種子; 只要將種子灑喺泥上再淋水，原袋放喺窗邊等佢自行生長就得架嘞!

不過..........

 依包野好明顯已經擺埋咗一段時間.......

well 雖然係過咗期，但反正都摷咗出來，就即管試試種啦!

題外話......尋日屋企附近間教堂有人結婚~

 架花車係我喜歡既古董老爺車款式，好靚啊!

我地英國既婚禮都係用依類古董老爺車架!

不過我地果架係米色 + 開篷架~~~  (網誌)