The Trossachs (2010年6月27日)

是日去咗郊區 - The Trossachs 親親大自然!

The Trossachs 係著名風景旅遊區來~ 果頭有山有水，花花草草蟲蟲乜都有 - 啱哂我! 而且路程唔太遠，都幾方便!

周圍行吓玩吓影吓相，順便搵定個BBQ既好位置!!

 上游有淺河溪澗~

 d水好清澈好乾淨架!

 下游係Loch Lubnaig~

 就依度啦! 喺依度燒野食一流!!

 老公掟石仔好叻架!

The Trossachs 除咗有靚風景，仲有好多野睇架......

 山邊發現有好多Wild Strawberry (野草莓)!

 野草莓每年4至7月開花，6至7月結果;

 結既果比一般普通士多啤梨細好多好多，每粒約1至1.5cm 大小，好鬼cute~~~~

實物同依粒士多啤梨公仔差唔多大啦!  

十足十小人國既士多啤梨!! 哈哈~~~~

 小小士多啤梨多汁且帶強烈士多啤梨香味，而且無毒可食用~

網上好多人話野草莓非常香甜~ 不過因為果日我未知野草莓有無毒，所以無試到! 下次我一定要試吓!!

 原來野草莓喺英國屬好常見，喺全英國廣泛分佈~ 不過我第一次見咋!

 山邊有大棵Dog Rose~

 Dog Rose - 歐洲野玫瑰，又名狗薔薇; 花莖有刺，每年6至7月開花，花白色帶微微粉紅~

個名衰衰咁，但d花好靚吓架!!

行到山谷一處濕地，見到好多一球球既"棉花"散佈......

 原來係依種專生長喺沼澤濕地且耐寒，叫做Cottongrass - 羊鬍子草既植物~

舊時代Cottongrass 被用來製造蠟燭心或填充枕頭，同時亦有作藥物之用。

 去到郊區我先發現 - 原來Foxglove (毛地黃)喺山邊周圍都有好鬼多! 只係我以前無特別留意過......

野果野花野草，仲有大咋蟲蟲......

 依隻不知名蜘蛛雖然只得粒豆咁大，不過螢光黃實在太搶眼!!

 顏色古怪，連個"網"都怪過人一pat 野咁......

依種蜘蛛我第一次見咋! 網上搵咗好耐仍然搵唔到佢叫咩名......

高人請指教!!

濕地唔止有Cottongrass......

 仲有好鬼核突，大大條兼滑潺潺，俗稱鼻涕蟲既蛞蝓~ (比佢嚇鬼死!! )

仲有辛勤小蜜蜂.......

The Trossachs 真係一個好靚既地方啊~~~~

 而且又有好多obejects 任我影餐飽!

搵日要去果頭BBQ先!!