酒店餐廳假期點會唔開呀????
其實已經唔係第一次架嘞! Hilton Minsky's 請埋哂一大班來自東歐英文半桶水既半工讀侍應，每次打電話book 枱時問多佢地兩句，佢地應付唔到就話餐廳唔開!!
真係比佢地吹脹~~~~~
>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>
烏冬同上次一樣幼細爽滑彈牙; 冬蔭湯底超級美味，成碗比我清哂見底~ 正!
吉列豬扒外香脆，內軟熟得來充滿肉汁，一d都唔乾; 咖喱汁香濃，好香咖喱味加埋恰到好處既辣，唔似一般日式咖喱咁得個甜字~ 依個飯好好食啊!
冬蔭係Wudon 既強項!
依個冬蔭海鮮湯非常好味足料~ 只係咁鬼細碗要£4.50，稍嫌貴咗少少!! 
燒鰻魚嫩滑惹味; 蝦天婦羅同上次水準一樣好!
今餐比上次果餐Wudon 更加好食~ 我 + 老公更加滿意!
Wudon 其實係一對姓胡既姊妹(中國人)開既，雖然係東南亞fusion 菜，但真係好有水準! 改變咗我一向對fusion 菜無好感既習慣~ 
另外仲要一讚既係 - 佢地出菜奇快!!
上次已經覺得佢地上菜好快，但當時以為只係咁啱one off~ 點知今次都一樣好快手!
食物同服務水準一樣好!!
呢餐好似好味的吸引的哦 ^^ kB
回覆刪除[版主回覆06/03/2010 04:17:00]係呀~ 依餐我地好滿意呀!
有咁好的水準咪好囉 , 起碼有好嘢食呀 ...
回覆刪除[版主回覆06/03/2010 04:17:00]其實依度都有好多有水準既餐廳既，只係最近幾次試既水準都比較差.......
終於有間水準維持而且仲加好既餐廳嘞...賣相已經吸引哂我既目光啦
回覆刪除[版主回覆06/04/2010 23:24:00]小店可以有咁既水準真係唔錯!
通常新野番撻都好少俾妳讚, 因為多數第2次都麻麻地
回覆刪除估唔到依間wudon咁好味 (睇d相都覺得)
抵讚!!抵讚!!
[版主回覆06/04/2010 23:24:00]都唔係既~ 依度fine dining 既餐廳，翻撻幾多次都一樣好味架!
睇相都睇到我流口水，尤其個冬陰功 唔理佢FUSION唔FUSION，好食最緊要
回覆刪除[版主回覆06/04/2010 23:22:00]真係估唔到fusion 都有咁既水準! 平時我只覺得fusion 好不倫不類，大部份都唔好味......
冬蔭湯烏冬和燒鰻魚好正呀 .
回覆刪除[版主回覆06/04/2010 23:21:00]今餐全部都好正!
日式咖喱吉列豬扒飯我都好鍾意架
回覆刪除[版主回覆06/04/2010 23:21:00]香港大把好地方食日式咖喱吉列豬扒啦!
上菜太快我反而唔係太鐘意﹌ 不過個ＣＵＲＲＹ豬扒飯望落都覺得好正﹗
回覆刪除[版主回覆06/04/2010 23:20:00]我鍾意呀! 通常我點完菜就會覺得越來越肚餓~~~
條鰻魚都好大條吓，睇到流口水 你叫嗰幾樣野我都鍾意食
回覆刪除[版主回覆06/04/2010 23:19:00]直頭係啖啖肉呀! 而且個汁較得幾好味~
日式咖喱吉列豬扒飯都唔錯~~
回覆刪除[版主回覆06/04/2010 23:18:00]依間野樣樣都唔錯~