2010年6月18日星期五

二人世界三餸一湯 - 2010年6月17日 (附食譜)


胡椒白果腐竹豬肚湯; 香草咖喱煎雞翼; 鰻魚汁燒牙帶魚 & 蒜蓉菠菜苗

依幾日天氣好好! 朝早到晏晝好好太陽又有微風,真係好舒服~~~~  但一到咗傍晚就變到一滴風都無!!!!   熱屎辣辣齋坐喺度都會標汗!!!!!!_2136.gif image by veronica_tsim


依餐本來係星期一晚煮既,就係因為天氣太熱連續偷懶咗幾日.......

好耐無煲過豬肚湯,weekend 去泗和行買餸突然唸起好想飲豬肚湯 ,即時買咗個雪藏豬肚 + 2包白果~
真係好好飲啊!!!!!!!118712982_c.gif image by veronica_tsim

雖然老公唔食豬肚,不過佢都好鍾意飲依個湯!
好多時有好多調味料都係必需既,但每次只用好少份量! 例如香草、香料之類,一次實用唔哂!
_1562.gif image by veronica_tsim所以買吓一枝買吓又一枝.......

 最終變成一大咋!

係時候要清吓依咋野嘞!

 隨手"拿"咗咖喱粉、Marjoram、 Dill + Parsley......

 手痕再加埋Garlic Granules (有味既幼蒜粉! )

估到到亂整一通都幾好食喎! 而且煎雞翼時好鬼香~~~~

雞翼不愧係最易整又變化最多既肉類!

 泗和行有雪藏斬件牙帶魚賣,£3幾銀就有一大包好鬼抵~

我未食過牙帶魚,所以買來試試!


我見好多人都係就咁煎來食~

不過唔知係咪因為雪藏呢?  溶雪後我覺得有少少腥味! 所以煎完後我加咗薑絲 + 鰻魚汁......但食落又完全一d都唔腥喎!

你地話無搞錯吖?????Peeved-small.gif image by veronica_tsim

上星期二(6月8日)我驗血......
 3日後(6月11日)隻針口周圍變成咁!

blood test 已經過咗超過一個星期......

 尋日(6月17日)~

原本針口周圍既瘀已經好返7788 (紅箭咀); 不過唔知點解針口附近另一邊會多咗一撻痛既瘀(藍箭咀)????


 依撻新瘀附近一條靜脈深色咗,而且按落去竟然都痛既!

大佬~ d瘀血唔係唸住沿條靜脈去旅行遊勻哂我全身吓哇!!!?!?!
203508835.gif image by veronica_tsim

一個細細針口竟然有咁大力量!!!!

 

 胡椒白果腐竹豬肚湯食譜click here~

 香草咖喱煎雞翼食譜click here~

 鰻魚汁燒牙帶魚食譜click here~



11 則留言:

  1. 成日都好鬼happy 既Mrs.T2010年6月18日 上午3:29

    各位留9唔搭8 spam + 賣廣告既厚面皮人渣垃圾佬 + 垃圾婆~
     
    想話比你地知 - 無論你地一日入來留幾多次垃圾,本小姐一見到都會全數剷清!  
     
     

    回覆刪除
  2. Gaileは林家歐巴桑2010年6月18日 上午4:25

    我次次抽完血都會瘀一大塊,不過就唔會周圍走既,妳係咪抽血時俾姑娘大力得濟禁瘀左後面呀
    [版主回覆06/19/2010 04:18:00]我以前抽血未試過好似今次咁瘀法架!
    而且我事先話咗比姑娘聽我好怕打針,所以佢都好輕手果隻~~~
     
     

    回覆刪除
  3. 我都係咁架,我平均4個月左右就要去抽一次血,次次D阿姐OR姑娘都會同我講:「你D血管咁幼架,好難揾呀。」然後拮左支針入去後發現竟然抽唔到血喎,佢地就會攞住支針撩下撩下咁不停郁。
    每一次我個針口位先會瘀左一大撻,然後過多幾日就會腫起一舊,再過幾日嗰舊野消腫後,又會瘀一大撻,不過嗰撻野越大就會好得快D,因為姑娘話咁樣先代表D瘀血消失得越快。
    不過,MRS. T 你咁樣應該係抽完血當時冇按實個針口OR按得唔夠耐,因為每次抽完血都要按起碼5分鐘左右,個傷口先至埋口,同埋抽完血嗰日都唔好拎重野,如果唔係個傷口有機會又再扯開架。
    [版主回覆06/19/2010 04:16:00]咁我個姑娘手勢唔錯,佢拮咗一下就抽到嘞!
     
    聽妳 + 其他網友講,我唸真係因為我無按實(痛嘛!!!!) + 之後我左手用力過度~ 我下次會留意吓! 唔該哂~
     
     

    回覆刪除
  4. 我有次打針都係甘, 瘀左一大片, 因為我都好怕打針, 打時放鬆唔到...就變成甘 +___+
    V女, 你手臂粒mole個位置同我好似呀, 同埋我之前發現你左手背都有粒mole又係差唔多位置....唔通你係我失散多年既妹妹....哈哈哈哈  
    [版主回覆06/19/2010 04:12:00]我又係好鬼怕打針架! 不過瘀成咁仲會走位,今次真係第一次!!!
     
    哈哈~~~ 係咪上次我同朋友食飯後有免費美甲時睇到呢? 我左手手背其實有2粒架! 一粒凸另一粒平~ 凸果粒由細到大都有,仲要喺手背正正中間; 平果粒係大大吓突然標出來架......  可能我地真係失散姐妹 - 不過可能妳係妹妹呢!
     
     

    回覆刪除
  5. 嘩, 妳又係瘀得耐d既
    應該係姑娘手勢唔好喇
    [版主回覆06/21/2010 06:00:00]網友話應該係我抽完血無按實針口,加上我左手用力過度,所以今次瘀得咁犀利!
     
     

    回覆刪除
  6. 你個瘀好番d未呀?? 睇到我肉都赤埋! 試吓碌熱蛋/冰敷散瘀啦
    [版主回覆06/21/2010 05:56:00]多謝關心啊~ 瘀差唔多散哂嘞! 不過新果撻瘀仲有少少痛......過多一兩日應該會完全好返哂架嘞~
     
     

    回覆刪除
  7. 嘩 ... 瘀得好嚴重哦 ... 我就好少會咁... 但我血管天生難搵又幼.. 入親醫院... 的護士都要針我幾下先搵到 ...... 護士話一打完針後, 要用少少力按住會無咁容易瘀 !! k
    [版主回覆06/21/2010 05:54:00]我唸除咗我今次無用力按實針口之外,仲因為我抽完血後左手用力過度,所以瘀得咁犀利!
     
     

    回覆刪除
  8. 都話叫你老公搽的藥按下你就快的散﹌ 你又唔俾佢整﹌ 你菠菜苗都有得食呀﹖﹗我試都未試過呀﹌ 一定好好味喇﹌﹌
    [版主回覆06/21/2010 05:50:00]就來兩個星期嘞,但今日撻瘀仲有少少痛.....妳話死未?
     
    菠菜苗咪即係baby spinach 囉! 得菠菜葉果d呀~ 妳果邊都應該有得賣架!
     
     

    回覆刪除
  9. 原來係鬼佬菠菜﹗咁我鐘意食唐人菠菜多的﹌ 不過淨係冬天先有得賣﹌
    [版主回覆06/22/2010 06:53:00]緊係唐人菠菜有菜味好食好多啦! 我都唔明點解d洋人咁快就抆咗棵菠菜???
     
    不過我依度中式超市 + 印巴店一年四季都有唐人菠菜賣!
     
     

    回覆刪除
  10. 呢幾日香港都熱到爆呀
    [版主回覆06/24/2010 00:52:00]係呀~ V媽媽都話香港好鬼熱!!!!
     
     

    回覆刪除
  11. 呢幾日熱到我想C,我返左廣州玩4日,果4日我完全係溶左,邊度都唔想去,只係想嘆住冷氣食雪榚咋!
    [版主回覆06/24/2010 00:52:00]係呀~ V媽媽都話香港好鬼熱!!!!
     
     

    回覆刪除

Related Posts Plugin for WordPress, Blogger...