雖然我 + 老公唔係台灣人，不過我地都超級鍾意台灣，當然唔會錯過啦!
美食節6.30pm 開始，地點係Edinburgh St. Peter's Church......
喺檔攤購買食物時只需搣出價錢金額就得嘞，
人迫迫唔洗時時攞個銀包出來，真係方便好多呢!
不過因為太多人，買咗餐券後排咗隊30分鐘先入到場啊!
尋日我地由Glasgow 渣車去Edinburgh 時落好鬼大雨，心唸咁大雨可能會少d人去......
排咗咁耐隊，一入到場即時大開食戒~~~~
是次活動規模比我想像中大得多! 場內售賣既係地道台灣食品及台式夜市小食，我發現比當初官方網站餐牌列出既食物種類更多呢~
我 + Mr.T 食咗乜野正野? 去相......
)
係我非常掛住既麵線!
去親台灣每晚我都要去夜市整碗麵線架~ 
)
喺現場檔檔試吓，不知不覺已經好飽......
)£20餐券真係好鬼抵用呢!
美食節前預購咗一咋台灣食品，食飽飽後就去進口台灣食品網上店Taipec 既攤位比錢 + 取貨......
今次台灣美食節有部份食物好快已經sold out，好似大腸麵線、油飯、水煎包、大腸包水腸、肉燥米粉、紅燒牛肉麵 etc，今次我都無緣食得到......
不過其中一個攤位負責人同我講 - 今年年尾將會再辦一次台灣美食節!
希望會成事啦!!
>>>>>>>>>>>>>>>>>>>>>>>>>>>>>>>>>>>>>>>>>>>>>
有感而發......
我 + 老公去過台灣2次，覺得台灣係一個風景好靚，周圍充滿美食兼好有文化氣息既地方; 而且台灣人熱情友善，令我地完全愛上咗台灣~
今次依個愛丁堡台灣美食節，愛丁堡台灣同學會有份主辦，令我感受到台灣人既團結!雖然我唔係台灣人，
不過我真係非常舉腳歡迎依類咁有東方特色既活動呢!! 想當年我大學都有個香港同學會，佢地都有搞過大圍活動.......不過係米蘭旅行團!
我無參加呀! 去旅行洗鬼跟同學會去咩?
地點仲要係米蘭......唉~~~~
見到妳們當地的台灣美食節 , 不其然也會想起香港每年一度在會展舉行的美食節 , 近兩三年我都有參與 , 見到很多食材 , 醬料 , 美食.....跟妳一樣呢 , 一定滿載而歸呢!
回覆刪除[版主回覆05/23/2011 17:30:00]其實香港除咗夏天大規模會展美食節之外，年中大大細細唔同地點都有好多唔同美食節，仲有工展會性質都差不多!
對我來講香港果種美食節只係各大品牌速銷會，因為有好多售賣既食品，平時香港都有得賣! 性質同今次我去依個台灣美食節唔同 - 果日買到 + 食到既，平時喺英國好少見或好少有咁集中~
真的很多好吃的，英国应该要多搞这种活动。
回覆刪除[版主回覆05/23/2011 17:27:00]我都好贊成英國搞多d依類活動!
不過我唸佢地最少要預計最低到場人數，所以主辦單位大多會選擇大埠來辦依類活動!
我地seattle呢邊每年都有咁既活動呢~ 今年搞既仲要同你地個邊同日喎~ 不過...我上年去過一次... 可能係因為係大學學團搞既活動... 都未入到去就聽到literally「震耳欲聾」既music 佢地請左好多學生搞既band係台上表演... 仲嘈過我落club...=.= 最慘既係...排隊排到好辛苦... 我同男朋友早左到...都要排左差唔多半個鐘先入到場 而場內既選擇好少... 有大約十幾個攤檔...而當中有大部份都係chinatown有得賣既野... 每個檔位我都要排至少廿分鐘先買到野食... 係已經排隊排到身水身汗既情況下...仲要每廿分鐘先食到少少野...=.= 而且仲要係咁嘈雜既環境... 結果~我同我男朋友都好快就give up左...走返落chinatown食飯...=.= 至少唔使同人逼~又唔使俾人逼住聽嘈音~
回覆刪除[版主回覆05/23/2011 17:24:00]都有咁既活動 </// 都係台灣美食節呀?
我去依個台上只有人唱聖詩(可能因為地點喺教堂啦!)，現場好熱鬧，不過無band 所以唔嘈，只係聽到大家食得好開心笑囉!
我同男友都好喜歡台灣的文化氣息, 重有美食啦...真係好想快D再去台灣玩下食下...
回覆刪除香菇肉羮湯又幾正喎...我成日都想試煮麵線呢(但要走大腸, 因為我唔食內臟...)...
[版主回覆05/23/2011 17:22:00]香港去台灣好近之嘛，而且又平~ 如果我住喺香港既話，我唸我會成日忍唔住去呢!
搵日我要老翻肉羹湯，因為實在太好味嘞! 麵線唔要大腸，可以煮蚵仔麵線或好似佢地咁肉羹麵線~
哈哈哈 你真係滿 載而歸, 睇你 笑得幾開心! 好多包小食,真開心。
回覆刪除[版主回覆05/23/2011 17:19:00]其實果張所謂滿載而歸開心相......係我當時踎低放杯豆漿喺紙箱上面，唸住喺手袋度攞紙巾~ 不過我踎低時唔小心成個"燉"咗落地下，我拿拿淋起返身見老公影相先笑到"咁開心"!
不過買咗 + 食咗咁多好野，都真係好開心!
其實我對台灣一啲認識都無....何況係美食..... 我只係去過台灣機場轉過二次機咋....
回覆刪除[版主回覆05/23/2011 17:16:00]妳咁鍾意食野，我唸妳去到台灣一定會好鍾意啫!
我同Mr.T 晚晚去蒲夜市食小食，蒲到檔攤d人都認得我地!
My Taiwanese friend very friendly too! We became very good friend in just a month or so~
回覆刪除[版主回覆05/23/2011 17:15:00]i also have a few taiwanese friends, they are all super nice people!
my experience is most taiwanese are very nice, polite and friendly to other people - even to strangers~ when Mr.T and i went to Taiwan, we asked strangers for directions, they werent just explain to you, they even draw you a map using their own pen and paper!
既然Mr.T都錯意食肉羹,妳搵日整黎食啦,好正....
回覆刪除勁喎,妳都識講刮包既台語"掛"包 咦~~妳之前有冇食過張君雅小妹妹架??如果好味下次再寄d過妳
唔只台灣人有人情味,我都好有人情味架~~聞唔聞到呀?
[版主回覆05/23/2011 17:07:00]我點止要整肉羹呀? 我大部份都要老翻!! 我已經學識咗自己打魚漿~ 我仲買齊哂太白粉 + 地瓜粉準備整鹽酥雞呢!
唔勁唔勁~ 檔攤賣既食物都有餐牌架嘛! 買來放入自己口緊係要知係咩來啦!! 話時話我第一次食掛包咋，不過真係好好食!
我之前網上見過人介紹張君雅小妹妹，覺得個名好得意! 我知道台沛有進口，不過幾包點心麵費事網上訂又要送貨咁麻煩啦，所以我之前未試過架!
唔洗寄比我啦，我依邊買得到嘛! 我當然聞到妳好大陣人情味除啦~ 仲搞到我即時覺得非常唔好意思 - 因為我pack 好咗寄比妳箱野九世，不過次次出街都唔記得帶出去寄....... 今個星期一定寄比妳!
滿載而歸~~~~~
回覆刪除[版主回覆05/23/2011 16:57:00]個肚同對手都滿載而歸!
張君雅小妹妹點心麵-->我都鍾意架
回覆刪除[版主回覆05/23/2011 16:56:00]之前網上見過有人介紹，覺得個名好得意! 尋日試咗一包好好食啊!!
好多嘢食吖。。。
回覆刪除[版主回覆05/23/2011 16:55:00]係呀~ 好熱鬧好多野食呀! 不過可能佢地當初低估咗到場人數，所以有好多食物一早已賣哂咯~
鹽酥雞係"賣飛佛"
回覆刪除[版主回覆05/23/2011 19:00:00]我食果咋樣樣都係我飛佛!
傻啦...咩唔好意思啫!! 妳尋日食既鹽酥雞有冇加洋蔥同蒜片一齊炸架??傳統食開果d係冇落,只係有九層塔...如果佢地冇加,妳整既話一定要加埋依兩樣喎,超級勁爆正好食 我最近愛上咗屋企附近既一攤早餐,我次次都去買佢地d筍子包,又係好好食~~妳講開刮包,我太耐冇食嘞,間野都有刮包賣,過幾日去買返隻返黎食先...
回覆刪除自己打魚漿會唔會好攰?不過手打一定好味好多
[版主回覆05/23/2011 18:59:00]我真係唔好意思架! 不過今個星期內一定寄比妳~
我都唔知佢有無加洋蔥 + 蒜片喎....就咁睇唔見有，連九層塔都唔見呢~ 不過食到炸粉裡面好香蒜味，我估係材料中既蒜粉!
我第一次掛包咋，好鍾意佢裡面夾住既酸青瓜，而且超多莞茜，加埋個煙煙靭靭既包，真係好好食呢! 我尋晚搵咗掛包食譜，搵日試吓老翻!! (我要扮台灣人!!! 哈哈~~~ )
魚漿用機打架! 因為我想老翻肉羹湯，但我依度無魚漿賣，所以尋晚上網搵吓有咩辦法，點知比我搵到一個台灣人既blog 教DIY打魚漿，原來一d都唔難果喎~
喂~ 見唔見到我買咗柳丁醬油呀?
係啦,用機打都好d...咁係咪要加肥豬肉落魚肉度打架??
回覆刪除我見到呀...但我未試過柳丁醬油,唔知點用
[版主回覆05/24/2011 18:45:00]無喎~ 我見佢只加水加調味料 + 太白粉之喎，唔見有肥豬肉呀! 佢用鱈魚打漿，啱哂我! 妳想睇吓既話我可以比條link 妳架~
枝柳丁醬油我都未知點用住! 要研究吓先~
滿載而歸 ! 我未去過台灣 , 但好希望呢兩年內能成行 , 盡情地食食食 !
回覆刪除[版主回覆05/24/2011 18:43:00]台灣係一個只要妳去過一次就會愛上既地方!
之前我2次都係去台北，希望下次有機會去台中台南等地~
果然好多收獲呀 間唔中有的特色節日活動都好新鮮又好玩
回覆刪除[版主回覆05/24/2011 18:41:00]喺外國生活真係好鍾意見到有東方特色既活動架!
回覆刪除嘩﹗真係有好多野食呀﹗吸引Ｃ人呢。我對你買既柳丁醬好有興趣﹐期待你用哩個做既菜式。
[版主回覆05/24/2011 18:41:00]果枝柳丁醬油其實即係有橙汁既豉油~ 比少少時間我唸吓點用!
你最尾張相一臉滿足 好大型呀, 至愛鹽酥雞同鹵牛肚
回覆刪除[版主回覆05/24/2011 18:39:00]個美食節比我想像中有規模 + 辦得成功啊!
最尾張相其實係我踎低時唔小心"燉"咗落地，我笑住遮醜起返身咋......
WOO~呢個台灣美食節好正咁BO! 你食左個花生麵筋罐頭未呀? 我成日見到佢, 但無膽去試 我仲讀大學個陣個HK SOC都好把鬼 D FUNCTION無聊到死 去睇香港明星D CONCERT (但經佢買又無DISCOUNT WO...同我出街買一樣) 最好個次咪去STRAWBERRY PICKING同埋睇下LAVENDER 之後成年都無FUNCTION LA 我JOIN過一次都覺佢呃錢 不過幾年前見朋友JOIN HK SOC又多左好多野玩 又去CAMP又去成 點解.....要係我畢業之後先有呢D野 珮夫人
回覆刪除[版主回覆05/24/2011 18:38:00]係呀~ 個美食節比我 + 老公想像中規模大 + 辦得成功呢! 其實我估連主辦單位都無唸過咁受歡迎，因為佢地當初估計大約超過100人，好明顯唔止啦! i think that's why 有好多食品好快就賣哂......
個花生麵筋我未試呀! 我打算下月開始初一 + 十五食齋，到時先開罐來試~
我覺得學生會搞去米蘭旅行真係好無聊! 同妳果個睇香港明星concert 異曲同工 - 一樣咁無聊!!
係要搞旅行英國大把地方可以去啦，感覺果d所謂香港學生會好似利用學生會名義來for 自己吃喝玩樂! 依d野根本唔需要學生會自己都可以做架!
好似人地愛丁堡台灣學生會咁， 喺英國搞一d推廣台灣文化既活動幾好呀! 真係好羨慕台灣人既 團結!! (而且美食節收益中10%仲會用來捐去日本震災架!)
大腸麵線!!! 我至愛TOO!!!
回覆刪除完全FEEL到你果種失望~ 以前去親台灣我都會成日整碗架, 就算熱到死企係條街食都唔介意~
你有冇食過即食既大腸麵線呀? 我好似係吉豬島台灣美食節買過來試, 雖然冇新鮮咁好食, 但都唔太差架...
[版主回覆05/24/2011 18:25:00]唔緊要~ 我仲有機會食既! 佢地話年尾會再搞多次美食節嘛!! 再唔係咪試吓自己整囉，我依度買到大腸，睇吓搵唔搵到麵線嘞~
我無食過即食呀! 聽落好似好怪，好難想像係咩味道....
我好掛住台灣D食物呀。
回覆刪除[版主回覆05/24/2011 18:22:00]我除咗掛住台灣既食物之外，仲好掛住台灣既靚風景、天然溫泉、書店.......what a beautiful island!
台灣又真係好多美食㗎！
回覆刪除[版主回覆05/24/2011 18:21:00]妳有無去過台灣呀?
味全花瓜~可以整肉餅 將300G絞肉同一罐花瓜(剁爛)連湯汁 一起蒸熟 我香港朋友好中意食 妳可以試試 這算是台灣媽媽的家鄉菜(因為我係台灣人)
回覆刪除[版主回覆05/24/2011 18:19:00]Thanks for sharing the recipe!
等我遲吓開一罐試吓妳既做法~
睇相都知現場啲食品好地道啊! 羨慕死人 我都係好鍾意台式美食, 不過買唔倒惟有自己做啦 仲有呢, 嗰個應該叫 「刈包」唔係「掛包」啊
回覆刪除[版主回覆05/24/2011 18:09:00]據我所知愛丁堡有一間台灣餐廳，不過果日美食節裡面售賣既小食，有好多果間餐廳都無得食.
btw 果個叫做"刈包"無錯，不過同時亦叫做"掛包"、"割包"或"虎咬豬"; 樓下住喺台灣既林家歐巴桑仲話有另一個名叫做"刮包"~ http://zh.wikipedia.org/zh-hant/%E5%89%B2%E5%8C%85
我好耐冇黎留言啦
回覆刪除見到咁多台灣美食搞到我好想快d去呀!
因為今個暑假(6月中)我會去台灣旅行呀
諗起d美食我都覺得超興奮呀!
[版主回覆05/24/2011 18:01:00]妳之前未去過台灣架? 咁妳一定會樂而忘返!
祝妳玩得開心d啊!
原來張君雅小妹妹有咁多味道架
回覆刪除[版主回覆05/24/2011 18:00:00]佢地做緊美食節特價，唔記得幾錢有4包，咁我咪買4個味囉! 唔知係咪只得4個味呢?
WOW...大腸麵線我都好鐘意
回覆刪除[版主回覆05/24/2011 17:59:00]大腸 + 蚵仔麵線我都鍾意!
妳唔駛比條link我架喎,到時妳煮咗post上黎我咪一樣睇到食譜 我係咪好醒呢
回覆刪除[版主回覆05/25/2011 08:10:00]好! 我一定要整到好似妳整果碗咁鬼靚!!!!!
係呀!未去過呀,因為之前唔想用屋企人錢去旅行嘛.
回覆刪除只係而家有返part time所以先去下旅行
[版主回覆05/25/2011 08:08:00]祝妳玩得開心d + 食得開心d啦!
麵線,好味好味!
回覆刪除[版主回覆05/25/2011 08:07:00]除咗麵線，其他野全部都好好味!
我淨係聽過割包同刈包咋, 不過國語都係咁上下音, 可能因為咁變出咁多個名啦 有台灣食肆已經好好啦, 我呢邊好少見, 有都成日係大陸人開扮台灣菜咋, 要正宗台式口味真係要自己整先有機會啦
回覆刪除[版主回覆05/25/2011 08:07:00]而家台灣人大部份係叫掛包架! 我上網search 食譜，10個台灣網誌著咗10個都係叫掛包~
妳果邊係邊度? 愛丁堡果間台灣餐廳係一個洋人男人 + 一個講台灣腔普通話既女人家庭式經營，食物味道好正宗!
正宗台灣口味要自己整? 妳係台灣人來架??
呢種美食節真係好特別呀！我睇相好似係個Hall度開大食會咁！好開心！ 多謝Mrs.T的分享呀！
回覆刪除張君雅小妹妹點心麵！！！我有一輪成日食架！佢仲有一個巧克力甜甜圈！都係我的最愛呀！(不過你記得你講過你好似唔係好鍾意食甜野的～）
呢個墨西哥香辣雞口味我係香港就未見過呀！
台灣真係一個好好的地方，除左有好多美食外，亦都有好多書店呢～
[版主回覆05/25/2011 08:00:00]喺外國生活，依類咁有東方特色既活動真係好特別，熱鬧又開心呢!
係呀? 原來張君雅小妹妹仲有甜品架? 我見台沛淨係賣點心麵咋~ (無錯~ 妳好好記性 - 我係唔鍾意食甜品既! 不過唔太甜既我都會試吓無妨既! )
我 + Mr.T 真係好鍾意台灣! 周街都係書店，啱哂我依種書蟲! 講出來我自己都覺得好誇張.....我第一次去台北買咗60幾本書帶返香港; 第二次仲勁買咗80幾本! 返到香港再打箱寄返來英國.....
V 女 , 我 OK 咗啦 ! Thx
回覆刪除[版主回覆05/25/2011 07:52:00]唔洗客氣!
我講解到一舊舊妳都睇得明~ 叻叻!
我唔係台灣人, 只係熱愛台灣菜 平時成日會跟台灣食譜煮吓台灣菜咁囉, 尤其因為我住澳洲, 無香港咁方便隨時可以去台灣玩嘛, 想食就惟有靠自己啦
回覆刪除[版主回覆05/25/2011 22:39:00]OIC~ 咁唔怪之妳唔知果個叫做"掛包"啦!
咁妳果邊多唔多台灣食材賣架?
雖然我都唔可以隨時去台灣玩，不過而家英國進口咗咁多台灣食品; 有時台灣blog 友又會寄d好野益我，喺英國都可以整到台灣風既食物，我已經好滿足咯~
多謝
回覆刪除[版主回覆05/25/2011 22:34:00]
要買的話都買倒唔少嘅, 不過當然唔齊啦, 但如果自己煮的話, 有時好多食材都可以自己變通搵嘢代替嘅
回覆刪除[版主回覆05/27/2011 01:48:00]喺外國生活係咁上下架嘞~ 有得賣已經好好!
我都估唔到呀﹗睇相先知咁多華人既?~ 我鐘意滷麵筋同鹹蛋糕呀﹐聽個名好吸引 ~
回覆刪除[版主回覆05/27/2011 21:13:00]其實蘇格蘭係有好多華人架! 不過大部份係大陸 + 香港人~ 我只係無唸到連台灣人都有咁多~
鹹蛋糕我第一次食咋! 真係好正呢~~~ 另外滷昆布我都係第一次食，我初時以為會好腥，點知原來好鬼正!!!
我都一樣好鐘意台灣美食,好想去台灣呀,我去過一次甘多嘅台北,好想去下台中.
回覆刪除係呢個陰鼓係乜,点用嫁?
[版主回覆05/28/2011 03:48:00]其實即係豆豉! 台灣西螺生產既豉油好出名，我唸豆豉品質都應該有返咁上下，所以買來試吓囉!