生菜魚蓉粥 & 銀芽豉油皇炒麵
大傷風鼻塞咗幾日後
，想食返清淡少少......
Mr.T 唔嗜粥，所以煲粥得我一個人食，佢自己叫外賣搞掂~
齋食粥有少少寡......
雖然Mr.T 唔嗜粥，不過佢嗜炒麵 - 我炒既麵!
人地炒麵比自己食，佢又叫我炒埋佢果份......
明明炒麵係用來送粥架嘛，不過而家妹仔大過主人婆!!
果然好香好好味! 之前我只試過用豬油來撈麵; 今次用來炒麵後......
我決定以後炒粉麵都要用豬油來炒!!
口痕想食蝦......
依兜野本身係OK既，可惜中間果pat 橙色既prawn cocktail sauce 味道假到無朋友!!!!!
結果係 - 唔‧好‧食!!!!!!!
生菜魚蓉粥食譜click here~ 銀芽豉油皇炒麵食譜click here~
個蝦你自己點Cocktail sauce食應該好D掛~ 豉油皇炒麵我都鐘﹗正 ~ 豬油 & 鵝油我都鐘﹐有時搽麵包食 ~
回覆刪除[版主回覆05/30/2011 17:05:00]係啦~ 我肯定我自己整個汁一定好食過佢多多聲!!!!
其實我自己都覺得自己炒既麵好正!
鵝油我反而未試過呀! 成日喺超市都見到，都好想買來試吓，不過我怕會有好似鴨果陣羶味......
銀芽豉油皇炒麵我鍾意吖．．．
回覆刪除[版主回覆05/30/2011 16:57:00]依個麵用豬油來炒超級好味呀!
妳好番D未呀？
回覆刪除今年英國好凍，好容易傷風感冒，Take Care
[版主回覆05/30/2011 16:56:00]我已經完全好返哂嘞! 多謝攪攪震關心~
今年真係......根本完全未熱過! 上星期凍到我好有衝動想開heater!!!!
不過個King Prawn Ring 賣相都幾好! 嘩，連spanish材料都懂得運用，勁喎!
回覆刪除[版主回覆05/30/2011 16:51:00]係啦~ 比個king prawn ring 外表呃咗......
其實果樽只係西班牙產品，佢真正身份係豬油!
妳既豉油皇炒麵好正呀!
回覆刪除我最鍾意咁上色既炒麵
[版主回覆05/30/2011 17:44:00]唔係話自己讚自己~ 不過連我都覺得自己炒麵好食過街買果d!
用豬油炒超香~ 上色我用滴珠油，有淡淡香甜味，正!!!
銀芽豉油皇炒麵 looks really good! :) I fancy getting that posh lard when I see it in the supermarket next time. lol
回覆刪除[版主回覆05/31/2011 18:04:00]Thanks Stella!
actually i think the lard doesnt have to be posh~ ive tried using the supermarkets' cheap lard to make 撈麵 and it was really good as well!
V 女 , 好番啲未呀 ? 保重身體要緊 !
回覆刪除[版主回覆05/31/2011 18:00:00]我已經完全好返哂嘞! thank you Maggie~
好鬼港式呀, 正
回覆刪除[版主回覆05/31/2011 17:59:00]如果合埋雙眼食粥 + 炒麵，真係以為自己返咗香港呀!
粥同炒麵係好朋友 妳食家好返未呀 我已經頭痛左幾日啦, 個頭好似爆開左咁呀
回覆刪除[版主回覆05/31/2011 17:55:00]係呀~ 有粥就最好有埋炒麵嘞!
我完全好返哂架嘞! 有心~
又輪到妳病呀? 最近我香港既屋企人朋友都病咗呀! 喂~ 頭痛咗幾日妳有無睇醫生呀? 休息多d + 飲多d水，祝妳快d好返啊~
嘩! 你炒得好靚呀, 我都超鍾意食豉油皇炒麵但唔敢煮 (驚痴底), 等我 search 吓你個 recipe 跟煮先
回覆刪除[版主回覆06/01/2011 00:58:00]Thank you Yam! 依個炒麵又快手又好味，風味似足香港小店既炒麵呢~ (雖然係大口氣，不過個人覺得好食過哂出街買既! )
妳屋企有無易潔鑊架? 用易潔鑊炒咪實唔黐底囉!
喂喂喂~ 食譜唔洗search 啦! 網誌尾我咪貼咗條link 囉!! http://hk.myblog.yahoo.com/veronicams_tsim/article?mid=3054
你買細樽D試下~
回覆刪除[版主回覆06/01/2011 17:51:00]我上網見有人話鵝油好香，而且屬健康油架~ 我一陣去超市買!