二人世界三餸無湯 - 2011年5月19日 (附食譜)

雙拼 - 脆皮燒肉 + 蜜汁叉燒; 蒜蓉蒸魷魚仔乾 & 臘八豆炒黃芽白

前文提要我依排因為掛住執衫執鞋換季，所以少咗煮飯...

不過因為天氣回凍想食飯所以忙到發癲都焗住去煮......

煮開就會有條癮! 嘻嘻~~~~~

依餐無湯飲! 原先以為之前果餐煲芥菜鹹蛋肉片湯可以頂2餐，不過原來係唔夠既......

早個零星期前整咗好耐無整過既脆皮燒肉，不過Mr.T 話唔夠喉......

咁唯有encore 啦!

一不做，二不休......

 反正都係開焗爐，索性來個雙拼 - 整埋燒肉個friend叉燒!

 今次連叉燒都係隔水來焗，又香又軟~~~ 老公話我整d叉燒好味過出街買多多聲!

 名副其實既脆皮燒肉 - 因為個皮卜卜脆到連我自己"0趙"緊時都覺得好嘈!! ()

 突然好想食既蒸魷魚仔乾~

依d魷魚仔乾係V婆婆買比我既~ 我由細食到大嘞!

記得第一次帶果時仲拍緊拖既老公去V婆婆屋企食飯，V婆婆蒸咗幾隻本來只係for 佢自己......點知老公試咗一隻後出乎意料之外竟然好鬼鍾意!  

從此幾乎我每次返香港，V婆婆都會整包魷魚仔乾比我......直至我同佢講: 我有好多嘞! 唔洗再買比我嘞~

唔好睇小依幾隻"茄野"d屎咁細隻呀! 齋係依碟野我已經可以吞3碗白飯架嘞!!

唸唔到食咩菜好?  所以叫老公買咗棵黃芽白返來...

本來想用蝦皮來炒，不過唸唸吓已經有魷魚仔乾咯喎......

 突然眼尾"哨"到依樽買咗一排，但因為唔知點食所以仲未開既臘八豆...

之前喺網上好似見過人地用臘八豆來炒黃芽白......

一於試吓用佢來炒菜啦!

 個樣有少少似普寧豆醬，不過臘八豆無普寧豆醬咁鹹，而且係油浸 + 辣既!

 黃芽白清甜; 臘八豆微辣，味道又幾夾喎!


 自製脆皮燒肉食譜click here~

 自製蜜汁叉燒食譜click here~

 臘八豆炒黃芽白食譜click here~