對於我依種完全無自制能力既人來講，無咩事最好唔好出街......
我超級鍾意行TK Maxx!
幾乎每次入親去都唔會空手出返來~
星期一(5月9日)無意中發現Glasgow Centre 新開咗一間好大既TK Maxx 分店，緊係第一時間入去"支持"吓啦!
依間TK Maxx 有3層，而且每層都好鬼大，我唸我可以喺依間分店磨最少3粒鐘!
不過我發現佢地原來真係啱啱先開門做生意 - 因為廚具部仲未擺好貨，貨架周圍擺滿一箱箱貨，又有staff 上緊架，睇野睇得唔係好暢快......
加上我發現依間新店既時候已經接近關門鐘數
，匆匆兜咗幾個圈......來去匆匆下既收穫......
Flan Tin 我本身已經有一個，不過依個Oneida 實在太靚嘞!
攞咗上手唔想放返低......最後我唸咗個自己認為幾充份既理由去說服自己買咗佢 - 屋企果個係9"，依個Oneida 係8"!
一向都好鍾意用Zyliss 既廚具!
一直都想買埋把spoon scraper，不過之前一直無貨~
今次終於比我見到嘞! 本來入去Primark 只係唸住幫老公買t shirt 比落咗公仔衫order 既客人~
攞哂t shirt 後，我好有自制力直接行去排隊比錢!
不過好衰唔衰條隊隔離有個減價貨架......
不過其實唔出街，齋留喺屋企都可以網上破財果喎!
上星期日係Mother's Day......
我唔可以親自陪V媽媽慶祝，所以一如往年預先喺網上訂咗札花，母親節當日晨早送去舖頭比佢;
雖然英國Mother's Day 4月頭已經過咗，當時已同99慶祝咗，不過幾個星期前99又返咗香港，所以訂多一札99都有份~
平香港d花時好平，一到依d特別日子花價連跳幾級!!
不過V媽媽 + 99收到花後都好開心~
所以依d財破咗都係值得既!
無錯~留係屋企都可以破財! 我SUB左2間專賣DISCOUNT既野ELIST 日日SEND EMAIL提我有咩野做DISCOUNT 真係..好難忍 珮夫人
回覆刪除[版主回覆05/14/2011 01:57:00]哇哈哈~~~ 妳自掘深淵嘞珮夫人!
我好憎sub 咗果咋list! 因為我試過unsub - 不過係唔work 架! 仍然不停咁send 來!!
TJ MAXX 都係我其中之一既FAVOURITE呀! 不過呢度仲有一間叫MARSHALL既店, 唔知你地個度有無呢? 次次去都實執到正野!
回覆刪除[版主回覆05/14/2011 02:33:00]哈~ 其實我唸極都唔明 - 點解妳果邊叫做TJ Maxx，我依邊就叫做TK Maxx 呢? 妳知唔知點解呀?
Marshall? 唔多覺我依邊有喎! 我唸蘇格蘭應該無，不過唔知南下嘞~
哈哈!T太,其實唔應該叫破財(破=無楂拿)。應該叫散財啦!慍得到,散得自己同家人開心。呢D開心錢,耐不耐散下,真係舒根活樂!
回覆刪除[版主回覆05/14/2011 03:36:00]哇~ 村姑妳好耐無蒲頭喎! 今日咁好興致呀?
破又好，散又好啦~ 無錯 - 最緊要自己同屋企人都開心!
係呀!近排少撘傘!但見妳呢個Topic,真係好想答咀!因為以前係香港我都好鍾意散財!尤其是同班好友一齊Shopping,唔知買唔買好時,許地就叫散下D財。真係唔散唔安樂。
回覆刪除[版主回覆05/14/2011 04:03:00]香港緊係多財散啦!
以前我都鍾意同朋友一齊shopping，因為以前成日買衫買鞋買手袋~ 而家我就鍾意買廚具，可惜我d朋友唔多有興趣煮野食......
T太,我相信你個邊Shopping會好過呢度。荷蘭每個城市規劃差不多大同小異。商店差不多離離去去個幾間連鎖店。廚具我都鍾意,以前做廚具買手,見好多,但我唔識煮同用。宜家過到黎先學識用,真係失禮。
回覆刪除[版主回覆05/15/2011 03:53:00]我唸外國同香港shopping 最大既分別就係少好多細舖頭! 其實我依邊都係好似妳果度咁架，依條街有既店，隔離街都係果咋店; 商場A果咋舖頭，商場B又係果咋舖頭.......
阿V~ 見你買咁多野，都戥你開心呀 :) 不過我自從嫁人後每次買野都會諗清楚，怕愈買愈多野要搵地方安置呢 HAHA
回覆刪除[版主回覆05/15/2011 03:51:00]其實我已經收歛咗好多架嘞! 我以前去一次大減價shopping，老公要分幾次幫我攞d野入屋架~
老公鬼仔伴郎兩兄弟幫我地搬屋，比我果3大箱鞋嚇呆咗....佢地問我究竟有幾多對腳!
我覺得係屋企上網亦係好易破財,一click又買多樣嘢
回覆刪除[版主回覆05/15/2011 03:47:00]都會架~ 因為好多時網上買既野，平時行街無得賣架嘛!
無事出街少破財<---我成日都掛係咀邊架，哈哈哈
回覆刪除[版主回覆05/15/2011 03:46:00]我都掛住咀邊架......不過一出到街我就會完全忘記依句說話!
哇﹐俾你一講﹐我真係好怕網上破財架~
回覆刪除[版主回覆05/15/2011 03:45:00]不過網上買既野，好多時平時行街係買唔到既!
無事出街少破財。。。我婆婆成日都話我。。
回覆刪除但我成日都話如果要破我唔出街都可以破 ＝ ＯＮＬＩＮＥ 買。。。
[版主回覆05/15/2011 03:44:00]我而家少咗好多嘞~ 以前我都成日上網買衫買鞋架! 不過屋企有大堆買咗未著過既衫 + 鞋，開始節制吓嘞~
乖女!!
回覆刪除[版主回覆05/15/2011 03:43:00]一年一次，唔可以親身陪V媽媽，少少心意都要表示吓既!
I love TK Maxx too. My bf dreads going in because I can spend ages just browsing!
回覆刪除[版主回覆05/15/2011 03:42:00]haahaaa~ same as Mr.T!
買野真係好開心 哈哈
回覆刪除[版主回覆05/16/2011 23:37:00]無錯~ 依個係女人既特點 / 弱點!
好有心呀!Mother's Day我大仔都有打長途電話比我,佢重扮鬼扮馬,不過我都好鬼開心.
回覆刪除[版主回覆05/16/2011 23:37:00]一年一次嘛! 所有做母親既喺依日都應該開開心心~
shopping 真係好開心架 , V女我跟你一樣買起東西時會無節制 , 幾乎每次shopping 都一定會有收穫 ! 所以依家唯有戒掉外出shopping 的習慣 即使走在家上也不要window shopping , 唔好挑戰自己的忍耐力嘛 , 希望可以省點錢 , 不竟我也覺自己太大駛了! mother's day 前夕 , 我也訂了鮮花安排正日送上媽媽的家 , 她收到後跟我說很開心 , 不過叫我不要花錢呢 ! 其實我想只要付出自己有能力付出的金錢 , 但可令身邊人(尤其是所愛的人)開心 , 值得了!
回覆刪除[版主回覆05/16/2011 23:36:00]我而家進步咗好多架嘞! 我以前去一次大減價shopping，老公要分幾次幫我攞d野入屋架......去開街我仍然會忍唔住睇，不過有時好似買衫咁，攞咗上手會放返低 - 因為唸起屋企果大咋買咗連價錢牌都未除未著過既新衫.....
V媽媽都話母親節花貴，叫過我唔好再送~ 不過一年一次，佢收到花開心，貴一貴都無所謂!
而家成日上淘寶,一開電腦仲破財過出街呀
回覆刪除[版主回覆05/23/2011 19:02:00]咁淘寶d野又真係好平好吸引既!