好多blog 友都知道Mr.T 係喺英國出世既~ (我講過嘛!
所以佢d中文咁屎......)過去幾年Mr.T 曾經有2次一個人返香港處理一d私事，對上一次係上個月 - 老公返咗香港5日~ 而依件事係關於老公起丁屋!
To be honest 我嫁比Mr.T 時根本完全唔知佢係有丁權既!
我都係佢08年第一次一個人返香港搞手續時先知依件事，當時我同佢結咗婚已經差不多2年~我對丁唔丁屋 + 咩法例根本一無所知，亦無咩興趣去find out - 我又唔係丁，都無我份......
不過原來因為我講過"老公喺英國出世 + 有丁權"，喺某d人眼中會認為依個係大話來!
唔怪之之前有人見我話老公有丁權，就會走來問我: 妳老公喺香港出世架?
因為喺大部份人既想法裡面 - 係外國出世係無可能會攞到3粒星身份証，無3粒星身份証就自然無可能會有丁權!
曾經有blog 友因為依點留言直接問我都還好喎......不過就算問，我自己當時都係一知半解，我都係唔知架!
連Mr.T 依隻丁自己都懵盛盛唔知點解!
有一種好討厭既人，喺依個時候言之鑿鑿即時搬自己咩咩親戚咩咩朋友喺入境處度做，"佢地話"無可能!!
不過稍為有少少common sense - 法例係會隨住時間而修改既......Mr.T 張身份証唔係啱啱先去申請既，以而家既法例來做標準當然無可能啦!
上個月老公返香港前，有另有一種更加討厭既人走去問一個同我比較熟既blog 友: 佢老公唔係喺英國出世既咩? 英國出世無可能攞到3星身份証果喎! 點會有丁權架?
言下之意即係話我講緊大話啦!
我真係覺得"妳"好討厭囉! Mr.T 係當事人唔知; 我係佢老婆都唔知; 我既blog 友會知道嗎?
非常奇怪既唸法......老公曾經向我提議 - 妳可以post 我passport + 身份証出來，不過記住遮住重要資料!
得到老公offer + 批准，我想既話當然可以咁做啦~
不過由始至終我根本無打算過要公開老公重要文件
，去為自己澄清任何野喎!果咋質疑我講大話既人係我邊個?
我澄清咗又點，佢地會同我道歉嗎?? (我認為唔會!
)況且欲加之罪，何患無辭??? 就算我真係post 咗，佢地一樣可以話我用PhotoShop 改過......
我反而最想同佢地講係依句 - Mr.T 係咪真係英國出世 + 佢身份証係咪真係有3星關你地鬼事咩? 就算我真係講大話咁又點呢??
事實勝於雄辯~ 謎底終於喺剛過去既星期一解開咗嘞!
Mr.T 喺英國出世係事實; 佢有3星身份証係事實; 佢有丁權亦係事實~
星期一我行街時撞到一位竹升妹朋友，傾談下竹升妹朋友問我......
竹升妹朋友: 香港政府派6000蚊喎，妳有無份?
我: 我香港出世架嘛，緊係有!
竹升妹朋友: 妳就好啦! 咁Andy 有無呀?
我: 佢都有呀! 佢有3粒星嘛~
竹升妹朋友: 我無呀~ 我果時無申請到!
睇竹升妹朋友個款似乎仲清楚過我 ，咁我就順便問吓佢關於英國出世 + 3星身份証既問題......因為我自己都好想知道!
竹升妹朋友答我 - 係架~ 只要父母有3星身份証，就算喺英國出世，97前申請身份証都會有3星架!
同我當初既想法"法例會隨住時間而修改"大同小異~
有一種人個袋裡面明明只得10蚊，會話比人知個袋裡面有1000蚊;
有一種人老公明明食緊自己軟飯，但會同其他人講"每次shopping 後最幸福既事就係返屋企同老公claim 錢!"
睇來習慣講大話既人，會認為其他人同佢地一樣咁鍾意講大話......
呢個世界上真係好多呢D咁既人...佢地成世係香港都無經歷過某D野就即刻斷定你唔係講真話!
回覆刪除[版主回覆05/14/2011 02:25:00]唔一定只係喺香港既人架! 我樓上講緊既人當中，有人住喺英國，亦有曾經喺外國住過既人~
至神奇係果個走去問我blog 友既人! 我del 咗佢，佢仲走去問我blog 友"點解我del 佢" - 由頭到尾佢想知道我既事，都係走去問我blog 友架!
唔好對呢D人太上心啦,明白你喎,因為我都曾經遇過呢D人和事,留番D精神睇下仲有咩買好啦,我尋日行街見到呢度有LC煲賣,顏色唔多又唔太靚,22CM竟然賣CAD100,真係OMG........我決定~~~~~等佢減價!
回覆刪除因為我想買一個黎整煲仔菜和煲仔飯!
浮開上黎,順便講你知吖,你介紹用麥皮蒸肉餅真係好掂呀,我食咗幾餐LA,我老公話原來呢樣野係沿自整漢堡扒,佢話唔知原來蒸肉餅都得喎,呵呵.....你真係叻!
[版主回覆05/14/2011 03:57:00]如果我對果咋人上心既話，我晨早貼哂老公passport + 身份証出來啦! 只係討厭d人成隻老鼠咁有野又唔直接問我，走去我扑友度刮刮刮....
22cm 賣CAD100好平咯喎! 仲等減價?? CAD100 大約£64~ 我依邊22cm 賣£115呀! 妳果邊平一半，真係平得好誇張喎!! 我打算買多個24cm or 27cm oval 來煲粥~
係呀~ 用麥皮蒸肉餅我都係網上討論區睇返來，我平時用麵包糠來整漢堡扒架!
吓???我真係唔知丁權係咩人先有喎?妳之前講Mr.T返香港攪丁屋野,我亦冇唸過佢係唔係香港出世,依d問題好無聊,人地有丁權同喺邊出世真係關佢地鬼事咩?
回覆刪除妳千其咪post Mr.T既passport + ID果d野上網呀,就算hide咗個人資料,有好多人都可以盜用到架(台灣好多依d人專盜用)
原來無聊兼冇腦係妳篇野最尾果兩位
[版主回覆05/15/2011 03:04:00]果班人平時絕少留言，不過佢地平時睇埋睇埋都睇得好仔細架! 我依篇講過老公英國出世; 果篇提吓老公有丁權......佢地睇埋睇埋就figure out 到"我老公無理由英國出世會有3星身份証" - 依個時候佢地先會出動留言問長問短!
我緊係唔會post 老公ID 出來啦! 依單野佢地由08年問到今時今日，老公問我貼唔貼ID都係年幾兩年前既事嘞，若我係要貼都唔洗等到而家啦!
有時人真係好奇怪，唔啱睇咪走囉，係到質疑呢樣質疑個樣，之後仲要繼續睇，嘥氣!!!
回覆刪除[版主回覆05/15/2011 03:00:00]若係純八卦都情有可原，但八極都應該有個譜，無理由走去問我blog 友咁過份吓哇!!?!?
睇來習慣講大話既人，會認為其他人同佢地一樣咁鍾意講大話...... 好句
回覆刪除[版主回覆05/15/2011 02:59:00]除咗因為咁之外，我唸唔到其他原因點解一班唔相干既人，咁鍾意係唔係都去質疑其他人講大話!!?!?
駛咩理果D人丫~ Mr. T有冇丁權關你都有排未關佢地事~ 果D人講野, 聽完咪算囉~ 千萬唔好令自己唔開心呀~ ^^ 我都好認同你唔post Mr. T既passport+ID出黎~ 太危險~ 加上咁即係你重視果D人講既野啦~ 咁即係佢地會更加一直係咁...or變本加厲!
回覆刪除[版主回覆05/15/2011 02:57:00]我無唔開心，而且亦唔介意佢地質疑我講大話~ 事實就係事實，點解因為佢地無知，我就要唔開心?
不過佢地好有能耐由08年八到今時今日仲唔心息! Mr.T 問我想唔想貼ID出來都已經係年幾兩年前既事，若我要貼一早貼咗，唔洗等到而家先來貼~
若我重視佢地講既野，我一早搵齊哂資料比佢地睇啦! 不過我覺得唔需要為咗佢地花時間~ 既然今次我從朋友處無意中知道真相，咪寫出來一次過滿足哂佢地"點解Mr.T 英國出世有3星身份証"囉! 等佢地以後唔好再來煩我或去煩我blog 友!
我是第一次留言，唔好理嗰d人，繼續做成日都好開心的mrs.t啦！post多d美食及見聞給我們分享。唔好對d小人太上心。妳開心d，就會激死嗰d小人啦！
回覆刪除[版主回覆05/15/2011 02:42:00]妳好Louisa! 多謝妳既留言啊~
我其實真係唔上心架嘞~ 因為佢地八依樣野已經係08年開始八到而家仲未心息! 要上心都唔洗等到今時今日......
我寫出來唔係要激死佢地~ 不過佢地無証無據就覺得我講大話，既然今次機緣巧合我知道真相，咪寫出來滿足吓佢地"點解我老公英國出世都有3星身份証"囉!
你好,睇左你個blog好耐我都係第一次留言....我好欣賞你好'敢言'呢個態度 &好鍾意你D食譜...support~不過我都唔明點解有D人可以咁八掛人地D私事,又唔關佢事既~
回覆刪除[版主回覆05/15/2011 02:38:00]妳好瑪姐! 多謝妳既留言 + 支持~
八卦心態人人皆有~ 我自問都幾八卦架! 不過八極都要有個譜架! 八我既事八到走去問我blog 友，就有點兒那個嘞.......
我大把朋友唔係香港出世但拎三粒星啦， 以前個代好興咁做咖嘛 亞媽個陣都想飛去第二度生我係亞爸唔俾 因為呢個理念係我個腦度太根深蒂固 我都係近來同朋友講起生B問題先知道家陣外國出世B無三粒星 其實你個個"BLOG友"係咪睇中左MR T 所以咁關心你地D野呀? 珮夫人
回覆刪除[版主回覆05/15/2011 02:34:00]我從來無去深究過外國出世既人有幾粒星身份証! 我嫁Mr.T 又唔係因為佢英國出世or whatever......
我唔知果位"曾經blog 友"係咩動機! 佢從來問關於我既事只會走去問同我熟既blog 友，唔會直接來問我~
"每次shopping 後最幸福既事就係返屋企同老公claim 錢!" <---原來每個人既幸福standard真係唔一樣果渦~我覺得幸福既係...關生既錢就係我既錢 ...well...呢個唔係我個main point...sorry!哈哈哈!我其實係想講...有無3粒星加丁權...真係咁重要咩(對某人)?!我覺得連當時人都唔當一回事既野...有必要咁大反應嗎?!我只想講句...so what?!
回覆刪除[版主回覆05/15/2011 02:13:00]我個重點唔係對方幸唔幸福or 點幸福，而係我知道佢講緊大話，但佢唔知我知道佢講緊大話! 佢幸唔幸福亦都唔關我事，但我好反感佢問我blog 友關於我既事!
她們是否妒忌你們有丁權, 呢D人真係非常無聊, 關你义事咩! 你亦無需向她們證明什麼。 做番一個快樂小女人, 不要理會那些無聊人。 寫多些吃喝玩樂。
回覆刪除[版主回覆05/15/2011 02:11:00]我根本唔覺得丁權有咩咁巴閉! 有咩好妒忌啫? 而且個丁權又唔係我既......
我由08年開始都無理過佢地，更加無向佢地証明過乜! 老公問我想唔想post 証件已經係年幾兩年前既事，若我要post 一早已post 咗出來~ 係佢地要"理"我理到今時今日仲唔心息........
咩係丁權? 我係香港出生都唔知...嘩哈哈!！
回覆刪除駛理ｄ人咩．．不招人妒是庸才．．果ｄ就係妒忌人係蠢才！
[版主回覆05/15/2011 02:07:00]妳唔知咩係丁權? 妳唔需要知道嘞~ 我同妳都係女，我地無份架!!
我由08年開始一直都無理過佢地，係佢地"理"我理到今時今日.......而且根本無咩好妒忌，不過佢地妒唔妒我控制唔到!
您好網絡世界真是一樣米養一億樣人。無謂生氣傷身。 個人認為有幾種人不太適合留連網上世界 1 看不清事實的人 2 以為所有網友是要對襯家的人 3 沒有“就算人家隨便說說順口開河，看完笑笑就算了“的人。
回覆刪除[版主回覆05/15/2011 02:03:00]妳好史太~ 先多謝妳留言!
我根本從來都無生過氣，所以唔會傷身~ 不過果咋人因為"英國出世唔可以有3星身份証"依個唸法，由08年一直問我問到今時今日都唔心息~ 今次正好一次過回答哂佢地所有問題!
我都有3粒星呀!! 但我成家人都唔係香港出世架!!
回覆刪除[版主回覆05/15/2011 01:51:00]咪係囉~ 外國出世有3星身份証又唔只我老公一個，我都唔知佢地點解覺得我老公有會咁出奇!!??!
係97年出生同 申請居港就有三粒星, 因為我上年返香港想幫我的囝囡申請, 入境處話要佢哋係香港住滿七年先可以......申請都等佢哋大個自己諗, 要唔要.....don't need to care those person:)
回覆刪除[版主回覆05/15/2011 01:50:00]依樣野佢地由08年開始八到今時今日，唔係我care 佢地點講，而係佢地好"care"我......
V 女 , 唔好勞氣 , 可能佢太羨慕妳呢 ! 乜野都想知嘞 !
回覆刪除[版主回覆05/15/2011 01:47:00]我無勞氣~ 依樣野由08年老公第一次一個人返香港，到今時今日仍然有人問我or 問我blog 友八緊! 要勞氣都唔洗等到而家先來勞~
各人前因莫羨人~ 我唔覺得自己有咩好令人羨慕! 而且要知既咪直接來問我囉，走去問我blog 友做乜??
點解D人咁八卦架 唔好咁勞氣
回覆刪除[版主回覆05/15/2011 01:44:00]我無勞氣啊~ 依樣野由08年老公第一次一個人返香港，到今時今日仍然有人問我or 問我blog 友八緊! 要勞氣都唔洗等到而家先來勞~
不過既然我啱啱知道咗點解，咪講出來等八果班人了咗件心事囉!
有時有人因為唔清楚而冇注意自己語氣~可以原諒ge…
回覆刪除不過最衰個種人係你講清楚來龍去脈,仍然話''冇可能ga wo''個種人囉!
[版主回覆05/15/2011 01:42:00]既然大家都唔清楚，就唔好一副專家口吻咁言之鑿鑿話"無可能"; 而且上得網就幾時都要有基本etiquette，做唔到就最好唔好留言齋做CD Rom - 依兩個情況我都覺得係唔化既行為!
唔好咁上心，根本唔需要解釋啲咩添。
回覆刪除有啲人就硬係唔抵得人地過得好過佢，嗰種人日日睇死人冧樓先識笑架啫。
[版主回覆05/15/2011 01:37:00]我從來都無上心過! 依樣野由08年老公第一次一個人返香港，到今時今日仍然有人問緊我~ 若我好上心，我一早就好desperate 去搵証據，甚至貼老公証件出來封咗佢地把口!
今次只係咁啱撞見朋友講開先知點解，事實就係事實，我根本唔需要特別去做任何野~
點會話人講大話架? 咁大個人點會咁無聊玩講大話? 我有朋友係荷蘭出世﹐身份證都係3粒星啦~ 不過可能個樣太竹升﹐有次佢係香港俾警察查證﹐ 佢廣東話又唔掂﹐咁個警察就問佢係邊度出世﹐ 佢話荷蘭﹐個警察都打左個突問: 咁點解你身份證會有三粒星?﹗ 我個朋友話: 我點知呀?﹗我全家D身份證都係三粒星~ 其實我覺得有咪有囉﹐好奇咩?﹗ 有的人係英文差到爆都係美加英國籍~ 有D人係美加讀完兩個學位仍然寫唔出完整英文句子~ 黑人生個全白既BB+金髮都有啦~ 呢個世界有咩係冇既呢?~
回覆刪除[版主回覆05/15/2011 01:33:00]哇~ 查妳朋友果位警察叔叔好唔掂喎!
其實我最唔明既係 - 就算我真係講大話又點呢? 果咋人証明到我講大話有著數嗎??
唔好激氣, 好易老架, 唔駛理d 冇謂人。
回覆刪除[版主回覆05/15/2011 01:31:00]激氣好易老 </// 妳試過呀?
我根本從來都無激過~ 依件事由08年開始一直到而家都有人問我 ，要激都唔洗等到而家先來激啦!
如果我係男仔我都有丁權呢!可惜女仔冇份好唔公平
回覆刪除[版主回覆05/15/2011 01:28:00]男女平等談何容易? 依個世界任何野都無可能做到完全公平架嘞~
把口o係人地度.....講乜都控制唔到!! 事實自己知咪得.....唔好咁勞氣....無謂為d 多事八卦無聊人動氣嘛~~
回覆刪除[版主回覆05/15/2011 01:26:00]我根本從來都無嬲過! 果咋人認為"英國出世唔可以有3粒星"既唸法，由08年老公第一次一個人返香港之後，到今時今日一直有人問我，要嬲都唔係而家先來嬲啦~
唔好理人地點講。。。不過我覺得無需要去滿足某 Ｄ 人嘅八卦心態而去 Ｐｏｓｔ Ｍｒ Ｔ 嘅私人証件出黎。。。。
回覆刪除嗰個人嘅親戚都好有問題喎。。係人都知如果父母其中一方有香港身分證 Ｍｒ Ｔ 都可以有 ＨＫ 身分證架啦（就算 Ｍｒ Ｔ 唔係向 ＨＫ 出世）。。。。
我唸如果你６２有丁屋權（圍村人）。。。Ｍｒ Ｔ就自然會有。。。。
[版主回覆05/15/2011 01:23:00]依件事由08年我第一次提到老公丁權時，之後一直人有問我依個問題~ 根本我一直都無理過佢地，係佢地要理我呀!
老公問我想唔想貼証件都係年幾兩年前既事，如果我係要貼都唔洗等到而家啦!
hey sweetie ! my bf is a BBC too ! n he has got a 3 star ID and DING as well a ! dun be angry la ! sometimes ppl on the web are very crazy ! hahahah as u know i m not used to leaving cm ! hahah but i have to STAND OUT n tell those ppl ! even a BBC can have 3 stars n a DING bloody hell ! NO RESPECT at all ! :( support support !!!!! x
回覆刪除[版主回覆05/15/2011 01:07:00]Thanks for your support kaka bb! that "BBCs cant have 3 stars ID thing" isn't recent, people keep asking me abt it since the 1st time Mr.T went back to HK alone in 08!
actually im not angry at all! why should i be angry? but you can say i quite enjoy proving them wrong!
吓?! 走去問你BLOG友關於你老公D野? 好八....
回覆刪除呢D人個世界係咁, 小人之心, 而且食飽飯無事做...
你老公又真係幾可愛喎, 唔介意你POST佢D野出黎作為支持你, 不過你啱呀, 冇需要囉, 關佢地鬼事咩~
[版主回覆05/15/2011 00:55:00]我根本唔知果個人想點囉! 佢已經唔係第一次架嘞， 我知道咗後都無出聲只係del 咗佢就算 - 自問已經好比面佢架嘞，起碼我無搲爛塊面!!
老公問我想唔想post 佢証件出來已經係年幾兩年前既事，若果我係要貼，都唔洗等到今時今日! (無錯~ 由08年我老公第一次自己返香港搞丁屋開始，一直都有人問我依件事!)
事實就係事實~ 我唔需要做任何野去証明d乜野! 今次只係咁啱撞見朋友先知道真相~
哈哈哈哈....."就算我真係post 咗，佢地一樣可以話我用PhotoShop 改過......"
回覆刪除Mrs. T,你講得好0岩,如果D無聊人係要講你,無論你做咩都會照講,呢D人好可憐,佢地既生活只有說三道四,完全無意義可言...
[版主回覆05/15/2011 00:56:00]其實我最唔明既係 - 當我真係講咗大話，咁佢地証明咗我講大話又點呢? 對佢地有咩好處?? 佢地有咩著數??? 我唸唔到喎!
有好多人真係好鐘意理其他人既事，唔清楚成件事又唔抵得人地既，就會亂作d野亂比意見 你講得o岩，鐘意講大話既人會以為其他人同佢地一樣成日老作
回覆刪除[版主回覆05/15/2011 03:11:00]八卦還八卦，但係都要有譜架! 由08年到今時今日都仲有人同我講緊同一件事 - "英國出世無可能有3星身份証"......我唔知就係唔知，問我幾多次我都係唔知! 我答唔到佢地嘛，咪乾脆話我講大話囉~
既然今次朋友講咗比我知，我咪直接寫出來囉，等佢地以後唔好再來煩我問我點解!!
佢地係冇著數既 ﹐ 不過我覺得你個BLOG成日無神神就有人黎整下你~ 我覺得呢D人好似鐘意你過頭﹐有D走火入魔~
回覆刪除[版主回覆05/16/2011 22:43:00]妹妹妹~ 妳講到佢地咁變態既......
有d人唔抵得妳好就攪事架喇----咪鬼理佢啦 !
回覆刪除不過好在見妳一句"關妳鬼事"就知妳一樣"我行我素"&"話鬼知佢", 一於十卜妳!
[版主回覆05/16/2011 22:42:00]我唔鬼理佢地，不過佢地"理"足我2年幾.......
今次一次過講哂出來，以後唔好再來問我或我blog 友"點解我老公英國出世有3星身份証"!!!
好多野我都問點解喎~~點解有外國passport既人仲要去申請外國既國籍?點解喺外國生活咁耐要哂爛英文?點解內地人唔可以將 名牌紙袋 放喺地下,而自己就可以喺梳化底掃隻名牌袋出黎?點解要問妳點解曬幸福?
回覆刪除[版主回覆05/16/2011 22:40:00]哇哈哈哈哈~~~~~~~ "i loving it!!"
依咋問題我都好想知呀! 妳 知唔知道點解 佢 會咁既?? (唔問佢走來問妳! )
Mrs T, 其實唔需要咁上心呢D是非，因為人生必然會有呢D野存在。 在我看來，有人惡意攻擊你或不相信，這是難以理解的想法。你老公在英國出世，有三粒星，這是事實，那有甚麼問題？ 即如李嘉欣，她多人追，那有人問：「她真的有那麼多人追嗎？我不相信」一樣無暸。 事實就是事實，不論是否相信，也是事實；所以，你不將老公的身份證放出來，是絕對正確的做法；其邏輯是：不需要為了一些人而特意做一些事情，過後也沒有人會感激。 你的網誌是免費給人看的，所以也沒有責任和任何人作任何交代；也不需要因為少部份人的想法而令自已不開心。 你的網誌很好看，我會繼續追看，謝謝！
回覆刪除[版主回覆05/16/2011 22:21:00]多謝龍大師來訪 + 留言!
你講既我都明白，我亦唔會為咁瑣碎既事而唔開心~ 不過依件事由08年開始，一直都有人好"有興趣"，除咗來問我之外，仲騷擾到我既blog 友......既然今次我知道咗點解，就乾脆一句到尾一次過講完，以後唔好再因為依件事來問我或我既blog 友點解!!
多謝你喜歡 + 追看我既網誌啊!
嘩!!呢D人真係好變態呀!!用呢D旁敲側擊的方法去打聽你的私事!! 就算俾佢知道咁又點呢? 佢仲蠢到向你身邊的熟Blog 友打聽, 都真係幾攪笑!!
回覆刪除你真係做得好岩, 都唔須要為左呢D無聊的人去用文件證明D咩!
我地唔係呢種無聊人,真係唔係好明呢D人咩心理,我諗一係佢就好迷戀你想知道你的一切, 一係佢就好唔抵得你!
支持妳, 唔駛理呢D人~
[版主回覆05/16/2011 22:16:00]Thanks for your support 塔羅女神! 果個人走去問我熟blog 友既事，有好多根本連熟blog 友都唔知! 就算知都唔會講!! 我唔知佢係咪真係覺得熟blog 友唔會話返比我知? 如果係的話佢好有問題.......
依個世界就係咁多依啲人架啦~~算啦~~個世界愈來愈多傻佬同癲婆啦~~
回覆刪除如果我地用我地正常思想去諗佢地不正常思想嘅話.....我地遲早都癲埋一份~~
其實人地有3星又好, 無3星又好....有丁權又好,無丁權又好~~一句到尾 : 關佢叉事咩~~人地打blog係想記低同share吓自己嘅生活....唔鍾意睇就唔好睇囉~~
我"登"你好炆呀~~激死人啦~~
[版主回覆05/16/2011 22:12:00]
我覺得八還八都要有分寸囉! 洗唔洗八到走去問我blog 友咁誇張呀??
而家一次過講完，以後唔洗再八依個問題!!
我覺得唔需要理會呢d人, 就算係又點唔係又點, 關佢地乜事, 我覺得呢d人係唔底得人地, 所以先會咁做, 簡直無聊
回覆刪除[版主回覆05/16/2011 22:10:00]八還八都要有分寸囉! 洗唔洗八到走去問我blog 友咁誇張呀??
而家一次過講完，以後唔洗再八依個問題!!
唔需要為D討厭既人而專登去upload証明上黎澄清, D人白痴無聊, 無謂同佢一般見識!
回覆刪除[版主回覆05/16/2011 22:07:00]係呀~ 只係我見過佢地無見過，就話人講大話.....既然我無講大話，我點解要花時間証明比佢地睇呀?
而家係佢地覺得我講大話嘛~ 應該係佢地搵証據我講大話至真!
D冇常識的人根本就唔使理佢...... 因為邊身邊冇人係咁樣的身份(外國出世又有3粒星) 我表弟都係加拿大出世, 依家12歲有一粒星, 到佢18歲時就有3粒星....... 佢唔識野, 根本就唔使SO 佢, 比咩證明佢呀, 睬佢都傻啦!
回覆刪除[版主回覆05/16/2011 22:05:00]雖然我好鍾意prove 比果咋壞心腸既人睇 - 佢地係錯既! 不過我唔係咁desperate，無咁得閒post ID比佢地睇!!
啲人有咁嘅反應真係不知所謂, fuzzy logic, 你真係唔需要同佢哋澄清... 係你邊個??? 做乜喺人哋地頭搞事???
回覆刪除[版主回覆05/16/2011 22:03:00]由08年開始，我就係一直無為依件事澄清過任何野，佢地應該一直都覺得我吹緊水，所以佢地問我問到今時今日!
我希望今次一次過講完，佢地睇到就了咗佢地件"心事"，唔好再來問我煩我或走去煩我既blog 友!!
不用理啲無謂人啦,無知又無聊,你個朋友說得對的,97年前申請香港身分證只要父母係有3粒星,就算小朋友在外國出生都可申請的.我有個表弟90年在美國出生,佢在96年回港時我們幫佢攪手續申請咗,但佢細佬遲幾年出生,又過了97先回港,所以就只可申請身分證但無3粒星.
回覆刪除網上啲人有真誠也有假情假義,更有衰人同壞人,對嘴形的就可成朋友,不對嘴形的懶得理佢地啦.
[版主回覆05/16/2011 22:00:00]咁咪係囉~ 外國出世有3星身份証又唔係得我老公一個，佢地話無可能只係因為佢地自己都唔清唔楚，咁拗來做乜啫?
打錯咗,我表弟是88年出生,佢細佬就97年出生.
回覆刪除大表弟06年申請,打錯咗96.
回覆刪除佢地有咩好處,有咩著數?
回覆刪除你同佢地都唔係同一類人,所以你係永遠唔會明佢地唸咩架......層次唔同嘛,無需深究....
[版主回覆05/16/2011 21:24:00]咁又係~ 妳講得啱既!
不過我估佢地都係果種唯恐天下不亂，鍾意睇其他人出洋相果種壞心地既心態啦!
唔駛理d無聊人啦! 可能人地食飽飯冇x痾呢~ 請繼續寫好blog! Support!!!!!!!!!!!
回覆刪除[版主回覆05/16/2011 21:21:00]Thanks for your support Zoe!
希望今次一次過講完，以後佢地唔好再因為依個問題來煩我或煩我既blog 友~
都唔明點解會有呢d咁既人， 真係小人之心，有冇丁權有冇三粒星關佢鬼事咩！咪鬼理佢啫！ 十卜十卜你！
回覆刪除[版主回覆05/16/2011 21:20:00]八卦心態我明白~ 不過由08年八到而家都講緊同一件事 - "英國出世無3星身份証"，咁就唔止八卦咁簡單嘞! 不過唔知點形容佢地囉.......
講得好呀，你老公有無三粒星，有無丁權，關佢地鬼事咩,啫事八掛,又要睇人地個blog,又要質疑人地。
回覆刪除[版主回覆05/16/2011 21:18:00]我講既野大家唔一定要信! 不過佢地自己好明顯乜都唔知又無証無據，何必隨便質疑人地講大話?
最憎啲人八八掛掛，繞過自己在第三者口中套料，咩事
回覆刪除[版主回覆05/16/2011 21:15:00]果個人已經唔係第一次咁做架嘞! 頭一兩次有打算當唔知算數，不過一次又一次都係咁......我無辦法同依種人做到朋友!
呢個問題，我check過啦，因為我要幫我妹個女check。 97後，hk係改咗永久居留。 至於個3粒*的定義，係18歲以上+永久居留權。 97前，就唔洗理係唔係hk出世，總之dad mum是但一個係3粒*，阿b就一有。 至於97後個d，就要睇dad mum當時入咗藉未啦。 好似我妹個女咁，佢出世個時，我妹同老公就有uk ge永久居留權，但未入藉，所以佢個女返hk可以申請做香港永久居民，18歲後id card就有3粒*啦。
回覆刪除其實你老公有冇丁權、有冇3粒*，d人做咩咁在意呢? 根本都唔關佢事，正所謂聽故，唔好駁故， 唔like咪唔好睇囉，d人都有問題~~~
[版主回覆05/16/2011 21:11:00]點解佢地咁在意 </// 依個真係要問返佢地先知嘞!
佢地真係好好笑~ 若我真係講緊大話，就算佢地來問我幾多次，我都係講大話來答佢地既啫! 根本佢地點問都係唔會有結果!!
呢個世界怪人+蠢人太多.... 唔駛理佢!
回覆刪除[版主回覆05/16/2011 21:07:00]只要其他人見過佢地未見過，就會話人地講大話......真係唔理得佢地咁多!
我唸可以用"憎人富貴厭人貧"來形容佢地.....
回覆刪除[版主回覆05/17/2011 23:17:00]我根本 唔覺得 丁權有幾咁"富"or 幾咁巴閉......若真係要"憎人富貴"既話，就好心有大志d去妒忌何博士啦!
Don't get yourself angry because of those non-sense people!!!! They are just jealous or somethings! Support the way you are!
回覆刪除[版主回覆05/17/2011 23:15:00]thanks for your support!
actually im not angry at all~ just think that they're very annoying.....
講得好呀, 仲咩要為咗d無聊人post自己d個人資料出嚟呀, 況且呢d咁少嘅事, 諗人地講大話更加無聊...........
回覆刪除清者自清, 無必要交代~support
[版主回覆05/20/2011 01:07:00]thanks for your support SweetCandy!
依樣野我已經比人問足幾年，不過我一直都唔知點解，亦無特別為咗滿足佢地而去搵答案~ 不過就出現咗班入境條例專家實牙實齒話無可能有咁既情況，更有人直接話我講"Mr.T 喺英國出世"係吹水...... 超級無聊!
講得好呀, 仲咩要為咗d無聊人post自己d個人資料出嚟呀, 況且呢d咁少嘅事, 諗人地講大話更加無聊...........
回覆刪除清者自清, 無必要交代~support
Mrs. T, 我真係好羡慕呢D咁諸事八卦嘅人, 咁鬼得閒去理人哋D嘢囉! 我自己就忙到連你個 Blog 都睇唔切, 陰公! 真係唔理得呀 Mr. T 有冇嗰3粒星囉~
回覆刪除[版主回覆05/23/2011 19:08:00]依個世界真係有好多人得閒到匪夷所思架! 喺我扑度八都唔夠，仲要去我扑友度套料再八深入d.......
依個世界的無聊人多到噤! 人哋分享就睇下,講就聽下,唔講的亦唔好問啦!仲要懶勁幫人揾答案,都儍嘅!!
回覆刪除[版主回覆05/23/2011 19:06:00]其實問我都唔係問題~ 不過既然我講咩佢地都覺得我講緊大話，咁一次又一次來問我都無意思啦!
話我講大話既人好明顯佢地自己根本都係唔知或一知半解，咁何必實牙實齒話"無可能"呢?
都係果句...洗鬼理啲無謂人咩....
回覆刪除話時話...點解你有咁多尼啲人係你身邊既....係吾係你太幸福得滯...有人紅眼症發作呀....
[版主回覆05/23/2011 19:03:00]係吾係你太幸福得滯...有人紅眼症發作呀 <//// 依個要問返果咋當事人嘞! 我唔知佢地咁多~
唔駛理佢 佢有病 …………有紅眼症
回覆刪除[版主回覆05/24/2011 18:56:00]我唔理佢地 (係佢地~ 因為唔止一個咁既人!)，希望佢地都唔好理我!
呢個世界就係有吾同既人
回覆刪除視乎自己點睇件事,,哈哈!!!!!!!!
[版主回覆05/25/2011 08:16:00]視乎自己點睇件事 </// 某程度上係啱既!
不過一d有rules 既事，事實係A就係A，唔會因為有d人既"睇法"係B而變做B......
Hello Mrs T I don't have any doubt about what you said concerning about Mr T's 3 stared HK ID card since the beginnning. I'm in a similar case - I'm born in Macao by 2 HK parents in the 70s. At that time, to have HK residentship was a piece of cake. The only condition was that the applicant of HK residentship must be a minor with at least 1 biological parent has HK permanent residentship. The permanent residenship could be granted to the applicant if he/she continued to have his/her HK visa for 7 consecutive years with the HK Immigration Department. This immigration was forced to change in late 80s when the handover of HK to China was confirmed by UK. Just ignore those ignorant people who pretend to be experts of HK Immigration Laws! Take care!
回覆刪除[版主回覆05/27/2011 02:00:00]Thank you for the detailed information Aline! this thing has been going on and on for the last 2 years but they never give up! im really annoyed by them being so nosy! i hope they will see this blog and never ask me any stupid questions anymore from now on.
btw have you got the 沙薑粉?
根本就唔需要為呢 d 人 post 自己 d 重要文件姐..... 呢 d 人咁鍾意講是講非, 根本就冇完結既一日 所以最好就係唔理佢地 :D but 話是話, 你咁講, 我先知咋 :pp
回覆刪除[版主回覆05/30/2011 17:55:00]係呀~ 無咁既需要呀，所以我無post 到囉!
唔知佢地點解係都要問我? 全世界又唔係得我老公一個喺英國出世既香港人.....我一直都唔理佢地，不過佢地真係好煩!
其實唔知真係一d都唔出奇，一來自己身邊未必認識外國出世又有3星身份証既人; 二來法例已經改咗一段時間! 不過既然佢地自己都唔知，就唔好咁肯定話人地講大話囉!