4 - 6人份量......
1. 蒜頭2粒; Shallots (小洋蔥)50g; 百里香 (Thyme)約3茶匙，分別剁碎備用。
2. 新鮮雞肝250g 去淨白筋。
3. 牛奶加入2茶匙海鹽拌勻，將去淨白筋的雞肝放入牛奶內浸1小時去清血水。
4. 夾起雞肝用廚房紙抹乾。
5. 中小火煮溶牛油15g 至起小泡，維持中小火放入雞肝，視乎雞肝厚薄每面煎約2 - 4分鐘，煎至雞肝中間有少許粉紅為佳;
夾起煎好雞肝放入食物處理器略打至泥狀備用。
6. 倒去鑊中煎過雞肝的牛油，重新中小火煮溶牛油15g，加入蒜蓉、剁碎shallots 和香葉(Bay Leaves)2片，中小火炒約5分鐘至軟身;
加入剁碎百里香、75ml 紅砵酒 (Red Port)和拔蘭地25ml，中小火煮至剩下約2 - 3湯匙份量。
7. 夾起香葉，保留備用; 將(6)煮好的汁放入食物處理器內，和雞肝一同打數分鐘至幼滑。
8. 待(7)稍涼後，加入已放室溫至軟牛油80g、少許樽裝乾燥混合香草(Mixed Herbs)、拔蘭地1茶匙(optional)，用海鹽和磨碎黑胡椒調味，一同打勻後試味。
>>>>>>>>>>>>>>>>>>>>>>>>>>>>>>>>>>>>>>>>>>>>
一直好鍾意食雞肝醬~
所以出親街食飯時(西餐)，只要餐牌上有雞肝醬，我個頭盆幾乎一定會點佢無走雞~
間中我又會買超市現成雞肝醬，不過超市現成貨，無論平貴都好，我硬係覺得唔夠餐廳食到既好味道......
所以我想自己試吓整!
希望喺屋企都可以食到餐廳雞肝醬既味道!! 搵咗大堆洋人名廚既雞肝醬食譜，最後綜合咗個科學怪人雞肝醬食譜出來......
係依種味道嘞!!!!!!!!估唔到第一次試整就成功! 嘻嘻~~~~~
下次要試吓整口感更幼滑既Chicken Liver Parfait!
平時喺餐廳食一個頭盆要成£5 - 即差唔$63!!
OMG! 我以後出街唔點雞肝醬咯~~~~~~~
我一見到就唸住陣間去街市買雞肝返黎跟妳整架嘞...拔!!我冇 Shallots,用普通洋蔥得唔得?我冇新鮮Thyme,用乾燥既得唔得??最重要既係我冇紅砵酒同白蘭地,白蘭地可以買到,但係唔知紅砵酒依邊有冇 點算呀???唔通只能睇住妳整??
回覆刪除[版主回覆05/25/2011 08:24:00]如果有的話最好用紅蔥頭吖~ (無妳就用返普通洋蔥啦! )
thyme 味道比較香，用乾既都應該無問題!
白蘭地一定要有，如果唔係唔香架! Red Port 我唸妳果邊應該會有，台灣人應該叫做"波特酒"呀! 不過記住要用紅色喎!! (有隻白色既~) 若真係無砵酒，妳試吓用Sherry 吖!
祝妳買到所有材料啊~~~
雞肝 <~~~
回覆刪除你果到咁多雕肝都只係6.3???? 平過hk啦~
回覆刪除[版主回覆05/25/2011 21:53:00]算平架嘞? 我唔知香港咩價錢呀! 不過我覺得6蚊雞整到4-6人份量既雞肝醬真係好抵呢~
今日去街市周圍都有紅蔥頭,我買咗一袋返黎用黎整雞肝醬同埋裹蒸粽
回覆刪除原來叫波特酒,咁我好似有見過/聽過,等我去搵下先~thanks
[版主回覆05/25/2011 21:52:00]唸住幾時開工整呀?
Port 通常好似普通紅酒咁大枝，雖然整雞肝醬只用少少，剩返既妳鍾意留又得，用來整砵酒雞、砵酒牛腩都好正呢!
V女 勁呀 !!!! 自家製雞肝醬 ^^
回覆刪除[版主回覆05/25/2011 21:50:00]過獎嘞Katie! 雞肝醬原來好易整架咋~
好叻噃!諗都未諗過可以整到! 係咪整到無腥味ga?超市果d 唔得ga!
回覆刪除[版主回覆05/25/2011 21:49:00]過獎嘞~ 其實依個好易整!
當然無腥味啦! 如果有腥味都唔可以話係成功啦~ 其實我只係覺得超市果d唔好食，但超市果d都不至於差到係腥既!
勁呀 自己整 真係平好多呢 出去食 小小一件都幾貴下
回覆刪除[版主回覆05/25/2011 21:47:00]唔勁啦~ 都好易整之嘛!
不過真係唔整過都唔知原來平過出街食咁多喎.......
好勁吖。。。雞肝醬都自己整到。。。
回覆刪除[版主回覆05/25/2011 21:47:00]唔勁呀~ 都唔難整!
肝類食品係"賣飛佛"
回覆刪除[版主回覆05/25/2011 21:44:00]咁妳一定會鍾意食依個!
好勁啊, 雞肝醬都自己整, 好想食啊~~
回覆刪除[版主回覆05/25/2011 21:43:00]唔勁唔勁~ 原來好易整架咋! 不過真係好好味呢~
我鍾意食雞肝~~不過雞肝醬真係冇食過
回覆刪除[版主回覆05/25/2011 21:32:00]意大利餐廳頭盆多數都會有雞肝醬架!
我無食過 雞肝醬 呀 其實係咩味架?? Mrs T. 真係好勁 自己HOME MADE既除咗平d 都安全+HYGIENIC d啦;]
回覆刪除[版主回覆05/25/2011 22:45:00]咩味呀? 唔知點形容喎...... 咁妳有無食過鵝肝醬? 似一個平民版既鵝肝醬囉!
過獎嘞~ 我唔勁! 我都係睇大咋食譜先學識整啫! 不過真係唔整過都唔知原來出街食價錢相差咁鬼遠喎!
Veron, 真係勁，鵝肝醬都有得自製？只能說一個字：服！你老公應該一世都比你迷死！
回覆刪除[版主回覆05/27/2011 01:18:00]過獎嘞龍師傅! 雞肝醬其實好易整架咋~ (依個係雞肝來啊!)
雖然老公好欣賞我手勢，不過除咗我既廚藝之外，我仲有其他可取地方吸引到佢架! 哈哈~~~
wow...勁V.... 我都好鍾意雞肝醬, 有朋友整過一次俾我...超懷念....但我從來冇諗過自己可以整到, 而家見到你個食譜, 又唔係好難喎, 係工序多d
回覆刪除[版主回覆05/27/2011 01:15:00]過獎嘞亞兔! 依個真係比我想像中容易好多呢~
妳朋友整過比妳食 </// 其實妳朋友整到，咁妳都一樣整到既啫!
我尋日買咗袋雞肝返黎架嘞,陣間睇下搵唔搵到Red Port!我次次買d酒返黎煮野,只係用少少,老公就會飲哂我成枝 因為屋企冇白蘭地,我老公係咁叫我唔好買(因為佢唔鐘意飲白蘭地),不過我都係會買既,妳要出多d白蘭地既食譜比我嘞,咁我就唔駛蹝咗枝酒囉
回覆刪除[版主回覆05/27/2011 01:14:00]妳千其唔好理妳老公呀 - 整依個一定要拔蘭地架! 要照買!!
其實我一向間中都有用白蘭地整西餐......不過大部份係牛菜喎!
自己製pate都幾勁!!
回覆刪除[版主回覆05/27/2011 01:09:00]過獎嘞~ 其實好易整架咋!
"煎至雞肝中間有少許粉紅為佳" ~ 我見之後d雞肝冇再煮, 咁係咪即係雞肝醬的雞肝不是100%全熟? 未熟透的雞肝是安全食用的嗎? 謝謝!
回覆刪除[版主回覆05/27/2011 01:08:00]我睇過咁多個食譜 - 全部洋人廚師，因為依個係洋人既食物，佢地全部都係話煮到肝中間部份粉紅就得!
法國人有一道炒雞肝，雞肝炒完裡面仲有血水既! (依道菜本身係咁!) 再講煎鵝肝，我喺法國食到正宗既做法，係用大火煎到原件鵝肝表面香脆，而裡面好似豆腐質地咁生! 但 我喺香港食過 煎鵝肝，煎到裡面熟哂，完全係兩回事來......
所以我覺得只係香港人唔習慣~ 我個人認為只要買一d品質較好雞種既雞肝唔會有問題!
Hello! 嘩...好勁呀!
回覆刪除你真係好有心機 整野食呀!
[版主回覆05/27/2011 00:58:00]過獎嘞Anne~ 雞肝醬其實唔難整架!
妳好犀利呀 雞肝醬自己整
回覆刪除[版主回覆05/27/2011 00:55:00]唔犀利~ 好容易整架咋!
自己學識整，唔洗出街食比人鋸到一頸都係!
未聽過有雞肝醬,同鵝肝醬差不多嗎? 但鵝肝醬好貴喎
回覆刪除[版主回覆05/27/2011 00:54:00]喺好多意大利 + 法國餐廳，雞肝醬比鵝肝醬更普遍! 我只可以話係同類型食品，咁食味當然係有分別啦~
鵝肝醬貴好正常呀 - 法國人養鵝只要個肥肝，每隻鵝只得一副肝臟; 雞每日都會屠宰e.g. 英國每日平均會屠宰200萬隻雞，雞肝都係副產品唔值錢~
恭喜你一整就成功有出面食的味道呀！！！！勁！！
回覆刪除嘩！自家製同出面差成足足十倍的價錢！真係犀利呀！其實算唔算多功夫同難整？
[版主回覆05/27/2011 00:41:00]Thank you 塔羅女神! 原來無我想像中咁難整果喎，相反我仲覺得好易整呢~ 不過真係估唔到價錢相差咁多.....
我又唔覺得功夫特別多，反而最麻煩只係剁碎shallots、蒜頭 + 百里香~
朋友中我地叫佢"大廚", 佢整野食好叻架, 同你一樣咩都識整, 又有心機....我梗係希望我有一日都好似你地甘叻啦
回覆刪除[版主回覆05/27/2011 22:02:00]過獎嘞~ 咁我又唔係咩都識整!
其實妳都好叻呀! 妳個羊腩煲好正呀，睇到我仲流緊口水呢!!
你好勁呀!
回覆刪除[版主回覆05/27/2011 22:00:00]過獎嘞Vinci 媽咪~ 其實依個真係一d都唔難整架!
我欣賞你好有心機 整野食呀! 而且整得好味又靚!
回覆刪除我結左婚7年啦, 不過都仲係冇乜 心機 整野食, 我諗呢個唔係我興趣啦...不過而家有左個bb, 一定要煮俾佢食, 所以我都煮多左好多(mon - fri dinner), 好彩可以抄下你煮乜...嘻嘻!
[版主回覆05/27/2011 21:59:00]多謝Anne 欣賞! 其實我唸最主要係我愛煮又愛食啦! 我會用passionate abt food 來形容自己! 鍾情於一件事，就自然會做得起勁，而且會好享受煮食既過程!
自己整得滿意同好味道既食物﹐ 我係餐廳食都係唔會點架~ 因為有時食落覺得好失望~
回覆刪除[版主回覆05/27/2011 21:55:00]我之前未整過雞肝醬嘛......
我而家出街食飯唔會再點雞肝醬咯! 我唸住再試整多d唔同雞肝醬recipe 呢!
我來英咁耐，只食過一次入唔到口既雞肝醬 - 就係喺賭場餐廳食既! 果塊野直情係臭既，我懷疑根本係變壞咗!! 自此我無再去過賭場食野......
臭既?﹗好離譜呀﹗ 好彩食得出咋﹗ 有D野變壞食唔出(因為調味勁)﹐ 咁就LAI晒野喇~
回覆刪除[版主回覆05/30/2011 18:19:00]講起上來真係一疋布咁長...... 其實果次我同個ex 去賭場餐廳食飯，咁平時我多數一定點雞肝醬做頭盆~ 不過果日我見隔離枱煙三文魚好新鮮，所以要咗煙三文魚......
我ex 之前受我影響都開始鍾意食雞肝醬~ 佢係果種一向唔係好食內臟既竹升，不過佢 又想食又怕死，所以佢有個好 得意既唸法 - 佢想我點雞肝醬，佢點三文魚! 咁佢就可以黐我d雞肝醬來食嘞!
我緊係睬佢都傻啦! 果晚我點咗三文魚，佢好唔老黎架! 但佢焗住點咗雞肝醬.....抵佢死吖咁Q自私 - 因為佢食咗一啖就話好臭...依d咪叫現眼報囉! 其實我無食到雞肝醬，我只聞咗一下都知唔妥!
妳估吓佢幾賤呀? 佢竟然叫我同佢交換頭盆!!! 都黐黐地架! 佢阿媽就慣佢係佢既事，我又唔係佢阿媽，我緊係又睬佢都傻啦!