，不過就唔多鍾意貓貓! 
多年前我地新居入伙，剛剛全屋鋪好新地氈，但周圍都仲係一箱箱搬屋後仲未拆箱既家當......
老公有一位非常自私既賤男同事
，因為佢要去旅行，不識趣兼強人所難地要將2隻貓貓寄居喺我地屋企! 
用賤男來稱呼佢真係當之無愧~ 因為佢當時有一位拍咗拖3年好可愛既女朋友，不過佢唔止一次背住女友同2個女同事偷食! 但可愛女友一無所知，最後仲嫁咗比個賤男......
當日參加佢地婚禮，神父問有無在場既人反對佢地結婚......好老實我真係好有衝動舉手架!!
拉開咗話題添~
講返貓貓......賤男果2隻貓貓真係曳到無朋友!
阻住我拆箱執屋不特止，半夜三更跳上跳落推跌野嚇到我成個人彈起; 朝朝早幫佢地執屎換貓沙，服侍佢地但又唔蘇我唔同我玩，我已經好唔老黎架嘞!
佢地仲竟然大膽到爪穿咗我2條pashmina!!
為咗報仇，我買咗大堆貓貓零食任佢地食，等賤男去完旅行返來先慢慢幫佢地減肥!!!世事無絕對~ 雖然我唔多鍾意貓，不過原來係有例外既......
鄰居既四蹄踏雪貓貓Jess~
每次我見到佢就會離遠大叫: Jess~~~~~~~~~~~
老公話我嚇怕咗佢喎.......
不過個位男士都肯同佢結婚,另一個想法可能佢心入面呢位女友仍然佔好重一值位~
回覆刪除唔似有人一尾玩玩玩,點都唔肯結!
[版主回覆05/16/2011 23:11:00]對佢不忠但肯同佢結婚咁又有咩用? 代表d咩?? 安慰獎呀???
我細個都有一只4蹄踏雪貓, 又係唔睬人(包括我呢個整野俾佢食, 幫佢做清潔嘅!) 剩係睬我細妹........係咪呢只pattern嘅貓都唔多睬人嘅呢.........
回覆刪除我個時有一只狗, 2只貓, 我阿爸好攪笑, 狗叫Lucky, 黃色貓叫黃貓, 黑色呢只叫黑貓.
我只Lucky同黃貓勁怨氣, 但係只黑貓就cold 到爆!
[版主回覆05/16/2011 23:08:00]唔知係咪我無貓緣呢? 我發現所有貓都唔多蘇我......
香港太62屋企有隻金黃貓，見到我老公嗲到呢，但又係完全唔蘇我!! 有時我見佢嗲我老公摸佢，咁我咪啤住佢囉，佢衰到識得抬高頭望住我老公喵喵叫! 好似同我老公投訴我啤佢咁喎!
我勁中意貓~呵呵~
回覆刪除[版主回覆05/16/2011 23:05:00]咁妳屋企有無養貓呀?
I love cats very much! I've got 2 cats. Just saw 2 cats in a vet for adoption. One of them looks like the cat in your picture, all black but with white hair on the collar and the feet, tuxedo-dressed cat
回覆刪除[版主回覆05/16/2011 23:04:00]your 2 cats, are they in your profile pic? they're very cute too! i like the white one~
haahaaa~~~ tuxedo dressed cat!
Oh so cute!!!!!!!!其實我眼裡只能容得下我隻寶貝女...見到其它貓都無特別感覺...不過我覺得阿Jess真係好cutie啊!
回覆刪除[版主回覆05/16/2011 23:02:00]我始終鍾意狗多過貓~ 因為狗比較親近人多d!
雖然Jess 都係唔蘇我，不過佢個樣太得意，佢係一個令我覺得好肉緊既例外!!
英國啲貓真係好賤㗎！專走去人哋後園大小便！刻人憎！攪到我塊田污漕晒！
回覆刪除[版主回覆05/16/2011 23:01:00]唔係英國d貓特別賤格.......邊度都有貓咁果喎!
其實以女人既直覺點會唔知自己身邊個個出去玩呀 可能人地覺得...佢肯返屋企就算唔多理會 BTW隻貓勁CUTE呀~ 我成日都想養貓OR養狗... 不過自己都未養掂就唔好攪D小動物啦 珮夫人
回覆刪除[版主回覆05/16/2011 22:58:00]佢係一個信教，好純 + 完全無機心既女仔來，我相信佢真係乜都唔知架! 有次我單獨同佢傾計，講起大家同另一半識咗幾耐，佢副冧樣真係令我再次好有衝動爆大鑊!
其實佢條仔點去滾完全唔關我事! 我同個女仔亦唔算熟~ 不過賤男係老公咁多朋友之中，唯一一個乞我憎既!! (唔係因為貓單野，之前已經有好多野架嘞!!)
好耐無同佢地來往~ 不過間中老公仍然八佢偷食d野比我知!! (婚後仍然偷食緊......)
雖然Jess 好鬼cool，不過我真係覺得佢好似公仔! 好想大力攬住佢呀~~~~~
我以前喺香港養過隻西施~ 佢死咗十幾年嘞，但我英國屋企客廳仍然擺住佢張相，我唸依世我都唔會再養狗咯!
我唔鍾意貓不過如果真係要養我會養狗
回覆刪除[版主回覆05/16/2011 22:51:00]如果揀來養，我都係揀養狗!
我都麻麻地貓...
回覆刪除[版主回覆05/16/2011 22:50:00]我本身鍾意狗多過貓好多，不過最近見到得意既貓我都會好心軟~~~~
我自己無...我阿妹有11隻...
回覆刪除以前佢去旅行我上去home同佢d貓貓清潔~
不過而家有左騫寶寶就無啦..但間唔中上去玩...
[版主回覆05/17/2011 23:01:00]OIC! 我太感情豐富，以前娘家隻西施死咗十幾年，唸返起佢我仍然好心痛......所以我都係玩人地果d貓貓狗狗好嘞，我自己唔會再養咯~
其實大部分貓貓都好可愛架, 不過貓都係比較有性格既....
回覆刪除一旦貓貓喜歡上你就不得了,佢會好似一團棉花糖咁黏住你,要你抱,要你模,好需要你既愛....令人好窩心....
我養左三隻貓貓,佢地係我既心肝錠來架...
我想講一樣野你聽,我三隻貓都好怕一個人, 呢個就係我姨甥女喇,因為我姨甥女一見到我D貓就會好興奮,大聲叫:貓貓呀~~
我D貓一聽到就即撇....
估唔到Mr.T都幾熟貓性架wor....
[版主回覆05/17/2011 22:57:00]我個人本身比較鍾意狗狗~ 貓貓我都覺得可愛，不過就唔係隻隻都會覺得佢地可愛囉!
我從未感受過貓貓黐住我! 佢地隻隻都只黐我老公...
哈哈~~~~ 我下次見到Jess 時會試吓盡量冷靜!
其實貓貓係咁架, 比較自我, cool...只係有需要(食), 才會扮friend...肥吉都係咁架...
回覆刪除[版主回覆05/17/2011 22:54:00]所以我鍾意比較親近人既狗狗多d囉!
其實都唔一定架~ 我每次見到Jess 都攞野食引佢，佢最多走埋來聞吓，但佢唔會食~ 聞完就鬆貓架嘞.......
For me i love cat a lot i have three at home
回覆刪除[版主回覆05/17/2011 22:53:00]i love dogs more than cats~
只金黃貓識投訴, 好攪鬼!
回覆刪除自從Lucky, 佢對仔女, 黃貓,黑貓都相繼走埋之後, 我依家唔敢再養PET.
同佢地相處十幾廿年, 好有感情, 家下諗番, 個心都仲好痛.
[版主回覆05/17/2011 22:52:00]好唔鍾意果隻金黃貓! 個樣又唔得意喎~
我成日見到得意既狗狗都會霎時衝動有想再養既念頭，不過唸清楚後又會打消，因為唔想再經歷多一次傷心啊!
我都係鍾養狗ga(but我老公鼻敏感, 佢唔鍾意), 娘家果邊有養開 而家嫁左都成日返去同佢玩ga 有時冇返去幾日, 見到佢個開心樣, 真係好得意
回覆刪除[版主回覆05/17/2011 22:49:00]我以前喺香港都養咗隻西施架! 不過佢死咗之後就唔想再養咯~ 佢一定早走過我.....唔想再經歷多一次傷心啊!
我以前都有養貓同狗，不過就鍾意貓多D，因為佢地好有性格，隻隻的個性都差異很大 ，就好似同人類相處一樣。曾養過一隻好肥好可愛的黃貓，除咗不會周圍便溺外(貓自小教育，大多可在固定地方便便)，佢仲會係每朝早返工時間，用牠的前手拍打我，直至我起身為止才罷休，直情準時過ALARM ，不過假期就多得佢唔少 ！後來牠在一次意外跌咗落街，遍尋不獲，我傷心到死，之後都唔敢再養咯！
回覆刪除[版主回覆05/20/2011 01:24:00]妳隻黃貓幾似我隻西施Billy 喎! 果時佢又係日日7點半叫我起身架! 佢一樣唔識分假期唔假期!! 不過佢吠完後同佢講: 今日唔洗嘞~ 唔好再嘈! 快d瞓覺 - 咁佢就會再瞓架嘞! 不過佢走咗後我打算以後唔再養咯.......
我都係鐘意 ~ 夾硬放D貓係人地屋企好好意思WOR﹐ 我好怕呢類人既~ 其實貓佢放係屋企叫熟人去餵下睇下就得啦~
回覆刪除[版主回覆05/20/2011 01:20:00]妹妹妹~ 我真係對妳講既野超有共鳴!!!!
佢係果種人地唔好意思真接推佢，佢都會強人所難既人來! 我唔鍾意佢唔係因為佢背住老婆偷食 (因為都唔關我事!)，我咁討厭佢，完全係因為佢強人所難既性格!! 因為佢已經唔係第一次咁架嘞!
未結婚前我自己一個人住，佢同我老公 + 成班返工人night out，玩完後佢死都話要老公帶佢上來我屋企過夜 - 因為佢住得遠喎! 果時住緊果度係我屋企來架!
妳講得好啱 - 叫熟人睇住都得! 我老公工作出認識佢，果時都唔夠一年!! 佢無屋企人無識得耐d既熟朋友既咩??
一講起佢真係好火滾!!
我都吾中意貓..可能係童年陰影....因為細過時一吾乖..屋企人就捉我去見黑貓嚇我...所以我到現在都好怕啲貓貓...現在到我啲囡用貓黎嚇我....
回覆刪除[版主回覆05/23/2011 19:44:00]我就唔係怕貓，只係唔鍾意貓屎陣味 + 佢地唔鍾意黐人! 不過依隻Jess 真係好鬼得意~~~~~
我隻貓貓同呢隻貓個名好似
回覆刪除叫jessie
[版主回覆05/25/2011 08:17:00]係呀? 咁佢咩色架?? 有無Jess 咁得意架???