等我來話比大家知咩野叫做"唔買對唔住自己"啦!
依套野有幾咁"唔買對唔住自己"?
我喺烘焙廚具店Lakeland Limited 見過依種連鋼唧咀既唧樽 (Kuhn Rikon 出品)，價錢最平都要£3.59一個!
另有更貴既款式......我見過實物，我個人感覺Kuhn Rikon 同我依套無論質感 + 手工 - 根本完全無分別!
而我依盒野成套5個樽連唧咀，再加把迷你palette knife......
只售£3.99!
如果咁都唔買，我唸我真係要好好罰自己!!
(話雖如此......都要有用先買既! 嘻嘻~~~~
)我屋企收藏咗數量驚人既食譜書!
不過我太鍾意煮野食嘞~~~~~~
所以每次去書店都會刨一大輪，而且多數忍唔到手出書店門口......
我以前認為一本食譜書最大吸引之處除咗係食譜本身之外，其次就係食物成品既相都非常重要!
如果一本食譜書無相，會令我覺得好turn off......
印刷完全唔可以話係精美，一d都唔起眼! 仲有種"悶鬼死人"既感覺......
比在係以前我根本眼尾都唔會望依種食譜書!
不過依本並唔係一本普通食譜書......
而係一本詳細講解正確炆燉技巧 + 理論既書，內附大咋無相無公仔既食譜~
我喺書店立過吓部份內容，發現好多有用既資料，而當中炆燉既理論仲幾有趣呢!
雖然本書無誘人既外表，不過好有內涵架!!
嘩 本書真係好多字 不過要了解煮食的方法 也的確是一本好書 !
回覆刪除[版主回覆05/08/2011 21:15:00]雖然本書全部都係字，又無美食相欣賞，不過我睇咗少少覺得內容好有趣，所以我先決定買! 一本書最重要始終係內容嘛!
字多圖畫 少 真係不吸引, 但 忟同燉都有技巧和理論。都幾值得看。
回覆刪除[版主回覆05/08/2011 21:14:00]有靚相既食譜書的確會吸引好多~ 不過始終一本書最重要都係內容!
cupcake既decoration kit我都想買呀.....之前見到已經有興趣喇....but無焗爐呢....
回覆刪除[版主回覆05/08/2011 21:13:00]哈哈~~~ 咁妳應該先買焗爐喎!
" 如果一本食譜書無相，會令我覺得好turn off" turn off.... ur so funny
回覆刪除[版主回覆05/08/2011 21:12:00]what's so funny? you mean "turn off"??
我鍾意盒曲奇蛋糕decorating kit既封面好靚
回覆刪除字多圖畫少既 書真係要好有心機睇先得~~
[版主回覆05/08/2011 21:10:00]哈哈~~~ 可以學吓個盒面影食物相喎!
其實只係圖少字多既食譜書我先無咩心機睇啫~ 平時我睇好多書一張圖都無呢! 最緊要都係內容嘛~
想快啲睇到你嘅 cupcake 制成品呀!
回覆刪除[版主回覆05/08/2011 23:44:00]依套野除咗用來整cupcakes，整其他蛋糕餅乾都得架!
我真係好鍾意個topic !! 唔買對唔住自己呀!!!!
回覆刪除我都成日同自己咁講架! 如果搵到D 自己岩用, 好鍾意而最重要的係物超所值的時候, o個種滿足感同開心的程度真係非筆墨可以形容呢!!!
[版主回覆05/08/2011 23:43:00]嘻嘻~~~ 每次買到筍野我都會覺得自己好叻好精明 + 好精打細算!
貴野只要比得起錢就可以買得到，雖然貴野品質好係應該既 - 不過依點唔包生仔! 但品質又好價錢又平就一定要精明先買得到嘞! 滿足感自然大好多啦~ 依個就係女人購物其中一個樂趣嘞!!
我都好鍾意 曲奇蛋糕decorating kit ，價錢合理，香港都冇得賣！
回覆刪除[版主回覆05/08/2011 23:36:00]我下次再去果間店時買一盒比妳吖!
4鎊都唔洗真係好抵。美女我想請教你平時用什麽工具磨刀?
回覆刪除[版主回覆05/08/2011 23:34:00]係呀~ Kuhn Rikon 一個樽都要£3.59! 依套品質一模一樣，超抵!!!
我用依個來磨刀架~ 好掂!
http://hk.myblog.yahoo.com/veronicams_tsim/article?mid=47774
如果一本食譜書無相，會令我覺得好turn off...... <------X2 食譜無相的話我一定唔買........ 珮夫人
回覆刪除[版主回覆05/10/2011 05:01:00]普通食譜無相就一定唔洗預我嘞! 不過依本因為內容搭夠，我先破例買咗佢~
成套曲奇蛋糕decorating kit 先三鎊九九，唔買又真係對唔住自己喎！
回覆刪除[版主回覆05/10/2011 04:59:00]咁就算幾抵買都要有用先應該買既!
而家可以對得住自己啦 等你d曲奇蛋糕面世啦
回覆刪除[版主回覆05/10/2011 04:58:00]蛋糕我間中都有整，不過曲奇整過玻璃曲奇送比人! (因為自己唔係好鍾意食餅乾..... )
而家可以對得住自己啦 等你d曲奇蛋糕面世啦
回覆刪除咁平又好難忍手喎...
回覆刪除[版主回覆05/10/2011 04:57:00]除咗平之外，我覺得好有用 + 會好好用呢! 所以一定要買!!
緊係唔好同自己過唔去啦
回覆刪除我等妳睇完本書再煮好野+post d相上黎比我睇(食譜+圖)...對我有so,本書買得好呀
[版主回覆05/10/2011 04:57:00]哈哈~~~~ 妳隻魔鬼吖!
呢套我都有睇，好似好好玩咁，打算7月過UL搵阿妹個時買埋佢。
回覆刪除[版主回覆05/10/2011 04:56:00]依套野真係超級抵買呢! 聽日整蛋糕開光試吓先~
我向 ｍｅｌｂ 都見過呢 ｓｅｔ ｄｅｃｏｒａｔｉｎｇ ｋｉｔ 不過好貴．．．
回覆刪除同我知自己無乜幾何會用．．．
都係唔好買住．．等佢 ｓａｌｅｓ 先買返黎擺到我有 ｍｏｏｄ 先用．．．
好想快 ｄ 睇下你用佢黎整嘅制成品．．．！！
[版主回覆05/10/2011 17:36:00]我都係咁架 - 買咗返來好可能坐一排先會用! (有d仲一坐就坐咗幾年先開光.....)
其實整蛋糕有幾可下下都用到唧花吖? 所以無幾可會用 - 係正常既!
不過買咗放喺度，突然興起想整就隨時都有得用嘞!
哈哈~ 所以真係唔好話女人敗家啦 其實我地好多時 都係敗得有道理架
回覆刪除[版主回覆05/11/2011 19:50:00]我覺得我見到筍野先買依種行為係"慳家"而唔係敗家喎!
(Empty)
回覆刪除你真係好客氣，唔駛買俾我啦！不過聽到你咁講，我真係好鬼開心呀！
回覆刪除[版主回覆05/11/2011 19:49:00]如果妳改變主意就話我知啦~ 唔洗同我客氣喎!
我又係唔鐘意D食譜書冇圖片﹐ 不過有次個男仔好似言語間話我蠢+膚淺咁~ 件事係: 我見到有本食譜書係得食譜冇圖冇色既~ 連好似你果本果的少少圖都冇~ 咁我就講左句: 嘩﹐連少少步驟同材料相都冇﹗好難觸摸啵 ~ 點知個男仔話: 哎﹐洗咩圖丫﹐你又唔係唔識字﹗成日齋睇相﹐ 你專心讀下的步驟同材料咪得囉~ 呢的係要用自己想象力搭夠架 ﹗~ 佢唔係用串我既語氣講﹐只係好隨便咁講﹐ 俾佢咁話一話﹐我果時真係好介意~ 不過依加仍然都係唔黎﹐所以仲記住~
回覆刪除[版主回覆05/15/2011 04:02:00]我唸妳朋友應該唔係有惡意既~ 可能佢真係想鼓勵妳試新野啫!
不過我覺得有時食譜書有圖，除咗賣相吸引d之外，仲可以比我地睇吓煮出來個樣對唔對路嘛!
cupcake icing其實係咪好難架
回覆刪除[版主回覆05/25/2011 08:12:00]唔知喎~ 因為我未試過整!