2010年6月15日星期二

醉翁之意不在酒 (2010年6月14日)

有香港網友經常買日本潮流雜誌都會附送designer bags 贈品,有好多款仲好鬼靚,睇到我流哂口水~~~~~

不過可惜海外郵購依類日本雜誌,雜誌贈品係會被抽起架!

其實英國買到既潮流雜誌都好常送贈品,不過就同日本潮流雜誌送既贈品差天共地! 好多時會係小說、記事簿、化妝品之類.......

就算送designer 品牌,品質大都好麻麻~ 所以我都好少買依類有贈品送既雜誌!

不過有時都會例外既......

 今期7月號既"In Style"......

 送Moschino 環保布袋~

 靚咩? 其實我覺得麻麻地架咋!

但我就好鍾意個公仔!  (好有我shopping 時既風範! )

不過依種單薄既布袋我只會用來買餸~

>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>
我成日覺得雜誌送得既化妝品都唔慌係好野.......所以我唔會買贈品係化妝品既潮流雜誌! (就算買咗我都唔會用!! )

所以為咗贈品而買雜誌,多數都係一d比較實用既贈品!  

例如之前買過......

 之前有本雜誌送過agnès b 縮骨遮~

依把遮設計簡單又好輕身; 一款二色 - 黑 + 白~ 所以當時我一口氣買咗2本,黑白都買齊哂!  
不過黑色果把已經比我用到爛咗揼鬼咗......

 Anya Hindmarch 金色loose pocket~


 (又細又薄......把鬼! )



29 則留言:

  1. 我行過Sainsburys 見到, 都提唔起興趣, 個質地好差.
    不過係freebies 有得送下都算係咁. =]
    [版主回覆06/15/2010 19:15:00]依度雜誌送既係咁上下啦,幾鎊銀一本送依d貨色差唔多啦! 日本果d分分鐘舊 幾兩舊水一本,送既野緊係正好多!
     
    個袋還可以啦~ 反正我都係用來買餸!
     
     

    回覆刪除
  2. 買雜誌送贈品 女仔就最like 哈哈 !! k
    [版主回覆06/15/2010 19:13:00]睇吓送乜啦~ 依度雜誌送既野唔夠日本雜誌送既咁精美.......
     
     
     
     

    回覆刪除
  3. Mrs.T你好啊~~ 之前無意中Search到你既Blog, 俾你個Blog吸引左 而家Keep住日日睇 XD 睇你寫既野真係好開心啊 >3< 第一次留言哈哈~~ 我尋日都係為左 贈品而買左一本雜誌啊>V< 你把agnès b 縮骨遮 真係好靚啊!!
    [版主回覆06/16/2010 16:41:00]歡迎妳靈空! 多謝妳喜歡我個blog~
     
    香港有贈品送既雜誌選擇比依度多好多!
     
     

    回覆刪除
  4. Gaileは林家歐巴桑2010年6月15日 上午4:49

    把遮好靚呀...我都係好少買!!之前買過本雜誌送Chloe購物袋,細到乜咁,所以再冇買嘞
    [版主回覆06/16/2010 16:44:00]黑色果把遮仲靚呀!
    妳果邊應該有好多日版雜誌果喎~
     
     

    回覆刪除
  5. 係呀係呀﹐我都係用布袋買送架﹌ 不過次次都要帶幾個先夠用﹐因為有的蔬菜好大下﹌ 你呢個布袋又真係幾薄下啵﹐袋唔袋得重野架?
    [版主回覆06/16/2010 16:37:00]好少環保袋有大size.....
     
    個袋雖然唔太厚,但其實係裝到野既~ 一般去超市買餸絕對無問題!
     
     

    回覆刪除
  6. 係呀,我起香港成日都係俾D雜誌贈品吸引而買本雜誌,但拆出來睇,好多時D贈品真係把鬼,影相出來就靚,但摸完後,發現D quality都唔多掂...
    [版主回覆06/16/2010 16:35:00]日本雜誌送既應該唔錯喎!
     
     

    回覆刪除
  7. 日本果d贈品真係十個得架
    我上次去日本做野都幫個朋友買左兩本唔同贈品既
    哈哈, 我係page one見d外國雜誌都唔見有贈品既
    題外話: moschino d野我都一般, 不過佢d傘好得, 好靚, 好colorful, 又唔貴
     
    [版主回覆06/16/2010 16:34:00]係呀~ 我見網友買既日本雜誌,贈品真係好靚!
     
    或者妳見到既外國雜誌係美版啩? 樓上位美國網友話美國雜誌無野送~
     
    Moschino 係我中學時代用過吓背囊銀包既牌子~ 可能我唔識用縮骨遮? 我已經用爛咗2把Moschino + 無數有牌子無牌子既縮骨遮......後來買咗把LV直遮,就好少再用縮骨遮嘞!
     
     

    回覆刪除
  8. 我通常見到好鍾意先買,而家好多日本雜誌都送袋呢~
    [版主回覆06/16/2010 16:24:00]日本送果d最靚最正,不過雜誌價錢相對好貴~
     
     

    回覆刪除
  9. 香港果本"JESSICA" 10蚊,
    成日送手袋仔/化妝袋咖~~
    真係抵到笑呀
    不過本書就麻麻地岩我睇..全部貴野..>___<"!!
    [版主回覆06/16/2010 16:23:00]10蚊有貴野睇又有野送都算係咁啦!
     
     

    回覆刪除
  10. 今期glamour送benefit化妝品,我覺得唔錯wor!
    [版主回覆06/16/2010 16:21:00]唔用雜誌送既化妝品只係我個人自己感覺 + 習慣~ 不過Benefit 係一個唔錯既牌子!
     
     

    回覆刪除
  11. 把遮都幾靚喎
    日本D雜誌好貴,但係D贈品既品質好好,所以都OK既.
    反而HK都有D雜誌有送贈品,不過把鬼囉,好少會用.
    除非係我好鐘巃,否則唔會特登去買.
    [版主回覆06/16/2010 16:13:00]把遮款式好簡單,只係一把淨色遮,每面印咗agnès b logo~ 其實黑色果把仲靚!
     
    一分錢一分貨嘛! 而且羊毛出在羊身上~ 贈品品質好,雜誌貴d都係正常既!
     
     

    回覆刪除
  12. 哎呀我都有那個Anya Hindmarch呀~~大概是五六年前吧,我去倫敦的時候買的。我倒覺得很好用哦,一直用了三四年。。。直到最近用破了。
    [版主回覆06/16/2010 16:08:00]我上面依個係買雜誌送既,係膠來既~ 但妳買果個應該係皮造,不過個款幾乎一模一樣! 每個人需要都唔同,對我來講依個係太細 + 太薄~
     
     

    回覆刪除
  13. 個袋靚呀 啲公仔幾有趣..... 我冇見過美國雜誌有野送,美國人懶樸素咁,唔玩花神,所以麥記都好少有野換,最近破天荒換玻璃杯,最終搞到要回收 喺美國真係一啲樂趣都冇
    [版主回覆06/16/2010 16:01:00]我就係鍾意佢個公仔嘞!  
     
    係? 雖然依邊雜誌送既野好少好野,不過起碼都叫做有得送吖...我仲以為美國雜誌應該會有更多野送呢!
     
    麥麥係咪換彩色玻璃杯呀? 竟然要回收咁好笑??
     
     

    回覆刪除
  14. 減肥中的WiNniE2010年6月15日 下午9:28

    最近D雜誌都係咁送野,呢期係化成袋同環保袋多呀!
    不過我覺得,如果要為左D贈品而買雜誌好似好唔抵呀~因為會貴D!(不過都睇下D贈品靚唔靚啦~)
    如果太貴既,不如自己買一個,可能仲岩心水,同埋唔怕撞款...@@
     
     
    [版主回覆06/16/2010 15:57:00]依度既潮流雜誌唔會因為有野送而賣貴d既~
    而且只要係自己鍾意既野,我從來都唔怕撞款果喎!
    除非妳買既係全世界只得幾個配額既超級限量版啦,
    否則妳買得起,其他人都一定買得起,
    到時咪又係一樣有機會撞款!
     
     

    回覆刪除

  15. 換呢款史力加杯呀,回收1200萬隻,啲彩繪有至癌重金屬鎘喎,我都係第一次換野,幾唔老嚟
    [版主回覆06/16/2010 16:47:00]哦~ 原來早幾日新聞就係依單野! (我只睇咗頭條無睇內容~)
     
    講真就算隻杯無重金屬都應該要回收啦 - 依隻野咁核突!!! 我最憎依隻野!!!
     
     

    回覆刪除
  16. 嘩你地本IN STYLE有野送咁好? 我係美國都有UK版IN STYLE, 不過無野送呀!  Agnes b. 把遮好靚呀! 抵買啦!
    [版主回覆06/17/2010 02:45:00]我唸應該同我喺英國訂日本雜誌一樣咁抽起咗贈品!
     
    其實黑色果把仲靚過白色依把呀! 可惜比我用爛咗........
     

    回覆刪除
  17. agnès b 把縮骨遮真係好靚!
    [版主回覆06/17/2010 18:01:00]黑色果把仲靚呀! 比我用到爛鬼咗咋.......
     
     

    回覆刪除
  18. 我試個上年去日本旅行時買咗四、五本雜誌連埋送既唔同中、小型袋, 但係到而家都無用過呀, 真係 "sign" 氣  ..... 而係香港買日本雜誌好方便, 不過貴咗成倍咁濟, 所以我都唔捨得買咯.
    [版主回覆06/17/2010 17:58:00]通常我肯定自己會用或一定會睇本書先會買~ 唔會只係為咗有野送唔好蝕底而買!
     
     

    回覆刪除
  19. 減肥中的WiNniE2010年6月16日 下午9:13

    你地咁好既?有贈品唔會貴D??
    我見呢邊D雜誌多左少少野都貴左好多呀..@@""
     
     
     
    [版主回覆06/17/2010 18:00:00]因為依度既時裝雜誌本身都買得比一般八卦雜誌貴,當有野送時都唔會 特別加價~
     
     

    回覆刪除
  20. 啲 designer 袋又真係幾靚又抵用0架~ 百幾二百蚊就有個 designer 袋喎... 不過我冇買, 因為一見周街都係同款袋就唔想用, 買咗盞嘥錢....
    [版主回覆06/17/2010 17:53:00]我又無乜所謂果喎! d袋又唔係咩特別限量版,多人用唔出奇吖~
     
    多人用還多人用,但每個人都係unique 既! 就算好多人用同一樣野,都可以有唔同style~
     
     

    回覆刪除
  21. http://www.youtube.com/watch?v=ZSo80p2eVNs&feature=related 你咁鐘意迷你食品模型, 我覺你會鐘意呀 ~~~ 真係好得意, d食物又要炸, 又要焗!! ^^
    [版主回覆06/17/2010 17:49:00]我之前睇過網友陪小朋友玩漢堡包果個,估唔到原來仲有咁多款果喎!
     
    上次睇人地blog 只得相,今次睇埋video 真係好得意呀! 我bookmark 咗條link,得閒再睇埋其他~ thank you for sharing!
     
     

    回覆刪除
  22. 個袋都OK呀,我都鐘意佢買買買買買呀
    [版主回覆06/17/2010 17:37:00]哈哈~~~~ 啱啱喺妳果邊留完言喎!
     
    依個袋同妳果d差好遠呀!!!!!
     
     

    回覆刪除
  23. 好中意你BLOG標題張相呀,好sweet~ 路過打個招呼, 歡迎多D黎我個BLOG呀~!^.^
    [版主回覆06/19/2010 06:58:00]多謝! 張相我啱啱先換架咋~
     
     

    回覆刪除
  24. ccc  我都成日因為d贈品買野, 不過,香港d 日本潮流雜誌好快斷貨......... 成日日買唔到架.........
    [版主回覆06/19/2010 06:58:00]贈品啱用我先會買,唔會只見有野送就買~
     
     

    回覆刪除
  25. ccc  我都成日因為d贈品買野, 不過,香港d 日本潮流雜誌好快斷貨......... 成日日買唔到架.........

    回覆刪除
  26. 仲有無咩嘢唔要嘅贈品.......我幫妳搞掂佢!
    [版主回覆06/19/2010 06:57:00]緊係贈品啱我先會買啦!
     
     

    回覆刪除
  27. 濃情朱古力碰上士多啤梨2010年6月17日 下午9:51

    我有時都係為左D贈品之買佢本書呢..
    [版主回覆06/19/2010 06:56:00]有啱既贈品時何樂而不為~
     
     

    回覆刪除
  28. 換咗張大相wo... 好sweet呀!!><
    [版主回覆06/19/2010 06:55:00]多謝~ 係呀! 隔一段時間我就想換吓相架嘞!
     
     

    回覆刪除
  29. 把遮勁靚呀,超鍾意呀!!
    [版主回覆06/24/2010 00:50:00]其實黑色果把仲靚呀! 不過爛鬼咗......
     
     

    回覆刪除

Related Posts Plugin for WordPress, Blogger...