2010年6月18日星期五

廚房離奇失蹤案 (2010年6月17日)


_366.gif image by veronica_tsim 點解會咁架????????

 早排我唔見咗依個我用過最好用既Zyliss Y-peeler!

我唸最有可能係我批完薯仔時連薯仔皮一齊揼咗......

後來買咗個Le Creuset peeler,不過都係唔夠依個Zyliss 好用!

舊年5月頭我決定攞套心愛既44 pieces Oneida 餐具  出來平時粗用~ (網誌)

依套Oneida 本來係用來招呼客人先用,果時粗用既係IKEA~

後來覺得依套咁靚既餐具,咁少機會用真係好浪費!  所以決定拎出來粗用......

只剛剛過咗1年,尋日我整理餐具盆時發現......

 原本應該有6枝既甜品羹,只得返5枝......

 原本又係有6枝既甜品叉,又係只得返5枝.........

 原本都係應該有6枝既茶羹,仲加離譜只得返4枝!!!!

究竟失蹤咗果1枝甜品羹、1枝甜品叉 + 2枝茶羹去咗邊呢????140698393_c.gif image by veronica_tsim

十成九一定係Mr.T整唔見架啦!!!!!!Peeved-small.gif image by veronica_tsim

何以見得呢? 有咩証據呢??

無架~ 我無証據架!  只係一向慣咗唔見野就賴佢架咋!!
(間屋得Mr.T + 我兩個人~ 唔係佢就係我架啦! 唔通我話係自己咩?Laugh-small.gif image by veronica_tsim)



22 則留言:

  1. 成日都好鬼happy 既Mrs.T2010年6月18日 上午3:55

    各位留9唔搭8 spam + 賣廣告既厚面皮人渣垃圾佬 + 垃圾婆~
     
    想話比你地知 - 無論你地一日入來留幾多次垃圾,本小姐一見到都會全數剷清!  
     
     

    回覆刪除
  2. Mr T. 好慘呀... 您咩都賴落佢到..... 其實呢.... 您係咪想乘機叫佢買過一套比您jar?
    [版主回覆06/19/2010 04:04:00]反正就算唔關佢事,我一向唔見野都係佢負責賠償~ 咁係唔係都賴佢囉!
     
    不過妳真係好鬼了解我啫~  (唸住買一套for 客人用! )
     
     

    回覆刪除
  3. Gaileは林家歐巴桑2010年6月18日 上午4:29

    唔通Mr.T吞左佢地落肚
    係咪同IKEA粗野擺埋一齊唔知呀?
    [版主回覆06/19/2010 04:02:00]IKEA 粗野一早揼鬼咗啦!
    兩丁友洗乜用咁多刀叉呀?
     
     
     
     

    回覆刪除
  4. Mr. T 好慘, 唔見野你就賴佢
     
    可能你擺左其他地方, 搵搵la
    [版主回覆06/19/2010 04:01:00]刀叉只擺喺一個指定既廚櫃~ 若果擺咗其他地方的話,都一定唔會係我擺 - 所以都係Mr.T既錯!
     
     

    回覆刪除
  5. 我一睇還以為是 … 嘩 ……. 好古典 , D 外國人的寶貝銀餐具 , 不過望落真系好靚 ………….. 一唔見嘢就關 Mr.T 事 , 好可憐呢
    [版主回覆06/19/2010 03:59:00]依套野品質係好靚 - 鋼水好靚架! 不過唔係銀來架~ (想抹餐死咩?)
     
    係呀~ 反正就算係我自己唔見野,"賠償"果個都係佢嘛!
     
     

    回覆刪除
  6. 哈哈!點解咁似我老公o架!
    [版主回覆06/19/2010 03:56:00]其實.......大部份時間喺廚房果個係我........所以.......我多數只係老屈Mr.T........
     
     

    回覆刪除
  7. d羹、叉 有腳.........走左佬........
    [版主回覆06/19/2010 03:54:00]好有咁既可能架! 可能因為我成日買新野,佢地覺得失寵傷心得滯離家出走.......
     
     

    回覆刪除
  8. 成Set野好靚啊 >3< 唔見左真係可惜 希望你地搵得返或佢地自動再現形返啦
    [版主回覆06/19/2010 03:51:00]我好鍾意依套野架!
     
    雖然咁多隻根本用唔哂.......不過唔知由自可,一知道咗唔見幾隻硬係唔知點咁........
     
     

    回覆刪除
  9. 叫 mr. t 搵, 搵唔到就買套新
    [版主回覆06/19/2010 04:20:00]連我都搵唔到既野,更加唔洗旨意佢會搵到!
     
    不過我一早都打算買多套刀叉for 請客用!
     
     

    回覆刪除
  10. 哈哈, 其實咪都係Mr. T買返俾妳架啦 ...
    妳老屈得非常正確, 得2個人, 唔通 "賴" 自己咩
    [版主回覆06/21/2010 05:40:00]正是! 反正都係佢買返來"賠"比我,咪順便賴佢入佢數囉!
     
     

    回覆刪除
  11. 屋企得妳同Mr.T,梗係屈佢啦
    [版主回覆06/21/2010 05:39:00]係呀~ 反正都係佢買返新既賠比我! 順便賴埋佢囉~
     
     

    回覆刪除
  12. this is not a spam...XDD 唔知點解今日洗洗下碗突然諗明左一樣野... 就係你既性格、可能你會話你自己係八婆~ 但我諗其實係因為你既性格好straight forward 有個句就會講個句 唔中意既人會覺得你八婆 但中意既會覺得好舒服、因為同你傾偈你俾既都係最真實既回應~ 牙係...仲有就係... 我鬼死中意你現家做banner張相牙~!!!!!! 偷你條橋先...到我影婚紗相時都逼我男朋友咁玩先~XDDDD 而且你條裙好靚牙!!係租定買架?? 仲有你background既相...好鬼sweet既ja衰鬼~!!!
    [版主回覆06/21/2010 05:38:00]哈哈~~~ 妳咁冤氣既,連洗碗時都唸起我!   係架~ 我自認真係有果句講果句架! 若真實果句太唔禮貌,我會選擇唔講,但就絕對唔會講 客套造作揞住良心既說話!
     
    哈哈~~~ 依d咁既低能伸脷相,除咗平時好多之外,我地婚紗相 + 婚禮相都有唔少!
     
    我結婚時1套婚紗 + 3件晚裝都係度身造既! 不過banner 果張相喺台灣影,係店既衫~ 著去沙灘整濕哂緊係唔會著自己既衫啦!
     
     

    回覆刪除
  13. MRS T,你第1個留言好勁呀XD
    我屋企成日都會唔見咁D刀刀叉叉架,多數都係我媽咪連埋D野一齊扔左.
    前2個星期我媽咪整唔見到我姪仔放奶咀個盒既蓋,但離奇地竟然前兩日係佢個衣櫃度搵返,真係唔知點解啦
    MRS T,你轉左個BACKGROUND好SWEET呀
    [版主回覆06/21/2010 05:17:00]d垃圾留言真係好煩嘛!
     
    哈哈~~~ 我唸我唔見咗既餐具,其實都係好似妳媽咪咁連埋垃圾一齊揼咗......
     
    thank you~ 我自己都好鍾意個新背景!
     
     

    回覆刪除
  14. 哈哈 好多時都係咁... 想搵果陣就偏偏搵唔到 ... 但之後又會可能自動出番黎 ^^ k
    [版主回覆06/21/2010 05:15:00]我唸依幾隻餐具應該唔會搵得返! 餐具唔會亂咁放架嘛~
     
     

    回覆刪除
  15. 減肥中的WiNniE2010年6月19日 上午1:47

    你唔見果幾樣餐具都係食野果陣會放入口既..
    唔係咁誇張比你地食鬼左嘛~
     
     
     
    [版主回覆06/21/2010 05:14:00]哈哈~~~ 我唸可能係食完野時唔小心連垃圾一齊揼咗就真!
     
     

    回覆刪除
  16. 我都係咁既..唔見左個peeler好多次..哈哈~成日都用個膠袋袋住批出黎既薯仔皮..之後我諗有好幾次都係只係想放低之後去沖沖D薯仔..點知轉個頭唔記得左..仲手快快成袋掉曬........... 至於D唔離其失蹤既餐具我都試過, 愈用愈少...最後又要去買過..不過你果set 咁靚..一定好心痛喇..
    [版主回覆06/21/2010 05:12:00]唔見咗都無辦法,反正只係身外物,無話心唔心痛既! 反而多個籍口買新野!
     
     

    回覆刪除
  17. e...我屋企都成日唔見o野ga wor=口=" 好似d衫咁...但過一排唔知點解會無lala出返o黎...|||b
    [版主回覆06/21/2010 05:04:00]衫我又好少會唔見~ 不過頸巾就唔見過2 條.....
     
     

    回覆刪除
  18. 唔見野係有可能﹐不過唔見得黎自己都唔知又奇怪的啵﹌
    [版主回覆06/21/2010 05:01:00]如果自己知既話,就即時執返唔會唔見啦!
     
     

    回覆刪除
  19. >>> 只係一向慣咗唔見野就賴佢架咋!! <<<<好得呀
    [版主回覆06/21/2010 05:00:00]反正係唔係佢整唔見都好,都係Mr.T負責賠償~ 咁咪順便賴埋佢囉!
     
     

    回覆刪除
  20. 我的生果刀和快子就周不時离奇人間蒸發.  同你一樣; 莫需有罪名就落在我家那位先生身上.   女人都是姓顂.
    [版主回覆06/22/2010 06:55:00]哈哈~~~ 賴個佬可以順便叫佢月賠嘛! 依招我喺V媽媽度學返來!  
     
     

    回覆刪除
  21. 我的生果刀和快子就周不時离奇人間蒸發.  同你一樣; 莫需有罪名就落在我家那位先生身上.   女人都是姓顂.

    回覆刪除
  22. 我次次唔見野都會屈我老公,我老公次次都話唔關佢事,其實最大嫌疑應該係晴晴,不過我係唔會話阿女架,KAKA!!
    [版主回覆06/24/2010 00:53:00]哈哈~~~~ 睇來做老公既係有依個食死貓既義務!
     
     

    回覆刪除

Related Posts Plugin for WordPress, Blogger...