2010年6月19日星期六

無功受祿 (2010年6月19日)

英國網友Jo上月返香港~ 臨行前話我知佢將會去我一直好恨去既深圳"廚安居" ,問我有無廚具想要 + 可以幫我買~

老實不客氣既我就搭單託Jo幫我買2個車輪包半模~  大方既Jo幫我買咗模,寄埋比我仲唔收我錢......

早2日郵差送包裹來時我miss 咗,今朝老公出去買早餐時,順便幫我去郵局攞埋包裹返來!


_2096.gif image by veronica_tsim我一見到個包裹就唸: Jo又話個車輪包模好細既? 點解個包裹咁鬼大包既??

原來........

 哇哇哇!!! 原來包裹裡面唔止得個模!!!!m215.gif image by veronica_tsim

 澳門杏仁餅1盒~

今日睇電視時口痕......同老公2個已經搞掂咗半盒!

 正宗緬甸馬拉盞~

依樽馬拉盞好正喎~~~  好似XO醬咁好足料,同我平時食開泰國果種似蝦膏既馬拉盞好唔相! 搵日試吓用來炒野先!!

 2大包大地魚湯底料~

依個用來整魚蛋粉湯底一定好正!!!!

 當然仲有2個車輪包半模啦!

依個size 唔太細啊!  幾好呀~ 整出來既車輪包一定好cute~~~

Jo~ 真係唔該哂妳 + 好多謝妳啊!! _2021.gif image by veronica_tsim



妳返香港探屋企人都幫我買野,又要麻煩妳寄比我,仲送我咁多正手信
_1998.gif image by veronica_tsim ......太客氣嘞~

真係好感動 + 唔係好好意思啊~~~~
6148-1315447254.gif image by veronica_tsim

Anyway 再一次多謝妳既心意!

(唔好嫌我長氣啦! )


15 則留言:

  1. 哈哈。。。太好啦。。。您覺得個SIZE OK! 但係我真係好懷疑您其他D麵糰點算好LOL。。。其實我買個包魚湯粉時, 我都係到諗您會整魚旦粉或者蠔仔粥架啦。。。 再一次, 您係有功架!   再再一次, 唔使客氣!  
    [版主回覆06/20/2010 08:15:00]大有大整,細有細整架嘛! 妳之前不停話個模好細,依個雖然係我喺lakeland 見到果個大約一半既size,但我覺得唔太細啊~
     
    果2包大地魚湯粉咁大包,可以整好多碗魚蛋粉架嘞!
     
    btw 點解個包裹上無回郵地址既?
     
     

    回覆刪除
  2. 因為我叫公司同事幫我寄架。。。
    [版主回覆06/21/2010 05:45:00]如果妳唔介意既話,私人回應留返個地址比我吖? 我都有d野想寄比妳~
     
     

    回覆刪除
  3. 收到禮物當然好開心^^ k
    [版主回覆06/21/2010 05:44:00]除咗收禮物開心之外,仲好感動扑友既心意~
     
     

    回覆刪除
  4. 快啲開工做車輪包啦 我要嚟食呀
    [版主回覆06/21/2010 05:43:00]咁遠來食我個車輪包好俾面?
     
     

    回覆刪除
  5. 你就好啦﹐有禮物收﹗ 不過杏仁餅好啃喉啵﹌
    [版主回覆06/22/2010 06:26:00]嘻嘻~~~ 網友知我依度好多野都買唔到嘛!
     
    杏仁餅乾身嘛,係有少少啃喉~ 不過我習慣一路食零食一路飲茶 + 水!
     
     

    回覆刪除
  6. 妳blog友對妳真好
    [版主回覆06/22/2010 05:55:00]係呀~ 好多扑友都好有心!
     
     

    回覆刪除
  7. 快d開工整車輪包啦
    [版主回覆06/24/2010 00:15:00]得得得! 請稍等~~~~
     
     

    回覆刪除
  8. 妳好咪多人鍚囉 (我又嚟鍚番啖先)
    快d整車輪包啦, 多d提子乾吖 , 唔該
    [版主回覆06/24/2010 00:15:00]咁我又整返2啖過妳!    人地對我好,我會對返人double 好架!
     
    人地最憎提子乾架! 不過見係妳就多提子乾啦~
     
     

    回覆刪除
  9. 我一定會等您.... 我估係野食黎gei.... 嘻嘻~ 我去左澳門玩... (我係典型既港女黎架 wahahaaaa)...
    [版主回覆06/24/2010 00:13:00]我都未寄比妳妳又知?
     
    我都好鍾意去澳門,好多正野食!
     
     

    回覆刪除
  10. 嘩~~~~又收到禮物,真係好呀,個馬拉盞好似好正咁呀,唔知香港邊度有得買呢,我想用黎炒通菜呀!
    [版主回覆06/24/2010 00:12:00]個馬拉盞係Jo 喺澳門買架! 我睇過個樽話出產地係澳門~ 不過香港代理 - 復興香港貿易有限公司 28971502
     
    得個電話號碼咋! 不過妳可以打去問吓香港邊度有得賣~
     
     

    回覆刪除
  11. 馬拉盞炒通菜正
    [版主回覆06/24/2010 00:07:00]係呀~ 不過依度唔係成日都買到靚既通菜.......
     
     

    回覆刪除
  12. (搭咀中) re 雪晴 個馬拉盞我係澳門個條手信街買, 不過我唔記得個間舖頭名lu! 唔知係佢個樽到有無寫到呢   個馬拉盞有勁辣同中辣... 呢個係勁辣因為睇佢個樣勁辣好似好足料咁同埋我印象中V係食得辣架!
    [版主回覆06/24/2010 00:07:00]哈哈~~~ 妳又知雪晴一定過來睇到妳個留言?
     
    我一陣去睇吓個樽! (原來我依樽係勁辣架! )
     
     

    回覆刪除
  13. 我唔知架! 不過我多咀, 咪搭咀lol 我記得您鍾意食辣.... 魚旦粉+辣椒油!! 不過我唔知Mr T. 食唔食得辣呢? yeahyeahyeah..... 終於放工啦!!! England 又入左16強! 好開心!
    [版主回覆06/24/2010 01:19:00]妳唔洗同Mr.T擔心~ 佢喺我咁多年訓練下,由完全唔辣既佢都話好辣,變成而家愛上咗辣嘞!  所以佢都會食架~
     
    尋日睇新聞好好笑 - 有個老婆唔比老公去酒吧睇波,攞刀劈個老公......
     
     

    回覆刪除
  14. thanks jo & mrs t呀~~~~~~~~等我下次過澳門買先,因為馬拉盞我真係勁鍾意呀!!!!thanks!!
    [版主回覆06/24/2010 01:16:00]妳可以打去香港代理問香港依邊邊度有得賣架嘛! 咁咪唔洗等到去澳門囉~
     
     

    回覆刪除
  15. Although the girl in below link speaks janpanese but her viedo is very easy to be understand, hope you will like it
    http://www.youtube.com/watch?v=ZYb1uHPJ-6k&feature=related
    [版主回覆06/25/2010 05:27:00]this video is great! thanks very much for sharing melnightee~
     
     

    回覆刪除

Related Posts Plugin for WordPress, Blogger...