2010年6月24日星期四

港童

「港童」升中 才懂便後清潔

(經濟日報) 2010年6月21日 星期一

【經濟日報專訊】繼港男、港女後,香港近年亦「出產」了獨一無二的「港童」。在中產父母生兒育女「一個起、兩個止」下、加上不敢逆意的外傭貼身照顧,子女變成矜貴的「小皇帝」,走在街上不難看見操控父母、拳打外傭的孩子,有升了中學還不懂綁鞋帶及自己洗澡、看著香蕉也不知如何剝皮的孩子,他們均是被過度呵護照顧至沒有自理能力的新一代「港童」。

本報將以系列形式,探討「港童」問題、其「罪魁禍首」、成長後的長遠影響,及其行為與情緒病的因果關係。

美國兒童成長階梯研究,不同年齡的小孩應做到某些的事情,例如在4、5歲便應懂得自行穿衣、如廁後自行清潔,6、7歲應懂自己洗澡、睡覺; 然而,有心理學家發現,有學童升中後才學習綁鞋帶、洗頭及便後清潔; 有孩子被過度照顧至不願上學「捱苦」,連續拒絕上學十多天,即使上學,亦因賴床遲到,父母卻安排司機超速駕駛送其回校。

心理學家指,在其輔導的個案中,三分之一涉及這類「港童」問題,他們更坦言,校內亦有同學與自己一樣;最嚴重的個案,要花3年時間才能「追回」自理能力。

香港健康情緒中心臨床心理學家鄒凱詩坦言,現今家長對子女過度照顧、過分緊張,加上有家傭陪伴左右,新生代的自理能力差了很多:「以前父母買綁蝴蝶結的鞋,逼我們獨立,學綁鞋帶.......現在,不是工人在側替小朋友綁,就是家長索性買黏貼鞋!」

父替中三子洗澡 稱親子時間

她透露,其輔導的個案中,多達三分之一兒童問題涉及自理能力,出現「港童」特徵,他們因同時出現多種問題而求助,例如成績差、拒絕上學等; 自理能力出問題的程度各有不同:「嚴重的有中三學生仍由父親替其洗澡......竟說是親子時間!」

不少父母或以為不懂洗澡、綁鞋帶是小事,認為總會有人代勞,最重要是將來賺到錢,但事實是,自理能力低會接影響孩童自信心及自我形象,對學業及將來發展均有長遠影響。

鄒凱詩透露,曾接觸一個較嚴重的中一生個案,還未懂洗頭和綁鞋帶,就連便後清潔也是小六才學習:「連護髮素都不懂如何用......未學懂便後清潔時,更乾脆不在學校上廁所!」

除自理能力差,由於被過度照顧,該學生開始好逸惡勞:「在家就是被照顧,食和玩......上學時,遲遲不肯起床,父母請司機接送,超速駕駛送校!」回到學校,連體育課也覺得是苦差,生怕被蚊叮,開始告病假逃避; 最終,連續十多天拒絕上學,父母要求助心理學家。

雖然該學生指校內亦有和自己一樣情況的同學,但鄒凱詩表示,當他們漸漸發覺自己與其他同學不同,做不到別人做到的事,便會失去自信心、自我形象低落,做任何事也會覺得自己比別人差,甚至逃避,嚴重影響將來發展。

易失自信形象差 家長應放手

像這樣嚴重的個案,自理能力過低並已影響學校生活,或需花2至3年,去「追回」一些別人幾歲便學懂的事。

「其實現時不少中學生仍不敢一個人睡,甚至與媽媽同床,因而連學校的宿營活動也不敢參加,這影響他們獨立,就連社交能力也受影響!」

鄒凱詩提醒家長,應該學懂「放手」,讓子女可以自立。

>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>

我睇完依段新聞後真係O哂咀!!2008111213534022.gif image by veronica_tsim

曾經好多人見我外表細粒嬌的的,一知道我係獨女後,就認定我係嬌生慣養膽拖十指不沾陽春水既大小姐......Peeved-small.gif image by veronica_tsim

Well......

十指不沾陽春水......喺我來英國之前的確係既! 但並非我唔肯或唔識做家務喎 - 只係V媽媽太有要求嫌我做得唔夠好~ 兼且唔想我搞亂佢個廚房!_1282.gif image by veronica_tsim

矜貴? No la!

因為到我來英後自己一個人住,第一次自己煎荷包蛋 + 淥處女公仔麵 - 荷包蛋黐鑊不特止,仲同時集燶 + 唔熟於一身; 而公仔麵就淥到發脹發粗淋pat pat....._001.gif image by veronica_tsim

當時我唔單止一d都唔覺得自己矜貴~ 反而覺得咁簡單既事我都做得咁差,自覺好無用 + 非常有挫敗感!!!!!_077.gif image by veronica_tsim

幾年前我尚未結婚,一日一位同我差唔多年紀但未婚既女朋友造訪,當時我正換緊乾淨床單被袋......

_2288.gif image by veronica_tsim 女朋友: 我唔識換床單架!

_359.gif image by veronica_tsim我: 吓............(我唔知應該講咩好!)

_1560.gif image by veronica_tsim 女朋友: 係呀! 尤其係個被袋!!次次都係阿媽幫我換架!!! (一副理所當然既態度......)

據我所知女朋友果張只係單人床~  但我當時換緊既係King Size 床單被袋......

我嬌生慣養?_353.gif image by veronica_tsim 或者少少啦~ 不過自從見識過我女朋友之後,我認為自己既嬌生慣養都唔算太過份!

在家千日好就緊架嘞! 人係會有惰性~_371.gif image by veronica_tsim

我唔否認家人喺身邊時,好多生活細節都會由父母代勞; 不過連綁鞋帶、沖涼洗頭、便後清潔 - 依d最基本既生存技能都由他人代勞,到升中先開始學習自理,甚至更遲,咁就真係"廢而不殘"嘞!2008111213530190.gif image by veronica_tsim

想當年我上小學前已學識便後清潔 + 綁鞋帶; 小一開始自己沖涼洗頭; 但我來英後尚且要吃好多苦頭先適應得到獨立生活! 我真係唔敢想像依班港童到咗要獨立生活既一日時會變成點??

升中後仍唔敢一個人瞓覺、唔識綁鞋帶、唔識自己沖涼洗頭、甚至唔識剝香蕉皮......個人認為除非係一個癱咗需要24小時看護照顧既病患啦,否則以上果咋基本生存技能,小學開始後已經唔可以再依賴他人代勞!!

根據V媽媽所講幼稚園時代既我已經識得怕醜  - 死都要自己著泳衣,拒絕任何人協助! 雖然經常會騎呢地前後調轉來著......_104.gif image by veronica_tsim - 好明顯當時只得幾歲既我對怕醜、羞愧既感覺已經開始有認知......

竟然有港童升中後先開始學習沖涼洗頭、便後清潔.....
_351.gif image by veronica_tsim乜佢地自己唔覺得有問題既咩?????

最震驚既係連父母都認為無問題! 
_370.gif image by veronica_tsim 真係不可思議!!

社會越進步,科技越發達; 相反港童竟然會"退化"......

2008110915232620.gif image by veronica_tsim "父替中三子洗澡" - 簡直匪夷所思!!!!!!_1269.gif image by veronica_tsim


>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>

題外話.......

雖則係題外話,不過我認為同港童都應該有少少關連~

唔知係咪而家越來越多宅男宅女?  而家有好多人同其他人溝通都好有問題!

港童問題固然令人O咀! 但我有感今日之所以會有港童,其實同現今好多人本身質素下降 + 價值觀扭曲好有關係!!

例如有d人會話 - 一個幾千銀既名牌手袋周街都係,比其他人用到cheap 哂呀! 佢自己就一定唔會用嘞blah blah blah......

最奇怪既係 - 依種人並非千金小姐; 亦唔係打跛腳唔洗做有人供奉有人養既闊太,只不過係打份工,仲好有可能係出糧後要節衣縮食死慳死抵咁,先買到一隻所謂名牌來充既大頭鬼 ......不過字裡行間 + 談吐極大口氣處處流露出幾百萬未開頭,身上一隻神奇名牌可以令佢高人一等既令人作嘔attitude......_1297.gif image by veronica_tsim

人貴自知~ 我覺得依種人真係可笑又可悲! 試想想香港有幾多人一個月靠幾千蚊養起成頭家,果幾千蚊分分鐘未必夠用來買一個所謂名牌~ 幾千蚊一個袋下下大言不慚話cheap 呀 cheap 呀咁......真係折墮到不得了!!_1860.gif image by veronica_tsim

又例如有好多人連基本待人接物既禮貌都無......

間中會有一d我完全唔認識,只係路過既網友入來留言問我野~ 不過措詞十足十老奉咁款!
_001.gif image by veronica_tsime.g. "那裡有售?" "這個點整?"

一句"請問"、"唔該"、"多謝".....都無!! 一d基本禮貌都無!!!_1303.gif image by veronica_tsim

當中有d睇得出係八十後、九十後; 但有d竟然已經做咗人阿媽!_1329.gif image by veronica_tsim

其實咩野時代 + 做咗人阿媽未並唔重要,因為禮貌依家野係睇本身個人修養~

無禮兼且價值觀扭曲......可想而知教出來既下一代會變成何等怪物!2008111213534059.gif image by veronica_tsim

well~ 你地覺得老奉問我野; 但我唔係老奉要答你地喎!_2204.gif image by veronica_tsim

所以留言問過我野,但我無回過你地又或者我答得你地好串既人,係時候睇返你地自己個留言好好反省吓嘞!



28 則留言:

  1. 成日都好鬼happy 既Mrs.T2010年6月24日 上午10:02

    各位留9唔搭8 spam + 賣廣告既厚面皮人渣垃圾佬 + 垃圾婆~
     
    想話比你地知 - 無論你地一日入來留幾多次垃圾,本小姐一見到都會全數剷清!  
     

    回覆刪除
  2. 哈哈.....第一,yeah!!!
    现在的孩子很难教呀,不过我有时还是会用回我妈妈当年教我的方法去教我女儿。
    我有一个朋友生出来就带回中国,自己连教都不想教,我老公常說“像这样不知道生来为了什么???”。
     
    [版主回覆06/25/2010 05:17:00]哈哈~~~ 其實妳係第二咋! 第一係我自己!!
     
    鬼咩? 以前我果代一曳就比父母老師打到飛起! 而家唔比體罰,連父母打兩下都話叫做虐兒......
     
    吓......妳朋友生咗小朋友出來又唔教,咁仲生來做乜??
     
     

    回覆刪除
  3. 我唔係垃圾婆呀..唔好趕我走呀靚姐姐~~
    乜家下D細佬係咁咖咩?=_=咁誇張?!
    我未過英國之後..
    我家娘親除左廚房野之外..咩都要我自己搞掂咖喎
    [版主回覆06/25/2010 05:10:00]哈哈~~~ 我當然知道妳唔係垃圾婆啦!
     
    我睇到依段新聞都覺得好誇張呀!!!! 依咋港童連最基本自理都搞唔掂,更加唔洗旨意佢地會做家務.......
     
     

    回覆刪除
  4. 唉......唔識教就唔好生, 如果唔係會累佢一世架.. 我成日都甘同人講..... 我個囡囡8歲已經教佢煮野食, 而家12歲,已經可以煮3餸1湯 白飯任裝.........(有時真係唔可以心軟架) 想當年, 我都係自己甘照顧自己(仲有細佬) 父母都要返工, 真係只可以自己理自己..........又係甘長大......
    [版主回覆06/25/2010 05:01:00]我反而細個時唔洗點做家務~
     
    我自己反而認為 - 若條命生成將來係要打理家頭細務既話,就算細個唔訓練,將來都大把有得做; 若條命生成唔洗做e.g. 超級有錢人,大把工人排住隊做家務,學來都用唔著~
     
    不過連便後清潔、沖涼依d咁私人既自身最基本生存技能都假手於人,實在太詭異........
     
     

    回覆刪除
  5. 茶 B 未上小學我已經教佢便後清潔, 而家 2 年班就自己沖涼洗頭喇... 真係唔明呢啲嘢有幾難教/學.... 可能我個人懶啦, 所以好早我就放哂手叫茶 B 自己搞掂自己, 食完嘢啲碗筷要自己放入廚房, 反而我亞媽而家仲冇以前咁狠, 以前打到我地飛起, 但我最細嗰個細佬一啲都冇享受過呢啲服侍.... 我地大聲少少鬧佢我亞媽都話驚佢心理有影響, 可能見太多呢啲新聞啦.. 不過我地唔鬧, 出嚟做嘢都有機會俾人插啦, 我都係訓練佢 tough 啲之嘛~~
    [版主回覆06/25/2010 17:25:00]咪就係~ 我細個都已經叫做乖到不得了,但稍有差池喺街都比V媽媽打到飛起!!! 又唔見我而家心理變態?
     
    最憎果咋所謂育兒專家! 個個人性格都唔一樣,點可以照住一套特定育兒準則架? 大聲d講一句又話傷害到佢地心靈、破壞親子關係.......而家好多做父母既完全唔鬧仔女,呵到出哂面,咁又點呢? 個社會反而越來越多港童!
     
    唔好話出來做野有機會比人插吖,返學都會比老師鬧啦! 唔通個個比老師鬧兩句又走去跳樓咩?
     
     

    回覆刪除
  6. 真係太誇張, 太受保護也不是一件好事...
    [版主回覆06/25/2010 17:15:00]我覺得最誇張係中三都仲要老豆幫佢沖涼......我真係接受唔到!!!!  依個老豆真係好有問題......
     
     

    回覆刪除
  7. 上面講漏左0的野..  宜家0的細路唔識得咬野嫁.. 乜鬼都要家長幫佢地剪到細細舊先識食。 當然, 太細個就梗係要剪細舊0的啦.. 但係大個都要剪咩? 我係街到見到0的6,7歲0既都要剪到細細舊.. 咁大個點算?? 以前我幼稚園個陣已經自己食魚lur骨啦..
    [版主回覆06/25/2010 17:13:00]係呀~ 我都覺得真係好無聊! 剪咩啫剪? 真係好多餘!   我細個果時邊有依家野架?? 甚至我而家d朋友照顧仔女時都唔會咁做啦!
     
    妳幼稚園已經自己食魚累骨真係好叻! 我就成日親眼睇住某位已經廿幾歲既專業人士,除咗食親魚都係佢阿媽夾比佢,夾埋比佢仲要好似個白痴咁問佢阿媽: 點解妳唔幫我整走塊魚皮既?
     
     

    回覆刪除
  8. 港童個generation好scary 我身邊都留意到有不少 ,每次見親到好 !!!   
    [版主回覆06/25/2010 17:06:00]暫時我仲未親眼見到太過份既,我身邊好多朋友,全部都好識教小朋友~
     
     

    回覆刪除
  9. 減肥中的WiNniE2010年6月24日 下午7:27

    港童呢篇我早兩日都有睇過,其實係一個好恐怖既現象..
    因為我既工作會接觸多左小朋友,其實係見到D小朋友似係話事果個多D,總之小朋友話咩就咩,D家長就會成日同我講:「我講極個小朋友都唔聽呀!你幫我教佢啦!」
    我心諗...我一星期先見你一次,點教得你咁多呀...呢D真係要靠家長自己教WO..
    我覺得依家D家長比左太多自由小朋友啦~等佢地覺得自己細細個就要話事,唔聽家長講!但係佢地往往就會將教佢地既責任交比第三者!
    [版主回覆06/25/2010 17:02:00]係架~ 縱到d"靚"仔成舊生骨大頭菜咁,到有大鑊野發生時,做父母既咪賴學校、賴社會、賴政府囉! 有幾可會賴自己唔識教架?
     
     

    回覆刪除
  10. Gaileは林家歐巴桑2010年6月24日 下午7:48

    唔只港童係咁,我屋企就正正有一個例子!!我叔仔兩公婆將佢地個大女縱到仲誇張過某d港童!!!個女出世之後好鬼緊張,咩野都話會過敏,唔好食...到個女識行,個女去到邊就跟到邊,隨時ready個女會跌到接住佢,well其實到而家4歲都係咁!!4年黎完全唔會放心將個女交俾我地照顧(有時話帶佢個女出去玩,個零兩個鐘就打10幾次電話問佢地個女既情況)又會限制我地俾佢個女食咩(所以我62好唔鐘意俾野佢個女食)
    仲有更誇張既係皮蛋返黎,我地帶埋佢個女去M記個playground玩,我叔仔一直企喺遊戲區半步唔敢走開,所以佢個女4歲第一次玩M記/所有playground,仲可憐到坐喺個山窿度唔識點玩...
    佢地縱到個女脾氣臭哂,我叔仔成日俾個女鬧,又會食完野扯佢老豆件衫抹咀,飲水又吐落佢老豆(仲好似認為個女好叻,識蝦佢,以後大個就唔會俾人欺負)如果係我個女,我唔兜巴星過佢拿...
    我唔覺獨生女就一定會嬌生慣養囉,最緊要係睇父母點教姐!!我以前中學有個同學就係獨生女,但佢俾我地覺得佢完全冇當自己係大哂既人,又會幫人,又唔會睇唔起同學,所以我覺佢有咁好既性格,做佢父母已經好成功啦...
    [版主回覆06/25/2010 16:59:00]"仲可憐到坐喺個山窿度唔識點玩" <///// 我睇到都覺得可憐.......有好多父母真係好奇怪~ 明明仔女做好多乞心憎行為,父母反而會覺得佢地好cute......
     
     

    回覆刪除
  11. 無野加插, 非常同意你的題外話! 拍案叫絕呀! 呢個世界係咩人都有架啦!
    [版主回覆06/25/2010 16:53:00]真係一樣米養百樣人架!
     
     

    回覆刪除
  12. 濃情朱古力碰上士多啤梨2010年6月24日 下午9:34

    真係一代不如一代呀, 而家d年青人好多都係咁, 樣樣都話唔識做, 家務又唔駛幫手, 我識得一個人佢細佬十幾歲人都要佢媽幫佢沖涼, 真係痴線嫁
    [版主回覆06/25/2010 16:49:00]十幾歲要阿媽幫佢沖涼.....咪同"父替中三子洗澡"一模一樣囉!  不過我覺得佢地既父母先係最大問題果個!!!
     
     

    回覆刪除
  13. 唉....
    呢個就係社會越文明的代價....
    呢代的小朋友不論IQ或EH或同人溝通都出現缺陷..
    可悲..
    k
    [版主回覆06/25/2010 16:47:00]社會文明其實係好事來~ 不過為人父母反而好似越來越唔識教下一代,或者佢地自己本身都有問題,所以一蟹不如一蟹既情況越來越明顯!
     
     

    回覆刪除
  14. 我都睇過呢幾篇報導, 仲話個男仔中三夜晚都仲要用奶樽飲奶~~~~個阿媽都仲係識話"個仔鐘意有咩辨法wor!!" ~~~
    [版主回覆06/25/2010 17:28:00]依d父母完全唔掂啦! 到第日佢個仔幾十歲時都搵唔到老婆,到時唔好賴係社會既錯呀!
     
     

    回覆刪除
  15. 尤其我哋係外國生活呢啲,有無發現你唔想認自己係唐人?我就經常有啲ASIAN入店,我同佢哋打招呼,豈有知佢當我透明!啲細路見人都唔識叫人,好似老馮要我哋神咁拜!啲鬼就好, manner 一定做足。
    [版主回覆06/28/2010 22:42:00]我無咁既唸法喎! 我好proud to be chinese 架!!
     
    我唔否認某d白痴既人會對洋人招呼好過對唐人,但在我來講唔算多! 有都唔一定要同佢地交流~~
     
     

    回覆刪除
  16. 唉~而家d細路係俾父母 縱壞,冇大冇細好冇家教架
     
    [版主回覆06/28/2010 22:39:00]縱極都要有個譜架! 涼幫佢地沖埋,核突d講句 - 連屎都幫佢地抆埋,係咪太過份呀? 唔識教不如唔好生,玩公仔都一樣可以幫佢地沖涼抆屎既啫!!!
     
     

    回覆刪除
  17. 不願上學「捱苦」我都係架﹗ 不過點解佢地可以十幾日唔返既?﹗ 如果我話唔肯返學﹐一定又被屋企罰企洗手間牆角﹗ 沖涼好心就等佢自己沖啦﹗好變態呀﹗ 自理能力低我睇睇下你呢篇覺得我都係有份﹐ 不過咩沖涼綁鞋帶都唔識好離譜既﹗ 我知仲有的女人因為次次懷孕都受到老公﹑屋企同其它人特別照顧﹐ 然後就患上懷孕上癮症﹐想永遠都懷孕(我覺得好恐怖)﹌ 連體育課也覺得是苦差簡直離譜到不得了﹗ 我以前中學時的女同學就係咁﹗態度超差同先生講話唔要上堂﹗ 話月經到肚痛﹗唔可以郁﹐其實講大話﹗ 不過佢地唔係中產俾人錫到變成咁架﹐佢地本身就係咁架喇﹌ 不過宿營活動我以前就真係唔准參加既﹐街都唔準出﹐ 上年我返屋企都唔鐘意我閂房門﹌ 粉麵飯同薯仔都唔係咁鐘意我食﹐總之成日管我啦﹗ 所以你依加應該大概知道我點解坐係歐洲﹌ 我一個人係外國唔怕架﹐不過俾人管我就真係好好好怕﹌ 出糧後要節衣縮食死慳死抵咁, 先買到一隻所謂名牌來充既大頭鬼呢的人我都見過呀﹗ 不過佢地因為買野仲欠好多卡數添呀﹗值得咩?﹗ 九十後應該未做得呀媽掛?﹗我咁大個人都係得玩公仔咋﹌
    [版主回覆06/28/2010 22:37:00]我又唔覺得而家d靚仔難教係天生喎! 除非佢地父母本身其身不正唔教 / 唔識教啦!
     
    死慳死抵買名牌來充大頭鬼既人周圍都係,而且越來越多! 佢地係咪死充 + 係咪爭好多咭數都只係佢地自己問題,最大問題係佢地既人格 - 自以為用名品牌就好高貴 + 高人一等! 佢地好多都將自我放到好大,以為揹住名牌行出街,就成條街既人都會望住佢.....真係白痴到無人有!
     
    我 唔係 話九十後做人阿媽呀! 我係話喺我blog 好無禮貌咁留言問野既人,有80後、90後之外,仲有已經做咗阿媽既人呀!
     
     
     

    回覆刪除
  18. 減肥中的WiNniE2010年6月25日 上午9:57

    睇番大家D留言,我突然間諗起係MAINLAND CHINA既表弟..
    你知大陸果D淨係比生一個小朋友,咁果個小朋友就比人縱到飛起!!
    我表弟係全世界都要就哂佢架~2,3歲人仔已經話哂事!!因為屋企冇人會罵佢!(事關佢既爺爺麻麻係唔比人罵佢打佢架!)
    所以佢阿MA都唔打得佢唔罵得佢,咁個豆丁發脾氣果陣,真係會拎D野掟,又咬住佢阿MA D衫唔放LO!!
    所以個小朋友係點教就係點大呀...
     
     
    [版主回覆06/28/2010 22:20:00]比在我係妳表弟既媽媽,我真係睬呀爺爺嫲嫲都傻!!!!
     
     

    回覆刪除
  19. 洋蔥水都唔沾.....何況陽春水?鄉下有親友是耕田出身,女兒就是不知耕田是甚麼?不懂得湊,不願意湊...何必要生...........
    [版主回覆06/28/2010 22:18:00]你親友既case 就等於英國好多"靚"仔唔知食物係點來既.......點解社會越進步,人好似變得越來越moron 呢???
     
     

    回覆刪除
  20. 之前都有睇過呢篇「港童」新聞,問題真係越嚟越多,其實全部都係父母的原故,再加上外傭問題,我都係街見過D細老打工人,打老人家(婆婆/麻麻),我真係好睇唔過眼,又無禮貌,最幣個大人都覺得無問題,真係大鑊,完全唔識尊重別人。
    好似小朋友曳,打幾下,又話虐兒,但有時候唔打真係唔識驚,唔通到佢地出事先嚟教,所以,適當既體罰係要有架,我老公就話要同佢地講道理,如果講得明佢地,就好喇!
    所以,我都唔想亞囡將來係咁,要訓練佢獨立,學識照顧自己,要有禮貌,因為他們是將來社會既棟樑。
    其實妳都好叻女,雖然,係香港時有V媽媽的照顧,但來到英國妳也學懂處理很多事,這些經驗真係難能可貴架!
    [版主回覆06/28/2010 22:16:00]同妳睇法完全一樣 - 係父母既問題! 點會中三都要同個仔沖涼咁離譜架????
     
    雖然我喺香港時有V媽媽照顧我 + 唔洗我做家務,不過由細已經教我最基本既自理,而且V媽媽打理得屋企頭頭是道,係我既榜樣! 由細已經培養咗責任感 + 習慣咗企理,要學習獨立,條路都會易行好多~ 但班港童就係比父母縱到連學都唔願學....... 
     
     

    回覆刪除
  21. It is ABSOLUTELY unbelievable! I don't know how the kids are gonna survive!  When I was young (Ok, I'm "after 80's, I think I'm still a good kid even though I'm "after 80's, :P ), my mom always said, "Wah you don't know how to do this, if there's a war going on, you can't survive".  So I had to learn lot of things when I was young (which.. acutally I quite enjoyed, because that means that I was independent and mature enough to do those tasks).  With THIS generation... I don't think we need a war. If all the maids leave, HK will colllapse.... sigh... so sad.
    Anyways, I don't know why some people are "so proud" of "not knowing how to do this and that."  Yeah right it might mean that they had been taken care of by their maids, i.e., they're "rich."  But come on.. those are BASIC skills!!!  How can you not know... Are you so "low B" that you don't even know how to wash your body, tie the shoelace, fry an egg?  Changing the bed sheets...gee... do you even have to "learn"??? you see someone does it and you just do it, isn't it??? Or gosh... do you have to take a 3 credit course to learn how to change the bedsheets?  It's not rocket science... come on!!!
    Hmm... maybe in the next generation, all those personal hygiene and "house keeping" will be included in the Primary school education curiculum, coz NO ONE KNOWS HOW TO DO IT!!
    Sigh... really unbelievable!
    [版主回覆06/28/2010 22:09:00]i didnt mean all 80後 are brats! just most of them have no manners and a have shameful value.
     
    the HK kids problem is not abt whether they know how to do this do that.......the main problem is abt the parents not letting the kids to learn those basic things! most people think it's the kids' fault, in fact it's actually the parents' fault.
     
     

    回覆刪除
  22. 全靠我有個唔like亦唔會做家務的媽咪所以我幼兒園已自己會穿校服,小學五年級已每個weekend洗擦自己和弟妹的白飯魚鞋同手洗我們的校服(因為白色衫要分開洗),除了煮餸所有家務都係我做,亦因為甘我弟妹唔會(or扮唔識)做家務,佢地"忍"功一流,永遠唔做家務,穿過的衫堆積如山都唔開機洗,地板發黃都唔洗地,有時我話下佢地佢地會笑笑口話留返年28一次過清理喎...俾佢地笑死.所以我覺得一開始訓練係最重要,呢方便大人應付原責.
    [版主回覆06/28/2010 21:55:00]妳真係細細個已經好叻啊! 除咗照顧自己仲要照顧埋細佬妹~ 妳係一個好生性既女兒 + 一位好姐姐~
     
     

    回覆刪除
  23. 這篇報導好警惕而家的父母! 有時不是小孩吾識做, 而是大人有無俾機會小孩做. 在安全情況下, 要俾多賞試! 我B仔初初好依賴如厕, 大人要好狠心, 一定不可幫他. 他現在好快手搞點!
    [版主回覆06/28/2010 21:35:00]雖然我未有小朋友,但見到果種父母 - 個仔中三都仲同佢沖涼,真係離哂大譜!!
     
     

    回覆刪除
  24. 我真係唔會比我個女變左咁,我覺得小朋友真係要捱下苦先知咩叫滿足,雖然自己唔係好有錢,但起碼物質上唔係理所當然話有就有,太就佢地會令佢地覺得咩都容易有,有少少挫敗又話要死又話呢樣,晴晴而家讀K2,我已經要佢咩都自己做,沖涼我會等佢自己沖完之後再幫一幫佢,底底佢都想自己洗埋添呀,錫小朋友係岩,但唔係用物質黎滿足曬佢,呢D家長真係要好好反醒一下,真係害左佢地!!
    [版主回覆06/28/2010 21:34:00]依篇報導最大問題並唔係家長用物質來滿足小朋友; 而係家長無教育小朋友自理能力,樣樣幫到足或搵工人搞掂.......小朋友成為咗少年後同樣依賴父母或工人,變到成個廢人一樣! 真係好唔掂!!!
     
     

    回覆刪除
  25. Good morning!! Don't know why I can't read/get your reply!!  Not sure it's because of yahoo blog 'short short 地' or 我short short地!!
    Would you mind re-send the reply to me?!?! Thanks a lot!
    Don't worry about the 私人回應 ...may be just copy the reply to this one....see whether I can read or not....THANKS!
    [版主回覆06/28/2010 21:26:00]Hi Anne~ nice to meet you! the reasons you cant get my msg is because i havent got time to reply yet!  will reply you asap~
     
     

    回覆刪除
  26. 哈哈哈哈哈哈﹌ 其實講的野黎笑丫﹐好多人拎住個真袋﹐ 人地都當係假架﹌ 好似我以前男朋友的家姐同個妹﹐ 買假既得啦﹌
    [版主回覆06/29/2010 07:13:00]用慣真貨就自然分得出真假架啦~
     
    不過依個世界有好多自欺欺人既傻人,話自己會用"同真野一模一樣,完全睇唔出係假野既A貨"!
     
    真就係真,假就係假! 睇唔出既人只係佢地唔識貨~  唔通人地睇得出佢地用假野,會走埋去同佢講: 喂~ 妳用假野呀!......咁咩?
     
     

    回覆刪除
  27. 悲哀! 愛佢變成害佢. 
    [版主回覆07/01/2010 20:50:00]鍚仔女唔係咁鍚法架! 依班父母本身好有問題~
     
     

    回覆刪除
  28. 我睇到O晒嘴呀.......真係唔知D人點教仔... 淨係物慾上滿足佢地有咩用呢? 我諗我都要成日提醒自己,免得第日個仔變成咁我都唔知點收科....
    [版主回覆07/03/2010 17:01:00]以物慾來滿足小朋友,小朋友長大後咪變成果種自以為揹住個名牌袋出街,就成街人都會艷羨望住佢; 幾千蚊一個袋都話cheap 既自我中心折墮怪物囉!
     
    大把港女係咁啦!! 不知所謂!
     
     

    回覆刪除

Related Posts Plugin for WordPress, Blogger...