牛丼 (Gyu-don) & 燒鳥 (Yakitori)
最近Sky 多咗個日本台 - NHK World TV~ 佢地d節目好睇過其他電視台好多!
今朝睇到NHK一個節目，裡面介紹咗一個超迷你 + 好鬼cute 既家用串燒迷你電爐~ 即時搞到我心思思又想買返個!
......只有香港有類似既! 
不過都係日本果個外型cute 好多~~~ 但當我冷靜下來，唸清楚後 - 其實要整Yakitori 都唔洗特登買個爐吖~ 用我個心愛grill pan 一樣可以!!! 於是決定即晚試試......
我 + 老公都覺得好食過Wagamama 既多多聲!!!
(Wagamama 得2串麻麻地，要成£4幾，真係賺死佢......)切緊雞肉時見到剩返既雞皮，突然想起去台灣時，喺夜市食過雞皮串燒!
於是手痕整咗串用鹽燒來試試......超香脆好好食~~~~ 本來老公話唔食，我叫佢試咗一塊，佢都話正! (唔夠喉! 早知整多兩串啦~~~~~
)個牛丼係老公至愛~~~ 佢最鍾意倫敦Japan Centre 既牛丼，最最正! 因為佢地既牛丼有隻全生窩蛋; 而香港吉野家都唔錯! 不過冇蛋........
至於我整既牛丼，就係正正美中不足冇咗隻全生窩蛋! 所以唯有用Tesco 有機蛋，煎少少來做隻半生熟窩蛋啦~~~~~~
Japan Centre都ok好食,不過我鐘意去Sakura多d,你有冇去過,出開倫敦可以去食,佢係Oxford Circus附近,唔記得邊條街入去,好似Liberty對面街,o個間次次去親都大排長龍,不過我好鐘意食,個Sukiyaki好似都係5-6磅左右,係倫敦黎講都算抵
回覆刪除[版主回覆06/18/2009 17:03:00]我有個習慣 - 去親新餐廳食野，緊會攞一張咭片!
我都有一張咭片係叫Sakura，但就唔知係咪妳講果間? 我去過好多次倫敦，不過我地食過咁多間倫敦日本野，最鍾意始終都係Japan Centre，貪佢夠正宗! 其他地方好有呃鬼佬feel.... 所以近幾年去親倫敦都係去Japan Centre!
不過頭先上網睇過Sakura 餐牌，佢地d野真係好平! 唔好話喺倫敦，喺英國任何地方都好平~ 同Japan Centre 價錢差好遠!
hk吉野家而家差左lu, d牛肉... 好鬼肥, 以前真係幾好食架....
回覆刪除[版主回覆06/18/2009 16:54:00]我就係鍾意佢d牛夠肥! 咁先香口嘛~ 尋晚我整既牛丼我嫌肥牛唔夠肥.......
燒雞皮........ 正到暈
回覆刪除[版主回覆06/18/2009 16:53:00]哇~ 真係唔燒過都唔知原來燒雞皮咁鬼正!!!!!! 好食過台灣街邊檔多多聲~~~~
你就好,食極都唔怕肥,
回覆刪除仲好fit!
[版主回覆06/18/2009 16:52:00]老公話我個肚裡面有個黑洞!
P.S. 妳有冇收到我email?
依款爐，我係舊年食品展見過 ~
回覆刪除[版主回覆06/18/2009 16:51:00]好得意好鬼cute 呀! 如果唔係尋日朝早睇NHK，我都唔知有依種爐..... $300左右咋! 我怕我下次返香港忍唔住手買呀!!!!!
食品展嗰款好似仲可以整埋八爪魚丸tim，你見到實忍唔住
回覆刪除[版主回覆06/18/2009 17:35:00]有機會同依個係一樣喎~ 我見網上有個買咗依個款既人話佢喺食品展買既! 好似話有幾個唔同面可以換架~~~
妳唔好再引我啦!!!!!!!
咁應該係啦，好似4合1
回覆刪除Oh, 你當我冇講過
[版主回覆06/18/2009 17:51:00]4合1??? 我開始動搖嘞~~~~~
係呀...同埋佢地廚師&服務生都係日本人,所以好多人本人去食,Japan Centre仲難搵位啦,因為餐廳地方細,得個counter仔,我去親都係去樓下market仔買野同埋去樓上買magazine,食野o個度唔方便,之前我住Finchly仲方便,屋企附近有一間小型Japan market仔,就少左去Japan Centre買野喇...你有冇買過Japan Centre對面有間賣日本和菓子既野,我都好鐘意食,不過有d貴,加上你唔鐘意甜野可以唔會買!話時話,係Piccadinly circus同Oxford Circus好多日本店,我最鐘意行Canaby Street,好鬼懷念之前係英國混的日子
回覆刪除[版主回覆06/18/2009 18:23:00]妳講緊邊度廚師 + 服務生係日本人? Sakura? Sakura 我就唔知嘞~ 就算我去過果間真係妳講果間，都已經係好耐以前既事咯!
不過Japan Centre 就一定係! 係好難搵位架~ 我 + 老公次次去親都要等位! d野好食嘛~~~ 聽講Japan Centre 已經擴大咗嘞! 搵次我都想去睇吓~~~~
妳講果間和菓子店叫做"Minamoto Kitchoan"~ 每次去親倫敦，老公都會去果度買chocolate daikufu 比佢d下屬食! 當然老公自己都好鍾意啦~~ 不過唔係次次都有得賣，因為係季節限定，要冬天先有得賣.......
講多日本野，台灣咪仲多! 英國既日本野又貴又少選擇.....
真係架,英國好多日本餐廳專呃d鬼,又貴又唔正宗,同埋好多仲係華人開既tim,真係想正宗都難
回覆刪除[版主回覆06/18/2009 18:32:00]所以我地咁鍾意Japan Centre 囉! 我喺英國食過最好食又正宗既日本菜，一間當然係Japan Centre; 另一間係愛丁堡既Yumi~
Yumi 係一對日本夫婦自家經營，我只去過一次! 果次好有私房菜feel - 老公一早訂咗枱，去到一開門有個著住超靚絹和服既女人 + 著廚師衫既男人 同我地躹躬(老公 + 老婆)，跟住老婆帶我地入間tatami 房坐低 (真果隻tatami 喎~ 唔喺香港地上有個窿果隻!) 食物好正! 之後我都冇喺英國再食到咁好食既日本野咯~ 不過碟碟野都好細碟又好貴!
後來有次再去，先知道Yumi 轉咗做B&B! 聽人講對日本夫婦返咗日本定居.....
http://hk.myblog.yahoo.com/winkywong12003/article?mid=1757
回覆刪除我08年買了回家玩 還約朋友來玩 你去看看d食物 ^^~ yummy
[版主回覆06/18/2009 18:46:00]暫時睇唔到相~ 因為每日英國時間日間Yblog 都廢廢地! 晏d再過去睇~~~~
咁妳果部係咪同我講依部一樣架? 妳有冇買埋其他配件? 見到妳話冇煙~ 真係咁神奇???
你成日整你老公鐘意食既野...唔怪之得..佢愛爆你啦....
回覆刪除[版主回覆06/18/2009 18:41:00]我鍾意整野食~ 老公返工咁辛苦，我先可以喺屋企煮得咁開心~ 緊要整多d佢鍾意食既野比佢食啦!
我無買 但我有朋友買了石燒 說好用
回覆刪除還有[ 8找魚圓 ]未用過 呵呵
我打字超笨 你看明白嗎 ?.?
[版主回覆06/18/2009 19:06:00]我當然睇得明啦! 妳想講"章魚小丸子"，係咪? 不過"8找魚圓"好有創意.......
我都對個石燒好有興趣!!! 頭先終於load 到少少，見到個爐真係好細隻喎! (不過今朝NHK又重播介紹個迷你爐，日本果個仲要再細隻d!!! )
咁又係....台灣真係好多日本野架,求其係7仔或屈記賣既都係日本野居多,,又有大堆賣日本野既藥妝店...唔知香港屈記有冇日本出既Pantent洗頭水呢,真係好鬼正,佢同其他Pantent係唔同,有機會你可以買黎試下 話開又講呀,依邊既7仔同屈記多好多選擇,唔似香港都係豆腐膶咁細,好難有多選擇
回覆刪除[版主回覆06/18/2009 19:32:00]哈哈~~~~ 如果喺香港要買日本野，就去莎莎卓悅吉豬島10蚊店啦! 仲 洗去7仔 + 屈人寺????
我冇試過日本出既Pantent 呀，我覺得香港 + 英國果隻已經好唔錯! 而且洗頭水係應該要經常轉換牌子既，用死同一種洗頭水，對頭髮唔好架~~~~
香港家陣熱到想C呀 真係煮乜都冇晒心機了
回覆刪除[版主回覆06/18/2009 23:42:00]依排英國都幾熱~ 不過依兩日落咗少少雨好返少少!
我都覺得用到其它pan去整個串燒的話,就真係唔好再買多個燒爐返嚟,真係買吓買吓,都唔知將啲野收係邊,不過妳哋英國屋企都應該大個香港好多嘅,我連個焗爐都唔可以係入牆式,下下用佢都要搬出搬入呀
回覆刪除[版主回覆06/18/2009 23:41:00]咁又係~~~~ 我淨係電飯煲屋企都有3個! 另外仲有微波爐、迷你焗爐、電腦水煲、電蒸籠、電炸鍋、碎肉機、手提打蛋器、手提搞拌器......仲有啱啱買既搞拌機!
我以前有個石燒 , 但每次用都洗到傻 , 因為痴底 , 所以去年搬屋時我已掉了 .
回覆刪除[版主回覆06/19/2009 15:48:00]係呀? 咁好turn off 啊~~~~~
吉野家啲牛好正呀~唔知幾時可以試下你嗰啲呢~~~~???
回覆刪除[版主回覆06/20/2009 00:11:00]妳去吉野家order 個牛丼.....咪食到我依個既味道囉! 我依個係A貨來~~~
日本野你都掂...你真係十項全能...勁
回覆刪除[版主回覆06/22/2009 07:39:00]咪笑我啦! 我見過妳成條三文魚買返屋企起骨起肉做壽司、炸魚皮 + 三文魚羅宋湯......
日本餐一樣都難唔到你，好叻女呀
回覆刪除[版主回覆06/24/2009 19:57:00]多謝~ 不過太過獎嘞!