上星期第一次自己整豆漿，覺得好好飲; 見屋企有黑豆，於是今次試吓整黑豆漿啦!
黑豆漿做法同黃豆豆漿做法一樣 (做法詳見豆漿食譜~)
我覺得黑豆漿味道雖然同黃豆豆漿差不多，但始終有些微差別 - 我覺得黃豆製既豆漿，豆味比較香濃，比黑豆漿好飲些少!
- 黑豆 + 黃豆都含有極佳既植物性蛋白質、異黃酮素 + 抗氧化能力~ 但黑豆既異黃酮素含量 + 抗氧化能力都比黃豆高，而且仲含有多種酵素，有促進體內新陳代謝、淨化血液、消除體內毒素的作用;
- 黑豆的蛋白質含量高達36% - 40%，相當於肉類含量既2倍、雞蛋既3倍、牛奶既12倍;
- 黑豆有18種氨基酸含量豐富，特別係人體必須既8種氨基酸含量，較美國FDA規定既高級蛋白質標準還高;
- 黑豆含有19%既油脂，其中不飽和脂肪酸達80%，吸收率高達95%以上，除了能滿足人體對脂肪需求外，還有降低血液中膽固醇既作用;
- 黑豆中約含2%既蛋黃素，能健腦益智，防止大腦因老化而遲鈍。日本科學家發現，黑豆中還有一種能提高強化腦細胞功能的物質;
- 黑豆含有豐富微量元素，每100g黑豆中，含鈣375mg，磷577mg、鐵12mg，其他如鋅、銅、鎂、鉬、碘、氟等含量都不低，這些元素能滿足大腦需求而延緩腦機體衰老，能降低血液黏稠度;- 黑豆含有豐富維生素，尤其維生素E + B族維生素含量甚高，其中維生素E含量較肉類高5-7倍~ 維生素E係人類發現最好既保持青春健美，延長生命既物質。
- 黑豆具有利尿、排泄水分、活血、促進血液循環、通絡、經絡流通順暢等作用，對風濕性關節痛或老人性關節痛等症狀有鎮痛作用;
- 黑豆中粗纖維素含量達4%，超過黃豆很多，粗纖維素具有良好既通便作用，可以有效預防便秘發生;
黑豆除咗有以上數都數唔哂既好處之外，古代有好多重要藥典都記載咗黑豆可以駐顏、明目、烏髮、護齒、使皮膚變白嫩...... 睇來黑豆確係一種價廉物美、青春美容既天然防老抗衰保健佳品! 難怪黑豆有"黑珍珠"之稱~~~
既然黑豆有咁多靚靚好處，貪靚既我當然唔捨得因為味道同黃豆豆漿有少少分別而放棄啦!
或者可以將黑豆 + 黃豆混合來做豆漿，咁咪豆香 + 靚靚都可以兩者同時兼得囉! 呵呵~~~~~ 我真係聰明!!!!
沒有留言:
發佈留言