Weekend 已一早買哂我付責要買既野，我自動請纓焗打蛋撻，損友們既反應仲好似好期待咁款~~~~~
我最大既缺點 - 就係唔可以一心二用! 整好哂蛋撻，較好哂timer，放咗蛋撻入焗爐後，我就走咗去晾衫......
晾完衫唸住嘆返杯茶，跟住突然唸起: 點解個timer 咁耐都仲未響既???
拿拿淋走去焗爐睇吓........
原來我set 咗timer，不過放蛋撻入去後，趕住去晾衫...唔記得按"start"!!!!
d蛋撻咁樣衰，緊唔見得人啦! 廢事嚇親小朋友......
至於果打失敗既樣衰蛋撻......聽晚老公晚餐有著落嘞~~~
P.S. 其實我之前都焗過靚靚蛋撻架!!!!
自製泰昌蛋撻食譜
自製聖安娜蛋撻食譜
你好有心思呢, 會自家製旦撻俾d 朋友食^^
回覆刪除[版主回覆07/02/2009 03:57:00]大家一齊去玩嘛! 個個都應該出下力~~~
其實應該仲可以食架?我覺得都唔你太樣衰姐,只係燶左d...我都有整過撻架,不過係葡撻,因為我老公鐘意依葡撻多d...我成日都唔鬼自己有set過timer,因為次次都唔記得按start,所以都冇用...
回覆刪除[版主回覆07/02/2009 03:56:00]果晚焗完我食咗一隻，覺得幾好味，所以我最後都帶埋d蛋撻去燒野食~ 朋友同我清哂蛋糕 + 蛋撻，佢地話好好食喎!
請問妳可唔可以提供呢個Fairy Cake 食譜呢?
回覆刪除[版主回覆07/02/2009 03:55:00]好呀~ 我聽日打個食譜出來呀!
咁你都好快手喎....
回覆刪除[版主回覆07/02/2009 03:54:00]fairy cakes 係好快架咋! 溝完材料入爐就搞掂咯~~~
似葡撻!正喎!咁好唔好味呀??(下次記住按"start"呀!!!!! )
回覆刪除[版主回覆07/02/2009 03:48:00]哈哈~~~~ 不過我唔鍾意食葡撻，因為太甜嘞!
不過仍然好味喎! 我最後都有帶埋d蛋撻去BBQ，仲好鬼受歡迎呢~~~~ 朋友清哂!
真好鬼專業
回覆刪除[版主回覆07/02/2009 03:46:00]焗到咁既樣仲話專業??? 如果間餅舖d蛋撻咁既樣，等執笠咯........
我又係試過煮落野,係就係搞咗時間,但最後唔記得按start制,幾乎搞到煲野"一命嗚呼"咁款,睇見煲野眼都冤埋呀
回覆刪除但係就咁睇啲 燶燶哋,又幾似葡撻咁喎
[版主回覆07/02/2009 03:15:00]d燶蛋撻凍咗後又冇咁樣衰喎~ 所以我最後都有帶埋去BBQ，仲好受歡迎呢~ 全部清哂!
其實除咗焗野之外，我平時煮乜都唔會較timer 架，我之睇鐘架咋! 焗野真係冇得傾 - 一定要set timer......
咁趕都整到蛋糕仔，你係得既
回覆刪除[版主回覆07/02/2009 03:10:00]fairy cakes 最易整架嘞! 而且我一向唔識焗好靚 + 複雜既蛋糕，所以我之前已整過好多次fairy cakes.....咁咪好快手囉!
Fairy Cake 好靚細細個好得意呢
回覆刪除[版主回覆07/02/2009 03:07:00]去BBQ 既小朋友都好細個，細隻d好d!
唔係呀。都OK呀。我想整蛋撻想咗好耐啦。學緊整酥皮。希望呢個WKN得閒啦。
回覆刪除[版主回覆07/02/2009 18:28:00]如果唔係我忘記按start，可以再OK好多.......
我 + 老公、大部份朋友，全部都唔鍾意食酥皮蛋撻! 我地最鍾意食依種曲奇底既蛋撻~~~~
哈哈.........蛋撻點做晚餐呀? 雖然係燶咗, 但啲色都好靚好似好好食喎, 講真係唔講我都唔知燶, 啲色好似葡撻咁仲吸引呀! 其實帶埋去俾你吔fd食, 我相信佢吔都會好鐘意, 會幫你清曬佢架!
回覆刪除[版主回覆07/04/2009 00:54:00]我話比老公做晚餐係講笑啫~ 而且我都帶咗d蛋撻去燒野食，因為攤凍咗之後冇咁樣衰! 個個朋友都話好味，蛋糕仔 + 蛋撻都清哂~~~
請問Fairy Cake 食譜打好未呢? 好期待呀 , 好想整畀囡囡食.
回覆刪除[版主回覆07/08/2009 15:45:00]哎吔~ 死火! 完全當冇咗件事.........sorry sorry~~~~~ my bad my bad......
我而家要出街一陣，返來後即打! promised!!!!
唔駛sorry, 麻煩妳就真.
回覆刪除[版主回覆07/10/2009 01:05:00]唔麻煩~ 我多謝妳咁賞面 + 捧場就真!