不過尋日(6月1日)一早起身睇新聞，知道法航AF447喺大西洋上空失事，我真係覺得好唔開心......依兩日我一直好留意新聞，當我睇到新聞片段上，出事乘客既親友徬徨焦急既模樣，我真係"燉"佢地好心痛難受! 雖然客機上冇我認識既人，不過我好清楚佢地徬徨果種心情......因為今年3月我返香港，4月中返回英國當晚，我曾經嘗試過依種不知所措既徬徨感受!
我返香港個半月，每日老公都會同我通2至3次電話，一日不少~ 不過我返英國當日，老公完全冇打過電話比我，我當時以為係時差問題~ 直至我喺香港食完晚飯，我就打比老公，不過老公手機熄咗; 打返去屋企又冇人聽......
由我出門口，上咗的士一直去機場途中，我 + V媽媽不停嘗試打比老公~ 但我地一直不停咁打電話打咗幾粒鐘，都搵唔到佢......我返英國，老公點都會最少打一次電話比我架嘛! 但全日都搵唔到老公，我當時覺得一定發生咗事......
當時果種心情真係非筆墨可以形容! 真係好不知所措 + 個心好亂!!! 睇得出一直陪住我既V媽媽都好擔心，不過佢強裝鎮定......終於喺機場check in 後，我忍唔住喊咗出來......我當時打哂電話比99、大伯、鬼仔伴郎、老公老友....不過全部冇人知道老公喺邊! 因為個心太亂，我仲打錯舊工人電話，以為係99電話......
我不停喊，V媽媽不停安慰我~ 我仲叫V媽媽將佢預備比我既鮑魚飛機餐帶返屋企，我唔想浪費咗佢......因為我當時根本完全冇胃口，只係好想嘔~ (不過V媽媽堅持要我冇胃口都要食d野!)
雖然我每次返英國都會喊，不過今次喊得特別勁! 終於拖到冇得再拖，我帶住超徬徨焦急既心情入禁區......禁區有位海關姐姐見我喊到豬頭咁，仲問我有冇事?
剛過咗X ray ，手機突然響起，見來電顯示係老公，我一聽到老公把聲，即時崩潰 + 忍唔住喪喊用粗口鬧佢!!!! (周圍既人即時望住我......)
可能大家會覺得我反應過激~ 不過我咁耐以來，我從來冇試過咁長時間都搵唔到老公，加上我返英國，佢冇可能唔打電話比我!! 未搵到老公之前，我個腦完全停哂，乜都唸唔到，感覺身體裡面好似少咗一部份......我當時只係不停咁唸: 只要老公冇事，我乜野都可以唔要! 我寧願老公去滾，都唔要老公有事......
果日其實係星期日，老公理應唔洗返工~ 不過果朝早老公收到電話話office 有事，要臨時返去開門，佢以為會好快搞掂，點知搞咗好耐! 而且當日佢個手機痴咗線 - 佢個手機跌得多，經常無啦啦收唔到，依個我一向都知! 最麻煩係佢office 附近冇電話公司，d野未搞掂又唔走得.....最後老公搞掂哂office d野，要飛車出Glasgow 整電話先打到比我! 好彩始終喺我上機前聯絡到老公，如果唔係我喺飛機果十幾粒鐘會好慘.......
雖然係虛驚一場，不過果種徬徨無助既感覺真係非常折磨人! 一下子我覺得自己老咗十年......
>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>
巴黎係我一個我覺得好靚 + 好鍾意既城市......現今航空交通咁先進發達，真係好難想像一架可靠航空公司既飛機，會突然無聲無息一下子消失!
希望航空公司快d搵到飛機失事既原因，比到遇難乘客既親友一個答案; 同時希望佢地折哀順變，死難者可以安息~~~
(Empty)
回覆刪除[版主回覆06/03/2009 15:55:00]我一聽電話，佢第一句就係sorry~ 不過佢連sorry 都未講完，我已經一輪咀X$%Z!Y.......因為個電話一整返好，佢即收到成棚人電話 - 我打過比果咋人e.g. 6299.......
老公咪不停道歉 + 解釋 + 叫我唔好喊囉! 之後老公打比V媽媽，仲比V媽媽教訓咗一輪~~~~
(Empty)
回覆刪除[版主回覆06/03/2009 16:02:00]其實果日佢原本會返99度食飯，後來要做野冇返到，佢都有通知99~ 不過淨係話要返office 做野，咁99又講到一舊舊，我個人又亂.......(我連99個電話都打錯好多次!) 其實我自己都有少少責任，我唔夠冷靜....
平時我點會咁輕易放過佢?? 不過我拖到冇得再拖先入禁區，而且手機打到快冇電.........
(Empty)
回覆刪除[版主回覆06/03/2009 16:11:00]唔好意思~ 雖然我絕對明白妳果種彷徨心情，不過我一睇到個原因 - 去咗starbucks 歎咖啡.....我忍唔住 ! (sorry~)
後來果日老公一接咗我機，我已冇再嬲佢，不過都話咗佢兩句~
我: 你都唔知我幾擔心......
老公: 我緊知啦~ 我都試過啦!!!!!
跟住佢提返2年前一件事......妳睇返依度吖(事件一): http://hk.myblog.yahoo.com/veronicams_tsim/article?mid=7406
我即時冇野好講! 當打成平手囉~~~~
(Empty)
回覆刪除[版主回覆06/03/2009 16:16:00]佢個手機有時會完全打唔到 + 收唔到call，不過顯示又話正常果隻(似Yahoo Blog 咁囉!!!! )，所以佢都唔知幾時打唔到; 加上佢又以為office d 野好快搞得掂......到佢一知道個手機原來一直都唔work，佢話佢都好心急! 因為佢知道我一定打咗好多次比佢 + 我好擔心~~~~
(Empty)
回覆刪除[版主回覆06/03/2009 16:42:00]睇咗嘞~ 原來妳住過Glasgow! 住咗幾耐呀? 哈哈~~~~ 其實或者我地見過對方都唔出奇!
(Empty)
回覆刪除[版主回覆06/03/2009 16:48:00]我都唔明世界上點會有d咁既狗公 (我指打老婆果d狗公!)，我覺得佢地完全唔係男人!!!
個個都睇唔出我大過老公，我個樣生得細嘛! 我32; 老公28囉~ 不過我去超市買酒or 去club，都經常比人查ID! 我從來都唔介意話比人知我幾年歲! 因為冇乜好介意，每個人遲早都會30架啦~~~
(Empty)
回覆刪除[版主回覆06/03/2009 17:23:00]我睇到新聞真係好心up...... 遇難既人當中有小朋友又有BB; 有人係工作既地方獎勵佢地工作表現出色，帶埋家人去巴西旅行; 有一個女人一次過失去6位親友; 另外有一個女人捉住法航請來牧師雙手，問牧師係咪真係已經一d機會都冇......
聽講巴黎會舉行悼念會，但遇難乘客既親屬大部份都話唔會出席，原因係佢地希望仍有一線希望，唔想接受親人遇難既事實......睇完個心真係拿住拿住~~~~
(Empty)
回覆刪除[版主回覆06/03/2009 17:24:00]好鬼老土呀~~~~
(Empty)
回覆刪除[版主回覆06/03/2009 18:03:00]我咁唔鎮定係因為同咗老公一齊成十年，第一次有咁既情況! 果種感覺真係好難受，唔想再試~~~~
(Empty)
回覆刪除[版主回覆06/03/2009 18:56:00]thanks~ 我唸經過今次，我 + 老公都會留意 + 小心多d!
(Empty)
回覆刪除[版主回覆06/04/2009 07:14:00]我其實好少打電話比老公，因為老公返工做野唔方便聽電話~ 而且佢每日返工一得閒就會打比我，每日最少3、4次! 如果 佢返工時我有野搵佢，多數都係留message，佢一睇到就會即回我，從來冇試過好似依次咁......
最慘老公個電話short short 地時係顯示"收到"，不過其實收唔到call又打唔出! 所以根本連佢都唔知個電話幾時work 幾時唔work......
(Empty)
回覆刪除[版主回覆06/04/2009 17:51:00]唔係呀! 我老公已經成日check 住電話架嘞，佢 個電short 咗時係顯示正常有訊息，不過收唔到call + 打唔出，所以佢都唔知幾時個電話有問題 + 幾時正常.......
我都唔知點解老公個電話會咁? 個電話我同老公一齊出既~ 而且仲係完全相同model......不過依個仲有幾個月先到期，我都想換電話呀~ 所以都係等contract 完咗先! 而家老公唯有袋住2個手機 (一個係公司手機!)\
雖然我經常有機會搭飛機，但咁耐以來，我仍然係咁怕氣流......剛睇到新聞，法國政府話搵到黑盒機會好微.......而且唔再排除係恐怖份子所為! 唉......
(Empty)
回覆刪除[版主回覆06/04/2009 18:04:00]百慕達既現象，到依家都眾說紛紜! 而且流傳太多無辦法証實真假既個案......今朝睇新聞，法國政府話搵到黑盒既機會好微 + 唔會排除係恐怖份子所為! 唉~~~
雖然老公比我 + V媽媽鬧咗餐，不過佢好明白我都係緊張佢啫!
治安問題 + 多唔多殺人案...其實都要睇返地方大細來計比例既! 全英國咁大，當然罪案比例都會大d!
(Empty)
回覆刪除[版主回覆06/04/2009 18:20:00]我地又係 - 寧願唔去，都唔會搭中華!!! 佢地紀錄真係..... 我同老公去2次台灣都指定要搭港龍~~~~
真係燉妳慘! 一個人等咗3粒鐘，真係陰公!!! 我都話有V媽媽陪住我安慰我吖......好多時就係咁架嘞 - 一有特別情況，就會有其他野阻手阻腳~~~~ 好似妳老公班機delay 咗，但妳電話冇留言而通知唔到妳; 我老公office 臨時有事，電話又撞正果時short.........先搞到咁鬼擔心!!!
係架~ 如果架機已board 咗但未起飛，而機件突然有事，佢地唔會即時要乘客落機架! 佢地會keep 住乘客喺機上一路修理，好似話規定唔知整4定5個鐘都整唔到，先會同乘客換機架! 好鬼衰~~~ V媽媽V爸爸3年前過來英國參加我婚禮搭國泰，就試過一次嘞! 果時仲係夏天，V媽媽又唔焗得，佢話好鬼辛苦.......
(Empty)
回覆刪除[版主回覆06/04/2009 19:47:00]咁冇人叫妳住山卡啦地方架嘛! 外國又唔係只得山卡啦地帶，我都係住市區既~
妳睇依集....咁啱我早個零兩個月都睇咗! 佢地一家人好好彩~~~
(Empty)
回覆刪除[版主回覆06/04/2009 20:26:00]咁鬼啱我地3個都睇過果個節目既! 不過我仲橋 - 因為我淨係睇過果集咋!
不過個男人因為凍傷雙腳，最後好似唔知要切咗雙腳定切腳趾..... 但個BB就真係奇蹟!
P.S. 妳得閒去大肚詩度睇吓吖~ 佢有個好得意既囝囝架!
(Empty)
回覆刪除(Empty)
回覆刪除[版主回覆06/05/2009 17:14:00]原來係媽媽要切腳趾.....
妳問妳老公既問題好好笑~~~~
(Empty)
回覆刪除[版主回覆06/05/2009 17:12:00]試過一次咁既感覺，以後都唔想再試!!!
(Empty)
回覆刪除[版主回覆06/06/2009 19:38:00]到而家仲未打撈到任何飛機 + 死難者既殘骸......