2009年6月24日星期三

Nanakusa Japanese Grill Restaurant - 七草料理 (2009年6月24日)


早兩日大學同學WaiPo + Yvonne 打來約食飯~ 以前同佢地幾乎個個月都有飯局,後來各有各忙,有人拍拖,有人考試.......已經差唔多成年冇同佢地食過飯嘞!

今次揀咗Sauchiehall Street 既"Nanakusa" (七草料理)食日本野~ 七草初開時我都同老公去過一次,不過果時覺得唔好食,所以之後冇再去過!
因為Yvonne 有好多野都唔鍾意食,所以同佢地食飯,一向我都係由佢地決定食飯地點~ 反正我都係唸住同朋友聚吓舊,去邊度 + 食乜都冇乜所謂! 只要唔太難食就可以嘞!

 Me + Yvonne~

 Me + WaiPo~

(頂! 我今日一去到七草,佢地見我著住件長身格仔恤衫,就不停望住我個肚以為我有咗.......)

 Yvonne 完全唔食壽司,所以我 + WaiPo 兩個人瓜分咗個雜錦壽司拼盤! 依個都唔錯,有鯖魚壽司~ 好多地方都冇架......

 Yvonne 叫咗個炸雞定食,有煎餃子 + 天婦羅做配菜~ 我試咗一舊炸雞,不過炸得太乾!

 Yvonne 既定食包埋既味噌湯~ 不過Yvonne 唔鍾意飲,所以益咗我! 依個幾好味,唔會啖戊戊~ 而且又夠熱又多蔥~~~~

 我要咗個燒鰻魚加蛋飯~ 都幾好食,不過汁太多 + 飯太少! 而且可能天氣太鬼熱,所以不停灌綠茶都灌到飽哂!!!

 WaiPo 既淨鰻魚飯~

依餐雖然算唔上好好食,不過都係接近好食果邊~ 而且比上一次我 + 老公去好食好多,餐牌上食物又多款咗! 所以或者將來我都會再去幫襯~~~~



15 則留言:

  1. 其實一睇相時有一刻都覺得有DD似有咗, 做咩要"頂" 呢? 我都好期待你加多個 "V女懷孕歷程"
    [版主回覆06/25/2009 16:31:00]我"頂"係因為我唔係真係有咗嘛! 如果我真係有咗我就唔會頂架啦~~~
     
     
     

    回覆刪除
  2. Mee ...... MeeMoreMore2009年6月24日 下午8:16

    張相都幾似你有 VB 咖
    [版主回覆06/25/2009 16:32:00]我第一張相咪用手揞住個肚囉......
     
     
     

    回覆刪除
  3. 件衫都唔係好似大肚衫啫
    [版主回覆06/25/2009 16:36:00]唔係件衫似大肚衫,而係件衫著到我似大肚!!!  今年興既娃娃裝 + 長鬆身恤衫,我都好鍾意~ 不過可能我太瘦,著親依種衫都會比朋友話似大肚.......
     
    所以我試過著長 + 貼身既T恤.....不過因為我條腰長,出來效果似條蛇!
     
     

    回覆刪除
  4. 件衫都唔係好似大肚衫啫

    回覆刪除
  5. 唔好介意, 你個fd yvonne有d似小儀, 唔知其它blog友認唔認同呢
    [版主回覆06/25/2009 16:37:00]小儀幾cute 幾可愛吖!
     
     
     

    回覆刪除
  6. 可能你件衫鬆身,幾好睇喎~~
    其實我幾鍾意你著既衫
    [版主回覆06/25/2009 16:39:00]應該係因為我太瘦,所以鬆衫衫映起我更瘦,但肚位就闊,所以望落似大肚......
     
    我已經決定咗 - 喺我真係大肚之前唔再著依件衫!!!!!
     
     

    回覆刪除
  7.  
    HE 我初頭睇到第一張相都以為係,仲要摸住個肚,我大肚時都係成日咁影嫁
    [版主回覆06/25/2009 23:23:00]咦....妳改咗名喎!
     
    就算真係大肚都唔洗咁早就著大肚衫啦!!!
     
     

    回覆刪除
  8. 哈哈 ... 做乜 "頂" 呀 ?
    咁你又結咗婚 , 以為都唔奇呀 , 趁後生生番個都好呀 , 好似我咁比隻馬騮玩到我  "嘔哂電" 呀 !
    [版主回覆06/25/2009 23:29:00]如果我真係大肚我就緊係唔"頂"啦! 我"頂"係因為我冇大肚嘛........就算真係大肚,都唔洗咁快著大肚衫吓哇???
     
     

    回覆刪除
  9. 啲鰻魚飯睇落都真係好小咁,妳哋唔叫多個壽司都真係可能唔夠食呀~
     
    著咗一件比人以為有餡嘅衫,呢家野我試過喎
    咁我係到祝妳快啲唔駛"頂"人啦,恭喜,恭喜妳快啲有喜
     
    [版主回覆06/25/2009 23:30:00]係呀~ 碗飯係好細碗架! 不過好鬼多汁.......就算比大碗d,我地都食唔哂 - 天氣太鬼熱得滯!!!!
     
    都未有....恭乜鬼喜呀????
     
     

    回覆刪除
  10. 哈,你又用手(禁)住個肚.我都差些以為你有喜呀!
    [版主回覆06/25/2009 23:31:00]就係用手禁住比大家睇清楚d - 我未有喜!!!!
     
     
     

    回覆刪除
  11. E~你好勁喎,我都唔知自己改左名.可能之前冇開BLOG,呢幾日先開左個BLOG,所以個名改左.(自己都唔知)
    多得你提吓我.我先知.仲係未搞好個BLOG唔識整啲格式.要慢慢學..
    [版主回覆06/25/2009 23:59:00]我認得張相嘛~~~~ 妳開過另一個AC定用返同一個AC? 如果係同一個的話,妳其實都一樣可以叫做Twinstar架!
     
     

    回覆刪除
  12. 同一個~不過我係叫NATALIE,Twinstar你之前冇諗住寫BLOG同埋嗰時勁LIKE Twinstar所以咪用住先LAW
    [版主回覆06/26/2009 22:43:00]哦~ 原來係咁!
     
     
     

    回覆刪除
  13. 我一見到你件衫, 我都想話幾似我大肚時著個件格仔衫呀!
    [版主回覆06/26/2009 22:42:00]我件唔係真係大肚衫來架! 不過而家我會留返大肚時先再著.......
     
     

    回覆刪除
  14. Hi VV.....好耐無入黎睇你個BLOG喇....你依然係甘靚女呀!!我坐完月之後都立即去食壽司呀...忍左幾個月,終於放監喇............
    [版主回覆06/26/2009 22:41:00]hi 蕉~~~~~ 蕉B咁可愛,忍吓口都抵啦! 咁妳要再搏命d食返夠本咯喎!  
     
    而我....都會趁仍未有喜之前,有咁多食咁多!
     
     

    回覆刪除
  15. 哈哈!! 老實講, 你隻手個位置, 真的令我有一秒以為你真的有了....
    不過諗下你應該會第一時間報喜... 點知你玩自爆...... hahahahha!!!!
    [版主回覆06/26/2009 22:36:00]揞係個肚係為咗等大家唔好誤會我有咗!!!!
     
     

    回覆刪除

Related Posts Plugin for WordPress, Blogger...