今朝NHK台重播介紹迷你Yakitori 串燒爐既節目，搞到我又心思思想食!
尋晚仲用剩幾舊雞上脾，不過想食串燒但又唔想一早就搞到成身油煙味......比我靈機一觸 - 攞返個有燒烤功能既迷你焗爐出來!
依個迷你烤焗爐係我原本買來整迷你樹脂黏土食物時用既~ 後來對樹脂黏土認識深咗發現除咗麵包黏土之外，其他樹脂黏土成品都唔需要烤焗~ 所以咁耐以來依個爐都冇乜點用過!
不過唔買都買咗，咁緊係無理由無啦啦揼咗佢啦~~~ 所以唸住用返來整野食，但係咁耐以來都未用過......今次終於有作為嘞!!!
放食物入焗爐前，先將焗爐調較到最高溫度(我依個係280C)預熱5分鐘......
大約燒6-7分鐘，反轉另一面再燒6-7分鐘.....咁就搞掂架嘞!
雞肉部份我就覺得始終唔夠用明火grill pan 烤出來既好食! 除咗烤既時間比用grill pan 長之外，迷你烤焗爐仲做唔到將雞肉烤成微焦既效果，所以冇咁香口! 不過應該冇咁"熱氣"~~~ 但真係少好多油煙 + 方便d - 唔洗睇火嘛!
我都鐘意用焗爐..好方便...又無咁油煙..
回覆刪除[版主回覆06/19/2009 15:26:00]我始終係味道行頭! 真係好懶時先會用焗爐~
其實冇咁多油煙都好既 , 健康D囉 !
回覆刪除[版主回覆06/19/2009 15:25:00]係就係健康d，不過冇咁香口冇咁好味囉!
E~~我都有個甘既焗爐喎...等我又試下先
回覆刪除[版主回覆06/19/2009 15:24:00]如果有grill pan的話，就最好用明火grill pan 去grill~ 香口好多架!
我讀書時代又係用ED Oven架～整三文魚、銀雪魚、鶏翼又得，又吾使洗，幾岩我ED懶人。
回覆刪除個汁如果搽左先烤又得吾得NE?我見Yakitori 都烤完乾身D的。
[版主回覆06/19/2009 15:23:00]如果我唔係整樹脂黏土，我都唔會買依個焗爐仔! 因為我由讀書租屋住到依家自己屋企，一路都係用一大座連爐頭果種大焗烤~
其實Yakitori 係應該煮好個汁後，將燒好既串燒放入去沾滿汁，所以一般見既都係乾身~ 不過我唔想整到竹籤手渣位污糟哂痴立立，又唔想嘥咁多汁，所以咪改為淋上去囉!
最好唔好搽咗先烤，因為個汁比較多糖，搽咗先攞去燒好易燒燶架!!!
我要雞皮~~~~
回覆刪除[版主回覆06/19/2009 15:16:00]淨係要雞皮唔要雞肉呀?
mini bbq 爐 & mini oven 我都有. 但都係好少用. mini bbq 爐就奶奶出 visa card 送既, 我咁耐都係用過2次, 玩下 indoor bbq. 而個 mini oven 都係人地送既, 但覺得佢 power 唔夠, 只係用來焗多士.
回覆刪除[版主回覆06/19/2009 17:48:00]燒炭既迷你BBQ爐我就有個! 不過幾年都完全未用過~~~ grill 野我始終鍾意用grill pan; 焗野我始終鍾意用返大焗爐!
妳而家用呢個迷你焗爐嚟整串燒都好得吓,比起大型焗爐又快啲熟添,連啲雞皮都整得果樣好掂咁,真係正呀
回覆刪除[版主回覆06/19/2009 23:29:00]依個迷你焗爐我只會喺我懶既日子先用! (即係經常都會用 !)正經來講始終用grill pan 正好多~~~~~
Agree, 都係 grill pan + 大焗爐好用好多. 呢 d mini 爐只係玩具.
回覆刪除[版主回覆06/19/2009 23:27:00]妳唔好話喎 - 我喺依度Toy R Us見過有玩具塑膠焗爐，真係有發熱線架! 仲要真係焗到蛋糕仔~ 個人覺得比小朋友玩太危險.........
哈哈~一爐幾用呀!
回覆刪除[版主回覆06/20/2009 18:10:00]而家唔用來燒黏土嘞! (好耐冇整過.......) 淨係用來整野食架咋~~~~
我諗起係朋友屋企食既燒雞，雞翼好正！！
回覆刪除[版主回覆06/24/2009 20:02:00]如果用依個爐仔燒雞翼的話，我唸要燒到天黑先燒滿一碟! 個爐太細嘞~ 我唸每次頂哂龍燒2隻~~~
隻雞睇啲色感覺上無乜好食, 因為無燒燶嘅感覺。
回覆刪除[版主回覆06/24/2009 23:13:00]係呀~ 依個方法冇咁好食架! 因為冇咁香口~ 所以最好都係用返明火grill pan!