IKEA 之無我著數大減價 (2009年6月27日)

唔知係咪我太識貨 / 太有taste??  無論買乜野都好，唔知點解喺未知價錢之前，我睇中揀中既，永遠緊係最貴果樣........

睇電視廣告知道IKEA 大減價~ 於是今朝一早同老公去IKEA 食大份又好味既早餐，食完順便睇吓有咩減價筍貨......

 不過最後買咗既野......全部都係正價貨!!!  豆零都冇得減......

 最近開始愛上baking...一向乜都懶係精益求精又懶係要靚既我，買咗個有蓋玻璃蛋糕盆~

 蛋糕盆既底部仲有靚靚花紋!

想像吓將焗完既蛋糕放喺入面擺到懶靚靚~~~ 就算萬一味道唔掂，外表都應該可以呃吓人!

靚靚蛋糕盆緊要配靚靚蛋糕墊底紙......

 不過依pack 1 set 4張唔同色 + 唔同款既"蛋糕墊底紙"其實係薄膠片來~ 可以循環再用，夠哂環保!

 再來既都係關蛋糕事......依個玻璃樽仔用來灑糖霜喺蛋糕上面方便好多~~~~

唸住不久既將來會再整日本餐，所以買返d有日本feel 既餐具......

 2隻深灰既大碗~ (唔係黑色來架!!!)

 1隻灰色既長方型碟~ 好鬼襯!!!

行完IKEA 就過咗對面既Braehead Shopping Centre......

 喺Sainsbury's 買咗個塑膠搾汁器......

因為屋企用緊果個木造搾汁器，每次用完都好多檸檬肉痴咗喺上面....  大家如果買依種榨汁器既話，千其唔好買木造架!!!!!