2009年6月9日星期二

Nikki & Raymond's Wedding Reception Part 2@昆仲軒 (2009年6月9日)


啱啱飲完老公表哥第二餐返來,Nikki & Raymond 既婚禮喺一片喜氣洋洋既氣氛之下完滿結束~ 一對新人聽日晨咁早會飛去夏威夷渡蜜月,祝佢地玩得開開心心,有個難忘既honeymoon啊!

(冇錯~ 大家會發現我個look 同我尋晚預告既唔同......不過一陣先講點解!)

我 + 老公成為咗全場焦點.........我地係全場最遲到既人!
因為要等老公放工返屋企接我,一路上99、大伯 + 姑仔不停追魂call~~~


我 + 老公到場時已剛剛開席,起咗2道菜........

 乳豬已比人食咗一半......

 依個唔知咩炸蝦 (蟹?)球~ 外面一條條唔知係咩來,每咬一啖都會彈到周圍都係! 好鬼messy~~~~

 腰果鮮露筍炒貴花蚌~ (因為冇餐牌喺枱,所以每個菜我都係靠估........)

 髮菜元貝

 薑蔥龍蝦

 雞絲翅

 蠔油炆海參、鮑片、鵝掌 + 一種似鮑魚,但我食得出係菇既菇類!

 應該係"南乳吊燒雞"~ 因為有南乳味! 


 蒸超大條Sea Bass (第一次見婚宴唔係食石斑!!)


 菜心雲吞 (第一次見婚宴會有雲吞食!!!!)


 炒糯米飯
其實仲有甜品既~ 不過上甜品時我行開咗,返到枱已比人食哂!

今次唔去評食物好唔好味~ 因為婚宴最重要唔係食物,而係慶祝一對新人既婚姻嘛!




 Me & 新娘子家姐Vicki~

 老公, 我, Vicki + Waikee~

 Me & 新娘子Nikki~ Oh~~ she's my "表嫂" already!

 我 + 老公無聊自拍~~~


好嘞~ 而家解釋一下點解我冇照原定計劃個look......

我幫襯咗依間網上時裝公司5年多,買過好多靚衫! 不過我一向多用佢地既普通送貨服務 (3日送貨~),因為多數買既衫都唔趕住著; 之前都用過一次佢地既"保証第二日送貨服務",當然要比多少少送貨費啦~~~

原本打算著果條冚裙,係我星期一用第二日送貨服務order 既,原應今朝一早會收到 + 趕得切今晚著去昆仲軒冚~ 點知今朝收到個咁既email.......


真係中六合彩又唔見有我份!!!!

竟然咁啱得咁橋佢地今日有突發事件 - 完全送唔到貨! 所以所有order 咗第二日送貨既顧客都唔會收到貨品......不過佢地承諾聽日星期三會一早送貨,而且會免收送貨費用,全數退返比所有顧客!

我真係晴天霹靂~~~~~~~

最憎人打亂我計劃嘛!!! 所以我唯有臨時臨急改著另一條已著過1次既冚裙 (好彩今晚去冚既人未見過依條裙!)

心情好鬼煩躁!!! 我本來打算set 個靚靚頭 + 帶V媽媽送比我既新珍珠鍊架嘛.......

搞到我冇鬼哂心機扮靚靚,加上尋晚瞓"黎"頸.......所以求其整攣個頭 + 改帶另一條單粒珍珠鍊~~~~ 不過........

條裙聽日(星期三)會送來.......

我有朋友8月又結婚嘞! 所以想睇我既新冚裙look,要等到8月嘞~~~~



18 則留言:

  1. 你著呢條裙都好好睇,好岩場合呀.
    [版主回覆06/10/2009 17:29:00]多謝~ 我都好鍾意依條裙!
     
     

    回覆刪除
  2. Mee ...... MeeMoreMore2009年6月9日 下午7:55

    e條冚裙都靚吖~~~~ 無人見過無所謂啦
    對鞋係咪早兩日新買咖
    [版主回覆06/10/2009 17:28:00]尋晚好多人都話我依條裙靚~  雖然條裙已著過一次,不過我好鍾意!
     
    早兩日買果對鞋,去西式果日著咗啦! 果對係銀色; 依對高跟好多 + 係金色來架! 金色依對好好襯衫~~~~
     
     

    回覆刪除
  3. 呢條都好靚, 其實我都想提 V媽 D首飾, 以為你唔記得!
    [版主回覆06/10/2009 17:17:00]好多人都話我依條裙好靚 + 問我喺邊度買~~~
     
    哈哈~~~ 其實我尋晚帶既珍珠吊耳環、珍珠戒指 + 單粒珍珠鍊,全部都係V媽媽送比我架!  不過最新果條珍珠鍊唔襯依條裙,所以冇帶到! 唯有等到8月啦~~~~
     
     

    回覆刪除
  4. Gaileは林家歐巴桑2009年6月10日 上午2:20

    依條都幾靚啦....條新裙可能係註定8月先肯上鏡,唔緊要啦,我地等下先囉! 你講個餸似鮑魚既菇係咪杏鮑菇呀,都好好食架...
    [版主回覆06/10/2009 18:06:00]咁我都好鍾意依條 + 好多人話依條裙靚~ 不過之前唸住有新裙著好興奮嘛......
     
    果個餸裡面係有真鮑片既,不過又有菇片撈埋~ 我唔知係咪杏鮑菇呀......杏鮑菇係咪即係雞脾菇呀???
     
     

    回覆刪除
  5. 裙、鞋、飾物都好match.你carry得好靚!
    [版主回覆06/10/2009 18:03:00]多謝~  冇影到我個手袋咋,我個手袋係杏色,同套衫都好襯架!
     
     

    回覆刪除
  6. 你真係靚得好緊要!!!  
    我又有朋友8月結婚(8月16号), 唔知今次唔會唔終於都有緣相見呢??
    [版主回覆06/10/2009 18:33:00]我仲未收到invite,所以未知幾多號~ 不過都係喺泗和行擺酒; 新娘子係我結婚時既姊妹~
     
     
     
     
     

    回覆刪除
  7. 依條裙都靚喎,你咁瘦著咩都好睇
    [版主回覆06/10/2009 20:56:00]咁我都好鍾意依條裙~ 不過冇新裙著有少少失望啫......
    btw 條新裙今朝送咗來咯~~~
     
     

    回覆刪除
  8. 唉~我都係最怕呢啲在計劃之外發生的事,因為我會HANDLE唔到,會發脾氣同好"忟".
    不過...你呢條金色好靚又高貴,唔洗激氣,如果發生係我身上,實飛身落街買衫,因為我冇靚衫.
    但你一屋都係靚衫,好"SIN MO"
    [版主回覆06/11/2009 00:50:00]我尋日一睇到個email 好火架! 我仲即時send 咗個好多粗口既sms 話比老公知!!!  不過 尋晚好多人讚我條裙靚 + 問我喺邊度買~  
     
    我d衫係靚~  不過大部份都唔係貴野來架! 所以唔洗羨慕我~~~
     
     

    回覆刪除
  9. 唉~我都係最怕呢啲在計劃之外發生的事,因為我會HANDLE唔到,會發脾氣同好"忟".
    不過...你呢條金色好靚又高貴,唔洗激氣,如果發生係我身上,實飛身落街買衫,因為我冇靚衫.
    但你一屋都係靚衫,好"SIN MO"

    回覆刪除
  10. 妳好靚啊~     衷心祝福一對新人幸福快樂!
    [版主回覆06/11/2009 00:52:00]妳好似應該讚新娘而唔係讚我喎!  
    代表哥表嫂多謝妳!  (我榮升表弟婦~~~)
     
     

    回覆刪除
  11. 裙好靚,你又着得好睇 兩星期後我做大姑拉部唔知着也,苦惱中
    By the way, 点解个个男人hair style都有个尖向天?

    [版主回覆06/11/2009 01:09:00]唔係呀...妳唔見有一個冇頭髮既咩??
     
    其實之前果晚飲西式果餐,返到屋企我睇返d相,我都留意到新郎個頭好尖!  我仲同老公講咗,我地笑咗好耐~~~~
     
     

    回覆刪除
  12. 个光頭男人又唔係鬼我梗係見到佢啦 不過奇在除了新郎其他兩个人hair style 都好尖
    [版主回覆06/11/2009 02:35:00]興吖嘛.....佢地覺得!
     
     
     

    回覆刪除
  13. Love your dress! It looks very flattering on you. The food looks good to me. Compare to the wedding I went to last Saturday, yours look A LOT better.
    [版主回覆06/11/2009 19:05:00]thanks~ the food.......erm.......ok la!
     
     
     
     
     

    回覆刪除
  14. 嘩!  你條裙的顏色好 "蝦" 人着架, 但你都可以着到咁 "索" , 一個字 "正"
    [版主回覆06/11/2009 19:08:00]多謝~  不過我唔知原來依隻色係蝦人著.....
     
     

    回覆刪除
  15. 似鮑魚嘅菇, 佢咪就係叫鮑魚菇囉!
    新娘子同佢家姐非常似樣喎, 唔講仲以為同一個人。
    你去冚都算好隆重好俾面對新人, 因為宜家hk去飲宴, 好多人都唔會著西裝著晚裝。
     

    回覆刪除
  16. 似鮑魚嘅菇, 佢咪就係叫鮑魚菇囉!
    新娘子同佢家姐非常似樣喎, 唔講仲以為同一個人。
    你去冚都算好隆重好俾面對新人, 因為宜家hk去飲宴, 好多人都唔會著西裝著晚裝。
     
    [版主回覆06/11/2009 19:12:00]鮑魚我就食得多啫~  鮑魚菇我未食過嘛!
     
    哈哈~~~ 我初初識新娘子兩姐妹,成日都撈亂佢地個名.........
     
    依度好多人去飲都執到好正架! 唔止去飲宴,有時同老公拍拖去fine dining 都會著到靚靚~~~~
     
     
     
     

    回覆刪除
  17. Gaileは林家歐巴桑2009年6月11日 上午3:57

    好似係喎...我淨係知道台灣叫杏鮑菇,係香港都唔駛煮飯,對d菜名真係唔係好清楚,黎到台灣之後認識既都係台灣名!但係依邊真係百冇架,好想煲啖西洋菜湯飲下又冇西洋菜賣,你話死唔死呀
    [版主回覆06/11/2009 19:14:00]樓下位網友話係鮑魚菇~ 我上網睇過鮑魚菇 + 杏鮑菇應該係唔同架! 照我睇應該係鮑魚菇~~~~
     
     

    回覆刪除
  18. 你著咩都咁靚囡架啦...洗咩為左一條裙無晒心機扮靚靚喎....
    [版主回覆06/12/2009 23:23:00]咁人地本來好心急著新裙架嘛......  
     
    btw 條裙送咗來嘞~ 不過我唔係好鍾意,想退返去.....
     
     

    回覆刪除

Related Posts Plugin for WordPress, Blogger...