但舊年既7月31日雖然冇慶祝，不過老公放工時就比咗個小驚喜我 - 老公買咗大札花 + 比咗一張£20舊版鈔過我......
不過老公比咗依張舊版鈔我，我冇即時收好 + 放咗喺餐枱上......之後張舊版鈔就唔知去咗邊!!!!
其實我放咗某樣野係一個地方，我一定會記得~ 所以我冇放好張舊版鈔都唔緊要，
只要老公唔好郁果樣野就得嘞!
但偏偏老公就擺咗張舊版鈔去第二度，仲要唔記得擺咗去邊!!!!!
後來既結論係 - 老公話佢記得"好似"將舊版鈔夾咗入一本書度.....
果本書應該係圖書館借返來既書 + 而且已經還咗書........
總之一直冇再見過張舊版鈔，直至尋晚我臨瞓前睇返一本舊書.......
一打開本書竟然有張野跌出來! 一睇 - 原來就係果張舊版鈔~~~~~
成年冇見咁滯嘞!!!!其實我 + 老公都唔知依張舊版£20值唔值錢?
不過而家已經越來越少有，因為已經絕版!
張舊鈔係屬於Bank of England series D~ 依張£20係1970年7月9日發始發行，
至1993年3月19日停止。
咁究竟張舊錢紙有乜特別呢?
唔見咗依張舊版鈔成年，而且根本冇唸過有機會搵得返; 突然尋晚失而復得......依種感覺好開心又覺得好奇妙~~~ 真係奇蹟一樣!!!
失而復得既感覺真係好正
回覆刪除都係嗰句，係你既，始終都係你既
[版主回覆06/28/2009 06:56:00]不過我冇幾可失而復得呢......
係你既，始終都係你既，-----.> 講得好啱呀
回覆刪除[版主回覆06/28/2009 06:55:00]都啱既~~~~~
好耐無見嘅野, 而且諗住永遠都揾唔番嘅野, 宜家突然見到佢, 真係好開心架, 恭喜你呀! 失而覆得!
回覆刪除[版主回覆06/28/2009 06:54:00]thanks~ 真係冇幾可......因為通常我唔見野都好少搵得返!
不過有一次我真係好好彩.......
有次我一個人行緊電器舖，行行吓除咗老公送比我既藍寶石戒指放咗入褸袋搽hand cream.......依個時候老公打電話來，我喺褸袋攞手機出來時跌咗隻戒指，不過我當時唔知~~~~ 我同老公一路傾一路行出電器舖，行咗4、5條街先知道唔見咗隻戒指!!! 我即時跑返去電器舖......
當時我都預咗搵唔返，因為已經過咗成45分鐘......點知我一返到電器舖，就見到我隻戒指瞓咗喺電器舖地上! 好彩跌咗喺一邊冇咁覺眼咋~ 如果跌正喺中間，我唸一定會比人執咗~~~~
我都有一次都真係勁好彩, 話說我砣住bb時, 成日都無乜記性又大頭蝦, 咁我去百佳買野, 當時我揸住部電話去到個貨架到買野, 我都唔記得當時係買啲乜, 不過記得係買完呢樣野就走喇, 咁我去到收銀處時發現部電話唔見咗, 咁我當時又唔記得之前究竟有無揸住, 都唔記得會唔會留咗係車, 咁老公咪即刻跑去車睇, 我就去番個貨架睇, 點知我個電話原來係入面, 好彩當時無人去個個貨架買野咋, 如果唔係我部電話凍過水。
回覆刪除[版主回覆06/28/2009 17:44:00]V媽媽早幾個星期喺餐廳漏咗個手提，轉個頭返去搵已經冇咗咯! 所以妳真係好好彩~~~~
失而覆得的心情真係難以形容.我老公昨天也在美麗華酒店跌了個wallet.後來保安打去card centre,再由card centre call 佢返去攞返,佢鬼咁開心,不過就發覺唔見了部分錢.我話就當酬金啦.因所有証件同信用咔都在.都算不幸中之大幸了.
回覆刪除[版主回覆06/28/2009 17:47:00]我中學時都試過喺小巴度唔見銀包，後來小巴司機幫我搵返，但裡面既錢全部冇哂! 妳老公只唔見少部份錢，真係好好彩~ 執到銀包既人亦算係好有良心!