Bonnie 又來咗嘞!
尋晚(6月18日)老公放工失驚無神帶住Bonnie 返來.......其實我早幾星期已經知Bonnie 遲d會來暫住幾日，不過老公當時冇話我知幾時~ 老公話我咁掛住Bonnie，所以想比個驚喜我喎~ (好彩我未拖地啫~ 如果唔係就真係比老公"線"鑊金!!
)早兩三個月老公話我知 - Janet 6月尾會帶佢爸爸去巴黎玩，想我地照顧Bonnie 幾日; 跟手冇耐我就見老公用自己個eBay AC幫Janet 賣野 - Janet 個手風琴......
我: 咦......Janet想買過個新手風琴呀?
老公: 唔係呀!
我: 咁點解要賣呀? 佢有好多個手風琴架?
老公: 緊唔係~ 因為冇錢囉! Honhon~~ 妳唔好以為個個人都好似妳咁 - 同一樣野有超過1個or 有好多個........
我:冇錢? 咁你又話Janet 同佢爸爸遲吓去巴黎玩既?? 冇錢仲去旅行???
老公: 所以咪要賣咗個手風琴先有錢去旅行囉!
我: 哦.........
老公話我知Janet 曾經贏過全蘇格蘭手風琴冠軍，所以Janet 其實好寶貝個手風琴! 不過為咗氹佢爸爸開心，唯有割愛賣咗手風琴來帶爸爸去旅行! 好一個孝順女!
Janet 之所以寧願賣寶貝都要帶佢爸爸去旅行，其實係因為佢"感應"到Bonnie 就快釘蓋! 因為Bonnie 早幾個月曾經中風!
之後到而家都一直食緊藥......老公去接Bonnie 時，Janet 仲同老公講 - 如果Bonnie 突然喺我地屋企瓜咗，叫我地求其火化咗佢喎.........
陰公!
不過一到食野時間，Bonnie 又會好生猛架嘞!
好可愛呀 有多大呀
回覆刪除會死 .....不要吓我 >.<
[版主回覆06/20/2009 17:47:00]Bonnie 其實已經8歲架嘞! 聖誕時我地照顧咗佢3星期，佢係我見過最乖既狗狗~~~~
P.S. Janet 係我老公下屬~ 佢媽媽去年年初去世，之後Janet 就開始話自己成日見到佢媽媽鬼魂 + 有預知能力!
想睇多d Bonnie 靚相，可以去依度:
http://hk.myblog.yahoo.com/veronicams_tsim/article?mid=9014
http://hk.myblog.yahoo.com/veronicams_tsim/article?mid=9606
好一個孝女, 賣寶貝黎孝順爸爸, 好人有好報, bonnie冇事的, 你老公都好好人, 咁幫手, 呢d朋友識得過。
回覆刪除[版主回覆06/20/2009 17:51:00]我好欣賞Janet 既孝順~ 不過我覺得佢自己所謂既預知 / 通靈能力，真係得啖笑!
好人既其實係我~ 因為日頭付責帶Bonnie 散步 + 執屎既係我!!! 佢一日只疴一壇，老公又返工.......
So sad to hear that ..... 其實我個女絲絲(係隻 Yoshire Terrie)又係開始有問題,
回覆刪除佢開始有失禁, 我知道有呢個現像即係佢嘅機能開始退化, 雖然我明白她已經13歲, 生老病死係必經階段, 但係真係唔想咁快發生 lor ....
同時佢個名又同我個名一樣 .... 希望佢過埋呢段開心的日子啦 ! >_<
[版主回覆06/20/2009 17:56:00]養得寵物就一定要預咗有咁既一日! 我真係好鍾意狗仔，加上而家又有自己屋企，曾經好多次都想再養狗仔，不過我真係唔敢.......果時我Billy (西施仔)走時，我食唔落野 + 喊咗成個禮拜!!! 咁多年來 - 到而家都係，我個客廳仲有佢幅相!
希望妳隻絲絲可以舒舒服服 + 開開心心過埋剩低既日子啦!
求其火化咗佢... ~
回覆刪除[版主回覆06/20/2009 17:59:00]嘥氣啦Janet~~~~ Bonnie 身體係明顯差咗好多 (不過有野食時成個唔同哂!!!)，不過又未至於咁忟到水尾囉~~~
唔係嘛,差唔多釘蓋???希望佢可以等到佢主人返黎啦!!求其火化咗佢?咁好似....咁依幾日好好地take care佢,等佢開開心心過
回覆刪除[版主回覆06/20/2009 18:05:00]Janet 係咁架 - 佢成日覺得自己有通靈 + 預知能力.....Bonnie 未至於水尾到咁!
妳睇返我之前既網誌就會明白架嘞:
http://hk.myblog.yahoo.com/veronicams_tsim/article?mid=9014
http://hk.myblog.yahoo.com/veronicams_tsim/article?mid=9606
http://hk.myblog.yahoo.com/veronicams_tsim/article?mid=10494
唔好話你，我都好鐘意Bonnie (其實都好難有人唔鐘意)
回覆刪除希望Bonnie身體快啲好番啦
[版主回覆06/21/2009 09:51:00]Bonnie 個傻樣可憐樣又係好得人鍾意既!
雖然話Bonnie中過風,但佢得個8歲如果照護得好佢可以活多好年,我覺得Bonnie主人想多咗喇
回覆刪除[版主回覆06/21/2009 09:50:00]我都覺得係! Janet 成日以為自己真係有特異功能預知未來.....
如果時間許可, 可唔可以怕少少 bonnie 既vedio 比我地睇 ???
回覆刪除[版主回覆06/21/2009 09:49:00]其實上次我有影video 架! 不過冇放上來，因為部機format 唔啱YouTube，Yahoo Video 又成日都唔得......後來部電腦又入咗廠，之後冇鬼咗!
聽朝幫Bonnie 沖涼，沖完涼試吓同佢再拍過video 吖!
bonnie現在點呀???
回覆刪除[版主回覆06/22/2009 07:26:00]其實佢精神都算唔錯! 不過有時見佢少少戇居居咁.......今日同佢沖涼，佢都好聽話~~~~
呀bonnie主人呢句說話真係 : 如果Bonnie 突然喺我地屋企瓜咗，叫我地 求其火化咗佢喎 ......... , 睇見bonnie真係陰公豬
回覆刪除[版主回覆06/23/2009 16:13:00]老公啱啱帶咗Bonnie 走，佢今日返屋企嘞.......
我都覺Bonnie真係瘦左～~但都一樣咁得意
回覆刪除[版主回覆06/24/2009 20:05:00]Bonnie 尋日一早返咗屋企嘞! 今次都幫佢影咗好多相，仲拍咗video~ 之前有網友話想睇吓Bonnie 既video，本來想今日post 上來，不過file 太大，等老公幫我裝返個software cut 短d先post 出來~~~~~
食狗真係好可愛喎, 你唔講我都唔覺佢咁老, 我唔明點解隻狗有事就嚟死, 佢主人仲要去旅行嘅? 因為唔想睇到佢死呀? 但我覺得應該陪住佢行最後一段路喎!
回覆刪除[版主回覆06/25/2009 05:38:00]其實Bonnie 唔算太老架~ 一般狗仔最少可以活13至14年! 不過Bonnie 中過風.......
妳誤會咗Janet 嘞! Bonnie 其實都唔係就來死，只係Janet 成日覺得自己有特異功能會預知未來......係佢"覺得"Bonnie 就來死啫! 其實Janet 好孝順架~ 自從去年年頭Janet 媽媽去世，Janet 兩公婆成日陪Janet 爸爸去旅行氹佢開心! 不過佢地經濟其實都幾緊，所以佢地要賣野來搵錢帶佢爸爸去旅行~~~~