2014年8月9日星期六

天生燒烤狂 (附食譜)


大家...有無見過人咁樣燒野食呢?
英國夏天日光時間好長,晚上9點幾10點先齊黑,
天氣好時藍天白雲陽光和熙...最啱必必焦~
大癮Mr.T 一見果日天氣大好,放工就嗌住要即興焦!
似乎買咗個燒烤爐要用返夠本用盡佢!! 
(佢就話因為仲有好多炭喎......)


即時去超市買食物! 得2丁友燒...係咪太貪心呢?


第一輪...仲有第二、第三輪..........


正所謂"英國天,鬼婆面"...一刹那好天不代表永恒!
正焦得如火如荼,竟然突然落下雨!!
但d食物又未熟透半天吊...唔係話收爐就收爐架嘛!!

所以咪要咁燒囉! XDDDDD


咁多食物兩個人緊係食唔哂! 全部燒熟哂留起........


第二晚用蒸爐加熱,再加碟涼拌菠菜,咁又攪掂一餐! ^^


韓式涼拌菠菜食譜click here~



依個涼拌菠菜真係好正! 尤其係夏天~  
最近買到靚菠菜都係用來涼拌呢!

7月31日: Mr.T 開會,我自己一人前整個蒸飯加個涼拌菠菜,好味滿足~


北菇滑雞蒸飯
原盅蟲草花北菇滑雞蒸飯食譜click here~



8月7日: 蕃茄薯仔湯; 鹹魚蒸肉片; 清蒸水蛋; 清炒菜芯苗


第一次用個真空煲來煲湯......材料落水後先大火滾30分鐘.......


成煲放入外煲關蓋.......


開飯前再滾30分鐘...湯水同明火煲足3粒鐘無分別啊! 
好夠味~ 不過我就足足慳咗2粒鐘既電費!! 嘻嘻~~~~ 
真空煲果然唔錯!!!
蕃茄薯仔煲瘦肉食譜click here~


一個Miele 咁鬼貴,一定要用返夠本! 今餐3個餸,有2個都係蒸餸......

鹹魚蒸肉片食譜click here~


清蒸滑滑水蛋(參考食譜)click here~


以前如果以一餐蒸多過一個餸,至少要開2隻鑊 + 2個爐,
又要睇時間又要睇火...好鬼忙架嘛! 
而家得閒到唔知做乜唯有篤吓手機...有少少唔慣! XDDDDD 
不過菜芯...我都係鍾意炒菜芯多過烚菜芯~



好耐無整過蛋糕嘞! Mr.T 一位staff 另謀高就,
賢妻就整咗個蛋糕for 佢farewell~


Mr.T 話我個蛋糕好受歡迎! 
staff 們不停影相,仲話想order + 問價錢...嘻嘻~~~~







4 則留言:

  1. 個蛋糕真係好靚....真係WIN 大量生產既幾條街..~~~

    回覆刪除
    回覆
    1. 多謝小車讚賞! ;;)
      早兩日先係FB睇咗段片,原來而家好多餅店d蛋糕,抹忌廉唧花甚至寫字都係全機械化! :-O 幾秒抹好忌廉,再幾秒又唧好花....我唸遲d真係無哂手造蛋糕架嘞!

      刪除
  2. Mr. T擔遮BBQ, 令我諗起細個都試過同同學做過類似既事呀!! 不過我地係更白痴, 無知同貪玩... 話說我地細個住屋村, 有次同班同學即興BBQ (同學媽咪又係買左個新迷你座枱BBQ爐) 我地就係後樓梯踎喺地下BBQ (屋村既後樓梯唔係密封式) 點知燒燒下落大雨, D雨撇到入黎, 我地即刻用報紙擋住D雨(保護D食物), 自己又被雨撇濕, 好鬼狼狽, 但又好搞笑, 最後仲有個街坊走黎話我地喺後樓梯BBQ好危險喎... (以前D人喺度燒紙咪仲大火仲危險)... 自此每次諗返呢件事都有排笑, 係我地既童年回憶呢~

    回覆刪除
    回覆
    1. 妳個童年回憶雖然好危險,但真係好攪笑! 我一路睇都一路忍唔住笑!! =))

      刪除

Related Posts Plugin for WordPress, Blogger...