平時我已經好論盡成日整親自己~
不過最近我既論盡唔再局限於自身，仲開始波及埋我d寶貝cookware......
尋日(7月16日)晏晝我整鹵水鴨......
我唸住預備鹵水材料唔會太耐，所以先燒熱個煲......
我真係白痴!!!!!!!!!!!!!!! 我明知有搪瓷琺瑯層既cast iron 煲係唔可以大火乾燒架嘛!
點解我仲要咁做!!?!?!?
Cast iron 真係超快傳熱喎! 估唔到個煲只燒咗一陣.......
突然有野從煲裡面百花齊放彈出來!
突而其來都仲未來得及反應，第一時間拿拿淋移走個煲.....
煲底搪瓷琺瑯層爆哂，先前彈出來既就係爆咗既搪瓷琺瑯層~ 未爆得哂既都裂鬼哂，大塊大塊好似剝雞蛋殼咁準備甩出來......
個煲1月頭買返來; 擺咗幾個月，4月頭先開光; 用咗只短短3個半月就報銷......都係怪我用野太粗魯太唔小心!
爆煲後我打電話比老公撒嬌呻吓......
我: HonHon~ 我整爛咗個煲呀! 嚇死我~ 個煲突然有好多野卜卜聲咁彈出來!! 
老公: 妳有無整親自己呀? 我: 無呀~ 不過個煲爛哂唔用得嘞!! 
老公: 哎吔Poor HonHon 唔好唔開心，things happen~ 最緊要妳無整親無事嘛!
我: 好唔開心呀!!!!! 人地好鍾意個煲架嘛.........依隻煲而家無得賣嘞!
老公: 只係一個煲來，最緊要妳無整親~ right? 我: ..................
老公: 喂~ HonHon????? 我: ..................(心唸: 你仲未醒水喎???? 
)
老公: 咁妳快d去睇吓想買返邊隻煲啦! (突然恍然大悟! 
)
我: 好呀~~~ 拜拜!! love you~~~~原本金盆洗咗手唔再買煲既我，又要再出山嘞!
好彩無整親 !!!! 要快的去買戰利品show 下比我地睇啦 ~~~ !!!! k
回覆刪除[版主回覆07/18/2010 02:01:00]我好驚d燒熱咗既琺瑯層彈盲我隻眼.....
已經買咗新煲嘞! 係咪好快手呢?
哈,你都好識撒嬌噃,咁有冇咩買煲新目標呢??
回覆刪除[版主回覆07/18/2010 02:00:00]有呀~ 而且已經帶咗新目標返屋企咯!
好彩冇彈到自己咋,妳知妳幾咁論盡得架
回覆刪除快d搵下下一個target黎壓壓驚啦!!阿四隻STAUB好唔錯咁喎
[版主回覆07/18/2010 01:59:00]一見佢彈我即時蓋返個蓋，不過仲係不停聽到彈緊.....
我已經買咗返屋企嘞! Staub 依度無門市，睇唔到實物有幾大，所以買咗Le Creuset~
我睇到您話“佢仲未醒水” 個到 ＜﹣﹣﹣ 忍唔住卡一聲笑左出黎呀！ 好多時我都係明知D野唔可以咁樣， 但係一個唔留神就做左！ 做完之後我又會好唔開心怪自已咁唔小心～ 不過有次我將SLOW COOKER 個煲放係爐到直接用火燒(我當時係唔知唔可以）， 點知過左分幾鐘， 我就聽到卜卜聲， 本能反應咁拎起個煲， 點知個煲底成個甩左， D水呀材料全部都係個底流晒出黎， 好彩佢D水同材料唔係好熱JAR 。。。如果唔係我隻腳就慘啦～ 當時我係唔知個個煲係唔可以直接放係爐上面！ 我同我BF知道我無事後，佢就笑我 （我當然心情已經唔好，仲要比佢笑一笑就 ） 佢笑完之後跟住先去ARGOS買番個比我JAR！
回覆刪除[版主回覆07/18/2010 01:52:00]哇~ 妳咁大鑊呀? 個煲底成個甩出來........咁事後咪抹餐死囉?
老公無笑我呀 - 因為佢知我心情唔好既時候笑我只得屎路一條! 佢好醒架! 佢知道最好既做法就係 - 今日即刻同我去買煲!
好正呀...你同你老公D對話..哈哈~~~
回覆刪除[版主回覆07/18/2010 01:49:00]嘻嘻~~~~ Mr.T 知我唔開心就會氹我笑架嘞!
又有機會比你去買嘢啦, 下次小心d啦, 煲爛事小, 唔好整到自己呀 ....
回覆刪除[版主回覆07/18/2010 01:48:00]嘻嘻~~~~ 今日已經買咗新煲嘞!
我下次會小心架嘞~ 果d煲咁鬼重，燒到熱辣辣.......如果整親自己都幾係野!
好彩你無事 ＪＡ。。。。 睇到你同你ＨＯＮＥＹ Ｄ對話真係好好笑。。。 親ＷＥＥＫＥＮＤ去搵下有咩新寵可以買啦。。！！！
回覆刪除[版主回覆07/18/2010 01:46:00]真係嚇死我! 突然間都唔知咩事......
我已經帶咗個新寵返屋企嘞! 係咪好快手呢?
我唔記得我係咪抺左好耐。。。只記得我一路抺一路係到發自己脾氣lol.... Mr T.真體貼！ 我個個明知山有虎（我）， 偏向虎山行！
回覆刪除[版主回覆07/18/2010 03:27:00]我尋日都好忟架! 不過跟住唸 - 老公一定會買返個新既比我! (如果唔係無湯飲啊!!) 咁我就慢慢唔嬲嘞!
嘩﹗呢的真係好危險架﹗ 上次個女人唔知點跌左個煲落地堪斷左隻腳呀﹗ 如果係咁﹐真係情願個煲有事﹐個人冇事喇﹌
回覆刪除[版主回覆07/18/2010 03:35:00]依d煲咁鬼重，跌落來好快快行開啦! 點止斷手斷腳呀，死人都有之呀!!!!
終於知點解會爛煲啦 不過真係好危險呀，好彩啲碎片冇彈到妳咋
回覆刪除[版主回覆07/18/2010 04:16:00]我見到妳之前問咗我兩個關於我點整爛個煲好好笑既問題!
我幾驚燒熱咗既琺瑯層彈盲我隻眼呀!!!!! 妳果隻staub 無琺瑯層唔洗驚~
好彩你個人冇事,我係你長期讀者,嘻嘻!
回覆刪除你介紹盒 鹵包好掂喎,好過用鹵水汁!
[版主回覆07/18/2010 16:27:00]無事~ 無事~ 有事都坐唔到喺度打blog 咯!
係呀~ 鹵包正過鹵水汁好多架!
你真係要小心啲, 你個方法好work喎~ ha ha
回覆刪除[版主回覆07/18/2010 16:26:00]我會小心架嘞~ 多謝關心!
嘻嘻~~~ 我依招百發百中，萬試萬靈!
o個個頭頭可唔可2痴返去ga=v=" AA膠o個d呢 ........@@a
回覆刪除[版主回覆07/18/2010 16:25:00]唔知呀~ 不過我會試吓!
妳真好彩,下次小心啦.
回覆刪除妳真有辦法,期待見妳的新寵....
[版主回覆07/18/2010 16:24:00]我下次會小心架嘞~ 多謝關心!
嘻嘻~~~ 新寵妳見咗啦!
Mrs. T 小心d啦, 煲難左事小, 唔好整到自己呀. 妳已買咗新煲, 快讓它亮相, 我都好想見下它
回覆刪除另外個米色心型Le Creuset 好靚呀, 妳試下用 glue 黏下呀, 睇下可五可以
[版主回覆07/18/2010 16:24:00]我下次會小心架嘞~ 多謝關心!
新煲尋晚已亮咗相嘞!
http://hk.myblog.yahoo.com/veronicams_tsim/article?mid=43485
失魂還失魂 ,...... 但真的要小心呀 , 有時在廚房一唔小心,留神可以好大鑊架 … 如燙親 ..… .. 妳有任何損傷 Mr.T 實心痛死 , ...... 妳在全球所有粉絲都會比妳嚇親 , ..... 還有排擔心呢.......
回覆刪除[版主回覆07/18/2010 16:18:00]我下次會小心架嘞~ 多謝關心!
其實入廚咁多年，難免會有小意外架嘞~ e.g. 切親手、比熱鑊邊燙親條印成2年先退得哂、比滾油杏仁糊彈親......不過越係入廚得耐，越多新穎古怪意外......
呀，真係好彩個人冇事
回覆刪除[版主回覆07/18/2010 21:25:00]無事~ 無事~ 有心!
最緊要唔好整親自己....以後小心D~~~
回覆刪除[版主回覆07/18/2010 21:24:00]我下次會小心架嘞~ 多謝關心!
Mr. T 真係好錫你呀!
回覆刪除我鍾意你個白色心型 Le Creuset 煲, 好靚呀.
[版主回覆07/18/2010 21:23:00]米色依個心型唔係煲來架，係個mini ramekin 來架!
聽到都幾驚喎>.< 但最緊要個人無事^^
回覆刪除[版主回覆07/19/2010 03:36:00]無事~ 無事~ 其實應該無咩事既，只係佢突然卜卜聲又彈野上來，一時來唔及反應比佢嚇親啫......
笑左!! so sweet =) 希望我到時都搵到個咁好既老公 XD! 不過的確最重要自己無事!
回覆刪除[版主回覆07/19/2010 03:36:00]嘻嘻~~~~
其實應該無咩事既，只係佢突然卜卜聲又彈野上來，一時來唔及反應比佢嚇親啫......
, 好鬼好笑呀! 妳個蜜糖咁易話為嫁! 咁容易比妳得埕架!
回覆刪除[版主回覆07/19/2010 15:54:00]嘻嘻~~~~ Mr.T 覺得我唔係亂咁買野既人來，佢覺得我想買既都一定係我有用，所以從來對我都係有求必應架!
係呀, 妳真係有好多fans架, 入親嚟睇妳個blog都會好開心~ 小心整親呀!~Mrs.T~
回覆刪除[版主回覆07/19/2010 15:51:00]唔係fans 呀~ 係blogmates 先啱!
thanks~ 我以後會小心架嘞! 因為爆時好鬼得人驚.....
好彩你無整親咋!下次小心d!
回覆刪除你honhon咁錫你，心都甜返晒啦!
[版主回覆07/19/2010 15:50:00]其實係嚇親多過整親~ 不過我下次一定會小心架嘞! thanks~ 因為爆時真係幾恐怖 ....
嘻嘻~~~ Mr.T 係我個神醫來架! 我有咩唔如意都係搵Mr.T 就一定搞掂!
So sweet.....! 你個白色心型 Le Creuset 煲好靚呀!
回覆刪除[版主回覆07/19/2010 20:36:00]米白色果個心型唔係煲來架! 係 ramekin 甜品盅來架~
哈哈~~~mr t恍然大悟果係好攪笑呀,mr t真係知你心意,抵你2個咁sweet!!
回覆刪除[版主回覆07/19/2010 20:35:00]嘻嘻~~~~ Mr.T 都傻傻地架! 淨係不停問我無事......有事我都打唔到電話比佢啦!
白色心型煲好靚,既然爛左就唔好再唔開心
回覆刪除最近我煮野時都唔小心,單到隻手有個水x,而家開始退,但唔知有無巴
[版主回覆07/21/2010 05:34:00]白色心型唔係煲來架! 係 ramekin 甜品盅來架~
應該唔會有疤痕既，不過可能要一段時間先會退! 我試過比燒熱咗既鑊邊燙到手臂，有條5cm長既深啡疤痕(燶咗~ 不過無起水泡!)，要成2年幾先完全退哂...... 妳下次要小心d嘞!