7月2日(星期五)
上星期三晚整咗個pizza
去99度 (網誌)，剩返既pizza 料足夠整多個都有凸!本來想星期五晚整多次pizza 用埋d材料架......
想呀~ 想呀~~ 而且正值Yo!Sushi Glasgow Frasers 店又做6折優惠!!
7月3日(星期六)
是日又大風又大雨，天色好差!
V記巨無霸薄餅食譜click here~ 雞肉大蝦沙律食譜click here~7月4日(星期日)
上星期日去完The Trossachs，已經打算如果依個weekend 星期日好天氣既話，我 + 老公會去果度燒野食~
但星期六果日橫風橫雨，心想應該燒唔到嘞!
點知一個屈尾十 - 到咗晏晝出太陽藍天白雲喎!! 咁老公就check 吓星期日既天氣預測 - 星期日朝早天氣都係橫風橫雨! 不過下午2、3點會開始放晴，直至夜晚10點左右先會再來料!!
好!
我 + 老公決定即管搏一搏 - 即時出街買食物醃!!星期日朝早一起身 - 的確係橫風橫雨，而且睇佢個勢唔似會停，所以一早打定輸數......不過到咗1pm 個天真係放晴出大太陽喎!
我同老公即時拿拿淋執野~ 帶住14隻雞翼、6塊黑椒豬柳、1kg 急凍魚蛋、竹筒魚蛋1包、多春魚1 pack、大蝦1 pack、急凍青口8隻、2隻茄子、3隻翠玉瓜 + 鮮露筍1 pack......出發!
一路上見天氣不停轉好，大太陽 + 藍天白雲，搞到我充滿希望......直至進入Stirling，天氣又開始唔對路!! 由Stirling 去The Trossachs 天氣越來越差，後來仲傾盆大雨......
到咗Loch Lubnaig 湖邊，雨仍然無停，水位比上星期日上漲咗好多!
最後我地搵到一處地方起爐~ 不過一路燒超大風吹到頭都甩咁滯，而且大雨時落時停......連相都影唔到!!
天氣太唔穩定嘞! 所以燒咗廿幾粒魚蛋、2塊豬柳 + 1隻雞翼之後，我 + 老公決定執野返屋企!!
不過只係曇花一現~ 就算有彩虹，天色其實仍然好差......
野食燒唔成仲搞到成身污糟邋遢，真係好鬼掃興~~~~~
預備咗一大堆食物，谷鬼氣全部塞哂入焗爐一鑊熟整哂佢......
雖然無得真正BBQ，不過坐喺屋企舒舒服服，而且食物一樣好味呢!!
Well~ 今次燒唔到唔緊要啦! 因為99今日返咗香港，又有一排星期日唔洗返去食飯，大把機會燒野食啦!! 哈哈~~~~
>>>>>>>>>>>>>>>>>>>>>>>>>>>>>>>>>>>>>>>>>>>>>>
開估...... 依舊係................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................................
(早幾日食剩咗一小舊~ )
111111111
回覆刪除[版主回覆07/06/2010 05:29:00]叻 叻 叻 叻 叻 叻 叻 叻 叻
耶!!!搶到!!!
回覆刪除其實我未睇內容，
宜家即刻去睇
[版主回覆07/06/2010 05:30:00]咁心急做第1!
Sushi真係好鬼好味啊 >V< 我都超級鐘意食呢~ 唔知你果度D Sushi 好食D定香港D好味D呢? 哈哈~ 嘩~我見到你寫住去BBQ果D野食水蛇春咁長， 兩個人JA 啵, 咁一定燒唔曬啦~~ 不過好羨慕~~兩個人都會特地去BBQ 通常都係一班人去燒 如果我同D FD話兩三個人去燒， 佢地睬我都傻呢......
回覆刪除[版主回覆07/06/2010 05:28:00]緊係香港既壽司好食好多啦! 外國月亮唔一定特別圓架~ 尤其係英國果個........英國選擇又少，依間喺度叫做食得過，用來止癮架咋!
我 + 老公燒野食都係即興果隻，所以唔會臨時約朋友~ 而且班竹升朋友喜好洋人BBQ - 即懶乾淨企理放喺爐上面燒果種! 但我 + 老公就鍾意渣燒烤叉港式BBQ~
係預咗燒唔哂架! 唸住燒咗食唔哂帶返屋企食嘛! 不過天氣太差，唯有返屋企用焗爐焗囉.......
加午餐肉
回覆刪除好搞笑呀!!!
味道好唔好呀？
我剩係見過香港有間野加條菠菜同荷包蛋上去
[版主回覆07/06/2010 05:22:00]午餐肉整pizza 都唔錯架! 我食咗1/4，老公食咗3/4~ 咁妳話好唔好味嘞?
咁妳有無見過咁既pizza? 依個正宗意大利架! (喺羅馬市中心一間餐廳~) 個賣相幾鬼核突呀!!!!
Spam 係我至愛不過好貴,你個sizeHK要$2X
回覆刪除[版主回覆07/06/2010 05:14:00]我覺得午餐肉之中，spam 係最好食既! 依罐大既依度賣£1.78，圍返都成20蚊港紙呀~
19碟壽司真係好勁喎 , 另外幅彩虹相好靚呀 , 明日開你個BLOG 比Katrina 睇下先....
回覆刪除[版主回覆07/06/2010 05:13:00]19碟係我 + 老公夾埋嘛! 幾年前我曾經創下自己1個食咗14碟既彪炳戰績! 不過至今打破唔到依個記錄，而且而家叫我食14碟都食唔到咯......
如果天色好少少既話，條彩虹會仲加靚~~~~
食咁多壽司好利害 梗係好好味喇!引起我想即刻出街食壽司添
回覆刪除條彩虹咁樣畫過長空好正，我都想有機會見到影返幾張相
[版主回覆07/06/2010 05:12:00]我同老公夾埋19碟呀! 唔係我一個人~ 依間唔錯啦!
如果天色好少少既話，條彩虹應該會更靚~
Mrs.T 嘩 19 碟 ….. 好堅呀 …. 食多多都唔覺肥 , 真恨死人呀 ….
回覆刪除早早起身親手整定美食比老公仔 … 好感動呀 …. 唔怪得妳老公日日都諗住妳啦
妳張彩虹相好靚呀 … 我想現場的景象還會比相更加靚好多呢
[版主回覆07/06/2010 05:10:00]19碟係我 + Mr.T 夾埋架~ 幾年前我曾經創下自己1個食咗14碟既彪炳戰績! 不過至今打破唔到依個記錄，而且而家叫我食14碟都食唔到咯......
其實我唔係特登早起為咗整野比佢食既! 平時佢朝朝早起身返工做唔停，weekend 咪比佢瞓晏少少囉~ 不過我習慣早起身，瞓得耐反而會頭痛!
邊張彩虹相靚呀? 頭果張喺停車場影，其他果d係高速公路行車中影架!
i knew its spam lol....if not then my second guess wud be cha siu
回覆刪除[版主回覆07/06/2010 05:00:00]very smart!
你個日本餐晚餐好豐富呀﹗ 你老公仲請你食咁好﹌ 有冇食埋炸野呢?﹌ 原來你咁好﹐早起唔會整醒你老公架? 我一定要整醒晒全部人架﹗因為早醒好悶架﹗ 不過整醒的人之後呢﹐唔知點解一陣間又突然眼訓啵﹌ 之後自己返房訓﹐其它人醒晒﹌ 大樹被吹斷既樹枝好危險架﹌ 係屋企食野真係爽好多架（我覺得）﹌
回覆刪除[版主回覆07/06/2010 17:12:00]迴轉壽司之嘛，不過好好食!
老公養我 - 出親街都係佢比錢架啦! 就算喺屋企煮飯，都係佢比錢買餸架~
有炸野食架! 我老公叫咗碟天婦羅 + 炸軟殼蟹~ 不過我無影之嘛!
平時老公朝朝早起身返工後就做唔停，weekend 咪比佢瞓晏少少囉~ 不過我習慣早起身，瞓晏d反而會頭痛架!
雖然天氣差冇得繼續燒野食 , 回家焗都有另一番情趣啫 . ( 補番條咁靚0既彩虹給你們欣賞 )
回覆刪除[版主回覆07/06/2010 17:07:00]嘻嘻~~~ 係架! 只要同老公一齊就好有情趣架嘞!!
蘇格蘭比香港多好多機會見到彩虹架~
午餐肉pizza又幾特別喎...
回覆刪除19碟壽司你地兩個食好似唔係好多咋喎,比起妳以前的戰績
喺屋企焗野食舒舒服服咪幾好...下次咪搏嘞,真係確定天氣大好先好出去!!不過黎緊既幾個weekends一定有得你地去既
[版主回覆07/06/2010 16:58:00]舊午餐肉係早幾日食剩，唔想擺咁耐咪用咗佢囉~
我 + 老公不嬲食親壽司都差唔多19、20碟架啦! 妳同妳老公夾埋又食幾多碟呀?
今次幾日既野炒埋一碟咁出BLOG WO~
回覆刪除午餐肉整PIZZA咁特別?不過講真吖~其實PIZZA放咩料上去都得呀~MATCH到個味就OK啦~
你會唔會諗住好似有D餐廳咁,整個米PIZZA呀?(即係用米做餅底呀!)
[版主回覆07/06/2010 16:52:00]依排好多野搞忙嘛~
舊午餐肉係早幾日食剩，唔想擺咁耐咪用來焗pizza 囉!
我未見過未聽過有米pizza 喎......
個pizza 好足料呀 !!!
回覆刪除香港熱到好似焗爐咁... 想BBQ都要等下先
k
[版主回覆07/06/2010 16:50:00]自己整pizza 緊係足料啦!
香港而家室外BBQ，真係分分鐘中暑都似呀......
我老公好鬼醃尖架,佢唔鐘意食迴轉壽司,記得我同佢食過一次咁大把,係佢朋友請佢先去食,所以唔記得食到幾多碟,好似都係10零碟,大部份係我食既
回覆刪除[版主回覆07/07/2010 20:29:00]只要我鍾意，就算係我老公唔鍾意食既野，佢都會陪我食! 嘻嘻~~~~ 不過好彩我 + 老公口味都唔算相差太遠!
Spam for pizza?? It's a creative idea. Next time you can try Chinese sausage (wich you know understand what i mean)
回覆刪除[版主回覆07/07/2010 20:26:00]Nah~ i dont like chinese sausage! chinese liver sausages are better!!
Hi, this is my first time to leave a messge in your blog. I have been reading your blog for quite some time - very interesting. PIZZA 好好味.... 重有你的客家炆豬肉....
回覆刪除[版主回覆07/07/2010 20:25:00]Welcome + thanks for your comment! im glad that you like my blog~
我都估到係午餐肉呀,因為我早幾日整PIZZA果陣問我老公不如整舊午餐肉落去,跟係佢就話我痴線,所以我第一時間諗到係佢,原來你同我一樣鍾意放D唔"喇更"既野落PIZZA度,HEHE!!
回覆刪除[版主回覆07/07/2010 20:24:00]我唔係鍾意放唔"喇更"既野落pizza度，只係之前食剩一舊午餐肉唔想嘥咗啫~
哈哈!我一睇就覺得似午餐肉啦!
回覆刪除[版主回覆07/07/2010 20:23:00]叻叻!! 妳真係醒目嘞~
都話妳叻架啦,一早起身整完瑞士卷又可以整埋pizza,真係勁呀!!
回覆刪除我同老公都好鐘意食sushi,我地都試過食超過2x碟架,哈哈!!
今次無得盡情bbq都唔緊要啦,咪下次law,而家係屋企食都好sweet呀!!!
[版主回覆07/07/2010 20:23:00]咁個瑞士卷焗完要攤凍架嘛~ 趁住個瑞士卷攤緊咪善用時間整pizza 囉!
我老公其實唔算話好好好鍾意食sushi - 因為佢點好多天婦羅、炒麵、燒雞肉既小食~ 佢陪我食既啫!
其實我唔知其他地方有冇米PIZZA,不過HK係有呢間鋪,又真係賣緊呢種PIZZA呀!
回覆刪除佢個餅底係好似飯焦咁架~硬硬地,上面有D材料,都幾好食架!^_^
[版主回覆07/07/2010 20:17:00]聽妳咁講，其實依個米pizza 都唔一定要用整pizza 既方法來整! 依個idea 都唸得過既~
wa~~~~茄子好好味咁o既樣呀!!!! 我諗返起上個星期bbq , 燒茄子同草菇... 我都係第1次燒o黎食!好正~
回覆刪除[版主回覆07/07/2010 20:16:00]係架~ 茄子切半，加pat 蒜蓉 + 少少生油，用鍚紙包住放喺炭上來煨，熟咗淋美極......正!!!! 翠玉瓜咁整一樣好味架!!
你就好啦﹗我呢度食炸野或者唔炸既野都冇蟹食架﹌ 其實我都唔知點解既?﹗就算我去街市買返屋企食﹐ 都係得麵包蟹咋﹌
回覆刪除[版主回覆07/07/2010 20:13:00]其實我依度選擇都唔多架! 鬼超間中會有蘇格蘭膏蟹賣 (唔係時時有喎!!!)
亞超呢 - 有生猛蘇格蘭膏蟹 + 另一隻好鬼細，個身有好多毛既不知名蟹~ 軟殼蟹係急凍野來架咋!
哈哈 我仲以為係臘腸添
回覆刪除[版主回覆07/07/2010 20:10:00]臘腸就唔好咯 - 我都唔鍾意食臘腸既!
WO..午餐肉??真係夠晒特別呀..哈哈..
回覆刪除[版主回覆07/07/2010 20:09:00]食剩唔好嘥嘛! 估唔到又幾啱味喎~
Spam 午餐肉做pizza好特別喎,Spam香港賣得都幾貴~~
回覆刪除我遲d都要學妳整足料pizza
[版主回覆07/08/2010 03:23:00]快d試吓整啦! 好好玩架~ 我以前都唔鍾意食pizza，學識整後反而鍾意食~
YEAH~~~
回覆刪除我估中咗係午餐肉, 又幾有創意喎, 下次我都可以試下
[版主回覆07/08/2010 03:21:00]叻~~~~
無意中新嘗試，估唔到又幾好味喎!