上星期五去食YO!Sushi......(網誌)
尋晚(7月8日)我地再去咗食YO!Sushi!
尋晚唔知點解唔見有三文魚壽司?
但我又懶廢事order，所以攞咗碟三文魚刺身......
(其實係有4塊架! 我食咗1塊先影相~ 
)
我喺超市買1大隻茄子只要5Xp (6HKD左右); 不過依碟得d屎咁多，1/4個茄子都唔知有無??
竟然要£2.80!!!!!!!!
>>>>>>>>>>>>>>>>>>>>>>>>>>>>>>>>>>>>>>>>>>>>>>>>>
我個人好討厭依種筷子! 見到有人用時，我會好睇唔起對方!!
既然都去得試東方既食物，何不順便學習吓點用東方人用既筷子? 學習一下尊重人地國家既飲食文化??
用得唔好唔係問題 - 因為就算係中國人都唔會個個一出世就識渣筷子! 問題係肯唔肯去試~ 出埋哂d咁低能既代用品，更加唔洗旨意佢地會試啦!!
有時喺酒樓見到隔離枱既洋人棄用筷子而要求待應攞刀叉比佢......
又唔見我地中國人去西餐廳時會要求用筷子?
回覆刪除各位留9唔搭8 spam + 賣廣告既厚面皮人渣垃圾佬 + 垃圾婆~
想話比你地知 - 無論你地一日入來留幾多次垃圾，本小姐一見到都會全數剷清!
Hello Veronica,
回覆刪除你lee 句 : 又唔見我地中國人去西餐廳時會要求用筷子? 配埋 lee 個公仔好底死呀! 那麼,你有無用過果對懶人筷子呢 ? 好似好危危乎,調調 fling 咁, 夾唔夾到野架?
[版主回覆07/10/2010 00:34:00]我緊係無用過啦! 我用正常筷子既~
依對野質地似雪條棍，夾係夾到既 - 而且超級容易夾! 白痴既都一定用得到~ 若用唔到既話真係好去死咗佢......
個凍茄子我就咁睇相都覺得好好味呀﹗ 嘩﹐原來碟野咁貴呀?﹗ 不過出街食係咁架﹐你睇我都成日係度嘈就知啦﹌ 對假筷子我仲以為係雪條棍呀﹗哈哈哈﹌ 咁我呢邊的ＧＥＲ人又好識用筷子啵﹐ 仲成日好想用添呀﹌
回覆刪除[版主回覆07/10/2010 17:41:00]果碟茄子佢地真係好過去搶呀!!!! 貴就緊架嘞，因為依間野確係幾貴既，不過無唸過得咁少茄子囉!
英國人好鬼懶! 又要食中國野、日本野，但又懶唔肯學用筷子!!!! 有時見到隔離枱d洋人一路食一路同既佢朋友"講解"中國菜、日本菜起源、各種調味料點用呀........一副專家咁既口吻! 我心唸: 你渣好對筷子先好講咁多野啦!
嗰對懶人筷子, 原理同小朋友用嗰啲學習筷子一樣, 個頭痴住唔會跌, 不過個樣衰過學習筷子, 好似兩支雪條棍咁架
回覆刪除[版主回覆07/10/2010 17:36:00]A~ 小朋友學習筷子又唔同喎! 話明學習，咁即係總有一天會學識用正式既筷子~
不過出兩支雪條棍既木夾比洋人用，依世都唔洗旨意佢地會學識用正經筷子!
見到你d美食令我諗起大漁!抵食又美味
回覆刪除唔睇清楚以為碟炸豬排係燒鴨來!
[版主回覆07/10/2010 17:34:00]大漁? 大陸果間呀? 我自問仍然未敢喺大陸食日本野......
迴轉壽司點會有燒鴨架??
YO!Sushi sheffield都有，可是我都还没去吃，觉得好贵。
回覆刪除[版主回覆07/10/2010 17:30:00]英國出街食乜都貴架嘞，而且食物又唔夠香港既好味......
用兩枝雪糕棍俾洋人做筷子,真係攞喺手上會比人笑囉 依家都越黎越多洋人識得揸筷子架啦,咁既做法變相只要食佢地既野就得,唔一定要認識佢地既文化咁,接受唔到!!我大姑奶個鬼佬老公咪一樣揸筷子揸得好好,佢地鐘意食果種食物自然就既學果種食物餐具啦
回覆刪除[版主回覆07/10/2010 17:29:00]其實餐具可以有幾多種類啫? 咪又係來來去去刀叉匙羹筷子，對d洋人來講只係學筷子一種之嘛，咁都唔肯去學要用代替品，無鬼用!!\
我好似係london都食過yo sushi !
回覆刪除哈哈, 對筷子好低b ! 多謝你示範點用, 我真係睇完先知.....
[版主回覆07/10/2010 17:27:00]YO!Sushi 全英都有好多分店架! 妳食過都唔出奇~ 我第一次喺曼城分店食，果次真係覺得好鬼難食!!!!!
我真係好憎依個蠢人夾! 我覺得佢唔配叫做筷子!!!!
哈哈 對筷子真係好似雪條棍 ^^ k
回覆刪除[版主回覆07/10/2010 17:25:00]好憎依個蠢人夾!!!!
啲食物好yummy, 但心情勁差,工作上犯咗一啲錯,worry about the future....
回覆刪除[版主回覆07/10/2010 17:25:00]每個人工作都係高低起跌，既然已經錯咗，盡量想方法睇吓有無得補救? good luck + add oil 啊~
對筷子好搞笑........唔講唔知係 筷子
回覆刪除[版主回覆07/10/2010 17:22:00]好唔鍾意依個"蠢人夾"!! 我覺得佢唔配叫做筷子 - 因為有辱我國國粹!!!
我都好喜歡食日本野, 不論壽司, 刺身, 炸物.....
回覆刪除[版主回覆07/10/2010 17:20:00]我都鍾意食日本野，不過當中最鍾意係壽司、煮物 + 串燒，刺身 + 炸物係其次~
鬼佬筷子?妳唔講我重以為你們食完雪條,支棍有特別式樣就有獎wo.
回覆刪除[版主回覆07/11/2010 17:04:00]依個係" 蠢人木夾" - 佢唔配叫做筷子!!
其實我而家渣筷子都唔正確~~
回覆刪除[版主回覆07/11/2010 17:29:00]身為中國人一定要學好渣筷子啊!
筷子好搞笑........
回覆刪除[版主回覆07/12/2010 22:28:00]如果妳見到洋人用緊時仲搞笑呀!
係呀!如果你想試的話我推薦你去世界之窗果間,果間d食物好新鮮而且仲有個廚師係你面前整比你!
回覆刪除可能我想食燒鴨因而產生幻覺
[版主回覆07/12/2010 22:27:00]我之前都聽過依間大漁，不過大陸食野始終覺得要小心d~ 或者下次返香港時有機會會試試，多謝推介!