已經打算買多隻可以炆到雞鴨size 既cast iron casserole! 不過我之前一直用開又好滿意既法國牌子Chasseur 而家買唔到現貨，唯有轉向英國周圍都買到現貨既Le Creuset!
最近另一法國牌子Staub 喺香港大熱，好多用家都話Staub 比Le Creuset 優勝得多! 好多原本用開Le Creuset 既用家棄LC 轉買Staub，而且不約而同都話LC會"流淚"; 但Staub 就一定唔會"流淚"，因為Staub 既設計密氣唔會流失水份云云.......
(不過世事無絕對既 - 因為都見過有人實牙實齒話Staub 唔會"流淚"，但買咗一隻會"流淚"既Staub 返屋企......完全好矛盾果隻!
)幾千蚊買隻LC 返來會竟然會"流淚"?????
(查實我仍然唔知"流淚"即係點??? 估計應該係煲邊會有倒汗水流落來之類啩!?!?)我唔知究竟Staub 係咪真係好過LC 喎!
英國只有好少量集中喺南下既店有售Staub 現貨，而且網上店款式顏色都不及香港多選擇，所以暫時我仲未有幸見到Staub 真身，更莫講話用過......不過我前日煮飯，LC 28cm Round Casserole 首次開光，我就趁機來親身了解一下依個"Le Creuset 流淚之迷"!
事先特此聲明
此篇純粹分享個人驗証Le Creuset 28cm Round 是否真係會"流淚"既經驗; 並非要去比較Le Creuset + Staub, which one's better?
(小妹未用過Staub，自問無資格去評好與壞! 
)小妹亦非任何牌子之飯屎~
我未至於sad 到去封一隻煲做偶像! 
所以我並非要維護Le Creuset 品質名譽或企圖平反Le Creuset 之缺點! (
關我鬼事? 我唔係有得分!)所有唔同牌子飯屎請保持冷靜勿對號入座，否則請勿看此篇!
多謝合作!
>>>>>>>>>>>>>>>>>>>>>>>>>>>>>>>>>>>>>>>>>>
實驗正式開始..........我唸: LC 價錢比Chasseur 貴都有人話會流淚; 咁我未買LC 前一直用緊Chasseur，不過用咗無數次都唔多覺有咁既事喎!
前日LC 28cm Round Casserole 開光用來煲湯; 另外我仲用咗Chasseur 22cm Round Casserole 來鹵水珍珠雞~
咁就順便test 埋隻cheap 野Chasseur 啦!
除咗聽到鹵水汁喺煲裡面滾到咕嚕咕嚕之外，就咁睇個煲既外表水靜鵝飛，有極少量影都影唔到既水蒸氣散出來，但就無"流淚"情況~
隨後放隻雞入煲，蓋蓋後用大火翻滾至最大滾，然後轉小火繼續煮雞~
煮雞過程40分鐘裡面，我一直都好paranoid
- 因為轉咗小火後個煲完全無水蒸氣噴出來，我根本唔知煲野係咪仲滾緊? 
轉小火炆野後，成個過程一d水蒸氣都無~ 就咁望住隻煲，都唔知裡面煮緊野!
Cheap 野Chasseur 成功過關!
依隻Chasseur 22cm 係我very 1st cast iron cookware~ 亦係依隻煲令我愛上cast iron cookware~ 佢現時仍然係我最鍾意
，我手頭上最好用 + 用得最多既cast iron 煲!跟住輪到用新豬肉Le Creuset 28cm Round Casserole 煲湯!
然後轉小火繼續煲.......
亦無流淚!
我甚至曾經試過分別將LC + Chasseur 兩個煲，以不同方向去蓋蓋 e.g. 將牌子名轉向不同方向! (係~ 我真係好sad......
不過我仍然未能有幸見到傳說中既流淚盛況!
今日小妹向一位廚藝高超既網友查問過: 佢用煲時有無"流淚"
既情況出現?(依位網友好堅 - 竟然從歐洲抬一隻LC 31cm Round Casserole 返香港!
) 網友回覆: 淚點咁高難度的我真係沒有遇到! (原文來架!
)咁即係話 - 所有講過Le Creuset 會"流淚"既用家都吹緊水?
1. 人云亦云~
好容易理解既柴娃娃一窩蜂追捧某樣野既羊群心理;2. 佢地唔好彩買到隻LC 次貨;
3. 我 + 廚藝高超網友都好好彩買到隻特別好quality control 既LC;
(謝天謝地!
而我更加好彩 - 因為我連隻平價Chasseur 都一樣唔會流淚!!)4. 有人係某牌子既sale 屎，特意發放誇大敵對牌子缺點既消息，企圖提高自己sell 緊牌子既銷量;
以上純屬小妹個人猜測，如有猜錯，請多多包涵~
Cast iron cookware 其中一個好處就係可以節省能源 - 因為導熱 + 聚熱效果好，所以使用時只需用小火來烹調食物就可以嘞!
假設有人(e.g. 唔多識煮野食既人)用cast iron cookware 烹調食物時全程用大火，咁小妹就覺得隻煲真係會有可能會流淚
，甚至噴水都唔出奇!! 
若真係有人咁戇居的話，就真係浪費能源兼浪費咗隻cast iron 廚具嘞! 
咁當大滾時自然會流淚，甚至嚎哭崩潰缺堤~~~ (好心就咪咁鬼貪心裝咁滿啦!)Cast Iron Cookware 的確係好好用，不過就唔一定要擁有先可以煮到好菜!
質素好既廚具只係錦上添花既bonus~ 不過未至於神奇到一隻貴煲就會令唔識煮野食既人廚藝突飛猛進變成廚神......
烹飪最重要始終係技巧!若無技巧的話，就算擁有全界最好既廚具都係嘥氣!!君不見阿婆阿媽果代，一隻黑色生鐵鑊加一把大陸菜刀走天涯? 咪又食到一家大細lam lam 脷!
我就唔信廚藝了得既人，個個都有隻幾千蚊既煲喺屋企嘞!!
無 / 未擁有cast iron 廚具既網友們 Come On~
讓我地一齊來研究唔洗用cast iron，只用IKEA 都可以煮出令人lam lam 脷美食既烹飪技巧吧!!
111111111111111霸位
回覆刪除[版主回覆07/23/2010 17:38:00]未睇就回應 - 妳為霸頭位，不擇手段!
我屋企都係用鐵鑊呀, 哈哈
回覆刪除[版主回覆07/23/2010 17:39:00]妳家靚餸成日睇到我流口水! 最慘有時差 - 我睇完妳blog 仲未有耐開飯.......
好心就咪咁鬼貪心裝咁滿啦! ==> 又或者，買過隻大啲既cast iron
回覆刪除[版主回覆07/23/2010 17:42:00]無咁大隻煲，唔好煲咁大煲湯~
係呀，吹咩
回覆刪除[版主回覆07/23/2010 17:45:00]妳叫我吹，我偏唔吹呀!
完全同意妳講既野,我一直想買係因為佢可以幫我慳煤氣,不過我到而家都未擁有過,煮d野都係可以食得下架!!
回覆刪除我都覺得d人最大可能全情大火+裝太滿啦,大佬呀...你估佢係萬能架咩,硬係要用佢地試高難度動作,唔只流眼淚,肚痾都似
[版主回覆07/23/2010 20:03:00]咪係~ 以前d人無依咋所謂"高級廚具"時，咪又一樣煮到一手好菜!
而且就算要擁有，都唔一定下下要幾千銀一隻既貨色架 - 我有位煮餸好叻既扑友，佢喺淘寶買咗咋幾十蚊至百零蚊個既祖國製cast iron，咪一樣讚口不絕話好用!
為你打咁長篇既comment鼓掌 !
回覆刪除[版主回覆07/23/2010 20:19:00]哈哈~~~~ 又確係幾長喎!
不過以上全部都係小妹對cast iron cookware 既真實用後感，並無刻意將一隻煲去神化!
我訂閱左你個blog咁耐都係第1次留言俾你咋 我煮野食只係個新手所以好鍾意你整野食... 我屋企都無d貴價廚具因為煮野唔叻.. 所以你呢句用ikea都煮出lam lam 脷真係深得我心呀!!
回覆刪除[版主回覆07/23/2010 20:56:00]妳好燒肥亞! (應該是Sylvia 吧? ) 歡迎妳 + 多謝訂閱!
煮野食我都仍在學習中~ 個人眼見V媽媽(家母)將一隻舊式黑鐵鑊運用得出神入化煮出滿桌佳餚，就知道 - 要煮得一手好菜，並非要一屋貴價廚具，而係要經驗 + 練習!
大學時代既我一屋都係IKEA，朋友一樣經常不請自來話要上來食飯! cast iron 係好用，但並非必要!
MRS. T 其實笨笨成日都係FB偷你的美食 HAHA~
回覆刪除[版主回覆07/24/2010 05:52:00]我好少上FB，相唔夠依度多!
好想試妳個香蒜鬼妹! 不過依度唔係成日有靚正鬼妹賣.....
都係IKEA啱我~平,靚,正
回覆刪除[版主回覆07/24/2010 05:49:00]係架! 我都鍾意IKEA~ 而且IKEA 都有cast iron 架!
無 / 未擁有cast iron 廚具既網友們 Come On~
回覆刪除讓我地一齊來研究唔洗用cast iron，只用IKEA 都可以煮出令人lam lam 脷美食既烹飪技巧吧!!
呀Miss V,你好"舖"呀
[版主回覆07/24/2010 05:32:00]"舖" = "pro"??
我一d 都唔pro! 若有一日我可以變pro，我希望係我既廚藝變pro，而非我既廚具~
我都覺得我地既媽咪好犀利 ~~ 一兩個煲+鑊就可以走天涯 養大我地 !!
回覆刪除我諗可能同大火同裝多水有關 ^^
k
[版主回覆07/24/2010 18:29:00]係呀~ 好似V媽媽咁 - 無Le Creuset 又無孖人牌， 一隻黑色大生鋼鑊加一把大陸菜刀，眨吓眼就煮到餐九大簋! 相反我有大咋沙煲冷餐，但煮野食功力未及V媽媽一半......
我唔係話貴煲就一定好野無問題! 只係幾千蚊一隻煲，就算有缺點都無理由離譜到會滴水吓化?? 佢地會用到隻煲滴水，咁點解我 + 我既blog 友又唔會呢???
妳個cheap煲好得喎! 香港有冇得賣呀???
回覆刪除大約幾錢呢???
[版主回覆07/24/2010 18:21:00]我個人覺得Chasseur + Le Creuset 都同樣好用! 根本就2個都唔會滴水~
據我所知中環太子大廈3樓既Pan Handler 可以買到Chasseur! 我唔清楚咩價錢，不過有人講過一個18cm Round Casserole 售750HKD~ (我上面黑色果個係22cm!)
話時話, 我屋企都有ikea既煲~ 不過唔係cast iron, 只係普普通通, 99蚊3隻既不秀鋼煲仔~ 不過我又唔敢話我煮野好食, 叫食得入口啦~~ (老公唔嫌棄就夠架啦~) 上次係cc叔婆度見到有得賣LC既cast iron煲, 我同老公講, 你有買呢隻煲黎用架~ 佢就好有興趣咁行埋去睇一睇, 一見到個價錢, 立即退3步呀! (其實我見到價錢, 都退左唔止3步~) 有冇平價d架??? 頭先見你留言, 話有網友係大陸買個返黎, 我都有d心思思想訂, 但係~~ 咁鬼重, 運費一定超甘啊~~ 係呢, LC係邊度出架? 會唔會你果邊買會平過香港呢?
回覆刪除[版主回覆07/24/2010 18:03:00]IKEA 都有cast iron 架! 我睇過實物都覺得唔錯，只係大小款式顏色都唔及一般比較出名既牌子多~
妳有興趣既話可以睇睇我網友喺淘寶既收穫(有埋淘寶link 架!): http://blog.xuite.net/yuenfong/yuenfongng/32887400
Le Creuset + Chasseur 2個都係made in France 既品牌~ 英國買係平過香港，始終歐洲地方買返歐洲產品嘛! e.g. 我上面果隻LC 28cm - 香港正價要件$4188, 減價都要$2400; 但英國正價只售£145，約$17XX~
香港既價錢已經比人追捧變咗貴到可笑既地步! 我就一定唔會用4千銀買一隻煲囉!!
我睇左啦~~ THANK YOU~~ 幾百蚊真係好抵喎~~ OHOHOH~~ 要諗定地方擺佢先得啦~~ 咪就係囉! 成4千幾銀一個煲? 咪玩啦! 加多少少已經可以買部DSLR啦!!!!
回覆刪除[版主回覆07/25/2010 03:47:00]淘寶果咋價錢真係好吸引，一隻煲2舊水，網友用過又話好用~ 不過最唔好係買前睇唔到實物囉!
雖然香港買來佬貨貴係必然，但4千幾蚊一個煲就真係離哂大譜! 妳估真係用佢煮出來既食物食咗曉飛咩?
我個cheap cheap 大陸煲都無流淚喎，但就睇到有少少蒸汽出架，可能個蓋做得唔夠好？
回覆刪除你提提想買鑄鐵鑊的blog友，那些鑄鐵鑊有啲有塗層，有啲有琺瑯層，要問清楚賣家先好呀，我隻就無任何塗層的，但就有預先做咗preseasoning的開鑊工序，所以買回來後洗洗就已經用得，唔使開鑊，你叫佢唸清楚自己的要求，先再聯絡個賣家，咁先買到自己合用的鑊呀！
[版主回覆07/25/2010 03:40:00]唔該哂小魚兒既資料!
之前見妳話因為LC, Chasseur 依d牌子有琺瑯搪瓷塗層，所以先轉向淘寶，最終都係見妳買咗隻有塗層既煲，記住用時千其唔好好似我咁大頭蝦乾燒個煲呀!
哇塞,呢篇咁堅既分析簡直唔講得笑 ,堅過我而家仲用緊果隻快30年既生鐵鑊.哈哈.我響淘寶見到老翻lc,真系一模一樣咁款,不過我冇興趣啦,我怕拒外層塗漆唔合格,甩漆之餘又真系怕火燭,我驚架!
回覆刪除[版主回覆07/25/2010 03:35:00]都唔係咩分析既~ 只係我之前用咗咁耐cast iron，都從未試過會流淚滴水，突然見到咁多人話會，咁啱我又買咗隻新LC，咪順便特別留意吓係咪真有其事囉!
我無留意過淘寶既大陸貨呀，不過網友買咗話好用咋! 個人唔算抗拒祖國貨，不過中國地大脈博，貨品品質參差，所以我對中國貨都有保留~
我上次出差去美國, 係 OUTLET 見到 LC, 香港好貴一直都唔捨得買, 不過美國平好多好多, OUTLET 價, 再加埋 special promotion - further 35% off over USD$200.... 最好我一個人買咁兩個 24cm grill pan + 一個 22cm french over, 最後一個grill pan 寄倉, 另一個加 french over hand carry.... 超辛苦, 不過真係覺得好值得~~
回覆刪除[版主回覆07/25/2010 03:22:00]Outlet 賣既貨好多都係second 來架，價錢一定平!
英國其實已經比香港平好多，但美加果邊比英國更加平! 之前有位住加拿大既網友同我講，佢有時見到LC減價，可以平到300多港紙一個煲!!! 羨慕~~~~~~
我覺得可能係用咩爐既問題~
回覆刪除[版主回覆07/25/2010 03:17:00]我用hotplate; 廚藝高超LC 31cm 既網友用煤氣爐明火煮食; 樓下用淘寶生鐵煲果位網友小魚兒用電磁爐 - 3種最普通既煮食爐都可以煮到唔會滴水，似乎唔多關爐既事~
V 女 , 您好 ! 看完你這文章 , 我真系唔知我個 LC 煲有問題定系我家的爐頭細火都好勁呢 ? 因我次次用個煲 , 都不能好像您那個咁乾淨 , 中火煲起轉細火 , 個蓋都會系到動 , 而周圍都好多水氣從蓋邊流出來 , 不知系咪你所說的流淚呢 ? 而都系煲半煲湯或半煲炆野 , 我見您那湯可以咁滿 , 都可以咁乾淨 , 我都不知是什麼問題了 .Thanks
回覆刪除[版主回覆07/25/2010 17:18:00]"流淚"唔係我所講既 - 因為我根本無見過，所以我完全唔知別人所指既"流淚"係乜? 而且妳既情況 我無親眼見過，所以不便置評......
妳話個煲蓋郁，我真係好難想像cast iron 煲蓋咁重都會郁.....我以前一直用平價IKEA 不锈鋼湯煲，3種爐頭我都分別用過 (煤氣、電磁 + hotplate)，不過 都無煲蓋會郁既情況!
或者妳蓋蓋得唔好啩? 畢竟所有大量生產既貨品，質素都一定會有參差~
我我我變左心啦...愛了上 Staub ~"~ 不過, Staub & LC 各有各好... 因為... Staub, 上次我煮腐竹蛋... 一定會有D乾左係個煲到....堅係難洗... 而LC 就冇E個問題啦... 但...煮食方便都係 Staub好好多.... 炆野會林好多...
回覆刪除[版主回覆07/26/2010 19:52:00]依篇blog 根本唔係用來比較Staub 好定LC好~ 只係查証一下LC係咪真係會滴水!
嘩....樓下的"苯啦啦" , 你終於出番來啦, 真係冇見你近半年啦.
回覆刪除那從歐洲抬那31 cm 的 Round Casserole 返香港 , 那人是我嗎 ?
我是用明火煤氣爐 , 個死人爐沒人細火架, 只有中火及大火呀 , 但我在中火較到好細好細, 行路都唔好喧大動作, 以免吹熄個火, 但我阿煲都沒有眼淚喎 . 另外用電磁爐都試過 (不可煲湯 , 因過重 ) , 燉餸也沒有眼淚喎.
我煲湯唔會盛到好full , 一般是8成滿, 因為煲湯也要留有少少空氣 , 而且煲湯夠味, 除了夠火喉外, 還要煲好再焗一會, 當然有時間最好焗一小時啦, 冇都半小時都好, 然後再大火煲滾, 大滾一陣啦........ 這道理咪係點解隔夜湯會特別好飲的原理囉.
其實我都好想知"眼淚" 這形容詞係點樣呀 ....
[版主回覆07/27/2010 05:17:00]係吖~ 笨啦啦終於醫返好佢既FB候群症，回歸YBlog 嘞!
嘻嘻~ 無錯! 我指果位好堅 + 廚藝高超既網友就係妳嘞! 好彩妳自動蒲頭啫~ 如果唔係一定會有人自作聰明覺得我精神分裂一人分飾二個角色囉!
我今次第一次用隻LC煲湯，因為唔習慣，我都裝得太滿嘞 - 不過都無流淚! 下次我會裝返少d水~
果位好堅 + 廚藝高超既網友 ...... 你唔好咁形容我啦, 我真係一點都不高超, 我只是一位愛食的人呀 .
回覆刪除[版主回覆07/27/2010 19:12:00]咪咁鬼謙啦! 妳煮野食係叻嘛~ 尤其妳d凍餅整到出神入化.......
我都有FB 侯群症喎 , 但我沒有忘記BLOG呀 , 只是出得慢D , 時光倒流 ( 你改架)
回覆刪除其實LC 個煲裝滿D水都沒問題, 我都試過料+ 水有九成滿, 只要大滾後轉細火咪得囉, 佢賣點是導熱性高, 我用這個煲 , 煲雞湯, 粉葛湯 , 葛菜生魚湯, 真是特別好飲呀 .
[版主回覆07/28/2010 07:15:00]我完全無FB侯群症 - 因為到而家都唔係好識用!
我都覺得依個煲好好用~ 唯獨是無水蒸氣出，有時翻滾d湯來飲，滾咗一段時間都唔知......
你分析得好詳細，我都用左le creuset一段時間，真係好好用呀！同埋我已參照你的食譜做了個pizza啦，會再係coming week end 試整龍蝦汁海鮮意大利飯喔！睇你的blog真係可以學到好多嘢，多謝您!
回覆刪除忠實粉絲上
[版主回覆08/04/2010 16:40:00]我都覺得Le Creuset 好好用! 其實除咗LC之外，我之前用開 + 比既LC 平既Chasseur + Tefal cast iron，全部都好好用! 我唸只要係一d有一定信譽既廚具牌子，品質都唔會太差~
妳唔好叫自己做"粉絲"啦! 大家都係blog 友一齊交流煮食心得嘛~ 我好多時都係邊(亂)煮邊學架咋!
Mrs T, 我想買個Le Creuset的煲黎炆野同燉野，你都知啦近排凍左, 但我係cast iron的新手, 所以有些問題，希望你可以解答。第一個問題係, cast iron真係好重, 點解仲有咁多人鍾意用? 第二, 好似你blog入面的呢個Le Creuset, 係未用黎炆野同燉野最好呢? 仲可以點用呢? 第三, Le Creuset係未都唔可以用洗潔精架? 第四, 琺瑯搪瓷塗層係未對身體唔好架? 唔好意思, 太多問題, 先多謝你!
回覆刪除[版主回覆09/29/2010 03:00:00]我以前都有樣疑問 - 點解cast iron 咁鬼重都仲有咁多人鍾意用? 不過自從我買咗第一個cast iron 之後，我就知點解嘞! http://hk.myblog.yahoo.com/veronicams_tsim/article?mid=11611
cast iron 特點係傳熱快 + 耐用~ 基本上保養得好既話可以用成世! 因為傳熱快唔需要用太高溫來煮食，除咗慳返能源之外，就算好似我無火煮食都可以有鑊氣! 而且因為密封設計，炆煮食物或煲湯時食物水份唔會流失~ 妳可以去依度睇到更多有關鑄鐵既資料: http://hk.myblog.yahoo.com/lecreuset_hk/index?l=f&id=7
cast iron 適合一d需要長時間烹調既方法e.g. 炆燉或煲湯~ 好似我依篇blog 灰色依個Le Creuset 係28cm，好大個架!!!! (我用來煲湯既!) 炆野我就用上面果個22cm Chasseur! 除咗炆燉 + 煲湯之外，仲可以入焗爐既~
唔係 所有cast iron 都唔用得洗潔精! 有2種架! 好似依種有琺瑯搪瓷層既係可以用洗潔精既 http://hk.myblog.yahoo.com/veronicams_tsim/article?mid=43485
依種內鍋黑色既 http://hk.myblog.yahoo.com/veronicams_tsim/article?mid=26897 清洗時用熱水 + 唔好用 洗潔精，而且洗完後要即時徹底抹乾! 不過依種黑色內鍋仲可以用來炒野!!
琺瑯搪瓷層只係用來保護個煲本身，對人體係無害既! 對人體有害果種係易潔鑊塗層 - 不過都只係當塗層受損剝落時先會有害既啫~
希望答到妳既問題啦!
Hi Mrs T, Thanks so much for your helpful reply! You're amazing! I'm considering a LC Casserole pot 21cm. Do you think it's too small for casserole? Not good weather in Scotland. take care!
回覆刪除[版主回覆09/30/2010 21:34:00]you're welcome!
i dont think there is a 21cm casserole in the range! the closest it's either 20cm or 22cm. whether it's too small, it depends on what you use it for + how big of a portion you cook! to me a 22cm is enough for cooking a casserole for 2 to 4 people; however it's def not enough for cooking chinese soup.
today's a bit warmer in Glasgow! you take care too!
我想問我用爐餅的, 係咪用呢種煲(煲湯)會好過不锈鋼呢? 因為在香港我用不锈鋼的or 缸瓦.thanks
回覆刪除[版主回覆01/05/2011 11:28:00]係咪好用過不锈鋼係見仁見智! 有人嫌佢太重; 不過 依種煲咩爐都用得，好處上面已經講咗!
我想問我用爐餅的, 係咪用呢種煲(煲湯)會好過不锈鋼呢? 因為在香港我用不锈鋼的or 缸瓦.thanks
回覆刪除我而家在積PYREX 系Tesco發的couples, 然後可以加錢換只PYREX 既cast iron casserole。純為好奇，因為從來未用過。
回覆刪除[版主回覆04/08/2013 02:01:33]PYREX 果隻我都喺Tesco 研究過，實在太厚又太重!! 不過睇佢個蓋設計應該好鎖水~ 不過似乎琺瑯層都好厚，乾燒一陣都會好易爆! (個人經驗!!) 但個價錢真係好吸引~