年多前喺香港見V表妹，當時佢仲係肥嘟嘟，比我矮一大節 + 仲未帶眼鏡......
今日遊學團喺Glasgow 自由活動時間只有2小時，所以我 + 老公帶V表妹喺Glasgow City Centre 周圍閒逛~
我地就去咗Market 逛逛......
(V表妹都話: 真係好難飲喎! 哈哈~~~
)V表妹話英國d野好難食!
而且Host Family 日日都係炸魚薯條、腸仔薯條......(真係陰公! 
)最衰自由活動時間咁短啦! 如果唔係我會帶V表妹返屋企，煮餐好既比佢食~
V表妹唔適應蘇格蘭忽冷忽熱既天氣，一來到就皮膚敏感，塊面乾燥甩皮兼紅卜卜，而且又帶唔夠衫，於是我地帶佢去買藥膏 + 外套長褲~
買完衫老公排隊比錢時，個傻妹竟然細細聲同我講: 表姐~ 我自己有錢呀!
我送咗一set 2個銀包仔形既潤唇膏比佢，佢又同我講: 多謝表姐~ 不如我地分一人一個吖?
我聽到真係覺得好窩心~~~~
時間真係過得好快......
希望V表妹喺蘇格蘭遊學玩得開心啦! 我好快又會見到佢嘞~~~~
表妹仔只係得2個鐘自由時間 .... 不過唔緊要啦 你地好快又會見過 我諗你地支 汽水Irn-Bru都幾難飲 連表妹仔都話難飲 哈哈 k
回覆刪除[版主回覆07/25/2010 16:56:00]如果下次佢自己再來蘇格蘭的話，我一定要親手煮餐好既飯比佢食!
果枝汽水Irn-Bru 我之前介紹過: http://hk.myblog.yahoo.com/veronicams_tsim/article?mid=26172
我自己都覺得好難飲! 但喺蘇格蘭土生土長既人 - 好似我老公，大部份都對依枝野好瘋狂.....
兩個鐘真係少左d喎,比我都唔捨得啦!!V表妹個樣睇落都係乖巧型...同以前比,都冇乜點變,一樣咁青春無敵!!而家佢咁高大就唔會再有人話妳地似兩母女嘞
回覆刪除[版主回覆07/25/2010 16:52:00]始終佢地係來遊學，好多時日頭先要喺學校上堂，自由時間唔多~
哈哈~~~ 我唸而家話比人知V表係我妹妹都有人信呀! 我 + V表妹本身都生得比較細粒，我見好多遊學團既同學仔都高過我! 老公話我混入遊學團裡面，同果班同學仔差唔多樣~
你地2個宜家冇咁似樣喇
回覆刪除不過V表妹真係大個左好多好多呀~!!!
個樣好清純呢~~~
見地你地2個都黑色頭髮得好靚..
搞到我好有衝動想染番黑D頭髮呀~!!
[版主回覆07/25/2010 16:47:00]上次見佢佢仲係肥妹仔，而且游水曬到黑忟忟; 今次見佢又高又瘦~ 真係女大十八變!
唔興玩金毛強好耐咯~ 正正經經黑髮好d~
妳表妹好 斯文乖乖 女
回覆刪除[版主回覆07/25/2010 16:43:00]係呀~ 想當年我F2、F3已經好鬼貪靚又開始學人化妝......但V表妹而家仲係咁清純，好可愛好得人鍾意!
點解妳個樣越來越~靚o架!
回覆刪除亞表妹大過咗好多，而妳就一D都冇變!
[版主回覆07/25/2010 17:29:00]我由細到大V媽媽都成日話我好醜樣 ，而家比我靚返少少夠本都得啩?
V表妹真係女大十八變，唔再係細個時古靈精怪既樣~ 不過一樣咁可愛咁得人鍾意!
時間真係過得好快，轉吓眼你表妹長大咗囉，但你一樣咁青春喎
回覆刪除[版主回覆07/26/2010 19:50:00]嘻嘻~~~~ 而家話比人聽我同表妹係姐妹都應該有人信!
V表妹好熟口面呀,好似係唔知邊度見過咁既~~~不過V表妹真係好斯文好乖呀!!
回覆刪除[版主回覆07/26/2010 19:47:00]係? 真係咁熟面口?? 咁妳唸唔唸到喺邊度見過佢呀?
今次見佢真係大個咗好多，又斯文淡定又有禮貌，好得人鍾意~~~
時光飛逝，你咁快就過咗Glasgow十幾年了！還記得當日送你機前，去你屋企．．．
回覆刪除[版主回覆07/26/2010 19:44:00]係呀~ 真係眨吓眼話咁快就十幾年嘞.....
我都仲記得果晚自己著緊咩衫上飛機; 仲係用緊舊機場~ 我仲記得分咗幾架的士去機場........
Irn-Bru 咁大整蠱呀 小表妹都係靚女一名，而且仲好斯文清純添
回覆刪除[版主回覆07/26/2010 19:41:00]Irn-Bru 蘇格蘭獨有風味嘛!
小表妹五官係幾精緻架~ 不過而家佢仲有少少baby fat，而且佢年紀仲細，唔好咁快開始打扮~ 清清純純咁仲加得人鍾意!
好鬼難飲既汽水Irn-Bru....又有幾先...我真係想試下....
回覆刪除[版主回覆07/26/2010 19:38:00]等我返來時整枝過妳啦! 包妳飲完以後見到依枝野都想嘔!
嘩...你張舊張果秋手圈...係咪灰色鐵鐵地橡筋呀?
回覆刪除如果係, 我都有呀...當時好鬼與架.... whahahahaa
[版主回覆07/26/2010 19:37:00]係呀~ 就係果d嘞! 哈哈~~~~ 原來亞兔妳都係果個年代!
咁感性~
回覆刪除[版主回覆07/26/2010 19:35:00]可能我自己係獨女無兄弟姐妹啦，所以我好鍚我表妹架!
真係女大十八變
回覆刪除[版主回覆07/26/2010 19:35:00]係呀~ 上次見佢仲係矮得得肥嘟嘟; 今次見佢已經高高瘦瘦~ 可能下次再見佢又唔同另外一個樣......
妳早年個樣有D似湯寶如，真係越來越靚喎！
回覆刪除[版主回覆07/26/2010 19:33:00]哈哈~~~ 妳已經唔係第一個覺得果時剪短髮既我似湯寶如，果時好多朋友都話似! 不過我自己覺得除咗頭髮似之外，個樣根本唔似~
你表妹真係好乖女好聽話呢...
回覆刪除[版主回覆07/26/2010 19:31:00]佢真係好乖好生性，比小時候更加得人鍾意~
我兩個表妹跟我爸媽黎睇我畢業，上星期都去左scotland啊~不過我地只係去左Edinburgh and Loch Ness (+ the highlands)...真係好靚丫!!!!搞到我家姐話想係scotland定居haha~~
回覆刪除[版主回覆07/26/2010 19:30:00]蘇格蘭好多地方風景都好靚，不過多數係山卡啦既地區，渡假就好，要我住喺郊區咪搞，我一定要住市區! 妳姐姐少見依d風景先會咁唸啫~
She is a nice and kind sweet heart. When will she be back to HK? Maybe you can go to meet her in airport.
回覆刪除[版主回覆07/26/2010 21:10:00]she's such a sweet heart! no need to meet her at the airport la, she's got her own friends. plus i will be going back to HK very soon~
哈哈.....俾你發現左呢個天大既秘密 tim :P
回覆刪除不過你個樣後生過我好多....唔似果個年代呀...
[版主回覆07/27/2010 05:49:00]唓~ 年齡有咩咁秘密啫?
這兩小時真係好珍貴 , 難得她咁遠來到呀 , 你睇番v表妹細個幅相, 係咪覺得時間過得太快呀...
回覆刪除[版主回覆07/27/2010 05:47:00]係呀~ 真係眨吓眼佢就咁大個，佢幾大我就來咗英國幾耐.....見到佢大個咗咁多又咁乖，我真係好開心~~~
係呀，當時仲係用緊啟德機場的！我記得你的行李多到嚇死人，要求咗BA加大你的行李重量都仲超標好多，最後唯有“執”番起一Ｄ唔等用的，下次返黎再攞！另外，我還記得auntie好唔捨得你．．．喊到眼腫腫．．．
回覆刪除[版主回覆08/01/2010 20:32:00]哈哈~~~~ 妳仲記得多過我! 果時第一次過來，佢地盡量都會比多d磅數既~
其實當時我都係死頂架咋! 上到飛機架機行緊出跑道時，我已經喊到收唔到聲嘞!
知你啦！其實你喺機場都有同你阿媽相擁而哭ga~ 攪到我都差Ｄ忍唔住喊埋一份！ 梗係記得啦！因為送咁多次機係得你呢一次咁touching．．．想喊chi ma! 同埋唔知你記唔記得呢？因為行李問題，你爸爸同媽媽在機場頂了幾句嘴 ．．．雖然，佢地平時都好似係咁（好似係你講的），所以都真係幾深刻ga!
回覆刪除[版主回覆08/02/2010 04:20:00]哈哈~~~~ 我而家次次返完香港返來時都仲係咁架!
我記得~ 因為我細叔喺海關度做，我媽咪唔知喺邊度聽返來話可以有大d allowance~ 咁佢 一早叫咗我爹哋通知細叔，但佢無.......所以過磅時我媽咪咪唔老黎囉! 係架~ 佢地平時一向都係咁，若有一日佢地唔頂咀我反而仲驚~~~