之前去開IKEA 都只係食過早餐......
炸魚粉漿太厚又唔脆......早排從blog 友Mami 阿四處得知 - 香港IKEA 有個叫做Princess Gateau (公主餅)既甜品......
雖然我唔鍾意甜食，不過基於八卦未試過就想試吓既心態下，而且睇相個餅都幾細個，所以如果蘇格蘭IKEA 都有公主餅既話，我都打算會試吓!
不過Food Court 公主餅就無嘞......
依個Princess Wedding Cake 好香又好light，加上portion 細細件，食多幾件都唔會漏~ 不過如果再減少少甜味就perfect 嘞!
食完野就去睇吓有咩平貨執嘞 - 其實都無咩特別想買，只係抱住"大減價唔好執輸"既心態!
不過之前都打算買架Kitchen Trolley......
點知去攞貨時 - 竟然無貨喎!!!!!!!
最奇怪係叫staff 幫我check 幾時返貨，佢check 完後竟然話有16架現貨喎!
不過連佢自己都搵唔到果16架現貨喺邊!!!?!? stock control 真係差到呢......
Well~ Maybe it's not meant to be......因為後來我喺另一間shop，睇中另一架貴少少但用料 + 外型都靚好多，而且大小間格比IKEA 依架更好~
今晚等老公放工先一齊去買!不過我喺IKEA 都有少少收穫......
依盆山蘇我搵咗好好好耐架嘞!!!!
其實之前我都有一盆放喺浴室，喺Tesco 買好鬼平只幾十個p~ 棵野好粗生 + 超易打理!
我個浴室係白配深啡，放盆常綠葉點綴一下即時充滿好有生氣既感覺!
不過舊年冬天因為我疏於打理而枯死咗~
(係易打理，唔係唔洗打理嘛......)之後唔知係咪個天懲罰我??
一直搵咗好耐都搵唔返，直至尋日喺IKEA 見到!
我今次一定會好好打理架嘞 - 因為依盆要£2.29啊!
記得早排台灣blog 友林家歐巴桑Gaile 整過一味炒山蘇，我都好想試試......
另外喺食品部買咗......
)
)雖然Food Court 無得堂食公主餅......
不過尋日去完IKEA 我地仲有地方要去，未有咁快返屋企，所以無買到.......
下次啦~ 下次去IKEA 一定買盒返屋企試吓!!
去親Braehead IKEA 都見到停車場好多依種雀仔~
牛肉丸正呀
回覆刪除pricess wedding cake白雪雪,又真係幾似婚紗...
仲想問可唔可以炒黎食添,原來唔得!!不過佢依種觀賞用既比食用長好多,依個仲似海草
[版主回覆07/12/2010 22:01:00]原來係牛肉丸來架? 我食咗咁耐都唔知係咩肉丸來......
今次依盆波浪勁d，葉長得來會垂低，好有美感，用來觀賞比上次果盆靚好多! 不過上次果盆波浪微好多，而且向上生，無咁靚但我覺得果盆應該係食得果隻來!
每次去IKEA都會食 肉丸,薯條都好味
回覆刪除[版主回覆07/12/2010 22:03:00]
之前我只去過堂食早餐，但買過大包肉丸返屋企自己整~
肉丸呀！！！
回覆刪除我次次自己都會食到１大碟咖！！
加埋果個cranberry sauce，嘩，好味呀！！！！
馴鹿肉我屋企食過一次就無再食，
因為兩老話好似好殘忍咁喎....
但係係好耐之前既事,
所以我都唔記得咩味咖嚕,,,哈哈~~
[版主回覆07/13/2010 01:00:00]Lingonberry sauce 味道相似，但同cranberry 唔同架!
無話殘唔殘忍既，豬牛羊依d主流肉類又唔見話殘忍? 都係動物啊~
我在香港好少去ikea , 因為唔就腳呀 , 我最近一係銅鑼灣或mega box 呀 !
回覆刪除但我都幾喜愛去ikea買食品, 之前買過類似你買的魚卵醬之類, 比囡囡塗麵包呀 , 她不知幾咁喜歡 .
[版主回覆07/13/2010 00:56:00]係呀~ 我未食過依枝魚卵醬架! 不過我一向鍾意食魚春，見枝野咁平咪買來試吓囉~ Katrina 話好食就好嘞 - 佢咁識食，咁枝野一定好食!
我上次都係ＩＫＥＡ見到顆植物想買但冇買到呀﹐ 我怕會整到成車濕晒﹌
回覆刪除[版主回覆07/13/2010 01:10:00]妳買埋個花盆裝住佢咪唔會漏水囉!
係囉, 都唔明點解啲鬼佬野咁鬼甜。。係咩野都好甜！
回覆刪除[版主回覆07/13/2010 16:57:00]好似話因為洋人口水分泌比亞洲人多~ 所以我唸食物味道要勁d佢地先覺得夠味啩!!?!?
我都未試過招牌肉丸....
回覆刪除枝裝煙燻鱈魚卵~ (仲未試! ) --> 呢支野我都未見識過 ~
好多人話宜家肉丸好味，不過我未食過呀!
回覆刪除[版主回覆07/13/2010 22:39:00]搵日去宜家行吓順便試吓吖~
princess wedding cake我未見過喎，不過個涵係同公主餅一樣架，只係個皮唔同色咋~
回覆刪除[版主回覆07/13/2010 22:39:00]依度我見公主餅佢地話係"New"~ 可能香港遲吓會有princess wedding cake 呢!
回覆刪除I wanna buy this one too, but my honey thinks it's "USELESS". He doesn't know Kitchen is a woman's world. I think I will buy it later.
[版主回覆07/13/2010 22:37:00]support you! buy it~ buy it~~
i make every decision abt the kitchen! you have to defend your territory too~
i bought another one from another shop last night. it's a bit more expensive but looks better and better qulaity than this IKEA one!
Would you mind to post the kitchen trolley you bought yesterday nite?
回覆刪除[版主回覆07/13/2010 23:35:00]of course i will post it! but i havent set it up yet~ will post it after it's been set up ok?
XD 睇黎ikea既員工都幾一致呀~ 我係加拿大edmonton d到都係呀~ 有次我要買mattress...又係係電腦睇係有貨架~ 不過d員工死都話冇~ 最後call去hotline....都係話有架~ 最後更係買唔到啦~
回覆刪除[版主回覆07/18/2010 03:16:00]果晚我online check stock 佢地都話有貨，真係信佢地唔過呀! 費事一陣去到又係無嘥哂我d時間~
IKEA Swedish meatball 同公主餅我每次都必食，連去到 Sweden 都唔放過，不過公主餅面頭綠色皮真係好甜，但入面就好味。依家我有時自己整肉丸，為健康多數用豬肉+雞肉，香港 IKEA有肉丸汁材料賣，只要加whipping cream 就可以
回覆刪除[版主回覆07/18/2010 03:15:00]依度都有肉丸汁料賣呀，不過我覺得佢地既肉丸無汁都一樣好食!
如果自己整肉丸的話，我會自己整埋個汁~