因為英國戲院上時係英文荷李活配音版，所以唯有等出DVD 等到頸都長，為既係要聽日文睇英文字幕既版本~
我 + 老公都係宮崎駿fans~
不過等咗咁鬼耐，Ponyo 真係令我地好好好失望啊......
首先Ponyo 造型好鬼醜樣，一d都唔可愛~
而且Ponyo 性格同個樣一樣幾乞人憎!! e.g. 一個唔鍾意就用水噴濕人!!! 
二音樂大師久石讓今次依首波兒主題曲，直頭成首幼稚園童謠一樣! 確係好易上口呀，不過同時亦上哂腦~ 有時行街或電視廣告唔覺意聽到一小段，咁就賴野嘞 - 首歌會整日留喺腦中徘徊
，陰魂不散~~~~
舊年返香港時Ponyo 手機鈴聲濫到通街都係!
最攞命連男人老狗既手機都set 咗Ponyo!! (中年熟男來喎!!
) 未睇前期待Ponyo 同"千與千尋"一樣咁奇幻~ 不過睇後先發現原來係"人魚公主幼稚園版"! 就算故事標榜老少咸宜，個人都覺得太太太小朋友!!!!
Ponyo 變做人類留喺人間，咁咪即係要小男孩父母養埋佢?? 難得小男孩媽媽應承得咁爽口.......
Ponyo 個神仙媽媽要小男孩承諾一生一世愛護Ponyo，小男孩同媽媽一樣爽口輕易答應......
哇~ 一生一世好長遠喎! 現今好多思想成熟既成年人都未必做得到啦!! 而且個"靚"仔只得5歲 - 正處於"一時我同你玩，一時我要同妳絕交"既階段; "靚"仔而家唔介意，難保佢大個後想法會有變果喎!
更甚既係 - 若"靚"仔將來對Ponyo 有變，Ponyo會變泡沫會死"魚"果喎!!
Ponyo 媽媽做神仙都咁唔化 + 咁輕易相信人類既.......
well~ 事事都合情合理就唔係卡通片啦! 我鍾意睇卡通片亦接受到一定程度既"不合理"e.g. 父母變成豬，要接受重重考驗去救返父母變回人類; 老鼠可以做大廚煮出佳餚......
我唔鍾意既係"低能"故事 - 而Ponyo 既故事比起以往宮崎駿既作品，確係非常咁薄弱 + 低能!!
，不過有少少失望海底景太少~ 我唸Ponyo 應該係我最唔鍾意既宮崎駿作品! 
回覆刪除各位留9唔搭8 spam + 賣廣告既厚面皮人渣垃圾佬 + 垃圾婆~
想話比你地知 - 無論你地一日入來留幾多次垃圾，本小姐一見到都會全數剷清!
原來呢個故事咁架﹐我未聽過有呢套戲﹐ 不過我諗我鐘頭意龍貓多的﹐ 因為我鐘意大卷次子﹌
回覆刪除[版主回覆07/10/2010 00:27:00]妳唔鍾意卡通片? 唔鍾意宮崎駿?? 定德國落後到無依套卡通上???
我都鍾意"龍貓"呀! 不過其他好多宮崎駿作品都鍾意~
我都覺得故事麻麻地, 不過彤彤同細細就超鐘意, 隻VCD睇完一次, 又一次, 又一次, 又一次，重點係…佢地已經去戲院睇過一次
回覆刪除[版主回覆07/10/2010 00:26:00]我直頭覺得個故事水皮呀!!!! 仲抄足人魚公主 - 靚仔唔愛就變泡沫! 毫無新意......
哈哈~~~ 我記得妳話彤彤 + 細細睇"UP"時話好驚!
宮崎駿既作品我比較喜歡天空之城!
回覆刪除首主題曲正爆!
[版主回覆07/10/2010 00:24:00]天空之城對我來講太耐歷史，已經咩都唔記得咯~
我都係失望...但係皮蛋們日日要我陪佢地睇 部戲真係呃鬼小朋友...攪到佢地問我問題問到我真係唔識答囉(例如ponyo點解變做人???佢daddy mammy同ponyo又唔似樣???等等)真係俾部戲考起
回覆刪除[版主回覆07/10/2010 00:21:00]咁皮蛋們問既問題，又唔關套卡通事既!
我都有睇呀
回覆刪除[版主回覆07/10/2010 00:20:00]鍾意宮崎駿作品既人都一定會睇~
會唔會係怕個故事太複雜,D小朋友會唔明呢?
回覆刪除如果係大人睇可能會冇咁岩LO..@@""
[版主回覆07/10/2010 00:19:00]佢d卡通故事一向都唔深果喎，不過 從未如此低能過囉!
都係以前既天空之城正好多 !!! k
回覆刪除[版主回覆07/10/2010 00:17:00]天空之城對我來講太耐太耐嘞，我都唔記得係點 + 講乜?
"龍貓"、"千與千尋"、"Howl's Moving Castle"、"魔女宅急便"、"夢幻街少女" + 佢只係監製既"再見螢火蟲"、"歲月的童話"、"百變狸貓" - 依咋我全部都好鍾意!
我覺得波兒個樣好怪又 醜樣囉
回覆刪除點解妳第一個留言唔係用桃紅色既??
[版主回覆07/09/2010 23:47:00]我第一個留言係比d垃圾佬垃圾婆睇架嘛!
比正常扑友睇既留言先用桃紅色~
德國的外國片上得慢到暈﹗我真係等到頸都長﹌ 有的片真係唔上架﹌
回覆刪除[版主回覆07/10/2010 18:00:00]我好鍾意睇戲架! 咁我唸如果我喺德國生活會悶死!!!!!
last year when i was in hk, everybody (from young to old) had their cell phone ringtone set to that Cadbury Chocolate commercial music...it was quite interesting at first but then it gets pretty annoying after hearing everybody has used that music as ringtone...
回覆刪除[版主回覆07/10/2010 18:00:00]i didnt think it was interesting at all! just annoying - cos i hate Ponyo's theme from the 1st time i heard it!!
所以依啲咁低能既卡通先啱兩隻野睇囉…
回覆刪除波兒睇到我訓著咁滯
[版主回覆07/10/2010 17:58:00]咁波兒首歌無嘈醒妳咩?
個時想睇但最後又無睇過,暑假來臨,將會有很多卡通上
回覆刪除[版主回覆07/10/2010 17:57:00]依套唔睇都無乜損失，新不如舊~
我都好鍾意宮崎駿嘅作品, 不過呢一套完全冇睇兼冇興趣... 咁多套我最鍾意係風之谷.... 真係好好睇....
回覆刪除[版主回覆07/10/2010 17:56:00]風之谷 + 天空之城 - 依兩套可能太耐歷史，我印象最濛糊.......(依兩套我都無買DVD!)
龍貓、千與千尋、Howl's Moving Castle、魔女宅急便、夢幻街少女、飛天紅豬俠、幽靈公主、 再見螢火蟲、"歲月的童話"、"百變狸貓" - 依咋我就全部都買哂!
點只嘈醒， 仲要一齊唱添
回覆刪除[版主回覆07/10/2010 19:01:00]真係難為妳嘞!
記得睇尼套戲時..係香港朗豪坊睇...睇完之後就去左你介紹果間便廁餐廳食晏....
回覆刪除[版主回覆07/19/2010 05:22:00]都好鬼耐咯喎! 我記得妳仲話鬼我講錯地址比妳知~
好 enjoy 同你分享電影觀後感 , 發覺口味差唔多 , 特別係好憎套戲就非常之憎
回覆刪除Ponyo 嗰期係咁俾 D ringtone 轟炸 , 每聽一次都好掹憎 !
[版主回覆07/23/2010 17:56:00]個人比較愛恨分明! 鍾意就鍾意，討厭就討厭.......
Ponyo 真係用來呃細路! 戲 + 歌都虛有宮崎駿之名......